കുറച്ച് എരിവും പുളിയുമുള്ള ഭക്ഷണം അൽപം അധികം കഴിച്ചാൽ പിന്നെ പറയുകയും വേണ്ട. ഈ പ്രശ്നം ഗുരുതരമായത് തന്നെ. ആഘോഷവേളകളിലും മറ്റും വറുത്തുപൊരിച്ചതും അമിതമായ എരിവും മസാലയുമൊക്കെ ചേർന്ന വിഭവങ്ങൾ കഴിക്കുന്നത് ദഹന സംബന്ധമായ പ്രശ്നമുള്ളവർക്ക് കൂടുതൽ പ്രശ്നം സൃഷ്ടിക്കാറുണ്ട്.

അസിഡിറ്റിക്കുള്ള കാരണങ്ങൾ

ദൈനംദിന ജീവിതത്തിൽ ദഹനക്കേടും അസിഡിറ്റിയുമുണ്ടാകാനുള്ള ചില കാരണങ്ങൾ.

കൃത്യസമയത്ത് ഉറങ്ങാതിരിക്കുക.
ഭക്ഷണത്തിൽ മസാലയും എണ്ണയും അമിതമായി ഉണ്ടായിരിക്കുക.
അസമയത്ത് ഭക്ഷണം കഴിക്കുക.
ഭക്ഷണത്തിനിടയിലുള്ള കൂടുതൽ ഇടവേള.
ഭക്ഷണം ചവച്ചരച്ച് കഴിക്കാതെ പെട്ടെന്ന് വിഴുങ്ങുക.
രാത്രി ഏറെ സമയം വരെ ഉണർന്നിരിക്കുക.
പുകവലി, മദ്യം കഴിക്കുക.

അസിഡിറ്റിയുണ്ടാകാതിരിക്കാൻ

ഭക്ഷണശേഷം ശർക്കര കഴിക്കുക. ഭക്ഷണം എളുപ്പത്തിൽ ദഹിക്കും.
രാവിലെ വെറും വയറ്റിൽ കുറഞ്ഞത് 2 ഗ്ലാസ് ഇളം ചൂട് വെള്ളം കുടിക്കുന്നത് അസിഡിറ്റി കുറയ്ക്കും.
ഭക്ഷണശേഷം ഗ്രാമ്പൂ വായിലിട്ട് ചവയ്ക്കുന്നത് അസിഡിറ്റിയിൽ നിന്ന് ഉടൻ തന്നെ മോചനം നേടാൻ സഹായിക്കും.
അതിരാവിലെ വെറും വയറ്റിൽ തുളസിയിലയിട്ട വെള്ളം കുടിക്കുന്നത് അസിഡിറ്റിയെ വേരോടെ മാറ്റും. തുളസിയിലയിട്ട് വെള്ളം തിളപ്പിച്ചും കുടിക്കാം.
ഭക്ഷണ ശേഷം പകുതി സ്പൂൺ പെരുംജീരകം ചവച്ച് തിന്നുന്നത് അസിഡിറ്റി ഇല്ലാതാകും.
അസിഡിറ്റിയുള്ളപ്പോൾ ഉരുളക്കിഴങ്ങ് പുഴുങ്ങി അതിന്‍റെ തൊലി നീക്കി അതിൽ ഉപ്പും അൽപം മുളകുമിട്ട് കഴിക്കുന്നത് ഉടനടി ആശ്വാസം കിട്ടാൻ സഹായിക്കും.
അസിഡിറ്റിയുണ്ടാകുമ്പോൾ ഒരു നുള്ള് സോഡയും അരസ്പൂൺ വറുത്ത് പൊടിച്ച ജീരകവും, 8 തുള്ളി നാരങ്ങാനീരും അൽപം ഉപ്പും അര ഗ്ലാസ് വെള്ളവും ചേർത്ത് കുടിക്കുന്നത് ആശ്വാസ പ്രദമാണ്.
ഇഞ്ചിനീരിൽ കായം, ഇന്തുപ്പ് ചേർത്ത് കഴിക്കുന്നത് അസിഡിറ്റിയിൽ നിന്നും ആശ്വാസം ലഭിക്കാൻ സഹായിക്കും.
ദിവസവും വാഴപ്പഴം തിന്നുന്നത് അസിഡിറ്റി ക്രമേണ ഇല്ലാതാക്കും.
അര സ്പൂൺ അയമോദകം ഇളം ചൂട് വെള്ളത്തിൽ ചേർത്ത് ചവച്ചിറക്കുക. ഗ്യാസ് ഉണ്ടാവുകയില്ല.
ഒരു സ്പൂൺ ഉലുവയും ഒരു നുള്ള് കായവും ചേർത്ത് അരച്ച് ഇളം ചൂട് വെള്ളത്തിനൊപ്പം സേവിക്കുക. ഗ്യാസ് ഇല്ലാതാകും.

ഒഴിവാക്കേണ്ട ഭക്ഷണങ്ങൾ

ഫ്രോസൺ പോൾട്രി (ചിക്കൻ) ഉൽപന്നങ്ങൾ, ഇതിൽ ഹൈപ്രോട്ടീൻ അടങ്ങിയിട്ടുണ്ട്. ഇത് ദഹനക്കേട് ഉണ്ടാകും.
വൈറ്റ് ഷുഗർ അമിതമായി ഉപയോഗിക്കുന്ന ഭക്ഷ്യവസ്തുക്കൾ, നാരങ്ങാ, മുന്തിരി, അനാർ ആപ്പിൾ എന്നിവ സന്തുലിതമായ അളവിൽ കഴിക്കുക. ഇത് ആവശ്യത്തിലധികം കഴിക്കുന്നത് ഗുണത്തെക്കാളേറെ ആരോഗ്യത്തിന് ദോഷം ചെയ്യും.
പാൽ കുടിക്കാൻ ഇഷ്ടമുണ്ടെങ്കിൽ പഞ്ചസാര ചേർക്കാതെ കൊഴുപ്പ് നീക്കി പാൽ തണുപ്പിച്ചോ റൂം ടെംപറേച്ചറിലോ ഉള്ളത് കുടിക്കാം.
മിൽക്ക് ടി, കോഫി ഒഴിവാക്കാം.
ഇൻസ്റ്റന്‍റ് ഫുഡ് കഴിക്കാതിരിക്കുക.