മലയാളത്തിന്‍റെ ഏറ്റവും പ്രിയപ്പെട്ട നായികമാരിൽ ഒരാളായിരുന്നു ഒരിടയ്ക്ക് മീരാ ജാസ്മിൻ. വിവാഹവും മറ്റു ചില സ്വകാര്യ പ്രശ്നങ്ങളും നിമിത്തം അഭിനയ ലോകത്തു നിന്ന് ഏതാണ്ട് പൂർണമായും വിട്ടുപോയ അവസ്ഥയിൽ ആയിരുന്നു ഈ അതുല്യ പ്രതിഭയുള്ള നടി. ഇപ്പോൾ എല്ലാ ആരാധകരെയും ആഹ്ളാദിപ്പിച്ചു കൊണ്ട് അവർ സിനിമ രംഗത്തേക്ക് മടങ്ങി വരികയാണ്.
മടങ്ങി വരവിനെക്കുറിച്ചുള്ള സൂചന താരം തന്നെ കുറച്ചു നാൾ മുൻപ് നൽകിയിരുന്നു. മീരയ്ക്ക് ഒരുപിടി മികച്ച റോളുകൾ സമ്മാനിച്ച സംവിധായകൻ സത്യൻ അന്തിക്കാടാണ് ഇപ്പോൾ മീരയുടെ തിരിച്ചു വരവിനെ കുറിച്ചുള്ള വിവരങ്ങളും വിഡിയോയും സോഷ്യൽ മീഡിയയിൽ പങ്കുവെച്ചത്.
വിജയദശമി ദിനത്തിൽ ആണ് മീര നീണ്ട ഇടവേളയ്ക്ക് ശേഷം ക്യാമറക്കു മുന്നിലെത്തിയത്. സത്യൻ അന്തിക്കാടും മറ്റു ക്രൂ മെംബേർസും ഉള്ള ഷൂട്ടിംഗ് സൈറ്റിലേക്ക് മീര ആഹ്ളാദത്തോടെ എത്തുന്ന വീഡിയോ വൈറൽ ആയി. സെറ്റിൽ എത്തിയ ഉടൻ ഓടി വന്നു സത്യൻ അന്തിക്കാടിനെ കെട്ടിപ്പിടിക്കുകയും തുള്ളിച്ചാടി സന്തോഷം പങ്കിടുകയുമായിടുന്നു താരം.
സോഷ്യൽ മീഡിയയിൽ സത്യൻ അന്തിക്കാട് പങ്കു വെച്ച പോസ്റ്റിൽ പറയുന്നത് മീരയുടെ വരവ് സെറ്റിലാകെ ആഹ്ളാദ നിമിഷങ്ങൾ പകർന്നു എന്നാണ്. മീര എത്തിയപ്പോൾ ഒരുപാട് ഓർമ്മകൾ കൂടി കടന്നു വരുന്നു. രസതന്ത്രത്തിലെ കണ്മണി എന്ന ആൺകുട്ടി, അച്ചുവിന്‍റെ അമ്മയുടെ പ്രിയപ്പെട്ട മകൾ അച്ചു, ഒരു കിലോ അരിക്കെത്ര രൂപ എന്ന് ചോദിച്ചു ദിലീപിനെ വെള്ളം കുടിപ്പിച്ച വിനോദയാത്രയിലെ നായിക... ഇങ്ങനെ എത്രയോ ഓർമകൾ..
പുതിയ ചിത്രത്തിൽ മീര ജൂലിയറ്റ് ആണ്. ജയറാം, ദേവിക, ഇന്നസന്‍റ്, ശ്രീനിവാസൻ, സിദിഖ് ഇങ്ങനെ വലിയൊരു താര നിര തന്നെയുണ്ട് ഈ ചിത്രത്തിൽ. കേരളത്തിലെ തിയേറ്റർകളിലൂടെ മീരയെ പ്രേക്ഷകർക്ക് മുന്നിൽ കൊണ്ടു വരുമെന്നാണ് സത്യൻ അന്തിക്കാട് പറയുന്നത്.
വീഡിയോ ഇവിടെ കാണാം
https://youtu.be/vVZHbYmD6pw
