ആലിയ ഭട്ട് തന്‍റെ വരാനിരിക്കുന്ന ചിത്രമായ ഗംഗുഭായ് കത്യവാഡിയുടെ പുതിയ പോസ്റ്റർ പങ്കിട്ടു. ഗംഗുഭായ് കത്യവാഡി എന്ന ചിത്രത്തിൽ ഒരു വേശ്യാലയത്തിലെ മാഡമായിട്ടാണ് അവർ അഭിനയിക്കുന്നത്. ചിത്രത്തിന്‍റെ പുതിയ പോസ്റ്റർ അണിയറപ്രവർത്തകർ പുറത്തുവിട്ടു. ആലിയ ഭട്ട് ഇൻസ്റ്റാഗ്രാമിൽ പോസ്റ്റർ പങ്കുവെക്കുകയും ട്രെയിലർ റിലീസ് തീയതി പ്രഖ്യാപിക്കുകയും ചെയ്തു. പുതിയ പോസ്റ്ററിൽ വെള്ള വസ്ത്രം ധരിച്ച് കട്ടിലിൽ ചാരിയിരിക്കുന്ന ഗംഗുബായിയാണ് അലിയ പ്രത്യക്ഷപ്പെട്ടിരിക്കുന്നത്. ഗംഗുഭായ് കത്യവാഡിയുടെ ട്രെയിലർ ഫെബ്രുവരി 4 ന് റിലീസ് ചെയ്യും.
View this post on Instagram
"ആ രഹി ഹേ ഗംഗു. ട്രെയിലർ ഫെബ്രുവരി 4 ന് പുറത്തിറങ്ങും. #gangubai kathyawadi 2022 ഫെബ്രുവരി 25 ന് തീയറ്ററുകളിലെത്തും, എന്നാണ് അടിക്കുറിപ്പ്. സഞ്ജയ് ലീല ബൻസാലിയാണ് ചിത്രം സംവിധാനം ചെയ്തിരിക്കുന്നത്. ആലിയയുടെ അമ്മയും നടിയുമായ സോണി റസ്ദാൻ പോസ്റ്ററിനെ പുകഴ്ത്തിയിട്ടുണ്ട് നിരവധി താരങ്ങൾ കമന്‍റായി കൈയടിക്കുകയും റെഡ് ഹാർട്ട് ഇമോജികളും ഇടുകയും ചെയ്തിട്ടുണ്ട് "വൂ ഹൂ" എന്ന് ഹുമ ഖുറേഷി കമന്‍റ് ചെയ്തു, തുടർന്ന് ഒരു ചുവന്ന ഹൃദയ ഇമോജി പങ്ക് വെച്ചു. അദിതി റാവു ഹൈദരിയും കമന്‍റ് ചെയ്യുകയും കമന്‍റ് സെക്ഷനിൽ ചുവന്ന ഹൃദയ ഇമോജി ഇടുകയും ചെയ്തു. അഞ്ച് ലക്ഷത്തിലധികം ലൈക്കുകളാണ് ആലിയ ഭട്ടിന്‍റെ പോസ്റ്റിന് ലഭിച്ചത്
COVID-19 നിയന്ത്രണങ്ങൾ കാരണം ഗംഗുഭായ് കത്യവാഡിയുടെ റിലീസ് തീയതി പല തവണ മാറ്റി വച്ചിരുന്നു. ഇപ്പോൾ, ചിത്രം ഫെബ്രുവരി 25-ന് തിയറ്ററുകളിൽ റിലീസ് ചെയ്യും എന്നാണ് ചർച്ച. പുതിയ റിലീസ് തീയതി പങ്കിട്ടുകൊണ്ട്, "2022 ഫെബ്രുവരി 25-ന് നിങ്ങളുടെ അടുത്തുള്ള സിനിമാശാലകളിൽ അവളുടെ ഭരണത്തിന് സാക്ഷിയാകൂ" എന്ന് ചിത്രത്തിന്‍റെ നിർമ്മാതാക്കൾ എഴുതിയിരുന്നു.
എഴുത്തുകാരനായ ഹുസൈൻ സെയ്ദിയുടെ മാഫിയ ക്വീൻസ് ഓഫ് മുംബൈ എന്ന പുസ്തകത്തിലെ ഒരു അധ്യായത്തിൽ നിന്നാണ് ഗംഗുബായ് കത്യവാഡി രൂപപ്പെടുത്തിയിരിക്കുന്നത്. 1960 കളിൽ മുംബൈയിലെ റെഡ് ലൈറ്റ് ഏരിയയായ കാമാത്തിപുരയിൽ നിന്നുള്ള ഏറ്റവും ശക്തയായ മദാമ്മമാരിൽ ഒരാളായ ഗംഗുബായിയുടെ വേഷത്തിൽ ആലിയ ഭട്ട് അഭിനയിക്കുന്നു. ഒരു വേശ്യാലയത്തിന്‍റെ തലവനായും കാമാത്തിപുരയിലെ ഒരു രാഷ്ട്രീയ നേതാവായും ഉള്ള അവളുടെ യാത്രയാണ് സിനിമ കാണിക്കുന്നത്.
സഞ്ജയ് ലീല ബൻസാലി സംവിധാനം ചെയ്ത ഗംഗുഭായ് കത്യവാഡി ജയന്തിലാൽ ഗാഡയുടെ പെൻ ഇന്ത്യ ലിമിറ്റഡാണ് സഹനിർമ്മാണം. ചിത്രത്തിൽ അജയ് ദേവ്ഗണും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ചിത്രത്തിലെ അജയന്‍റെ ലുക്ക് ഇതുവരെ പുറത്തുവിട്ടിട്ടില്ല. ഇതാദ്യമായാണ് ആലിയ ഭട്ട് സഞ്ജയ് ലീല ബൻസാലിയുടെ ചിത്രത്തിന്‍റെ ഭാഗമാകുന്നത്.
