നോൺ- വെജ് ഫുഡിൽ കൂടുതൽ പേര് ഇഷ്ടപ്പെടുന്നത് മീൻ വിഭവങ്ങൾ ആണ്. സ്‌പൈസി ആയ ചില്ലി ഗാർലിക് ഫിഷ് വീട്ടിൽ തന്നെ ഉണ്ടാക്കാം.
ചേരുവകൾ
500 ഗ്രാം മത്സ്യം 1 ഇഞ്ച് കഷണങ്ങളാക്കി എല്ലില്ലാതെ മുറിച്ചത്
പാചകത്തിന് 1 ടീസ്പൂൺ എണ്ണ
200 മില്ലി വറുക്കാനുള്ള എണ്ണ
8-10 പച്ചമുളക് നീളത്തിൽ മുറിച്ച് മുളകരി നീക്കം ചെയ്തത്
2 ഉള്ളി വട്ടത്തിൽ മുറിച്ചത്
1 ചെറിയ ഉള്ളി അരിഞ്ഞത്
1 കഷണം ഇഞ്ചി നേർത്ത കഷണങ്ങൾ ആയി മുറിച്ചത്
1 കപ്പ് കാപ്സിക്കം 1 ഇഞ്ച് കഷണങ്ങളായി മുറിച്ച് വിത്തുകൾ നീക്കം ചെയ്തത്
2 ടീസ്പൂൺ ഡാർക്ക്‌ സോയ സോസ്
1 ടീസ്പൂൺ ഓയസ്റ്റർ സോസ്
1/2 ടീസ്പൂൺ പഞ്ചസാര
2 ടീസ്പൂൺ അരിഞ്ഞ വെളുത്തുള്ളി.
2 ടീസ്പൂൺ നാരങ്ങ നീര്
1/2 ടീസ്പൂൺ ഉപ്പ്, കുരുമുളക്.
ബാറ്റർ
1/2 കപ്പ് കോൺഫ്ലോർ
1 മുട്ടയും ഉപ്പും രുചിക്കനുസരിച്ച്.
ധാന്യപ്പൊടി പേസ്റ്റ്
ഇതിനായി 1 ടീസ്പൂൺ കോൺസ്റ്റാർച്ച് 4 ടീസ്പൂൺ വെള്ളത്തിൽ കലർത്തുക.
പാചക രീതി
മീൻ കഷണങ്ങളിൽ ഉപ്പ്, നാരങ്ങ നീര്, വെളുത്തുള്ളി പേസ്റ്റ് എന്നിവ പുരട്ടി 15 മിനിറ്റ് വയ്ക്കുക. ഇനി കോൺഫ്‌ളോറും മുട്ടയും ചേർത്ത് മാവ് തയ്യാറാക്കി അതിലേക്ക് കുറച്ച് ഉപ്പ് ചേർക്കുക. ഇനി മീൻ പുറത്തെടുത്ത് മാവിൽ മുക്കി വറുത്തെടുക്കുക. എന്നിട്ട് ടിഷ്യൂ പേപ്പറിൽ എണ്ണ വലിയാൻ വയ്ക്കുക.
ഇനി ഫ്രൈപാനിൽ കുറച്ച് എണ്ണ ചൂടാക്കുക. അതിൽ ഉള്ളി ഇട്ടു 30 സെക്കൻഡ് ഫ്രൈ ചെയ്യുക. ഇനി ചെറുതായി അരിഞ്ഞ വെളുത്തുള്ളിയും ഇഞ്ചിയും മിക്സ് ചെയ്ത് 30 സെക്കൻഡ് ഫ്രൈ ചെയ്യുക. എന്നിട്ട് അതിൽ പച്ചമുളക് കഷ്ണങ്ങൾ മിക്സ് ചെയ്ത് കുറച്ച് നിമിഷങ്ങൾ ഫ്രൈ ചെയ്യുക. ഇനി കാപ്സിക്കം ചേർത്ത് 2 മിനിറ്റ് ഇളക്കി കൊണ്ടിരിക്കുക.
എന്നിട്ട് തീയിൽ നിന്ന് മാറ്റി വെക്കുക. ഇനി പാത്രത്തിൽ കുറച്ച് എണ്ണ, വറുത്ത മീൻ, സോയാ സോസ്, ഓയിസ്റ്റർ സോസ്, പഞ്ചസാര, കുറച്ച് വെള്ളം എന്നിവ ഇട്ട് തിളയ്ക്കുന്നത് വരെ വേവിക്കുക.
ഇനി കോൺസ്റ്റാർച്ച് പേസ്റ്റ് ചേർത്ത് സോസ് കട്ടിയാകുന്നത് വരെ ഇളക്കി എടുക്കുക. അതിനുശേഷം ചെറുതായി അരിഞ്ഞ ഉള്ളി കൊണ്ട് അലങ്കരിച്ച് ചൊറിനോ നൂഡിൽസിനോ ഒപ്പം വിളമ്പുക.
