കല്യാണ പെണ്ണിന്‍റെ ആഭരണങ്ങൾക്കും ഉടുപ്പിനും വേണ്ടി ആയിരങ്ങൾ ചെലവഴിക്കാൻ യാതൊരു മടിയും ഉണ്ടാവില്ല. പക്ഷേ ചെരിപ്പിന്‍റെ കാര്യം വരുമ്പോൾ എല്ലാവർക്കും ശ്രദ്ധക്കുറവാണ്. പലരും കരുതുന്നത് ചെരിപ്പ് വസ്ത്രത്തിനടിയിൽ മറഞ്ഞ് പോവില്ലെ പിന്നെ എന്തിനാണ് അധികം കാശ് മുടക്കുന്നത് എന്നാണ്. പക്ഷേ കംഫർട്ടബിൾ അല്ലാത്ത ഒന്ന് ധരിച്ചാലുള്ള അവസ്‌ഥ ആലോചിച്ചു നോക്കൂ.
വൈവിധ്യമാർന്ന പാദരക്ഷകൾ ധരിക്കാനാണ് സ്ത്രീകൾ ഇഷ്ടപ്പെടുന്നത്. ചിലർക്ക് ഹൈഹീലാണ് ഇഷ്ടം. മറ്റുചിലർക്ക് ഫ്ളാറ്റും. എന്നാൽ വധുവിന്‍റെ പാദരക്ഷ തെരഞ്ഞെടുക്കുമ്പോൾ പല കാര്യങ്ങളും ശ്രദ്ധിക്കേണ്ടതുണ്ട്. വസ്ത്രത്തിനിണങ്ങിയത് മാത്രമല്ല അണിയേണ്ടത്. കൂടുതൽ കാര്യങ്ങൾ അറിയാം.
• വധുവിന്‍റെ വിവിധ ഉടയാടകൾക്ക് അനുയോജ്യമായ വിവിധ പാദരക്ഷകൾ വാങ്ങാം. ഓരോ ഡ്രസ്സിനും ഓരോന്ന് വീതം ആവാം. അതിൽ ചപ്പൽ, സാന്‍റൽ, ഹാഫ് ഷൂസ് തുടങ്ങിയവ ഉൾപ്പെടുത്താം. ലഹങ്കയുടെ കൂടെ രാജസ്‌ഥാനി ചെരിപ്പുകൾ ആണ് നല്ലത്.
• മഴക്കാലത്താണ് വിവാഹം നടക്കുന്നതെങ്കിൽ ലെതർ ചെരിപ്പുകൾ വേണ്ട. മഞ്ഞുകാലത്താണെങ്കിൽ പായ്ക്കുള്ള ചെരിപ്പും ചൂട് കാലത്താണെങ്കിൽ ഓപ്പൺ ഫുട്‍വിയറും ധരിക്കാം.
• ഇഷ്‌ടപ്പെട്ട ചെരിപ്പ് വാങ്ങുന്നതിനു മുമ്പ് അണിഞ്ഞ് നടന്നു നോക്കുക. എന്തെങ്കിലും അസ്വസ്ഥത തോന്നിയാൽ മാറ്റിയെടുക്കണം. കാലിനൊത്ത സൈസ് ആണ് എടുക്കേണ്ടത്.
• ഫ്ളോറിൽ അങ്ങോട്ടും ഇങ്ങോട്ടും കുറച്ച് പ്രാവശ്യം നടന്ന് നോക്കണം. അതുപോലെ ചെരിപ്പണിഞ്ഞ ശേഷം കാൽപാദം വളയ്ക്കുകയും പുളയ്‌ക്കുകയും ചെയ്യുക. ടൈറ്റ് അൺഈസി ഫീൽ ചെയ്യുന്നത് ഒഴിവാക്കണം.
• ഡിസൈൻ അല്ലെങ്കിൽ കളർ ഇഷ്ടപ്പെട്ടതു കൊണ്ട് മാത്രം വാങ്ങരുത്. എല്ലാ നിറവും യോജിക്കണമെന്നില്ല.
• ഫുട്‍വിയർ ബോഡി ഷേപ്പിന് യോജിച്ചതല്ലെങ്കിൽ എടുക്കരുത്. ഫുൾ ലെംഗ്ത് കണ്ണാടിയിൽ നോക്കിയാൽ ഇത് മനസ്സിലാക്കാനാവും.
• നിങ്ങൾ ഹെവിയാണെങ്കിൽ തിക്കർ ഹീൽ ഉള്ള ഫുട്‍വിയർ യോജിക്കും.
• വിവാഹ ദിനത്തിൽ അധിക നേരം ചെരിപ്പണിഞ്ഞ് നിൽക്കേണ്ടിവരാറുണ്ട്. അതിനാൽ ചർമ്മത്തിനു ശ്വാസമെടുക്കാൻ പറ്റുന്ന തരത്തിലുള്ള മെറ്റീരിയൽ തെരഞ്ഞെടുക്കാൻ ശ്രദ്ധിക്കണം. ഉദാ: ലെതർ, സോഫ്റ്റ് ലെതർ.
• ലൈറ്റ്, ഫ്ളക്സിബിൾ ഫുട്‍വിയർ ആണ് എപ്പോഴും നല്ലത്. അത് മൂവ്മെന്‍റിനെ സഹായിക്കുന്നതാണ്.
• ചെരിപ്പ് രണ്ട് ദിവസം മുമ്പെങ്കിലും ഇട്ട് പ്രാക്ടീസ് ചെയ്യുന്നത് നല്ലതാണ്. കാലിന് എന്തെങ്കിലും തരത്തിലുള്ള അസ്വസ്ഥത തോന്നുകയാണെങ്കിൽ മാറ്റിയെടുക്കാനുള്ള സാവകാശം കിട്ടുമെന്ന് മാത്രമല്ല ചെരിപ്പ് കാലിനു സിങ്കാവുവകയും ചെയ്യും.
