'നിങ്ങൾ എന്താണ് റിവേഴ്‌സ് ഗിയറിൽ പോകുന്നത്' 'നിങ്ങളുടെ സൗന്ദര്യത്തിന്‍റെയും ഫിറ്റ്‌നസിന്‍റെയും രഹസ്യം എന്താണ്' 'നിങ്ങൾ ദിനംപ്രതി തിളങ്ങുന്നു' എന്നിങ്ങനെയുള്ള അഭിനന്ദനങ്ങൾ 50 വയസിലും ലഭിക്കും.
യഥാർത്ഥത്തിൽ, 50 വയസ്സ്, പകുതി ജീവിതത്തിന്‍റെ ഒരു അടയാളമായി കണക്കാക്കപ്പെടുന്നു. ഈ പ്രായത്തിൽ, ആളുകൾക്ക് സുന്ദരവും ഫിറ്റും ആയി തോന്നുന്നത് രസകരമായ കാര്യമാണ്.
നിങ്ങൾക്ക് 50 വയസ്സ് പ്രായമുണ്ടെങ്കിൽ, നിങ്ങൾ സ്വയം വാർദ്ധക്യം എത്തി എന്ന് കണക്കാക്കാൻ തുടങ്ങിയാൽ, ഈ ചിന്തയിൽ നിന്ന് പുറത്തുകടക്കുക തന്നെ വേണം. കാരണം 'ലവ് ടു ബേൺ' എന്ന വെബ്‌സൈറ്റ് അടുത്തിടെ നടത്തിയ ഗവേഷണമനുസരിച്ച്, ഇപ്പോൾ മധ്യവയസ്സ് അതായത് പ്രായപൂർത്തിയാകുന്നത് 55 വയസ്സിൽ ആരംഭിക്കുന്നു. 70 വയസ്സ് വരെ ബ്രിട്ടീഷുകാർ സ്വയം ചെറുപ്പമായി കണക്കാക്കുന്നുവെന്ന് നിങ്ങൾക്കറിയാമോ?
ഈ പഠനം അനുസരിച്ച് ആളുകൾ കൂടുതൽ കാലം ജീവിക്കുന്നതിനനുസരിച്ച് യൗവനത്തിന്‍റെയും വാർദ്ധക്യത്തിന്‍റെയും മൂല്യങ്ങൾ മാറുകയാണ്. പ്രായം ഒരു മാനസികാവസ്ഥയാണ്. അല്ലാതെ ഒരു പ്രത്യേക പ്രായത്തിൽ തുടങ്ങുന്ന ശാരീരിക അവസ്ഥയല്ല. വരൂ, നിങ്ങളുടെ ജീവിതരീതിയെ മാറ്റി മറിച്ചു അൻപതാം വയസ്സിൽ പ്രണയിക്കാൻ വരെ തോന്നാനുള്ള വഴികൾ പറഞ്ഞുതരാം.
ഫിഫ്റ്റിയിൽ ഫ്ലർട്ടി?
അൻപതാം വയസ്സിൽ ഫ്ലർട്ടി ആയി തോന്നാൻ മേക്കപ്പും ഡ്രെസ്സപ്പും പോലെ ഫിറ്റ്നസും ശ്രദ്ധിക്കണം. സൗന്ദര്യ വിദഗ്ധനും കോസ്‌മെറ്റോളജിസ്റ്റുമായ സംഗീത് സബർവാളിന്‍റെ അഭിപ്രായത്തിൽ, ആർത്തവവിരാമ സമയത്ത് ചർമ്മം വരണ്ടുപോകുകയും നേർത്ത വരകൾ പ്രത്യക്ഷപ്പെടുകയും ചർമ്മം അയഞ്ഞുപോകുകയും ചെയ്യുന്ന പ്രായമാണ് 50. അത്തരമൊരു സാഹചര്യത്തിൽ മേക്കപ്പിലൂടെയും ശസ്ത്രക്രിയയിലൂടെയും ചർമ്മത്തെ ചെറുപ്പമായി കാണിക്കാൻ കഴിയും.
വീട്ടുവൈദ്യങ്ങൾ
കറ്റാർ വാഴ ജെൽ: ചർമ്മത്തെ പുനരുജ്ജീവിപ്പിക്കാൻ ഇത് പ്രവർത്തിക്കുന്നു. വിറ്റാമിനുകളും ധാതുക്കളും ആന്‍റിഓക്‌സിഡന്‍റുകളും ഇതിൽ അടങ്ങിയിട്ടുണ്ട്. പതിവായി ഉപയോഗിക്കുന്നതിലൂടെ, ചർമ്മം ചെറുപ്പവും തിളക്കവുമുള്ളതായി കാണപ്പെടും.
ഐ ജെൽസ്: ഈ പ്രായത്തിൽ, കണ്ണുകൾക്ക് ചുറ്റും ലൈനുകളും ഇരുണ്ട വൃത്തങ്ങളും പ്രത്യക്ഷപ്പെടുന്നു. ഇത് സാധാരണ ഐ ജെല്ലുകളുടെ സഹായത്തോടെ കുറയ്ക്കാം.
നൈറ്റ് ക്രീം: നൈറ്റ് ക്രീം ചർമ്മത്തിന് ആരോഗ്യവും തിളക്കവും നൽകുന്നു. വിറ്റാമിൻ ഇ, സി എന്നിവ അടങ്ങിയ നൈറ്റ് ക്രീം ഉപയോഗിക്കുക. ഇത് മുഖക്കുരു, പിഗ്മെന്‍റേഷൻ, കറുത്ത പാടുകൾ എന്നിവ ഇല്ലാതാക്കുന്നു. വിറ്റാമിൻ എ, ബി 3 എന്നിവ അടങ്ങിയ ക്രീം സൂര്യരശ്മികൾ മൂലമുണ്ടാകുന്ന കേടുപാടുകളിൽ നിന്ന് ചർമ്മത്തെ സംരക്ഷിക്കുന്നു.
ത്വക്ക് എക്സ്ഫോളിയേഷൻ: ത്വക്ക് എക്സ്ഫോളിയേഷൻ നിർജ്ജീവ ചർമ്മത്തെ നീക്കം ചെയ്യുകയും യുവത്വം നിലനിർത്തുകയും ചെയ്യുന്നു.
മോയ്സ്ചറൈസിംഗ്: ഈ പ്രായത്തിൽ ചർമ്മം തിളങ്ങാനും ചുളിവുകളില്ലാത്തതുമാക്കാനും മോയ്സ്ചറൈസർ പതിവായി ഉപയോഗിക്കുക. പെട്രോളിയം ജെല്ലിയും ആൽഫ ഹൈഡ്രോക്സി ആസിഡും അടങ്ങിയ മോയ്സ്ചറൈസർ എടുക്കുക. ചർമ്മത്തെ മൃദുവും മിനുസമുള്ളതുമാക്കുന്നതിനൊപ്പം പ്രായമാകുന്നത് തടയുന്നു.
ശസ്ത്രക്രിയാ നടപടികൾ
50 വയസ്സിൽ സുന്ദരി ആയി കാണുന്നതിന് ചില ഹൈടെക് ശസ്ത്രക്രിയാ സൗന്ദര്യ ചികിത്സ ഓപ്ഷനുകളും ഉണ്ട്:
