പുതുവർഷത്തിൽ പുതിയ കലണ്ടർ ആരംഭിക്കുക മാത്രമല്ല, പുതിയ ഫാഷൻ, പുതിയ ട്രെൻഡുകൾ എന്നിവയും വരുന്നു. ഫാഷനബിൾ ആയി തോന്നാൻ താൽപ്പര്യമുണ്ടെങ്കിൽ ഈ പുതുവർഷം നിങ്ങൾക്ക് സവിശേഷമായിരിക്കും. കാരണം ഈ വർഷം നിരവധി പുതിയ വസ്ത്രങ്ങളും നിറങ്ങളും പാറ്റേണുകളും ഫാഷൻ ട്രെൻഡുകളിൽ ഉൾപ്പെടുത്തിയിട്ടുണ്ട്. ഇത് നിങ്ങളുടെ വ്യക്തിത്വത്തിന് മികച്ച രൂപം നൽകും.
ഏത്‌നിക്
ഫാഷനബിൾ വസ്ത്രങ്ങൾ ധരിക്കുന്നതിനേക്കാൾ പ്രധാനം അതിൽ നിങ്ങളുടേതായ ഒരു സ്റ്റൈൽ ഉണ്ടാക്കുക എന്നതാണ് എത്‌നിക് വെയർ രംഗൃതിയിലെ സിദ്ധാർത്ഥ് ബിന്ദ്ര പറയുന്നത്. ഫാഷൻ ട്രെൻഡ് അനുസരിച്ചാണ് എല്ലാവരും വസ്ത്രം ധരിക്കുന്നത് എന്നാൽ എല്ലാവരുടെയും കണ്ണ് പതിക്കുന്നത് അൽപ്പം വ്യത്യസ്തമായ ശൈലിയിലാണ്. എത്‌നിക്കിൽ ഈ വർഷം അനാർക്കലി സ്യൂട്ടുകൾ ഔട്ട് ഓഫ് ഫാഷൻ ആയിരിക്കും. അതുകൊണ്ട് തന്നെ ഇത്തവണയും പാർട്ടിയിൽ അനാർക്കലി സ്യൂട്ട് ധരിക്കാൻ ആലോചിക്കുന്നുണ്ടെങ്കിൽ അതിൽ ചില മാറ്റങ്ങൾ വരുത്തി അതിന്‍റെ ഫാഷൻ നിലനിർത്താം. അനാർക്കലിക്ക് പകരം ഫ്ലോർ ലെങ്ത് സ്യൂട്ട് ഫാഷനിൽ വരും അത് ഗൗണിലും സ്യൂട്ടായും ധരിക്കാം. ഇത്തവണ സ്‌ട്രെയ്‌റ്റ് സ്യൂട്ട്, ജാക്കറ്റ് സ്റ്റൈൽ സ്യൂട്ട് ഫാഷൻ ആയിരിക്കും. ചുരിദാറിനും സിമ്പിൾ പൈജാമിക്കും പകരം പലാസോ, ഷരാര, പാന്‍റ്സ് എന്നിവയുടെ ഫാഷൻ വരും.
നിങ്ങൾക്ക് സാരിയിൽ നിന്ന് ഒരു എത്‌നിക് ലുക്ക് ലഭിക്കണമെങ്കിൽ, സാരിയിൽ പ്രിന്‍റഡ് സാരിയാണ് ഫാഷനിലുള്ളത്, ബ്ലൗസിന് പകരം ക്രോപ്പ് ടോപ്പിന്‍റെ മാന്ത്രികത പ്രവർത്തിക്കും. ഈ ക്രോപ്പ് ടോപ്പ് സാരി, പലാസോ, പാന്‍റ്, പാവാട എന്നിവയ്‌ക്കൊപ്പവും കൊണ്ടുപോകാം. ഏത്‌നിക് വെയ്റിൽ ഇരുണ്ട നിറം ഫാഷനിലാണ്, എന്നാൽ ഇത്തവണ പീച്ച് നിറവും ഉണ്ട്. പീച്ച് നിറത്തിൽ കൂൾ ലുക്ക് ലഭിക്കും.
ഇന്നിപ്പോൾ മിക്‌സ് ആൻഡ് മാച്ചിന്‍റെ കാലമാണ്. മിക്‌സ് ആൻഡ് മാച്ച് ചെയ്യാൻ നിങ്ങൾക്ക് കുർത്തിയോ ലൈൻ സ്കർട്ടോ പാലാസോയോ വെസ്റ്റേൺ ടോപ്പിനൊപ്പം ഡെനിമും മിക്‌സ് ആൻഡ് മാച്ച് ചെയ്യാം. കുർത്തിക്കൊപ്പം പാവാടയുടെ ഫാഷനും ഇപ്പോഴുണ്ട്.
എത്‌നിക് വസ്ത്രങ്ങളിൽ തുണി എപ്പോഴും ശ്രദ്ധിക്കുക. സാംസ്കാരിക പൈതൃകം പ്രതിഫലിപ്പിക്കുന്ന തരത്തിലുള്ളതായിരിക്കണം തുണിത്തരങ്ങൾ. ആ വസ്ത്രം ധരിക്കുമ്പോൾ, നിങ്ങളുടെ ആക്സസറികളും പാദരക്ഷകളും എത്‌നിക് ആകാൻ ശ്രമിക്കുക. ഒരു എത്‌നിക് കുർത്തി ധരിക്കുകയും അതിനൊപ്പം ഫോർമൽ ഷൂസ് ധരിക്കുകയും ചെയ്താൽ, ആകർഷകമാകില്ല.
വെസ്റ്റേൺ വെയർ
സ്റ്റുഡിയോ ഡി റോയലിലെ ഫാഷൻ ഡിസൈനർ പുനീത് അഗർവാൾ പറയുന്നതനുസരിച്ച്, വെസ്റ്റേൺ ആണ് ഇഷ്ടമെങ്കിൽ മിഡി, മാക്സി ട്യൂണിക്ക് ടോപ്പ് ഇവ ധരിക്കുന്നത് ഈ സീസണിൽ നന്നായി തോന്നും.
ഈ വർഷവും പാശ്ചാത്യ വസ്ത്രങ്ങളിൽ വൺപീസ്, മാക്സി, ലോംഗ് ഗൗൺ എന്നിവ ഫാഷൻ ആകും. ഇതോടൊപ്പം മൈക്രോ പ്ലീറ്റിംഗും വീണ്ടും ട്രെൻഡിൽ ഉൾപ്പെടുത്തും.
പാശ്ചാത്യ ശൈലിയിലുള്ള നിറത്തെക്കുറിച്ച് സംസാരിക്കുകയാണെങ്കിൽ പിങ്ക്, ഓർക്കിഡ്, അക്വാ നിറങ്ങൾ ഉണ്ടാകും. പതിവുപോലെ പച്ചയും ചുവപ്പും ഫാഷനിൽ നിലനിൽക്കും. ഇത്തവണ പുതിയ കളർ ഡാർക്ക് ബർഗണ്ടി ഉൾപ്പെടുത്തുന്നു എന്നതാണ് ഈ വർഷത്തെ പ്രത്യേകത. ഈ നിറത്തിന്‍റെ പ്രത്യേകത എല്ലാ സ്കിൻ ടോണുകളുമായും യോജിക്കുന്നു എന്നതാണ്.
ഫ്രണ്ട് സിപ്പ്, ഹുഡി, പോക്കറ്റ് സ്റ്റൈൽ വസ്ത്രങ്ങൾ സ്റ്റൈലിലായിരിക്കും. ഫാഷൻ ട്രെൻഡിൽ ഇൻഡോ- വെസ്റ്റേണും ഉൾപ്പെടും, അതിൽ എ- ലൈൻ കുർത്തിയുള്ള പാന്‍റുകളുടെ ഫാഷൻ പ്രത്യേകമായിരിക്കും.
ഫ്ലോറൽ പ്രിന്‍റ് ഡ്രസ്സുകൾ ഉണ്ടെങ്കിൽ, അവ ടെൻഷനില്ലാതെ കൊണ്ടുപോകാം, കാരണം ഇത്തവണയും ഫ്ലോറൽ മാന്ത്രികത നിലനിൽക്കും.
ഫോർമൽ വസ്ത്രധാരണം
ഫോർമൽ വസ്ത്രധാരണത്തിൽ ഫാഷൻ എപ്പോഴും ഒരുപോലെയാണെങ്കിലും കറുപ്പിന്‍റെയും നീലയുടെയും വ്യത്യസ്ത ഷേഡുകൾ ധരിക്കാമെന്ന് ഫാഷൻ ഡിസൈനർ രോഹിണി ഗുഗ്വാനി പറയുന്നു. പ്രിന്‍റും ഡിസൈനും വലുതും ബോൾഡും ആയിരിക്കരുത് എന്നത് ഓർമ്മിക്കുക. ഇത്തവണ പാന്‍റ്സ് കൂടാതെ പാവാടയും ഫാഷനിലാണ്. ഫോർമലുകൾക്ക് ഒപ്പം ടൈറ്റുകളോ ലെഗ്ഗിംഗുകളോ ധരിക്കുന്നതും സ്മാർട്ട് ലുക്ക് നൽകും.
തീർച്ചയായും, സ്കിന്നി ജീൻസ് നിങ്ങളുടെ വ്യക്തിത്വത്തിന് അനുയോജ്യമാണ് എന്നാൽ വൈഡ് ലെഗ് ട്രൗസറും പലാസോ പാന്‍റും ട്രെൻഡിലാണ്. ഇത് ഒരു സ്റ്റൈലിഷ് ലുക്ക് നൽകും കൂടാതെ ഇത് ധരിക്കാൻ എളുപ്പമാണ്.
ഓഫീസ് ഡ്രസ്സിംഗ്
കടും നിറമുള്ള കമ്മലുകൾ ഒരിക്കലും ധരിക്കരുത്. ചില സ്ത്രീകൾ ധരിക്കുന്ന വസ്ത്രത്തിന്‍റെ അതേ നിറത്തിലുള്ള കമ്മലുകളും നെയിൽ പെയിന്‍റും ധരിക്കുന്നതും പലപ്പോഴും കാണാറുണ്ട്. ഓഫീസിൽ ഇത് നന്നായി കാണുന്നില്ല.
ഓഫീസിൽ ബാക്ക്‌ലെസ് ഡ്രസ് ആണ് ധരിക്കുന്നതെങ്കിൽ, സുതാര്യമായ സ്ട്രാപ്പുകൾഉള്ള ബ്രാ ധരിക്കുക. വലിയ ഫ്രില്ലുകളും റഫിളുകളും ഓഫീസിൽ നല്ലതായിരിക്കില്ല.
മിക്ക സ്ത്രീകളും ഒരു തരം ബ്രാ മാത്രമേ തിരഞ്ഞെടുക്കൂ. ഇത് ശരിയല്ല. എല്ലാ വസ്ത്രങ്ങളിലും ഒരേ ബ്രാ ധരിക്കരുത്. ചില വസ്ത്രങ്ങൾക്ക് പാഡ് ചെയ്ത ബ്രാ മികച്ചതായി കാണപ്പെടുന്നു, ചിലത് ബിക്കിനി ആകൃതിയിലാണ്. അതിനാൽ വസ്ത്രത്തിനൊപ്പം നിങ്ങളുടെ ബ്രായുടെ തിരഞ്ഞെടുപ്പും ശ്രദ്ധിക്കുക.
