സോമിയുടെ ഓഫീസിൽ എല്ലാവരും വലിയ സന്തോഷത്തിലാണ്. എല്ലാ ജീവനക്കാർക്കും 10 ശതമാനം ഇൻക്രിമെന്‍റ് കമ്പനി അനുവദിച്ചിരുന്നു. പക്ഷേ സോമിക്ക് അതിൽ സന്തോഷം ഒന്നും തോന്നിയില്ല കാരണം ചോദിച്ചപ്പോൾ സോമി പൊട്ടിക്കരഞ്ഞു, “എന്‍റെ ശമ്പളം എന്‍റേതല്ല, അത് ഞാൻ വീട്ടിൽ കൊടുക്കുന്നു.”
ശമ്പളം വർദ്ധനവ് എന്നാൽ കൂടുതൽ ജോലിയാണ്, പക്ഷേ എനിക്ക് ലഭിക്കുന്നത് ജോലി മാത്രമാണ്. ശമ്പളം കിട്ടുന്നത് അങ്ങനെ തന്നെ ഭർത്താവിന് കൊടുക്കേണ്ടി വരുന്നു. എന്‍റെ ഭർത്താവ് ഓരോ മാസവും ചിലവിനായി ആയിരം രൂപ തരും. കാശ് ചോദിക്കുമ്പോൾ, അമിതമായി ചെലവഴിക്കുന്നു എന്ന് കുറ്റപ്പെടുത്തും.”
സ്വയം പണി എടുക്കുകയും അത് ഉപയോഗിക്കാൻ കഴിയാതെ വരികയും ചെയ്യുന്ന സോമിയെപ്പോലുള്ള സ്ത്രീകൾ പലയിടത്തും ഉണ്ട്. അവർ ഭർത്താവിനും കുടുംബത്തിനും സമ്പാദിക്കുന്ന ഒരു യന്ത്രം മാത്രമാണ്. പണം എങ്ങനെ ചെലവഴിക്കണം, എവിടെ നിക്ഷേപിക്കണം എന്നത് ഭർത്താവ് അല്ലെങ്കിൽ പിതാവ് തീരുമാനിക്കുന്നു.
റിതികയുടെ കഥ സോമിയുടേതിൽ നിന്ന് വ്യത്യസ്തമല്ല. റിതികയുടെ ശമ്പളം വന്നയുടനെ പണം മുഴുവൻ വിഭജിക്കപ്പെടുന്നു. കുട്ടികളുടെ സ്‌കൂൾ ഫീസ്, ഭവനവായ്പ, വീട്ടുചെലവ് എന്നിവയെല്ലാം റിതികയുടെ ശമ്പളത്തിലാണ്. എന്നാൽ റിതികയുടെ ഭർത്താവ് പ്രദീപിന്‍റെ ശമ്പളം എങ്ങനെ ചെലവഴിക്കുന്നു എന്ന് പ്രദീപിനല്ലാതെ മറ്റാർക്കും അറിയില്ല. എന്നാൽ മറ്റുള്ളവരുടെ കണ്ണിൽ പ്രദീപ് ഏറ്റവും നല്ല മനുഷ്യനാണ്.
പ്രതിമാസം 80000 വരുമാനം നേടുന്ന റിതികയ്ക്ക് ഇഷ്ടമുള്ള വസ്ത്രം ധരിക്കാനോ ഇഷ്ടമുള്ള സമ്മാനങ്ങൾ ആർക്കും നൽകാനോ കഴിയില്ല. ഇത്ര സമ്പാദിച്ചതിനു ശേഷവും അവൾ പൂർണ്ണമായും ഭർത്താവിനെ ആശ്രയിച്ചു ജീവിക്കുന്നു.
മേൽപ്പറഞ്ഞ രണ്ട് സംഭവങ്ങളും പരിശോധിച്ചാൽ, സോമിയും റിതികയും ഇപ്പോഴും മാനസികമായി തടവിലാണ് എന്ന് മനസിലാക്കാം. രണ്ടു സ്ത്രീകളിലും സമാനതയുണ്ട്, ഇരുവരും മാനസികമായി സ്വതന്ത്രരല്ല.
സാമ്പത്തികമായി സ്വതന്ത്രരല്ലാത്ത സ്ത്രീകളേക്കാൾ മോശമാണ് സോമിയെയും റിതികയെയും പോലുള്ള സ്ത്രീകളുടെ അവസ്ഥ. ഇന്നത്തെ കാലഘട്ടത്തിൽ, ജീവിതപങ്കാളികൾ രണ്ടുപേരും സാമ്പത്തികമായി സ്വതന്ത്രരാകുമ്പോൾ മാത്രമേ ജീവിതം സുഗമമായി മുന്നോട്ട് പോകുകയുള്ളു..
ഈ ചെറിയ കാര്യങ്ങൾ നിങ്ങൾ ശ്രദ്ധിക്കുകയാണെങ്കിൽ, സ്വന്തം വരുമാനം ഇഷ്ടപ്രകാരം ചെലവഴിക്കാൻ നിങ്ങൾ‌ക്ക് കഴിയും.
- സ്നേഹം,അടിമത്തം അല്ല
സ്നേഹത്തിന്‍റെയും ബന്ധത്തിന്‍റെയും പേരിൽ ആണ് സ്ത്രീകൾ ശമ്പളത്തിന്‍റെ മുഴുവൻ വിവരങ്ങളും ഭർത്താവിന് നൽകുന്നത്. ഭർത്താക്കന്മാർ സ്വന്തം ശമ്പളവും ഭാര്യയുടെ ശമ്പളവും ചെലവഴിക്കാൻ തുടങ്ങുന്നു. തുടക്കത്തിൽ, ഭാര്യമാർ ഇതെല്ലാം വളരെ മധുരമായി കാണുന്നു, പക്ഷേ കുറേ കഴിഞ്ഞ് അവർ ദേഷ്യപ്പെടാൻ തുടങ്ങുന്നു. നിങ്ങളുടെ ശമ്പളമോ എടിഎം കാർഡോ ഭർത്താവ് കൈവശം പിടിക്കുന്നത് സ്നേഹത്തിന്‍റെയോ വിശ്വസ്തതയുടെയോ അടയാളമല്ല, മറിച്ച് അടിമത്തമാണ്.
- മൗലികാവകാശം
മിക്ക കേസുകളിലും, വിവാഹശേഷം പെൺകുട്ടികൾ സ്വയം ചെലവഴിക്കാൻ മടിക്കുന്നതായി കാണാം. വീടിന്‍റെ ഉത്തരവാദിത്തം തങ്ങളുടെ പരമപ്രധാനമായി മാറുന്നുവെന്ന് അവർക്ക് തോന്നുന്നു. പാർലറിലേക്ക് പോകുകയോ സ്വയം ചെലവഴിക്കുകയോ ചെയ്യുക, സുഹൃത്തുക്കളുമായി പുറത്തുപോകുക, ഇതൊക്കെ ശരിയല്ല, അനാവശ്യ ചിലവായി തോന്നുന്നു. ഓർക്കുക നിങ്ങളുടെ ആദ്യ ബന്ധം നിങ്ങളുമായുള്ളതാണ്, അതിനാൽ സ്വയം സന്തോഷിപ്പിക്കേണ്ടത് നിങ്ങളുടെ മൗലികാവകാശമാണ്.
- ഭാവി സുരക്ഷിതമാക്കുക
ജീവിതം നിങ്ങളുടേതാണ്, അതിനാൽ അതിന്‍റെ നിയന്ത്രണം നിങ്ങളുടെ കൈകളിൽ സൂക്ഷിക്കുക. എല്ലാം ഭർത്താവിന്‍റെ കൈയിൽ കൊടുത്ത് സ്വയം ഉപേക്ഷിക്കണമെന്ന് വിവാഹം അർത്ഥമാക്കുന്നില്ല. നിങ്ങളുടെ ഭാവി സുരക്ഷിതമായി സൂക്ഷിക്കേണ്ടത് നിങ്ങളുടെ ഉത്തരവാദിത്തമാണ്. വരുമാനം സ്വയം സൂക്ഷിച്ച് നിങ്ങളുടെ ഭാവി സുരക്ഷിതമാക്കുക .
- വിവേകത്തോടെ നിക്ഷേപിക്കുക
നിങ്ങളുടെ പണം വിവേകപൂർവ്വം നിക്ഷേപിക്കുക, കാരണം ഇത് നിങ്ങൾ സമ്പാദിച്ച പണമാണ്. പണം ഓഹരി വിപണിയിൽ നിക്ഷേപിക്കണോ അതോ സ്വത്തിൽ നിക്ഷേപിക്കണോ എന്നത് നിങ്ങളുടെ തീരുമാനമായിരിക്കണം.
5 സമ്പത്ത് വളരെ ശക്തമാണ്
പണത്തിന് വളരെയധികം ശക്തിയുണ്ട്. പണമുള്ളിടത്തോളം കാലം നിങ്ങളോടുള്ള ബഹുമാനം നിലനിൽക്കും. എന്തെങ്കിലും തെറ്റ് ചെയ്യുന്നതിന് മുമ്പ് നിങ്ങളുടെ ഭർത്താവും നൂറ് തവണ ചിന്തിക്കും, കാരണം നിങ്ങളുടെ ജീവിതത്തിന്‍റെ നിയന്ത്രണം നിങ്ങളുടെ കൈകളിലാണ്. അത് മറക്കാതിരിക്കുക.
