സ്ത്രീകളിലെ ഡ്രങ്കോറെക്സിയ

ഡ്രങ്കോനേഷ്യ എന്നാൽ അമിതമായി കുടിക്കാനുള്ള ആസക്തി എന്നാണർത്ഥം. ഇന്ത്യയിപ്പോൾ ഏറെക്കുറെ ഡ്രങ്കോനേഷ്യയുടെ പിടിയിൽ അമർന്നിരിക്കുകയാണ്. നാഷണൽ ഇൻസ്റ്റിറ്റ്യൂട്ട് ഓഫ് ആൽക്കഹോൾ അബ്യൂസ് ആന്‍റ് ആൽക്കോഹോളിസത്തിനു വേണ്ടി നടത്തിയ റിസർച്ചനുസരിച്ച് ഭൂരിഭാഗം കുറ്റകൃത്യങ്ങളും ആക്രമണങ്ങളും മദ്യപാനം കൊണ്ടാണ് സംഭവിക്കുന്നത്.

പുരുഷന്മാരും സ്ത്രീകളും മദ്യം കഴിക്കുന്നുണ്ട്. എന്നാൽ ഏറ്റവും ദുഃഖകരമായ സത്യം സ്ത്രീകളിൽ മദ്യാസ്കതി അതിവേഗം വളർന്നു വരുന്നുവെന്നതാണ്. നാഷണൽ ഫാമിലി ഹെൽത്ത് സർവ്വേ അനുസരിച്ച് 2005 – 2006 ൽ മദ്യപാനകളായ സ്ത്രീകളുടെ എണ്ണം 0.4 ശതമാനം ആയിരുന്നു. അത് 2015-16 ൽ 0.7 ശതമാനം ആയി വർദ്ധിച്ചു. ഡ്രങ്കോനേഷ്യ കൂടിയതോടെ ലൈംഗിക പീഡന കേസുകളിലും വർദ്ധനവുണ്ടായെന്നാണ് കണക്കുകൾ പറയുന്നത്.

മദ്യവുമായി ബന്ധപ്പെട്ട് മറ്റൊരു പ്രശ്നവും ഇപ്പോൾ തലപൊക്കിയിരിക്കുകയാണ്. ഡേറ്റ് റേപ് ഡ്രഗ് അഥവാ ലഹരി പദാർത്ഥങ്ങൾ മദ്യത്തിലോ കൂൾഡ്രിങ്കിലോ ചേർത്ത് വിളമ്പുക. ഇത്തരത്തിൽ സ്ത്രീകളെ മയക്കി ലൈംഗിക പീഡനത്തിന് ഇരയാക്കുന്ന സംഭവങ്ങളുമുണ്ട്.

പാർട്ടികളിലും മറ്റും ഇത്തരം ലഹരി വസ്തുക്കൾ കുടിക്കുന്നയാളുടെ ഗ്ലാസിൽ രഹസ്യമായി കലർത്തുകയാണ് ചെയ്യുന്നത്. പാനീയം കുടിക്കുന്ന ഇര അതോടെ ബോധരഹിതയാവുകയും ചെയ്യും.

ഇന്ത്യയിൽ ഏകദേശം 5 ശതമാനം സ്ത്രീകൾ ദിവസവും മദ്യപാനികളാവുന്നുവെന്നാണ് കണക്കുകൾ പറയുന്നത്. അദ്ഭുതപ്പെടുത്തുന്ന മറ്റൊരു കാര്യം സ്ത്രീകളെ ഇത്തരത്തിൽ മദ്യപാനികളാക്കുന്നത് പുരുഷന്മാരാണെന്നുള്ളതാണ്. വിവാഹം, പാർട്ടി പോലുള്ള ആഘോഷങ്ങളിൽ പുരുഷന്മാർ സ്ത്രീകളെ നിർബന്ധിച്ച് മദ്യം കുടിക്കാൻ പ്രേരിപ്പിക്കുന്നു. ഇത്തരത്തിൽ ചിലർ ലൈംഗിക ചൂഷണങ്ങൾക്കും ഇരയാവുന്നുണ്ട്.

ഭൂരിഭാഗം കേസുകളിലും ഔപചാരികതയുടെയും ബോൾഡ്നസിന്‍റെയും പേരിൽ സ്ത്രീകൾ ഇത്തരം ഓഫറുകൾ തള്ളി കളയാനാവാതെ മദ്യപിക്കുകയും ചെയ്യും. തുടർന്ന് ലൈംഗിക ചൂഷണത്തിന് ഇരയാവുകയും ചെയ്യുന്നു. ഡ്രങ്കോനേഷ്യ പല പ്രശ്നങ്ങൾക്കും പിന്നീട് ഇടവരുത്തും. ഇത് സാമൂഹികവും കുടുംബപരവുമായ പല പ്രശ്നങ്ങൾക്കും കാരണമാകും. മാത്രവുമല്ല ആരോഗ്യം ദുർബലമാവുകയും ചെയ്യും.

ഡ്രങ്കോനേഷ്യ സ്ത്രീകളേയും പുരുഷന്മാരേയും ഒരുപോലെ സ്വാധീനിച്ചു കൊണ്ടിരിക്കുന്ന സാഹചര്യത്തിൽ സ്ത്രീകളെ ഇത് ഗുരുതരമായ രീതിയിൽ ബാധിക്കുന്നു. സ്ത്രീകളിൽ സ്ഥായിയായി ഉണ്ടാകുന്ന ഹോർമോൺ അസന്തുലിതാവസ്‌ഥ അവരിൽ അപകടകരമായ ഫലമുളവാക്കും. ഇതിൽ നിന്നുണ്ടാകുന്ന പ്രശ്നങ്ങൾ സ്ത്രീയുടെ കുടുംബത്തേയും കരിയറിനെയും പ്രതിസന്ധിയിലാക്കുന്നു.

ഡ്രങ്കോനേഷ്യയുടെ പരിണിതഫലങ്ങൾ

കാൻസർ സാദ്ധ്യത: മദ്യപാന ശീലമുള്ള ഭൂരിഭാഗം സ്ത്രീകളിലും സ്തനം, ശിരസ് തുടങ്ങി കഴുത്തിൽ വരെ കാൻസർ ഉണ്ടാകാനുള്ള സാദ്ധ്യത കൂടുന്നു.

ബ്രെയിൻ ഡാമേജിംഗ്: സ്ത്രീകളിൽ മദ്യപാനം കൊണ്ട് ഉണ്ടാകുന്ന ദൂഷ്യ ഫലങ്ങൾ വളരെ വേഗം കണ്ടു തുടങ്ങുമെന്നതാണ്. ബ്രെയിൻ സെല്ലുകൾ നശിച്ചു തുടങ്ങും. ഏറ്റവുമൊടുവിൽ ഈ പ്രശ്നം അപകടകരമായ അവസ്‌ഥയിലെത്തും.

ഗർഭധാരണ ശേഷി: മദ്യപാനം ഗർഭധാരണ ശേഷിയെ ബാധിക്കും. ഗർഭസ്‌ഥ ശിശുവിന്‍റെ വളർച്ചയെ പ്രതികൂലമായി ബാധിക്കുന്നു. മദ്യപാന ശീലമുള്ള സ്ത്രീകളിൽ വന്ധ്യതയും ആർത്തവ ക്രമക്കേടുകളും ഉണ്ടാകാനുള്ള സാദ്ധ്യതയും വളരെ അധികമാണ്.

വിഷാദം: മദ്യപാന ശീലം വിഷാദം, ഹൈപ്പർ ടെൻഷൻ, ഹാർട്ട് അറ്റാക്ക് തുടങ്ങിയ അസുഖങ്ങൾക്കും കാരണമാകുന്നു.

എന്തുകൊണ്ടാണ് സ്ത്രീകൾ മദ്യപാനികളാവുന്നത്?

പൊതുവെ പുരുഷന്മാരെ പോലെ റിലാക്സ് ആകാനും പൊതുവേദിയിൽ സ്വയം ആത്മവിശ്വാസമുള്ളവരായി കാണിക്കാനും നല്ല ഉറക്കത്തിനും ടെൻഷൻ ഒഴിവായി കിട്ടാനുമൊക്കെയാണ് സ്ത്രീകൾ മദ്യപിച്ച് തുടങ്ങുന്നത്. ഇതിന് പുറമെ മറ്റ് ചില കാരണങ്ങളുമുണ്ട്.

• വ്യക്‌തി ബന്ധങ്ങളിലുണ്ടാവുന്ന തകർച്ച ഭർത്താവ് അല്ലെങ്കിൽ കാമുകനിൽ നിന്നുണ്ടാകുന്ന ചതി, ബന്ധത്തിലുണ്ടാകുന്ന വിള്ളൽ, വിഷാദം എന്നിങ്ങനെയുള്ള വേദനകളെ മറക്കാൻ വേണ്ടിയാണ് സ്ത്രീകൾ മദ്യത്തെ കൂട്ടുപിടിച്ച് തുടങ്ങുന്നത്. ലഹരിയിൽ അവർ ആശ്വാസം കണ്ടെത്തുന്നു. അതിനാൽ ഏറ്റവും അവസാനത്തെ പരിഹാരമെന്ന നിലയിൽ സ്ത്രീകൾ മദ്യപാനത്തെ സ്വീകരിച്ച് തുടങ്ങുന്നു.
• അവിവാഹിത, വിവാഹമോചിത, കുടുംബം അല്ലെങ്കിൽ ഭർത്താവിൽ നിന്നുള്ള വേർപിരിയൽ എന്നിവ സ്ത്രീകളെ മദ്യത്തിന് അടിമകളാക്കുന്നു. മദ്യത്തിൽ അവർ വൈകാരികമായ ആശ്വാസം കണ്ടെത്തുകയാണ്. അങ്ങനെ അറിഞ്ഞും അറിയാതെയും അവർ മദ്യപാനത്തിലേക്ക് ആകർഷിക്കപ്പെടുന്നു.
• ലൈംഗിക ചൂഷണത്തിന് ഇരയാവുക അല്ലെങ്കിൽ ഇരയായി കൊണ്ടിരിക്കുന്ന സ്ത്രീകളും മദ്യത്തിൽ അഭയം കണ്ടെത്തുന്നു.
• എന്നാൽ മേൽപ്പറഞ്ഞ കാരണങ്ങളൊന്നുമല്ലാതെ മറ്റുള്ളവരുടെ മുമ്പിൽ മേനി നടിക്കാനും സ്ത്രീകൾ മദ്യപാനം ശീലമാക്കാറുണ്ട്.