ക്രോപ്പ് ടോപ്പിനു ശേഷം ഇപ്പോൾ ഫാഷൻ ലോകത്ത് ക്രോപ്പ് പാന്‍റ്സിന്‍റെ വസന്തകാലമാണ്. ഇത്തരം ക്രോപ്പ് പാന്‍റ്സിന് ഒരു ഓമനപ്പേരുണ്ട് കുലോട്ട്സ്.
ഫാഷന്‍റെ ഈ പുത്തൻ ട്രെൻഡ് ചെറുപ്പക്കാർക്കിടയിൽ ഹോട്ട് താരമായിരിക്കുകയാണ്. ഏത് ബോഡി സ്റ്റൈലിനും നന്നായി ഇണങ്ങുമെന്നതാണ് കുലോട്ട്സിനെ പോപ്പുലറാക്കുന്നത്. പൊക്കം കൂടിയവർക്കും കുറഞ്ഞവർക്കും മെലിഞ്ഞവർക്കും തടിയുള്ളവർക്കുമെല്ലാം കുലോട്ട്സ് പെർഫക്‌റ്റ് വേഷമാണ്. ആദ്യമായി അണിയുമ്പോഴുള്ള സങ്കോചം ഒഴിവാക്കാൻ പ്രിൻഡ് കുലോട്ട്സ് വാങ്ങുന്നതിന് പകരം സിംഗിൾ ഡാർക്ക് കളർ കുലോട്ട്സ് വാങ്ങാം. ഉദാ: ബ്ലാക്ക്, നീല, ചാരനിറം
കുലോട്ട്സ് എന്തിനൊപ്പം അണിയാം
കുലോട്ട്സ് ഏതുതരം ടോപ്പിനൊപ്പവും ധരിക്കാം. സ്വന്തമിഷ്ടം ഈ കാര്യത്തിൽ പരിഗണിക്കാം. ഏത് ലുക്കിലാണ് വേണ്ടതെന്നതിനെ ആശ്രയിച്ചിരിക്കുമത്. ഹൈ വെസ്‌റ്റ് കുലോട്ട്സ് ആണ് തെരഞ്ഞെടുക്കുന്നതെങ്കിൽ ഇതിനെ സ്റ്റൈലിഷ് ക്രോപ്പ് ടോപ്പിന് ഒപ്പം ധരിക്കാം. ഇതിന് പുറമെ നിങ്ങൾ ലോ വേസ്റ്റ് ആങ്കിൾ ലെംഗ്ത് കുലോട്ട്സ് ആ് തെരഞ്ഞെടുത്തിരിക്കുന്നതെങ്കിൽ നീ ലെംഗ്ത് കുർത്ത അണിയാം. കുർത്ത സ്റ്റൈൽ നിങ്ങൾക്ക് വെസ്റ്റേൺ എത്ത്നിക്ക് ഫ്യൂഷൻ ലുക്ക് നൽകും.
എ ലൈൻ സ്കർട്ടോടു കൂടിയ കുലോട്ട്സും ഇപ്പോൾ ഫാഷൻ ട്രെൻഡിലുണ്ട്. ഫോർമൽ അല്ലെങ്കിൽ സ്റ്റൈലിഷ് ഷർട്ടിനൊപ്പം ഇത് ധരിക്കാം. ഫാഷൻ ട്രെന്‍റുകളിൽ എല്ലാവരുടെയും ഫസ്റ്റ് ചോയിസായി മാറിയ ജ്വല്ലേഡ് ടോപ്പും കുലോട്ട്സിനൊപ്പം അണിയുന്നത് സ്റ്റൈലിഷ് ലുക്ക് പകരും.
എപ്പോൾ എവിടെ അണിയാം
പല ലെംഗ്ത്, സ്റ്റൈൽ, പാറ്റേൺ എന്നിവയിലുള്ള കുലോട്ട്സ് സ്റ്റൈലിഷ് ആണെന്ന് മാത്രമല്ല അണിയാനും കംഫർട്ടിബിളാണ്. ഏത് സ്‌ഥലത്തും അനായാസം കാരി ചെയ്യാം. പ്രത്യേകിച്ചും വേനൽക്കാലത്ത് ഇതേറ്റവും സുഖപ്രദമായ വസ്‌ത്രമാണ്. ഡേ പാർട്ടി, നൈറ്റ് ഔട്ടിംഗ് തുടങ്ങി ഓഫീസിൽ വരെ അണിഞ്ഞു പോകാവുന്ന കംഫർട്ടിബിൾ ഡ്രസ്സാണിത്.
ഓഫീസിൽ കുലോട്ട്സ് അണിഞ്ഞു പോകാൻ ആഗ്രഹിക്കുന്നുവെങ്കിൽ ഫോർമൽ ലുക്കിലുള്ള കുലോട്ട്സ് തെരഞ്ഞെടുക്കാം. ഫോർമൽ ഷർട്ടിനൊപ്പമോ ടോപ്പിനൊപ്പമോ ഇത് അണിഞ്ഞാൽ സ്റ്റൈലിഷ് ഇമേജാവും കിട്ടുക. ഫോർമൽ ലുക്കിനായി നിങ്ങൾ മോണോക്രൊമാറ്റിക് കളറിലുള്ള കുലോട്ട്സും ട്രൈ ചെയ്യാം. ഇതിനൊപ്പം ബ്ലേസറും ധരിക്കാം. ബ്ലേസറും കുലോട്ട്സും ചേർന്ന കോമ്പിനേഷൻ കേൾക്കുമ്പോൾ വിചിത്രമായി തോന്നാമെങ്കിലും യഥാർത്ഥത്തിൽ മികച്ച സ്റ്റൈലിഷ് പ്രൊഫഷണൽ ലുക്കാവും ലഭിക്കുക.
ബോളിവുഡ്‌ഡിലെ കുലോട്ട്സ് മാജിക്ക്
പികു എന്ന സിനിമയിൽ ആദ്യ കുറേ സീനുകളിൽ ദീപിക പദുക്കോൺ കുലോട്ട്സ് അണിഞ്ഞാണ് പ്രത്യക്ഷപ്പെടുന്നത്. നീ ലെംഗ്ത് കുർത്തികൾക്കൊപ്പം അണിയുന്നതായിരുന്നു അപ്പോഴത്തെ ട്രെൻഡ്. ദീപികയെ കൂടാതെ ആലിയാ ഭട്ട് ഷാൻദാർ എന്ന ചിത്രത്തിന്‍റെ പ്രോമോയ്ക്കായി ഫോർമൽ ലുക്ക് കുലോട്ട്സിലാണ് പ്രത്യക്ഷപ്പെട്ടത്.
സ്റ്റൈലിഷ് പാന്‍റായ കുലോട്ട്സ് ഇപ്പോൾ ബോളിവുഡ് താരങ്ങളുടെ പ്രിയ വേഷമായി മാറിയിരിക്കുകയാണ്.
ഫാഷൻ ഡിസൈനർമാരിൽ പലരും കുലോട്ട്സിനെ പുതിയൊരു വേഷമായി അംഗീകരിക്കുന്നില്ലെന്നതാണ് വാസ്തവം. കുലോട്ട്സ് ഫാഷൻ 70 കളിൽ പ്രചാരത്തിലുണ്ടായിരുന്നുവത്രേ. ഇപ്പോഴത് ഒന്ന് മിനുങ്ങി പുത്തൻ സ്റ്റൈലിൽ മടങ്ങിയെത്തിയിരിക്കുന്നുവെന്ന് മാത്രം.
കുലോട്ട്സിന്‍റെ ചരിത്രം
സ്കർട്ടിന്‍റെ ഇമേജുള്ള കുലോട്ട്സ് യഥാർത്ഥത്തിൽ ഒരു ഷോർട്ട് പാന്‍റുപോലെയാണ്. ഫ്രാൻസിലെ ഹെൻറി മൂന്നാമന്‍റെ ഭരണകാലത്ത് ഏറെ പ്രചാരത്തിലുണ്ടായിരുന്ന ഒരു വേഷമായിരുന്നുവത്രേ ഇത്. അതിനു ശേഷം വിക്ടോറിയൻ കാലഘട്ടത്തിൽ പാന്‍റിടാനുള്ള സ്വാതന്ത്യ്രത്തിനായി സ്ത്രീകൾ ആവശ്യപ്പെടുകയുണ്ടായി. ആ സമയത്ത് സ്കർട്ട് ഇമേജുള്ള കുലോട്ട്സ് ഏറെ ജനപ്രിയമായി മാറി. അന്നു മുതൽ ഇന്നു വരെ ഈ വേഷത്തിന്‍റെ ഫാഷനിലും സ്റ്റൈലിലും പാറ്റേണിലുമെല്ലാം ധാരാളം മാറ്റങ്ങൾ വന്നു. കുലോട്ട്സ് ഫാഷൻ കഴിഞ്ഞ വർഷം മുതൽ ഫാഷനിസ്‌റ്റുകളുടെ ലിസ്‌റ്റിൽ സ്‌ഥാനം പിടിച്ചിരിക്കുകയാണ്.
ശ്രദ്ധിക്കുക
- പൊക്കം കുറഞ്ഞ പെൺകുട്ടിക്കാണ് കുലോട്ട്സ് ധരിക്കേണ്ടതെ ങ്കിൽ ആങ്കിൾ ലെംഗ്ത് തെരഞ്ഞെടുക്കാം. ഹൈഹീൽസീനൊപ്പമോ ഫ്ളാക്‌സിനൊപ്പമോ ഇതണിയാം. സ്റ്റൈലിഷ് ലുക്ക് ലഭിക്കും.
- പൊക്കം കൂടിയവർക്കാകട്ടെ ബോട്ടം ഫ്ളയർ ലുക്കുള്ള കുലോട്ട്സ് ആവും കൂടുതൽ ഇണങ്ങുക. മെലിഞ്ഞവർക്ക് മിഡ് ലെംഗ്ത് കുലോട്ട്സ് സ്റ്റൈലിഷ് ലുക്ക് പകരും. ടീ സ്ട്രാപ്പ് ഷൂസ് അല്ലെങ്കിൽ പീപ്പ് ടോപ്പോ ധരിക്കുക.
- നിങ്ങളുടെ കയ്യിൽ ബ്ലാക്ക് കുലോട്ട്സ് ആണെങ്കിൽ വൈറ്റ് ടാങ്ക് ടോപ്പ് അല്ലെങ്കിൽ വൈറ്റ് ജമ്പറിനൊപ്പമോ ധരിക്കുക. വളരെ ട്രെൻഡിയാണ് ഈ കോമ്പിനേഷൻ.
