നമ്മുടെ ഭക്ഷണത്തിൽ പയർ വർഗ്ഗങ്ങൾക്ക് പ്രത്യേക സ്ഥാനമുണ്ട്. നാം പലപ്പോഴും വ്യത്യസ്ത തരം പയർവർഗ്ഗങ്ങൾ കഴിക്കാറുണ്ട്, എന്നാൽ ഈ പയറുകളിൽ എത്ര ഗുണങ്ങൾ മറഞ്ഞിരിക്കുന്നുവെന്ന് നിങ്ങൾക്കറിയാമോ?
പയറുവർഗ്ഗങ്ങളായ രാജ്മ, ചെറുപയർ, മസൂര്‍ ദാല്‍, വെള്ളക്കടല മുതലായവയിൽ ധാരാളം പ്രോട്ടീൻ, ഫൈബർ, വിറ്റാമിനുകൾ, ഇരുമ്പ് തുടങ്ങിയ പോഷകങ്ങൾ അടങ്ങിയിട്ടുണ്ട്. നിങ്ങൾ ഒരു വെജിറ്റേറിയൻ ആണെങ്കിൽ, എല്ലാ ദിവസവും പയറുവർഗ്ഗങ്ങൾ ഭക്ഷണത്തിൽ ഉൾപ്പെടുത്തുക. ഇവയിൽ ഏതൊക്കെ ഗുണങ്ങൾ ഒളിഞ്ഞിരിക്കുന്നുവെന്ന് നമുക്ക് നോക്കാം.
- രാജ്മ
രജ്മയിൽ (കിഡ്നി ബീൻസ്) ധാരാളം പ്രോട്ടീൻ അടങ്ങിയിട്ടുണ്ട്. മാത്രമല്ല, ഇരുമ്പ്, ഫോസ്ഫറസ്, മഗ്നീഷ്യം, വിറ്റാമിൻ ബി9 എന്നിവ ഇതിൽ കാണപ്പെടുന്നു. സോയ ഉൽപന്നങ്ങളേക്കാൾ കൂടുതൽ പ്രോട്ടീൻ രജ്മയിൽ അടങ്ങിയിട്ടുണ്ട്.
- മസൂര്‍ ദാല്‍ (ചുവന്ന പയര്‍)
ഈ പയറുവർഗ്ഗത്തിന്‍റെ ചില സവിശേഷതകൾ അത് ചൂടുള്ളതും രക്തം വർദ്ധിപ്പിക്കുകയും രക്ത സാന്ദ്രത വർദ്ധിപ്പിക്കുകയും ചെയ്യാന്‍ സഹായിക്കുന്നു എന്നതാണ്. മസൂര്‍ ദാല്‍ (റെഡ് ലെന്‍റില്‍) കഴിക്കുന്നത് വളരെയധികം ശക്തി നൽകുന്നു. വയറിളക്കം, പോളിയൂറിയ, രക്താർബുദം, മലബന്ധം, ദഹനക്കേട് എന്നിവയ്ക്ക് പയറ് കഴിക്കുന്നത് ഗുണം ചെയ്യും. സൗന്ദര്യത്തിന്‍റെ കാര്യത്തിലും ഈ പയര്‍ വളരെ ഉപയോഗപ്രദമാണ്.
- കാബൂലി ചന
കാബൂലി ചന (വെള്ള കടല), പച്ച കടല, ചുവന്ന കടല എന്നിങ്ങനെ മൂന്ന് തരം കടലകള്‍ ഉണ്ട്. കാർബോഹൈഡ്രേറ്റ്, പ്രോട്ടീൻ, ഫൈബർ, കാൽസ്യം, ഇരുമ്പ്, വിറ്റാമിനുകൾ എന്നിവ ഇതിൽ കാണപ്പെടുന്നു. വിളർച്ച, മലബന്ധം, പ്രമേഹം, മഞ്ഞപ്പിത്തം തുടങ്ങിയ വിഷമതകളിൽ ഇവയുടെ ഉപയോഗം ഗുണം ചെയ്യും. മുടിയുടെയും ചർമ്മത്തിന്‍റെയും സൗന്ദര്യത്തിന് വെള്ളക്കടല ഗുണകരമാണ്.
- കറുത്ത പയർ
കറുത്ത പയർ ഗർഭിണികൾക്ക് വളരെ ഗുണം ചെയ്യും, കാരണം അതിൽ ഫോളേറ്റ് കാണപ്പെടുന്നു. കുട്ടികളുടെ വികാസത്തിന് അത്യാവശ്യ ഘടകമാണ്. ഒരു പാത്രം കറുത്ത പയർ ഫോളേറ്റിന്‍റെ 90 ശതമാനം വരെ നിറവേറ്റും. ഇതിൽ നല്ല അളവിൽ ഫൈബറും പ്രോട്ടീനും അടങ്ങിയിട്ടുണ്ട്. ഇത് മുളപ്പിച്ച് ദിവസവും കഴിക്കുന്നത് വളരെ പ്രയോജനകരമാണ്.
- ചെറുപയർ പരിപ്പ്
ചെറുപയർ പരിപ്പ് പോഷകങ്ങളാൽ സമ്പന്നമാണ്. മുളപ്പിച്ചതിനു ശേഷം അതിൽ കാൽസ്യം, ഇരുമ്പ്, പ്രോട്ടീൻ, കാർബോഹൈഡ്രേറ്റ്, വിറ്റാമിൻ എന്നിവയുടെ അളവ് ഇരട്ടിയാകുന്നു. ഇത് ഒരു പവർ ബൂസ്റ്ററാണ്. പനി, മലബന്ധം എന്നിവയുള്ള രോഗികൾക്ക് ഗുണം ചെയ്യും.
