ദക്ഷിണേന്ത്യൻ ഭക്ഷണം എല്ലാവർക്കും വളരെ ഇഷ്ടമാണ്. റൈസ് തന്നെ വിവിധ തരത്തിൽ നമുക്ക് ടേസ്റ്റി വിഭവം ആക്കാൻ കഴിയും. നിങ്ങൾ പൈനാപ്പിൾ റൈസിന്‍റെ പാചകക്കുറിപ്പ് പരീക്ഷിച്ചിട്ടുണ്ടോ? ഇത് ആരോഗ്യകരവും രുചികരവുമാണ്, വീട്ടിൽ തന്നെ എളുപ്പത്തിൽ തയ്യാറാക്കാം.
ചേരുവകൾ
1 കപ്പ് അരി
2 കപ്പ് വെള്ളം
1/2 ടീസ്പൂൺ മഞ്ഞൾ പൊടി
1 ടീസ്പൂൺ ദേശി നെയ്യ്
2 ടീസ്പൂൺ തേങ്ങ ചിരകിയത്
2 ടീസ്പൂൺ പാൽപ്പൊടി
2 ടീസ്പൂൺ നാരങ്ങ നീര്
100 ഗ്രാം പൈനാപ്പിൾ അരിഞ്ഞത്
1 ടീസ്പൂൺ കടുക്
2 ടീസ്പൂൺ വറുത്ത നിലക്കടല
2 ടീസ്പൂൺ ഉണക്കമുന്തിരി
2 ടീസ്പൂൺ കശുവണ്ടി
2 പച്ചമുളക് അരിഞ്ഞത്
2 ചുവന്ന മുളക് അരിഞ്ഞത്
1 ടീസ്പൂൺ ലെമൺ ഗ്രാസ്
50 ഗ്രാം ഉള്ളി നീളത്തിൽ അരിഞ്ഞത്
അല്പം സാമ്പാർ മസാല
ഉപ്പ് പാകത്തിന്.
തയ്യാറാക്കുന്ന വിധം
അരി കഴുകി 11/2 കപ്പ് വെള്ളത്തിൽ 20 മിനിറ്റ് കുതിർക്കുക. ഇതിൽ പാൽപ്പൊടി 1/2 കപ്പ് വെള്ളത്തിൽ ലയിപ്പിച്ച് ഇടുക.
അരിയിൽ മഞ്ഞൾപ്പൊടിയും ഉപ്പും ചേർത്ത് ചെറിയ തീയിൽ മൂടി വെച്ച് വേവിക്കുക. അരി പാകമാകുമ്പോൾ തീ ഓഫ് ചെയ്ത് നാരങ്ങാനീര് ചേർക്കുക.
ലെമൺ ഗ്രാസ് കുറച്ച് വെള്ളമൊഴിച്ച് നല്ല പേസ്റ്റ് രൂപത്തിലാക്കിയെടുക്കുക.
ചട്ടിയിൽ നെയ്യ് ഒഴിച്ച് സവാള സ്വർണ്ണ നിറമാകുന്നത് വരെ വറുത്ത് എടുക്കുക. ശേഷം കശുവണ്ടിയും ബദാമും വഴറ്റുക. ഉണക്കമുന്തിരിയും ചെറുതായി വറുത്ത് മാറ്റി വയ്ക്കുക.
വേറൊരു പാനിൽ തേങ്ങ ബ്രൗൺ നിറമാകുന്നത് വരെ വറുത്ത് മാറ്റി വയ്ക്കുക. ഒരു പാനിൽ 11/2 ടീസ്പൂൺ നെയ്യിൽ കടുകും പച്ചമുളകും ഇട്ട് വഴറ്റുക. ഇനി ചുവന്ന മുളക് ചേർത്ത് വഴറ്റുക. ശേഷം ലെമൺ ഗ്രാസ് ഇട്ട് 1 മിനിറ്റ് ഫ്രൈ ചെയ്യുക.
സാമ്പാർ മസാല ചേർത്ത് പൈനാപ്പിൾ കഷ്ണം ഇവ ചേർത്ത് അല്പം വഴറ്റുക. ഇതിലേക്ക് റൈസ് ചേർക്കുക, മസാല നന്നായി മിക്സ് ചെയ്ത് വേവിക്കുക.
ശേഷം കശുവണ്ടി, ഉണക്കമുന്തിരി, ഉള്ളി, തേങ്ങ, കടല എന്നിവ കൊണ്ട് അലങ്കരിച്ച് ചൂടോടെ വിളമ്പുക.
