പ്രണയം നിരാകരിച്ചതിന്‍റെ പേരിൽ കേരളത്തിൽ കഴിഞ്ഞ ദിവസമാണ് ഒരു യുവ ഡോക്ടറെ ഒരു യുവാവ് വെടിവെച്ചു കൊലപ്പെടുത്തുകയും സ്വയം വെടിവെച്ചു മരിക്കുകയും ചെയ്തത്. കേരളത്തെ നടുക്കിയ വെടിവയ്പ് സംഭവത്തിലെ രണ്ട് ഇരകളും ഇൻസ്റ്റഗ്രാമിലൂടെ സുഹൃത്തുക്കൾ ആയവരാണ്. തുടർന്ന് ആ സൗഹൃദം മുന്നോട്ട് കൊണ്ടുപോകാൻ പെൺകുട്ടി താല്പര്യം പ്രകടിപ്പിക്കാതെ വന്നപ്പോൾ ഈ കടും കൈ ചെയ്യാൻ യുവാവ് തയ്യാറാവുകയായിരുന്നു.
മറ്റൊരു സംഭവം ഇങ്ങനെ. സൗരഭ് ബന്ധുവിന്‍റെ വിവാഹചടങ്ങിലാണ് ആ പെൺകുട്ടിയെ ആദ്യമായി കണ്ടത് ആദ്യത്തെ കാഴ്ചയിൽ തന്നെ അവന് ആ പെൺകുട്ടിയെ ഇഷ്ടമായി. കല്യാണം കഴിഞ്ഞപ്പോൾ പെൺകുട്ടിയും തിരികെ പോയി. പക്ഷേ, സൗരഭ് വൺ വേ പ്രണയത്തിൽ ഭ്രാന്തനായി. ദിവസവും ആ പെൺകുട്ടിയെ ആലോചിച്ച് ദുഖിതനായി.
പെൺകുട്ടിയെക്കുറിച്ച് തന്‍റെ ബന്ധുവിനോട് ചോദിച്ചറിയാനും അവളെ കാണാനുമുള്ള ആഗ്രഹം പ്രകടിപ്പിച്ചു. എന്നാൽ അവന്‍റെ ബന്ധു പറഞ്ഞു, “നിങ്ങൾ ശിഖയുമായി പ്രണയത്തിലാണെന്നോ, അവളുടെ വിവാഹനിശ്ചയം കഴിഞ്ഞു. 2 മാസത്തിനു ശേഷം വിവാഹിതയാകാൻ പോകുന്ന കുട്ടിയാണ്.” ആ ചിന്തകളൊക്കെ മറന്നേക്കാൻ ബന്ധു ഉപദേശിച്ചു. അതോടെ സൗരഭിന്‍റെ സ്വപ്നങ്ങളെല്ലാം തകർന്നു. അവൻ വളരെ വിഷാദത്തിലായി, അത് അവനെ ക്രമേണ ആത്മഹത്യയിലേക്ക് നയിച്ചു.
പ്രണയം തോന്നുകയും നഷ്ടപ്പെടുമ്പോൾ പകയോ ദേഷ്യണോ നിരാശയോ തോന്നുകയും ചെയുന്നത് സ്വാഭാവികം ആണ്. എന്നാൽ അത് ജീവൻ എടുക്കുന്ന തരത്തിലേക്ക് മാറുന്നത് തികച്ചും അവിവേകമാണ്.
വൺ വേ പ്രണയങ്ങൾ എന്തു കൊണ്ടാണ് ഇത്രയും അപകടം ഉണ്ടാക്കുന്നത് എന്ന് ശ്രദ്ധിച്ചിട്ടുണ്ടോ. ഒരാൾക്ക് തന്നോട് ഭ്രാന്തമായി പ്രണയമുണ്ടെന്ന് പോലും അറിയാത്ത ഒരാളെ അംഗീകരിക്കണോ വേണ്ടയോ എന്ന ചോദ്യം എവിടെയാണ് ഉയരുന്നത്.
ആരെയെങ്കിലും സ്നേഹിക്കുകയോ സ്നേഹിക്കപ്പെടുകയോ ചെയ്യുന്നുണ്ടെങ്കിൽ, നിങ്ങളുടെ മനസ്സിൽ ഉള്ള കാര്യം തുറന്നു പറയാൻ മടിക്കരുത്. അല്ലെങ്കിൽ വൈകരുത്. സമയബന്ധിതമായി ഇതിനെക്കുറിച്ച് പറയുക, ആ വ്യക്തി അത് നിരസിക്കുകയാണെങ്കിൽ പിന്നോട്ട് പോകുന്നതാണ് നല്ലത്. അയാൾക്ക് ഉത്തരം പറയാൻ കുറച്ച് സമയം വേണമെങ്കിൽ, അത് നൽകണം.സ്നേഹത്തിൽ ഒരു നിർബന്ധവും നിബന്ധനകളും ഗുണം ചെയ്യില്ല.
സ്നേഹം നിരസിക്കപ്പെട്ടാൽ, ലോകം അവസാനിച്ചു എന്നല്ല ഇതിനർത്ഥം. അത്തരമൊരു സാഹചര്യത്തിൽ, പ്രതികാരം ചെയ്യുന്നതിനെക്കുറിച്ചോ ആ വ്യക്തിയെ ഒരു പാഠം പഠിപ്പിക്കുന്നതിനെക്കുറിച്ചോ ആണ് ചിലർ ചിന്തിക്കുന്നത്.
ആൺകുട്ടികൾ അവരുടെ ഏകപക്ഷീയമായ സ്നേഹം പ്രകടിപ്പിക്കാൻ ഉത്സുകരാകുമ്പോൾ, പെൺകുട്ടികൾക്ക് അവരുടെ ലജ്ജ കാരണം അത് പ്രകടിപ്പിക്കാൻ കഴിയുന്നില്ല.
പലപ്പോഴും ഒരാളിലേക്ക് ആകർഷിക്കപ്പെടുമ്പോൾ, ഭൂരിപക്ഷം പേരും ആ ആകർഷണത്തെ സ്നേഹമായി ചിന്തിക്കാൻ തുടങ്ങും. എന്നാൽ ഇവ രണ്ടും വ്യത്യസ്ത കാര്യങ്ങളാണ്. ആകർഷണം വെറും ഭ്രമമാണ്, സ്നേഹം വികാരങ്ങളെ അടിസ്ഥാനമാക്കിയുള്ളതാണ്, ആകർഷണം കാമത്തെ അടിസ്ഥാനമാക്കിയുള്ളതാണ്. കാമത്തിന് സ്നേഹത്തിന്‍റെ പേര് നൽകുന്നത് ബുദ്ധിയല്ല. വൺ വേ പ്രണയത്തിലെ പരാജയത്തെ വഞ്ചന എന്ന് വിളിക്കാനാവില്ല, കാരണം അയാൾക്ക് ഇതിനെക്കുറിച്ച് കാര്യമായ അറിയില്ല. സ്നേഹം അംഗീകരിക്കപ്പെട്ടാൽ, മനസ്സിന്‍റെ ആഗ്രഹം നിറവേറ്റാൻ കഴിയുമെന്നു മാത്രം കരുതുക. അല്ലാത്തപക്ഷം ബന്ധപ്പെട്ട വ്യക്തിയെ കുറ്റപ്പെടുത്തുന്നത് ശരിയല്ല.
സ്നേഹത്തിനുപകരം സ്നേഹമാണ് നമുക്ക് വേണ്ടത്, എന്നാൽ സ്നേഹം ഏകപക്ഷീയമാകുമ്പോൾ, നമുക്ക് അത് ലഭിക്കുകയില്ല. ഒരാളുടെ ആരാധകനോ ആരാധികയൊ ആയിരിക്കുക എന്നത് മറ്റൊരു കാര്യമാണ്, സ്നേഹിക്കുന്നത് മറ്റൊരു കാര്യമാണ്.
ആരെയെങ്കിലും ഏകപക്ഷീയമായി സ്നേഹിച്ചു എന്നത് കൊണ്ട് ആ വ്യക്തിയുടെ ജീവിതത്തിൽ ഇടപെടാൻ മറ്റൊരാൾക്ക് അവകാശമില്ല. അവർ സ്വന്തം ഇഷ്ടപ്രകാരം ജീവിക്കട്ടെ. നിങ്ങളുടെ ഏക പക്ഷീമായ സ്നേഹം വേദന നൽകുന്നതാണ്. എന്നാൽ ആ വേദന പക ആയി വളരാൻ അനുവദിക്കരുത്.
