ലിപ്സ്റ്റിക്ക് ഉപയോഗം ശരിയായ രീതിയിൽ അല്ലെങ്കിൽ ഗുണത്തെക്കാൾ ദോഷമേ ചെയ്യൂ. മേക്കപ്പിന്‍റെ ഏറ്റവും പ്രധാനപ്പെട്ട ഭാഗമാണ് ലിപ്സ്റ്റിക്ക്. ലിപ്സ്റ്റിക് പ്രയോഗിച്ചതിന് ശേഷം ഒരാളുടെ ലുക്ക് തന്നെ മാറുന്നു. മേക്കപ്പ് ഇഷ്ടപ്പെടാത്ത സ്ത്രീകൾക്ക് പോലും ലിപ്സ്റ്റിക്ക് വളരെ ചെറിയ മേക്കപ്പായി ഉപയോഗിക്കാം .
ലിപ്സ്റ്റിക്ക് പുരട്ടുമ്പോൾ, ചുണ്ടുകളിൽ നിന്ന് പുറത്തു വരുകയോ പല്ലിൽ പറ്റുകയോ ചെയ്താൽ അഭംഗി ആണ്. ലിപ്സ്റ്റിക്ക് എങ്ങനെ ഭംഗിയായി പ്രയോഗിക്കാമെന്ന് നോക്കാം.
ലിപ്സ്റ്റിക് നല്ല രീതിയിൽ ഉപയോഗിക്കാൻ ചില സാമഗ്രികൾ ആവശ്യമാണ് .
- ഒരു മികച്ച ലിപ് ബാം
- ലിപ് ലൈനർ
- കൺസീലർ
- കോംപാക്റ്റ്.
- ലിപ്സ്റ്റിക്ക്
ഒന്നാമത്തെ രീതി
സ്റ്റെപ്പ് 1: ചുണ്ടുകൾ തയ്യാറാക്കുക
ലിപ്സ്റ്റിക്ക് ചുണ്ടുകളിൽ നിന്ന് താഴേക്കു പടരുന്നതോ മാഞ്ഞു പോകുന്നതും നല്ലതല്ല.അത്തരമൊരു സാഹചര്യം ഒഴിവാക്കാൻ, ആദ്യം ചുണ്ടുകൾ നന്നായി തയ്യാറാക്കണം. ഇതിനായി, ആദ്യം തന്നെ നല്ല ലിപ് ബാം പുരട്ടുക. ലിപ്സ്റ്റിക്ക് വളരെ സമയം നിലനിൽക്കണം എന്നുണ്ടെങ്കിൽ, ചുണ്ടുകളിൽ ലിപ് പ്രൈം ഉപയോഗിക്കാനും കഴിയും.
സ്റ്റെപ്പ് 2: ബേസ് പ്രയോഗിക്കുക
ചുണ്ടുകളുടെ നിറം നല്ലതല്ലെങ്കിൽ അത് പൂർണമായും മറയ്ക്കാൻ ലിപ്സ്റ്റിക് കൊണ്ട് സാധിക്കും.. ലിപ്സ്റ്റിക് പുരട്ടുന്നതിനു മുൻപ് ഇതിനായി, നിങ്ങളുടെ സ്കിൻ ടോണിന് സമാനമായ ചെറിയ കൺസീലർ ചുണ്ടുകളിൽ പുരട്ടണം.
സ്റ്റെപ്പ് 3: ലിപ് ലൈനർ ഉപയോഗിക്കുക
ചുണ്ടുകൾ കുറച്ചു കൂടി ഡിഫൈൻ ചെയ്യാൻ ലിപ് ലൈനർ ഉപയോഗിക്കണം. ഇങ്ങനെ ചെയ്യുമ്പോൾ ലിപ്സ്റ്റിക്ക് പരക്കില്ല, ഒപ്പം നിങ്ങളുടെ ചുണ്ടുകളും മികച്ചതായി കാണപ്പെടും. ചർമ്മത്തിന് ചേരുന്ന ലിപ് ലൈനർ ഉപയോഗിച്ച് ചുണ്ടുകൾ റീഡിഫൈൻ ചെയാം
സ്റ്റെപ്പ് 4: ലിപ്സ്റ്റിക്ക് പ്രയോഗിക്കുക
മുകളിൽ സൂചിപ്പിച്ച എല്ലാ ഘട്ടങ്ങളും പാലിച്ചതിന് ശേഷം, നിങ്ങൾക്ക് ഇഷ്ടമുള്ള ലിപ്സ്റ്റിക്ക് പ്രയോഗിക്കാം. ഇതിനായി, ഒരു ബ്രഷിന്‍റെ സഹായത്തോടെ ലിപ്സ്റ്റിക്ക് പ്രയോഗിക്കുകയും വേണം. ചുണ്ടുകളുടെ കോണിൽ ലിപ്സ്റ്റിക്ക് പ്രയോഗിക്കാൻ മറക്കരുത്.
രണ്ടാമത്തെ രീതി
ലിപ് ലൈനർ ഇല്ലാതെ ലിപ്സ്റ്റിക്ക് എങ്ങനെ പ്രയോഗിക്കാം?
സ്റ്റെപ്പ് 1: വിരലുകൾ ഉപയോഗിക്കുക
ഇഷ്ടമുള്ള ലിപ് കളർ വിരലുകളിൽ പുരട്ടുക, തുടർന്ന് വിരലുകൾ ഉപയോഗിച്ച് നേരിട്ട് ചുണ്ടുകളിൽ വരയ്ക്കുക. അങ്ങനെ നിങ്ങൾക്ക് സ്വാഭാവിക ലിപ് ലൈൻ ഉണ്ടാകാം.
സ്റ്റെപ്പ് 2: ലിപ്സ്റ്റിക്ക് നേരിട്ട് പുരട്ടുക
ലിപ്സ്റ്റിക്ക് ചുണ്ടിൽ നേരിട്ട് പുരട്ടുക അല്ലെങ്കിൽ ബ്രഷിന്‍റെ സഹായത്തോടെ ലിപ്സ്റ്റിക്ക് പ്രയോഗിക്കുക. ഈ രീതിയിൽ ലൈനർ ഇല്ലാതെ ലിപ്സ്റ്റിക്ക് പ്രയോഗിക്കാൻ കഴിയും.
ഓർമ്മിക്കേണ്ട ചില കാര്യങ്ങൾ
- ലൈറ്റ് ഷേഡ് ലിപ്സ്റ്റിക്ക് ഉപയോഗിക്കുമ്പോൾ ഒരിക്കലും ഡാർക്ക് ലൈനർ ഉപയോഗിക്കരുത്.
- ലിപ് ലൈനർ പ്രയോഗിച്ചതിന് ശേഷം, വിരലുകൾ ഉപയോഗിച്ച് അല്ലെങ്കിൽ ഒരു ക്യൂ-ടിപ്പിന്‍റെ സഹായത്തോടെ ചുണ്ടുകൾ മൃദുവാക്കുക.
- ലിപ്സ്റ്റിക്ക് പ്രയോഗിച്ചതിന് ശേഷം കൂടുതൽ പുരണ്ടത് തുടച്ചു മാറ്റാൻ ഒരു ടിഷ്യു ഉപയോഗിക്കുക.
- കൂടുതൽ സ്റ്റൈൽ വേണമെങ്കിൽ, ലിപ്സ്റ്റിക്ക് പ്രയോഗിക്കാൻ കോൺ ബ്രഷ് ഉപയോഗിക്കുക.
ചുണ്ടുകൾ കൂടുതൽ മനോഹരമാക്കുന്നതിന് മുകളിലെ ചുണ്ടിൽ ഹൈലൈറ്റർ ഉപയോഗിക്കുക.
