തേനിന്‍റെ ഔഷധ ഗുണങ്ങളെപ്പറ്റി എത്ര പറഞ്ഞാലും തീരില്ല. മധുരം കിനിയുന്ന പ്രക്യതിദത്തമായ ഈ ഭക്ഷ്യ വസ്തുവിന്‍റെ ഗുണഗണങ്ങൾ ശരിക്കും നമ്മെ അത്ഭുതപ്പെടുത്തുന്നു. ആരോഗ്യത്തിനും സൗന്ദര്യത്തിനും സർവ്വശ്രേഷ്ഠമാണ് എന്നതാണ് തേനിന്‍റെ എടുത്ത് പറയാവുന്ന പ്രാധാന്യം.
പൂക്കളുടെ അമൃതിൽ നിന്നോ സസ്യങ്ങളുടെ സ്രവത്തിൽ നിന്നോ തേനീച്ചകൾ നിർമ്മിക്കുന്ന പ്രകൃതിദത്ത മധുര പദാർത്ഥമാണ് ഇത്. പൂപ്പൽ, അഴുക്ക്, തേനീച്ച മുതലായ വസ്തുക്കളിൽ നിന്ന് പൂർണ്ണമായും മുക്തമായിരിക്കണം നല്ല തേൻ. ഈ വിഷയത്തിൽ പ്രത്യേക ശ്രദ്ധ ചെലുത്തുന്നുണ്ട്. ഇതിന്‍റെ നിറം ഇളം തവിട്ട് മുതൽ ഇരുണ്ട തവിട്ട് വരെയാകാം.
മാറുന്ന കാലാവസ്ഥ ജലദോഷത്തിനും പനിക്കും മാത്രമല്ല, ചിലപ്പോൾ ഇത് മൂലം ജീവൻ വരെ അപകടത്തിലാക്കും. ആരോഗ്യം പരിപാലിക്കാൻ ഭക്ഷണത്തിൽ പ്രത്യേക ശ്രദ്ധ നൽകേണ്ടത് പ്രധാനമാണ്, ഫിറ്റ്നസ് നിലനിർത്താൻ കഴിയും. ഇതിനായി, ദിനചര്യയിൽ തേൻ ഉൾപ്പെടുത്തേണ്ടത് പ്രധാനമാണ്.
തേനും ഹിപ്പോക്രാറ്റസും
ആധുനിക ചികിത്സയുടെ ഉപജ്ഞാതാവായ ഹിപ്പോക്രാറ്റസ് തേനിന്‍റെ ഔഷധ ഗുണഗണങ്ങളെപ്പറ്റി മനസ്സിലാക്കിയിരുന്നു. ചർമ്മ സംബന്ധമായ പ്രശ്നങ്ങൾക്കും കുരുക്കൾക്കും കുമിളകൾക്കും ശ്വാസ സംബന്ധമായ രോഗങ്ങൾക്കും പനിക്കും മറ്റും തേൻ പതിവായി ഉപയോഗിക്കാൻ അദ്ദേഹം രോഗികളെ ഉപദേശിച്ചിരുന്നുവത്രേ. ഉറക്കമില്ലായ്മ പരിഹരിക്കാനായി റോമിലെ ചികിത്സകർ രോഗികളോട് തേൻ കഴിക്കാൻ ആവശ്യപ്പെട്ടിരുന്നു. ശരിയായ ഉറക്കത്തിന് ചൂടുപാലിൽ തേൻ ചേർത്ത് കഴിച്ചാൽ മതി.
വീട്ടിലെ ഡോക്‌ടർ
ആന്‍റി മൈക്രോംബൈൻ ഏജന്‍റായാണ് തേനിനെ ആധുനിക ശാസ്ത്രം കണക്കാക്കുന്നത്. ചില പ്രത്യേകതരം ബാക്ട‌ീരിയകളുടെയും പൂപ്പലിന്‍റെയും യീസ്‌റ്റിന്‍റെയും വികാസത്തെ തടയാനുള്ള ശേഷി തേനിന് ഉണ്ടെന്നതാണ് അതുകൊണ്ട് അർത്ഥമാക്കുന്നത്.
മാധുര്യമുള്ള മറ്റ് ഭക്ഷ്യ വസ്തുക്കളിൽ നിന്നും വിഭിന്നമായി തേനിൽ വിറ്റാമിനുകളും ധാതുക്കളും അമിനോ ആസിഡുകളും ആന്‍റി ഓക്‌സിഡന്‍റുകളും കുറഞ്ഞയളവിലേ ഉള്ളൂവെങ്കിലും നമ്മുടെ ശരീരത്തിന് അത് പര്യാപ്തമാണ്. ശരീരത്തിന് ഉണർവും ഊർജ്‌ജവും പകരാൻ തേനിൽ അടങ്ങിയിരിക്കുന്ന കാർബോ ഹൈഡ്രേറ്റ് സഹായകമാണ്.
തേനിന്‍റെ ഗുണങ്ങൾ
ഒരു ഗ്ലാസ് ചൂട് വെള്ളത്തിൽ തേനും ഓർഗാനിക് ആപ്പിൾ സെഡർ വിനാഗിരിയും ചേർത്ത് കഴിക്കുന്നത് ശരീരത്തിന് ഉണർവും ഉന്മേഷവും പകരും.
വാതത്തിന്
ചൂട് വെള്ളം രണ്ട് പാത്രങ്ങളിലായി ഒഴിച്ച് വെച്ച ശേഷം ഒന്നിൽ തേനും മറ്റേതിൽ ഒരു ടീസ്പൂൺ കറുവാപ്പട്ട പൗഡറും ചേർത്ത് പേസ്റ്റാക്കുക. ശരീരത്തിലെ വാതമുള്ള ഭാഗങ്ങളിൽ ഇവ പുരട്ടി മസ്സാജ് ചെയ്യുന്നത് വേദന മാറിക്കിട്ടാൻ സഹായിക്കും.
ഒരു കപ്പ് ചൂട് വെള്ളത്തിൽ രണ്ടു സ്‌പൂൺ തേനും ഒരു സ്‌പൂൺ കറുവാപ്പട്ട പൗഡറും ചേർത്ത് രാവിലെയും വൈകുന്നേരവും പതിവായി കഴിച്ചാൽ പഴക്കം ചെന്ന വാതരോഗങ്ങൾ വരെ ഭേദപ്പെടും.
ദഹനക്കേടിന്
2 വലിയ സ്‌പൂൺ തേനിൽ കറുവാപ്പെട്ട പൗഡർ ചേർത്ത് ഭക്ഷണം കഴിക്കുന്നതിന് മുമ്പായി കഴിച്ചാൽ അസിഡിറ്റി മാറിക്കിട്ടും. ദഹനം സുഗമമാകും.
ഹൃദയസംബന്ധമായ അസുഖങ്ങൾക്ക്
ബ്രെഡ്‌ഡിൽ ജാമിന് പകരമായി തേനും കറുവാപ്പട്ട പൗഡറും ചേർത്ത മിശ്രിതം പുരട്ടി പതിവായി കഴിക്കുകയണ് എങ്കിൽ കൊള‌സ്ട്രോൾ കുറഞ്ഞുകിട്ടും. ഒരു വലിയ സ്‌പൂൺ തേനിൽ ഒരു ടീസ്പൂൺ കറുവാപ്പട്ട പൗഡർ ചേർത്ത് ദി വസം 3 നേരം ക്രമത്തിൽ മൂന്ന് മാസം കഴിച്ചാൽ ഉദരത്തേയും എല്ലിനേയും ബാധിക്കുന്ന ക്യാൻസർ തടയാനാവും.
