ഒരു സ്ത്രീയുടെ ജീവിതത്തിലെ ഏറ്റവും മനോഹരമായ കാലഘട്ടമാണ് ഗർഭകാലം. ഗർഭിണിയാണെന്ന് അറിയുമ്പോഴുണ്ടാകുന്ന സന്തോഷത്തെ പിന്തുടർന്നുണ്ടാകുന്ന കാര്യങ്ങളൊന്നും പിന്നെയത്ര സുഖകരമാവണമെന്നില്ല. മനംപിരട്ടൽ, വിശപ്പില്ലായ്മ, മൂഡ് സ്വിങ്സ്, അസ്വസ്ഥത, നിരാശ എന്നിങ്ങനെയുള്ള അവസ്‌ഥകളിലൂടെയായിരിക്കും പിന്നീടുള്ള സമയം ഗർഭിണി കടന്നു പോവുക.
മറ്റൊരു പ്രധാന കാര്യം, സ്ത്രീയുടെ ഈഗോയ്ക്ക് വെല്ലുവിളിയാകുന്ന പല കാരണങ്ങൾ ഉൾപ്പെടുന്നു. ഉദാ: സ്വന്തം ലുക്കിലുണ്ടാവുന്ന മാറ്റങ്ങൾ. ശരീരത്തിലുണ്ടാവുന്ന മാറ്റങ്ങൾ, വസ്ത്രങ്ങൾ ഫിറ്റാകാതെ വരിക, സ്റ്റൈൽ ഇല്ലാതെ വരിക, സ്റ്റാറ്റസിലുണ്ടാകുന്ന മാറ്റം എന്നിങ്ങനെയുള്ള കാരണങ്ങൾ ഉൾപ്പെടാം. 4 മാസം കഴിയുന്നതോടെ ശരീരത്തിന് വളരെ വേഗം മാറ്റങ്ങൾ ഉണ്ടായി തുടങ്ങും. ഡ്രസ്സിംഗിലും അപ്പീറിയൻസിലും ആഹ്ലാദം ജനിപ്പിക്കുന്നതിന് എന്തെല്ലാം മാറ്റങ്ങൾ സ്വീകരിക്കാം.
- ശരീരത്തിന് കംഫർട്ട് നൽകുന്ന നല്ല ലൂസായ വസ്ത്രങ്ങൾ ധരിക്കാം.
- ജീൻസിനു പകരം പാന്‍റ് തെരഞ്ഞെടുക്കാം. കോട്ടൺ, ലിനൻ പാന്‍റ്സ്, നിറ്റ് പാന്‍റ്സ്, ഡ്രോ സ്ട്രിംഗ് പാന്‍റ്സ്, മെറ്റേണിറ്റി ജീൻസ് എന്നിവയൊക്കെ ട്രൈ ചെയ്യാം.
- സിന്തറ്റിക് മെറ്റിരീയലിന് പകരം നാച്ചുറൽ ഫാബ്രിക്കുകളാണ് അനുയോജ്യം. കോട്ടൺ, സിൽക്ക്, ലിനൻ, റയോൺ എന്നി ഫാബ്രിക്കുകളിലുള്ള വസ്ത്രങ്ങൾ ധരിക്കാം. നല്ല വായു സഞ്ചാരമുള്ള വസ്ത്രങ്ങളായതിനാൽ ശരീരത്തിന് കൂടുതൽ കംഫർട്ട് നൽകും. പോളിസ്റ്റർ, നൈലോൺ വസ്ത്രങ്ങൾ ഒഴിവാക്കുക.
- സൽവാർ, ചുരിദാർ, പാന്‍റ് എന്നിവയേക്കാളിലും കംഫർട്ടിബിളായ വസ്ത്രങ്ങൾ അണിയാം. ശരീരത്തിന് ശ്വസിക്കാനുള്ള സ്പേസ് നൽകുന്നതിനൊപ്പം ഉദരത്തിന് സുഖപ്രദമായ ഇടം ഒരുക്കാം.
- ശരിയായ ഇന്നർ വിയറുകൾ തെരഞ്ഞെടുക്കേണ്ടതും ഈ സമയത്ത് പ്രധാനമാണ്. അതും കോട്ടൺ ഇന്നേഴ്സാണ് നല്ലത്. അണ്ടർ വയേഡ് ബ്രായേക്കാളിലും സപ്പോർട്ട് ബ്രാ ആണ് ഏറ്റവും ഉചിതം. പാഡഡ് അല്ലാത്ത ഡബിൾ ലെയേഡും ഉപയോഗിക്കാം. മറ്റൊരു പ്രധാന കാര്യം ആവശ്യം വരുന്ന ഘട്ടത്തിൽ നഴ്സിംഗ് ബ്രാ ധരിക്കുകയെന്നുള്ളതാണ്.
- ഏത് വസ്ത്രവും കംഫർട്ടിബിളും മികച്ച ലുക്കും നൽകാം. അതിനായി ഒരു സൈസ് അധിക വലിപ്പമുള്ളത് തെരഞ്ഞെടുക്കുക. ഈ സമയത്ത് ഇറുകിയ വസ്ത്രങ്ങൾ അണിയുന്നത് അഭംഗിയാണ്.
- മറ്റൊന്ന്, വസ്ത്രത്തിന്‍റെ നിറങ്ങളിലുമുണ്ട് മാജിക് എന്നതാണ്. വളരെ ബ്രൈറ്റ് ഷെയ്ഡുകളിലും പ്രിന്‍റുകളിലുമുള്ള വസ്ത്രങ്ങൾ അണിയുകയെന്നുള്ളതാണ്. ഇത് ഗുഡ്മൂഡ് ക്രിയേറ്റ് ചെയ്യാനും സ്വന്തം ശരീരത്തിന്‍റെ മാറ്റത്തിൽ അമിത ചിന്തയുള്ളവർക്ക് വയറ് വിദഗ്ദ്ധമായി മറയ്ക്കാനും ഇത്തരം നിറങ്ങൾ സഹായിക്കും.
- ലുക്കിനെ കൂടുതൽ ആകർഷണീയമാക്കാനും കംഫർട്ടിബിൾ ഫീലിനുമായും കവറേജായി ഷാൾ ഉപയോഗിക്കുകയോ ഷ്രഗ്ഗോ യൂസ് ചെയ്യുകയോ ആവാം.
- ഫ്രണ്ട് ഓപ്പൺ വസ്ത്രങ്ങൾ കരുതാം. ശരീരത്തിന് വലിപ്പമുണ്ടാവുമ്പോഴും ഇനി പാലൂട്ടുന്ന ഘട്ടത്തിൽ ആണെങ്കിൽ ഫ്രണ്ട് ഓപ്പൺ വസ്ത്രങ്ങൾക്ക് മുൻഗണന നൽകാം. മുലയൂട്ടുന്ന ഘട്ടത്തിലാണെങ്കിൽ പാൻചോ അല്ലെങ്കിൽ എലൈൻ ലൂസ് ടോപ്സ് അനുയോജ്യമായിരിക്കും.
- ഈ ഘട്ടത്തിൽ നിറ്റഡ് ക്ലോത്ത്സ് ആണ് ബെസ്റ്റ് ചോയിസ്. നിറ്റഡ് വസ്ത്രങ്ങൾ നെയ്ത്ത് വസ്ത്രങ്ങളേക്കാളിലും സ്ട്രച്ചബിൾ ആയതിനാൽ കൂടുതൽ കംഫർട്ടിബിളായിരിക്കും.
- കംഫർട്ടിബിൾ ക്ലോത്തിംഗിനൊപ്പം അട്രാക്ടീവ് ആക്സസറീസുകളും ക്യാരി ചെയ്യാം.
- ഹീൽസിന് പകരം ഫ്‌ളാറ്റ്സ്: ഈ ഘട്ടത്തിൽ ഹീൽസ് ഉപയോഗിക്കുന്നത് അത്ര നന്നല്ല. ഫ്ളാറ്റായിട്ടുള്ള കംഫർട്ടിബിൾ ഫുട് വിയറുകൾ തെരഞ്ഞെടുക്കാം.
