സാരികൾ എപ്പോഴും സ്ത്രീകളുടെ വ്യക്തിത്വത്തെ ഉയർത്തിക്കാട്ടുന്നു. എത്ര ആധുനികത വന്നാലും നമ്മുടെ നാട്ടിൽ സാരികൾ തന്നെയായിരിക്കും സ്ത്രീകളുടെ പ്രിയ വസ്ത്രം. “രണ്ടായിരം വർഷം പഴക്കമുള്ള മഹാരാഷ്ട്രയിലെ പൈതാനി സാരിയെ സാരികളുടെ രാജ്ഞി എന്നാണ് വിളിക്കുന്നത്. ഓരോ വധുവും തന്‍റെ വാർഡ്രോബിൽ അത്തരമൊരു സാരി സൂക്ഷിക്കാൻ ഇഷ്ടപ്പടുന്നു. ഏത് രൂപത്തിലായാലും എല്ലാ സ്ത്രീകൾക്കും സാരി ഇഷ്ടമാണ്. മാറുന്ന കാലത്തിനനുസരിച്ച് നിറത്തിലും പാറ്റേണിലും വസ്ത്രധാരണത്തിലും വ്യത്യാസങ്ങൾ ഉണ്ടകുന്നു എന്നാൽ ഇന്നും ഈ സാരി അതിന്‍റെ മാന്യതയും ചാരുതയും നിലനിർത്തുന്നു.
ഔറംഗബാദിലെ പൈത്താൻ എന്ന പട്ടണത്തിൽ ഉത്ഭവിച്ച സാരിയാണ് പൈതാനി. ഇത് കൈകൊണ്ട് നെയ്ത ‘ഫൈൻ സിൽക്ക്’ ആണ്. ഇത് ഇന്ത്യയിലെ ഏറ്റവും മികച്ച സാരിയായി കണക്കാക്കപ്പെടുന്നു. വശങ്ങളും പല്ലുവും അവയുടെ സവിശേഷമായ രൂപകൽപ്പനയ്ക്ക് പേരുകേട്ടതാണ്. ചതുരാകൃതിയിലും ദീർഘചതുരാകൃതിയിലും ഉള്ള പല്ലു, തത്ത, താമര, ഹംസം, തെങ്ങ്, മയിൽ മുതലായ ഡിസൈനുകൾ വളരെ പ്രശസ്തമാണ്.
മറ്റ് സാരികളിൽ നിന്ന് വ്യത്യസ്തമാണ്
ഈ സാരികൾ ധരിക്കുന്ന വ്യക്തിക്ക് പ്രത്യേക അനുഭവം നൽകുന്നു. നേരത്തെ ഈ സാരികൾ യഥാർത്ഥ സ്വർണ്ണം, വെള്ളി കമ്പികൾ കൊണ്ടാണ് നിർമ്മിച്ചിരുന്നത്. അവ വളരെ ഭാരമുള്ളതും ചെലവേറിയതുമാണ്. ഇത്തരം സാരികൾക്ക് പേഷ്വകൾക്കിടയിൽ പ്രത്യേക പ്രാധാന്യമുണ്ടായിരുന്നു. ഒരു കിലോ സ്വർണത്തിൽ ചെമ്പ് കമ്പി കലർത്തിയാണ് നെയ്തത്. ‘നാർലി’യും ‘പങ്കി’ പല്ലും അക്കാലത്ത് വളരെ പ്രചാരത്തിലായിരുന്നു.
കാലം മാറിയതോടെ സ്ത്രീകളുടെ സ്റ്റൈലും മാറി. ഇന്ന് കോട്ടൺ മുതൽ സിൽക്ക് വരെ എല്ലാത്തരം വിപണികളിലും പൈതാനി സാരികൾ ലഭ്യമാണ്. 800 മുതൽ 900 ഗ്രാം വരെ ഭാരമുള്ള 200- 250 ഗ്രാം സാരി, 700 ഗ്രാം പട്ട് എന്നിവ ഉപയോഗിച്ചാണ് ഈ സാരികൾ നിർമ്മിച്ചിരിക്കുന്നത്. അധികം ഭാരമില്ല. കാലിഡോസ്കോപ്പിക് ലുക്ക് ഉള്ള തരത്തിലാണ് ഈ സാരികൾ നെയ്തിരിക്കുന്നത്. മറ്റ് സാരികളിൽ നിന്ന് വ്യത്യസ്തമായ ഐഡന്‍റിറ്റിയാണ് ഇവയ്ക്കുള്ളത്.
ഇതിനെക്കുറിച്ച് ഡിസൈനർ ശ്രുതി സഞ്ചേതി പറയുന്നു, “കാലം മാറുന്നതനുസരിച്ച് ഈ സാരികൾ അവയുടെ രൂപവും മാറി. ഇവ നെയ്യാൻ വളരെ ബുദ്ധിമുട്ടാണ്. വ്യത്യസ്ത നിറങ്ങളിലുള്ള ത്രെഡുകൾ യോജിപ്പിച്ചാണ് ഇവ നെയ്തിരിക്കുന്നത് ഇത് ത്രിമാന രൂപം നൽകുന്നു. ഇന്നത്തെ സ്ത്രീകൾ ഭാരമുള്ള സാരി ധരിക്കാൻ ആഗ്രഹിക്കുന്നില്ല. അത്തരമൊരു സാഹചര്യത്തിൽ ഞാൻ അതേ രൂപത്തിൽ സാരിക്ക് പകരം ‘ടെസ്റ്റഡ് ഗോൾഡ്’ ഉപയോഗിച്ച് പൈതാനി ഡിസൈൻ ചെയ്തു. താങ്ങാനാവുന്ന വിലയ്ക്ക് പുറമേ ഈ സാരി ഗ്ലാമറും ചാരുതയും എടുത്തുകാണിക്കുന്നു. ഇത്തരം ഡിസൈനിലുള്ള സാരികൾക്ക് ഇക്കാലത്ത് ആവശ്യക്കാരേറെയാണ്.
ശ്രുതി പറയുന്നു, “ഈ ഡിസൈനുകൾ കോട്ടണിലും സിൽക്കിലും ഒരുപോലെയാണ് നിർമ്മിക്കുന്നത്. കൂടാതെ നേരത്തെ 6- 7 ഇഞ്ച് വീതിയുണ്ടായിരുന്ന ബോർഡർ ഇപ്പോൾ 3 ഇഞ്ചായി കുറഞ്ഞു. ഇന്നത്തെ ‘കണ്ടംപററി മോട്ടിഫുകൾ’ കൂടുതൽ അതിലോലമായവയാണ് ഉപയോഗിച്ചിരിക്കുന്നത് അതിനാൽ സാരിയുടെ തിളക്കം നിലനിർത്തുന്നു. ഇതുകൂടാതെ, ഒരിക്കൽ വാങ്ങിയാൽ ഈ സാരികൾ വ്യത്യസ്ത രീതികളിൽ ‘മിക്സ് ആൻഡ് മാച്ച്’ ചെയ്ത് എല്ലാ അവസരങ്ങളിലും ധരിക്കാൻ കഴിയും. ഇതിനൊപ്പം ജാക്കറ്റ്, പ്രത്യേക ചോളി, ബ്ലൗസ് തുടങ്ങിയവയെല്ലാം ഉപയോഗിക്കാം.
പൈതാനി സാരികൾ സ്ത്രീകൾക്കിടയിൽ കൂടുതൽ പ്രചാരത്തിലായത്തോടെ ഫാഷൻ ഷോകൾക്കൊപ്പം ഇടയ്ക്കിടെ നിരവധി പ്രദർശനങ്ങളും സംഘടിപ്പിക്കാറുണ്ട്. ‘ന്യൂവെബ് പൈതാനി’ സാരികളുടെ ഉത്സവം എല്ലാ വർഷവും മുംബൈയിലോ അതിന്‍റെ പരിസര പ്രദേശങ്ങളിലോ സംഘടിപ്പിക്കാറുണ്ട്.
പൈതാനിയിൽ പുരാതന കലയെ പുനർനിർമ്മിക്കാനും എല്ലാ പ്രായത്തിലുമുള്ള സ്ത്രീകളെ ആകർഷിക്കുന്ന സമകാലിക ഡിസൈനുകൾ സൃഷ്ടിക്കാനുമാണ് ഞാൻ ശ്രമിക്കുന്നത്.. ഡിസൈനിൽ പുതുമ കൊണ്ടുവരുന്നതിൽ ടെക്സ്ചർ, കളർ, ക്രോസ് ബോർഡർ എന്നിവയുടെ സ്വാധീനം പ്രധാന പങ്ക് വഹിക്കുന്നു. പൈതാനി നെയ്ത്തുകാർ മഹാരാഷ്ട്രയിലുടനീളമുണ്ട്. നൂറോളം നെയ്ത്തുകാരാണ് എന്‍റെ കൂടെ ജോലി ചെയ്യുന്നത്. അവർ എന്‍റെ സ്വന്തം ഡിസൈനുകൾ നെയ്തു തരുന്നു.”
“എല്ലായ്‌പ്പോഴും പുതിയ ഡിസൈൻ ആരെയും ആകർഷിക്കുന്നു. അതിനാൽ ബംഗാളിലെ ജംദാനി കലർത്തി പൈതാനിയിൽ ഞാൻ പരിചയപ്പെടുത്തി. അതുകൊണ്ടാണ് ഡിസൈൻ ക്രീയേറ്റ് ചെയ്യുന്നത് എനിക്ക് എളുപ്പമായി തോന്നുന്നത്. വ്യത്യസ്തവും മനോഹരവുമാകുമ്പോൾ ഏത് ഡിസൈനും ആകർഷിക്കും. വ്യത്യസ്തമായ ടെക്‌സ്‌ചറുകൾ, നിറങ്ങൾ, മോട്ടിഫുകൾ എന്നിവ ഉപയോഗിച്ച് പുതിയ രൂപം നൽകാൻ ഞാൻ എപ്പോഴും ശ്രമിക്കാറുണ്ട്. വിദേശത്ത് താമസിക്കുന്ന ഇന്ത്യക്കാരും ഇതിന്‍റെ വില അറിഞ്ഞ് ഓർഡർ ചെയ്ത് ധരിക്കുന്നു. ഇപ്പോൾ പതുക്കെ ‘ഇന്ത്യൻ ടെക്സ്റ്റൈൽ’ ലോകമെമ്പാടും എത്തുന്നു” ഡിസൈനർ സാരംഗ് പറയുന്നു.
സാരി ടിപ്‌സ്
- സാരി ഉടുത്തു കഴിഞ്ഞാൽ തുറസ്സായ സ്ഥലത്ത് ഉണക്കി അലമാരയിൽ സൂക്ഷിക്കുക.
- സാരിയിൽ എന്തെങ്കിലും വീണാൽ ഉടൻ വൃത്തിയാക്കി ഉണക്കുക.
- നനഞ്ഞതും ഈർപ്പമുള്ളതുമായ അന്തരീക്ഷതിൽ നിന്ന് സംരക്ഷിക്കുക.
- വർഷത്തിലൊരിക്കൽ ഇളം സൂര്യപ്രകാശത്തിൽ ഉണക്കുക.
- പച്ച നിറമുള്ള മസ്‌ലിൻ തുണികൊണ്ട് സാരി പൊതിഞ്ഞ് സൂക്ഷിക്കുക.
