ഭൂരിഭാഗം കുട്ടികളും ഭക്ഷണകാര്യത്തിൽ വാശി പുലർത്തുന്നവരാണ്. വീട്ടിൽ അമ്മമാർ എത്ര നല്ല ഭക്ഷണമുണ്ടാക്കിയാലും കുട്ടികൾക്കെപ്പോഴും ജങ്ക് ഫുഡ് കഴിക്കാനായിരിക്കും താൽപര്യം. കുട്ടികളുടെ ഈ ശീലം മൂലം രക്ഷിതാക്കളാണ് ഏറെ ബുദ്ധിമുട്ടുന്നത്. കുട്ടികളുടെ ഈ ഭക്ഷണരീതി കൊണ്ട് അവർക്ക് വേണ്ട പോഷണങ്ങൾ കിട്ടിയില്ലായെങ്കിൽ അവരുടെ ശാരീരികവും മാനസികവുമായ വളർച്ചയെ അത് ബാധിക്കും. ക്രമേണ പല അസുഖങ്ങൾക്കും കാരണമാകും.
അതുകൊണ്ട് കുട്ടികളുടെ വളർച്ചയ്ക്ക് ആവശ്യമായ പോഷകങ്ങൾ ലഭ്യമാക്കുകയെന്നതാണ് രക്ഷിതാക്കളുടെ ഉത്തരവാദിത്തം.
ഏതെല്ലാം പോഷകങ്ങളാണ് ആവശ്യം
പ്രോട്ടീൻ: കോശരൂപീകരണത്തിനും അത് റിപ്പയർ ചെയ്യുന്നതിനും പ്രോട്ടീൻ ആവശ്യമാണ്. മാത്രവുമല്ല അണുബാധയെ തടയുകയും ചെയ്യും. വളരുന്ന കുട്ടികൾക്ക് ശരിയായ അള വിൽ പ്രോട്ടീൻ ലഭ്യമാകേണ്ടാതവശ്യ മാണ്. ഈ സാഹചര്യത്തിൽ പ്രോട്ടീൻ സമ്പന്നമായ ഡയറ്റാണ് കുട്ടികൾക്കാവശ്യം. അതിനായി അവരുടെ ഡയറ്റിൽ പാൽ, പാലുൽപന്നങ്ങൾ, പരിപ്പ്, മുട്ട, മത്സ്യം, നട്ട്സ്, ബീൻസ് എന്നിവ ഉൾപ്പെടുത്തണം.
കാർബോ ഹൈഡ്രേറ്റ്സ്: കട്ട് ദി കാർബ് ഇൻ യുവർ ഡയറ്റ് എന്നത് ഇപ്പോഴത്തെ ട്രെന്‍റാണല്ലോ. എന്നാൽ ഒരു കാര്യം ഓർക്കുക, കുട്ടികൾ വളരുന്നതിനനുസരിച്ച് ഊർജ്‌ജവും കലോറിയും ഏറ്റവും ആവശ്യമാണ്. അത് അവർക്ക് കാർബോ ഹൈഡ്രേറ്റുകളിൽ നിന്നാണ് ലഭിക്കുക. കൊഴുപ്പുകളുടെയും പ്രോട്ടീനിന്‍റെയും സഹായത്തോടെയാണ് തന്തുക്കൾ നിർമ്മിക്കപ്പെടുന്നതും തകരാറുകൾ പരിഹരിക്കപ്പെടുകയും ചെയ്യുന്നത്. അതുകൊണ്ട് സ്വന്തം കുഞ്ഞുങ്ങൾക്ക് ആവശ്യാനുസരണം കാർബോ ഹ്രൈഡേറ്റ് അടങ്ങിയ ഡയറ്റ് അതായത് ബ്രഡ്, ഉരുളക്കിഴങ്ങ്, പച്ചക്കടല, ബ്രൗൺ റൈസ്, രാജ്മ, വാഴപ്പഴം എന്നിവ നൽകാം. ഈ പ്രായത്തിൽ അവരുടെ ഡയറ്റിൽ നിന്നും കാർബുകൾ ഒഴിവാക്കുന്നതിനെക്കുറിച്ച് ചിന്തിക്കുകയേയരുത്.
കൊഴുപ്പ്: കൊഴുപ്പിന്‍റെ കാര്യത്തിലാണെങ്കിൽ അത് അനാവശ്യമാണെന്ന് കരുതി രക്ഷിതാക്കൾ കുട്ടികളുടെ ഡയറ്റിൽ നിന്നും ഒഴിവാക്കാനാണ് ശ്രമിക്കുന്നത്. എന്നാൽ കൊഴുപ്പും മോശമല്ല. കുട്ടികൾക്ക് ഗുഡ് ഫാറ്റ് നൽകുക. അത് ശരീരത്തിന് ഊർജ്‌ജം നൽകുന്നതിനൊപ്പം എല്ലുകൾക്ക് ഉറപ്പും നൽകുന്നു. ഒപ്പം ഹെൽത്തി കോശങ്ങൾ നിർമ്മിക്കുന്നതിന് സഹായിക്കുകയും ചെയ്യുന്നു. കുട്ടികളുടെ ശരീരത്തിൽ അനായാസം സ്റ്റോർ ചെയ്യപ്പെട്ട് ആവശ്യം വരുന്ന മുറയ്ക്ക് ശരീരത്തിന് ആവശ്യമായ പോഷകങ്ങൾ ഉപയോഗിക്കുന്നതിന് സഹായിക്കുന്നു. അതിനായി കുട്ടികൾക്ക് മത്സ്യം, മാംസം, പാലുൽപന്നങ്ങൾ, നട്ട്സ്, ഒമേഗ 3 ഫാറ്റി ആസിഡുകൾ അടങ്ങിയ ഭക്ഷണം നൽകാം.
കാത്സ്യം: പല്ലുകളുടെയും എല്ലുകളുടെയും ഉറപ്പിനും നിർമ്മാണത്തിനും കുട്ടികൾക്ക് കാത്സ്യം ഏറ്റവുമാവശ്യമാണ്. ഒപ്പം മസിലുകൾക്കും ഹൃദയപ്രവർത്തനത്തിനും കാത്സ്യം ആവശ്യമാണ്. മെറ്റബോളിസം ശരിയായ നിലയിലാക്കാൻ കാത്സ്യം കൂടിയെ തീരു. അതുകൊണ്ട് വളരുന്ന പ്രായത്തിൽ കാത്സ്യം ശരിയായ അളവിൽ കുട്ടികൾക്ക് നൽകാൻ മാതാപിതാക്കൾ ശ്രദ്ധിക്കണം. അതിനുവേണ്ടി കാത്സ്യം റിച്ച് പാൽ, തൈര്, പനീർ, സോയ, ഇല വർഗ്ഗങ്ങൾ, ധാന്യങ്ങൾ, പരിപ്പുകൾ എന്നിവ ഡയറ്റിൽ ഉൾപ്പെടുത്തുക.
അയൺ: രക്‌തമുണ്ടാകുന്നതിന് അയൺ നിർണായകമാണ്. അത് ശരീരത്തിലാകെ ഓക്സിജൻ എത്തിക്കുന്ന ധർമ്മമാണ് ചെയ്യുന്നത്. ഒപ്പം ശരീരത്തിൽ അയണിന്‍റെ അഭാവം നികത്തുന്നതിനൊപ്പം കുട്ടികളുടെ ഏകാഗ്രത വർദ്ധിപ്പിക്കുകയും ചെയ്യുന്നു. കോൺസൺട്രേഷൻ ലെവലും ഉയരുന്നു. മുഴു ധാന്യങ്ങൾ, ബീൻസ്, നട്ട്സ്, പച്ച ഇലവർഗ്ഗങ്ങൾ, പച്ചക്കറി എന്നിവ അയണിന്‍റെ പ്രധാന സ്രോതസ്സുകളാണ്. ഇവ കുട്ടികൾക്ക് നൽകാം.
