തന്‍റെ സഹോദരി ആര്യയുടെ 5 വർഷത്തെ പ്രണയ ബന്ധം തകർന്നുവെന്ന് അൻഷുവിന് മനസ്സിലായപ്പോൾ, അവൾ ശരിക്കും ഞെട്ടി പോയി. ആര്യയുടെയും കബീറിന്‍റെയും ജോഡി എത്ര മനോഹരമായിരുന്നു. ഇരുവരും മുംബൈയിലെ എഞ്ചിനീയറിംഗ് കോളേജിൽ പഠിക്കുകയായിരുന്നു. രണ്ട് കുടുംബങ്ങളും ഈ ബന്ധം അംഗീകരിച്ചിരുന്നു, ഒരു സാമൂഹിക സ്വീകാര്യത മാത്രമേ ഇനി വേണ്ടിയിരുന്നുള്ളൂ. വളരെ സങ്കടത്തോടെയാണ് അൻഷു സഹോദരിയുടെ അടുത്തേക്ക് പോയത്. പക്ഷെ ആര്യ തികച്ചും സാധാരണമായ രീതിയിൽ ആണ് പെരുമാറിയത്.
യഥാർത്ഥ സ്നേഹം എന്നൊന്നില്ലേ എന്ന് അൻഷുവിന് തോന്നി. നിങ്ങൾക്ക് ആവശ്യമുള്ളപ്പോഴെല്ലാം ബന്ധത്തിൽ ഏർപ്പെടുക, നിങ്ങൾക്ക് ആവശ്യമുള്ളപ്പോഴെല്ലാം ബന്ധം വേർപെടുത്തുക. ഇതാണോ ശരിക്കും റിലേഷൻഷിപ്? ഇത്തരം എല്ലാ ബന്ധങ്ങളും ശാരീരിക തലത്തിൽ മാത്രം അടിസ്ഥാനമാക്കിയുള്ളതാണോ?
പ്രവേഷുമായുള്ള ബന്ധം വിച്ഛേദിച്ച സമയം അൻഷു ഓർമ്മിച്ചു പോയി . 2 വർഷം മുഴുവൻ അവൾ തീർത്ത പുറംതൊടിൽ നിന്ന് പുറത്തിറങ്ങാൻ അവൾക്ക് കഴിഞ്ഞില്ല. തന്‍റെ പുതിയ ബന്ധം വളരെ പ്രയാസപ്പെട്ടാണ് അംഗീകരിച്ചത് ചിലപ്പോഴൊക്കെ.തനിക്ക് ഭർത്താവിനെ സ്വീകരിക്കാൻ കഴിഞ്ഞിട്ടില്ലെന്ന് അൻഷുവിന് തോന്നുന്നു.
രാത്രിയിൽ, ആര്യ അൻ‌ഷുവിനെ ആലിംഗനം ചെയ്തു പറഞ്ഞു, ചേച്ചി, നിങ്ങൾ വന്നത് വളരെ നന്നായി. എന്‍റെ കുടുംബം മുഴുവൻ എന്നോടൊപ്പം നിൽക്കുന്നു, അതിനാലാണ് എനിക്ക് ഈ തീരുമാനം എടുക്കാൻ കഴിഞ്ഞത്.”
എന്നാൽ ആര്യ ഒരിക്കലും കബീറിനെ ശരിക്കും സ്നേഹിച്ചിട്ടില്ലെന്നു അൻഷുവിന് തോന്നി. എന്നാൽ ആര്യ പറയുന്നത് അനുസരിച്ച്, ഒരുമിച്ച് പോകാൻ ഉള്ള സാഹചര്യം, സൃഷ്ടിക്കപ്പെടുന്നില്ലെങ്കിൽ, പിന്നെ പിരിയുക. മുന്നോട്ട് പോകാതിരിക്കുന്നതാണ് നല്ലത് എന്നാണ്…
ഇക്കാലത്ത് യുവതലമുറയുടെ ചിന്ത മുമ്പത്തേതിനേക്കാൾ കൂടുതൽ അവബോധമുള്ള പ്രായോഗികത നിറഞ്ഞതും ആണ്. ഒരു വ്യക്തിയുടെ പേരിൽ ജീവിതം മുഴുവൻ നശിപ്പിക്കുന്നതിനു പകരം, അവർ പിരിഞ്ഞ് മുന്നോട്ടുള്ള മറ്റൊരു പാത ഉണ്ടാക്കുന്നു.
കാരണം ബന്ധം തകരുമ്പോൾ ഒരാൾ വിഷാദാവസ്ഥയിലായി കഴിഞ്ഞാൽ തന്‍റെ മുഴുവൻ കുടുംബത്തിന്‍റെയും ജീവിതം കൂടി ദുഷ്കരമാക്കുന്നു. ഒരു ബന്ധവും നിർബന്ധിതമല്ല. നിങ്ങളുടെ പങ്കാളി നിങ്ങളുമായി ചേർന്ന് പോകാൻ ആഗ്രഹിക്കുന്നില്ലെങ്കിൽ, അപേക്ഷിക്കുന്നതിനു പകരം, നിങ്ങൾ മാന്യമായി വിട്ടു പോകുന്നുവെങ്കിൽ, അത് നിങ്ങളുടെ പങ്കാളിയ്ക്ക് മാത്രമല്ല നിങ്ങൾക്കും നല്ലതാണ്.
ബ്രേക്ക് അപ്പിൽ ധാരാളം വാദങ്ങൾ ഉന്നയിക്കാമെങ്കിലും, ആർക്കോ മുന്നിൽ മുട്ടുകുത്തി ജീവിക്കുന്നതിനേക്കാൾ മികച്ചതാണ് ബ്രേക്ക് അപ്പ്.
വേർപിരിയൽ വിവാഹത്തിന് മുമ്പോ വിവാഹത്തിന് ശേഷമോ ആകട്ടെ, എല്ലായ്പ്പോഴും മാന്യനായിരിക്കണം. നമ്മുടെ വ്യക്തിപരമായ ജീവിതത്തിൽ ഈ ചെറിയ പ്രായോഗിക നുറുങ്ങുകൾ സ്വീകരിക്കുകയാണെങ്കിൽ, നമുക്ക് ഒരു സമ്പൂർണ്ണ ജീവിതത്തിലേക്ക് വേഗത്തിൽ നീങ്ങാൻ കഴിയും:
രക്തസാക്ഷിയാവാൻ തിരക്കുകൂട്ടരുത്
ഒരു വേർപിരിയൽ ഉണ്ടായാൽ നിങ്ങൾ അതിൽ 24 മണിക്കൂർ ചുറ്റിക്കറങ്ങി ജീവിക്കുക എന്നല്ല. ഇത് ജീവിതാവസാനമല്ല. ജീവിതം നിങ്ങൾക്ക് സന്തോഷിക്കാൻ മറ്റൊരു അവസരം നൽകുന്നു. നിങ്ങൾ അത് സ്വയം തിരിച്ചറിയുക. നമ്മുടെ സ്വന്തം നിലനിൽപ്പിനായി ഈ ബന്ധങ്ങൾ നിലനിർത്താൻ സാധ്യത തിരയാൻ തുടങ്ങുന്നു. ഇത് കൊണ്ട് കുറെ ദിവസം മോശം മാനസികാവസ്ഥയിലൂടെ, ഒരു പക്ഷേ ഒരു ച്യൂയിംഗ് ഗം പോലെ ആ ബന്ധത്തിന്‍റെ ഓർമ്മകൾ ചവച്ചരച്ചു കൊണ്ടിരിക്കും. അത് അവസാനിപ്പിക്കുക. തകർന്ന ബന്ധത്തിന്‍റെ രക്ത സാക്ഷി എന്ന മനോഭാവം ദൂരേക്ക് പറത്തിക്കളയാം.
ഹൃദയത്തിന്‍റെ വാതിലുകൾ തുറന്നിടുക
ഒരു അപകടം ഉണ്ടാവുമ്പോൾ നിങ്ങൾ ജീവിതം നിർത്തുന്നുവെന്ന് അർത്ഥമാക്കുന്നില്ല. എല്ലായ്പ്പോഴും ഹൃദയത്തിന്‍റെ വാതിലുകൾ തുറന്നിടുക. എല്ലാ രാത്രിക്കും ശേഷം തീർച്ചയായും പ്രഭാതമാണ്. ഒരു അനുഭവം മോശമായിരിക്കാം, പക്ഷേ ഇതിനർത്ഥം നിങ്ങൾ പ്രകാശകിരണത്തിൽ നിന്ന് പിന്തിരിയുന്നു എന്നല്ല.
ജോലിയിൽ മനസ്സ് മുഴുകട്ടെ
ബ്രേക്ക് അപ്പിനു ശേഷം നല്ലൊരു മരുന്നാണ് ജോലി ചെയ്യുക എന്നത്. അതിനാൽ, ജോലിയിൽ മുഴുകുക, പകുതിയിലധികം വേദനകൾ അതോടെ അപ്രത്യക്ഷമാവും. നിങ്ങൾ കൂടുതൽ പ്രവർത്തിക്കുമ്പോൾ നിങ്ങളുടെ കഴിവുകൾ മെച്ചപ്പെടുകയും പുരോഗതിയുടെ വഴി തുറക്കുകയും ചെയ്യും.
പ്രതീക്ഷ കൈവിടരുത്
ഒരു വേർപിരിയലിനു ശേഷം ആളുകൾ നിരാശയുടെ ഉള്ളറകളിലേക്ക് സ്വയമറിയാതെ പോകുന്നത് പലപ്പോഴും കാണാം. വേണോ വേണ്ടയോ എന്ന് ശ്വാസംമുട്ടുന്ന ബന്ധത്തിൽ, അനാവശ്യമായ പ്രതീക്ഷയോടെ, അതിലേറെ നിരാശയോടെ ചെലവഴിക്കുന്നതിലും ഭേദമാണ് വേർപിരിയുന്നതിലൂടെ ഒരു പുതിയ തുടക്കം കുറിക്കുന്നത്. പ്രത്യാശയെ മുറുകെ പിടിച്ച് വേർപിരിയലിനു ശേഷം പുതിയതായി ജീവിതം ആരംഭിക്കുക.
ജീവിതം മനോഹരമാണ്
ജീവിതം മനോഹരമാണ്, ഒരു വേർപിരിയൽ കാരണം അതിന്‍റെ സൗന്ദര്യത്തെ അവഗണിക്കരുത്. വേർപിരിയലിൽ നിന്ന് എന്തെങ്കിലും മനസിലാക്കുക, അതേ തെറ്റുകൾ വീണ്ടും ആവർത്തിക്കരുത്. വേർപിരിഞ്ഞതിനു ശേഷം മാത്രമേ ശരിയായ ഉറക്കം ലഭിക്കുകയുള്ളു എന്നാണ് അനുഭവങ്ങൾ പറയുന്നത്..
ലളിതമായ ഭാഷയിൽ, ബ്രേക്ക് അപ്പ് എന്നത് ഒരു പൂർണ്ണ വിരാമം അല്ല, മറിച്ച് ബന്ധങ്ങളുടെ ഒരു പുതിയ തുടക്കമാണ്.
