മാമ്പഴം കഴിക്കാൻ ആരാണ് ഇഷ്ടപ്പെടാത്തത്. മാമ്പഴം കൊണ്ടുണ്ടാക്കുന്ന എല്ലാ വിഭവങ്ങളും നല്ല രുചിയാണ്. വേനൽക്കാലത്ത് തണുത്ത മാംഗോ ലസ്സി അല്ലെങ്കിൽ ജ്യൂസ് ക്ഷീണം ഇല്ലാതാക്കുന്നു. വേനൽക്കാലത്ത് എല്ലാവരും വീട്ടിൽ ഉണ്ടാക്കുന്ന ഒരു സാധാരണ പാനീയമാണ് മാംഗോ ലസ്സി.
എന്നാൽ നിങ്ങൾ എപ്പോഴെങ്കിലും മാമ്പഴം കൊണ്ടുണ്ടാക്കുന്ന ലഡ്ഡൂകൾ കഴിച്ചിട്ടുണ്ടോ? മറ്റ് പലഹാരങ്ങളെ അപേക്ഷിച്ച് വളരെ വ്യത്യസ്തമാണ് ഈ മധുരം. മാമ്പഴവും തേങ്ങയുമാണ് ഈ മധുരം ഉണ്ടാക്കാൻ ഉപയോഗിക്കുന്നത്. രണ്ട് വസ്തുക്കളിലും പോഷക ഘടകങ്ങൾ കാണപ്പെടുന്നു. അതിന്‍റെ റെസിപ്പി നോക്കാം.
ചേരുവകൾ
½ കപ്പ് മാമ്പഴ പൾപ്പ്
അര കപ്പ് കണ്ടൻസ്ഡ് പാൽ
1 ടീസ്പൂൺ തേങ്ങാപ്പൊടി
1 ടീസ്പൂൺ ഏലക്ക പൊടി
1/2 കപ്പ് ഉണങ്ങിയ പഴങ്ങൾ
തയ്യാറാക്കുന്ന വിധം
അടിയിൽ കട്ടിയുള്ള ഒരു പാത്രം എടുത്ത് അതിൽ തേങ്ങ ഇളം ബ്രൗൺ നിറവും നല്ല മണവും വരുന്നതുവരെ വറുക്കുക. ഇനി പാനിൽ മാമ്പഴ പൾപ്പ് ഇട്ട് നന്നായി ഇളക്കുക.
ശേഷം കണ്ടൻസ്ഡ് മിൽക്ക്, ഡ്രൈ ഫ്രൂട്ട്സ് എല്ലാം ചേർത്ത് ഒരു നുള്ള് ഏലക്കാപ്പൊടി വിതറുക. അതിനുശേഷം, എല്ലാ ചേരുവകളും നന്നായി യോജിപ്പിക്കുക. ലഡ്ഡു മിശ്രിതം ചട്ടിയിൽ പറ്റിനിൽക്കാതിരിക്കാൻ ശ്രദ്ധിക്കുക. മാവ് പോലെ മുറുകുന്നത് വരെ ഇത് ഇളക്കിക്കൊണ്ടേയിരിക്കണം.
അതിന് ശേഷം ഗ്യാസ് ഓഫ് ചെയ്യുക. ഇനി ഈ മിശ്രിതം തണുപ്പിക്കുക. ഇത് തണുക്കുമ്പോൾ, മിശ്രിതത്തിന്‍റെ ഒരു ചെറിയ ഭാഗം കൈപ്പത്തിയിൽ എടുത്ത് ലഡ്ഡുവിന്‍റെ ആകൃതി നൽകുക. ഒരു പരന്ന ട്രേയിൽ തേങ്ങാപ്പൊടി എടുത്ത് അതിൽ തയ്യാറാക്കിയ ലഡ്ഡൂകൾ ഉരുട്ടുക. മാംഗോ ലഡൂ തയ്യാർ.
