ഓൺലൈൻ ഷോപ്പിംഗ്

ഓൺലൈനിൽ എല്ലാം കിട്ടും. പക്ഷേ നോക്കിയും കണ്ടും ഓർഡർ കൊടുത്തില്ലെങ്കിൽ പണി കിട്ടും. ഇതൊക്കെ എല്ലാവർക്കും അറിയാം എന്നാലും ചെന്ന് തലവച്ചു കൊടുക്കും. ഓൺലൈൻ ഷോപ്പിംഗിനെപ്പറ്റി മിക്കവരുടെയും അനുഭവം ഇങ്ങനെയൊക്കെയാവും. പ്രത്യേകിച്ചും ആദ്യമായി ഓൺലൈൻ പർച്ചേസിംഗ് ചെയ്യുന്നവർക്ക്.

സാധനം ഡാമേജായാൽ മാറ്റി വാങ്ങാൻ പോലും ഓപ്ഷൻ ഉണ്ട്. ഇതൊന്നും പക്ഷേ പലർക്കും അറിയില്ല. റിപ്ലേസ്മെന്‍റ് വാറന്‍റി, വാങ്ങുന്ന സാധനങ്ങൾക്ക് മേൽ ബോണസ് കൂപ്പൺ എന്നിവ ലഭിക്കാറുണ്ട്. ഫിള്പ്പ്കാർട്ട്, ആമസോൺ, സ്നാപ്ഡീൽ എന്നീ ഓൺലൈൻ വെബ്ബ്സൈറ്റുകളിൽ വമ്പൻ ഓഫറുകൾ ഉണ്ടാവാറുണ്ട്.

ഇന്ത്യയിൽ 2013 ൽ ഓൺലൈനിൽ സാധനം വാങ്ങിയവരുടെ സംഖ്യ 2 കോടി ആയിരുന്നുവെങ്കിൽ 2016 ൽ അത് 4 കോടിയാണ്. ഇന്ത്യയിലെ
ഈ- കോമേഴ്സ് 8.5 ബില്ല്യൻ ഡോളറിന്‍റേതാണ്. 2015 അവസാനത്തോടെ 38 മില്ല്യൺ യുസേഴ്സ് ഓൺലൈൻ ഷോപ്പിംഗ് നടത്തിയിട്ടുണ്ട് എന്നാണ് കണക്കുകൾ സൂചിപ്പിക്കുന്നത്. ഇന്ത്യയിൽ ഓൺലൈൻ ബിസിനസ്സ് തകൃതിയായി നടക്കുന്നതിനൊപ്പം ഓൺലൈൻ കൊള്ളയും നടക്കുന്നുണ്ട്. ഓൺലൈൻ ഷോപ്പിംഗ് നടത്തുമ്പോൾ വഞ്ചിതരാവാതിരിക്കാനുള്ള കാര്യങ്ങൾ അറിഞ്ഞിരിക്കാം.

വില താരമത്യം ചെയ്യുക: ഓൺലൈൻ ഷോപ്പിംഗിന് ഒരുങ്ങും മുമ്പ് മിക്ക സൈറ്റിലും കയറി ഒരേ സാധനത്തിന്‍റെ വില നോക്കുക. ചിലപ്പോൾ വലിയ വില വ്യത്യാസം ഉണ്ടാവാം. അതു നോക്കിയ ശേഷം മാത്രം ഓർഡർ നൽകിയാൽ മതി.

ബ്രൗസർ എക്സ് റ്റൻഷൻ ഡൗൺലോഡ് ചെയ്യാം: ഒരേ സമയം ഒരുപാട് ഓൺലൈൻ ഷോപ്പിംഗ് സൈറ്റുകളുടെ മാന്യുൽ താരതമ്യം ചെയ്യുക പാടായിരിക്കും. എന്നാൽ ബ്രൗസർ എക്സ് റ്റൻഷൻ വഴി ചെയ്‌താൽ പണി എളുപ്പമാകും. Buyhatke എന്ന എക്സ് റ്റൻഷൻ ഡൗൺലോഡ് ചെയ്യാം. ഇത് എല്ലാ ബ്രൗസറിലും പ്രവർത്തിക്കും. ഓൺലൈൻ ഷോപ്പിംഗ് ചെയ്യുന്ന വേളയിൽ എല്ലാ സൈറ്റിലെയും ഡീൽ ഇത് ലൈവായി കാണിക്കും. വില എപ്പോഴാണ് താഴ്ന്നിരിക്കുന്നത്, ഏറ്റവും കുറഞ്ഞ വില, വില ഉയരുന്നത്, എല്ലാം അറിയാൻ പറ്റും. കൂടാതെ my smart price, compare raja, price dekho തുടങ്ങിയ സൈറ്റുകളിൽ സന്ദർശിച്ചാൽ വില നിലവാരവും വ്യത്യാസവും അറിയാനാവും.

ആപ്പുകൾ ഉപയോഗിക്കാം: ഫ്ളിപ്പ്കാർട്ട്, ആമസോൺ തുടങ്ങിയ വെബ്ബ്സ്റ്റോറുകൾക്കായി ആപ്പുകൾ ഉണ്ട്. അതു നിങ്ങളെ നല്ല ഡീൽ നടത്താൻ സഹായിക്കും. കുറഞ്ഞ വിലയുടെ ഓഫർ ഇതുവഴി മനസ്സിലാക്കാം.

കൂപ്പൺ, ഡ്രൈസ് അപ്പ് ഡേറ്റ്: മാർക്കറ്റ് വിലയുടെ അടിസ്‌ഥാനത്തിലല്ല ഓൺലൈനിൽ ഷോപ്പിംഗിൽ ബെറ്റ് ഡീൽ കണക്ക് കൂടുന്നത്. വില നിലവാരം (കൂടുന്നതും കുറയുന്നതും) അടിസ്‌ഥാനപ്പെടുത്തിയാണ്. കൂപ്പൺ, ഡിസ്ക്കൗണ്ട് കോഡ്സ് എന്നിവ ഉപയോഗപ്പെടുത്താം.

പ്രൊമോ കോഡും കൂപ്പൺ ഡിസ്ക്കൗണ്ടും: ഏറ്റവും കുറഞ്ഞ വിലയാണ് നിങ്ങൾ നോക്കുന്നതെങ്കിൽ അതിനായി പ്രൊമോകോഡും കൂപ്പൺ ഡിസ്ക്കൗണ്ടും ഉണ്ട്. പല ഷോപ്പിംഗ് വെബ്ബ്സൈറ്റുകളും ആക്ടീവ് കൂപ്പൺ കാർഡുകൾ നൽകുന്നുണ്ട്. ഇത് കൂടാതെ coupon duniya, freekomaal, desidime, coupan mantra തുടങ്ങിയ വെബ്ബ്സൈറ്റുകൾ പല ഷോപ്പിംഗ് സൈറ്റുകൾ നൽകിയ ക്യാഷ് ബാക്ക് കൂപ്പൺ, കൂപ്പൺ കോഡ് എന്നിവയുടെ താരതമ്യ ലിസ്റ്റ് നൽകാറുണ്ട്. ഈ സേവനം സൗജന്യമാണ്. രജിസ്റ്റർ ചെയ്യണമെന്ന് മാത്രം. അറിയിപ്പുകൾ ഇമെയിലായി നിങ്ങൾക്ക് കിട്ടി കൊണ്ടിരിക്കും. ഇതിൽ നിന്നും ബെസ്റ്റ് ഡീൽ തെരഞ്ഞെടുക്കാവുന്നതാണ്.

കൂപ്പൺ തരംഗം: ഓൺലൈൻ ഷോപ്പിംഗ് ചെയ്യുമ്പോൾ വില കുറച്ച് കിട്ടാനായി കൂപ്പൺ സഹായകമാണ്. പക്ഷേ നിങ്ങൾക്ക് ഇഷ്‌ടപ്പെട്ട വെബ്ബ്സൈറ്റുകളിൽ കൂപ്പൺ ലഭിക്കുന്നില്ലെങ്കിൽ ഗൂഗിളിൽ പോയി തിരയാവുന്നതാണ്. സാധനങ്ങൾ വാങ്ങുമ്പോൾ മാത്രമേ കൂപ്പൺ കൊണ്ട് ഉപകാരമുള്ളൂ. അതു ഉണ്ടെങ്കിൽ കിഴിവ് കിട്ടും.

ക്യാഷ് ബാക്ക് ലോയൽറ്റി പ്രോഗ്രാം: നിങ്ങൾ നിരന്തരം ഓൺലൈൻ ഷോപ്പിംഗ് നടത്തുന്ന ആളാണെങ്കിൽ ഇത് വളരെ ഉപകാരപ്രദമാണ്. Cash karo, in peny.in, gopaisa.com തുടങ്ങിയ സൈറ്റുകൾ മെഡിക്കൽ ഹെൽത്ത് ചെലവുകൾ വരുമ്പോൾ ഉപകാരപ്രദമാണ്.

ക്യാഷ് ബാക്ക് ഡിസ്ക്കൗണ്ട്: വിലയിൽ ഡിസ്ക്കൗണ്ട് ലഭിക്കുന്നതിനൊപ്പം pennyful.in, baggout.com തുടങ്ങിയ ക്യാഷ്ബാക്ക് വെബ്ബ്സൈറ്റ് ഷോപ്പിംഗ് സൈറ്റിൽ നിലവിലുള്ള ക്യാഷ് ബാക്ക് ഓഫറുകളെപ്പറ്റി അറിയിപ്പ് നൽകുന്നു. ഇതിൽ നിന്ന് നിങ്ങൾക്ക് പറ്റിയ ഡീൽ തെരഞ്ഞെടുക്കാം.

ഓൺലൈൻ ഷോപ്പിംഗ് സൈറ്റുകളെ പറ്റിയുള്ള വിശദവിവരം: വിലക്കുറവ് ഉണ്ടെന്ന് കരുതി ഏതെങ്കിലും സൈറ്റിൽ പോയി വാങ്ങരുത്. സൈറ്റിനെ പറ്റി നല്ലവണ്ണം മനസ്സിലാക്കിയ ശേഷം മാത്രം പർച്ചേഴ്സ് ചെയ്യുന്നതാണ് ബുദ്ധി. സൈറ്റിൽ നൽകിയിരിക്കുന്ന എമ്പൗട്ടിൽ പോയി FAQ വായിക്കുക. ഇത്രയുമാകുമ്പോഴേക്കും നിങ്ങൾക്ക് തീരുമാനമെടുക്കാനുള്ള അറിവ് ലഭിക്കും.

സൈറ്റിന്‍റെ സെക്യൂരിറ്റി സിസ്റ്റം ചെക്ക് ചെയ്യുക: ഓൺലൈൻ ഷോപ്പിംഗ് സുരക്ഷിതമാക്കാനായി സൈറ്റിന്‍റെ URL https നോക്കുക. അതിൽ s ഇല്ലെങ്കിൽ സുരക്ഷിതമല്ല എന്നർത്ഥം.

കോപ്പിറൈറ്റ് മാർക്ക് നോക്കണം: വെബ്ബ്സൈറ്റിന്‍റെ ഹോം പേജിൽ കോപ്പിറൈറ്റ് മാർക്ക് ഉണ്ടോ എന്ന് പരിശോധിക്കുക. കോപ്പിറൈറ്റ് വർഷം ശ്രദ്ധിക്കുക. ഒരു വർഷത്തിൽ കൂടുതൽ ആയിട്ടുണ്ടെങ്കിൽ വിട്ടുകളയുക. അതുപ്പോലെ കസ്റ്റമർ കെയർ നമ്പർ കൊടുത്തിട്ടുണ്ടോ അത് നിലവിൽ ഉണ്ടോ എന്നൊക്കെ പരിശോധിക്കുക.

ഷിപ്പിംഗ് ഓഫർ: മിക്ക സൈറ്റുകളും ഇപ്പോൾ ഫ്രീ ഷിപ്പിംഗ് ചാർജ്‌ജ് ഓഫർ ചെയ്യാറുണ്ട്. അങ്ങനെയുള്ള പ്രോഡക്ടിന്‍റെ വില കുറയും. ഷിപ്പിംഗ് ചാർജ്‌ജ് ഫ്രീ അല്ലെങ്കിൽ സാധനത്തിന്‍റെ കൂടെ ആ ചാർജ്‌ജും ഈടാക്കും. അതായത് ഷിപ്പിംഗ് ചാർജ്‌ജ് നിങ്ങളുടെ പോക്കറ്റിൽ നിന്ന് പോകുമെന്നർത്ഥം. ഫേസ്ബുക്കുമായി കണക്റ്റ് ചെയ്യുക. പല വെബ്ബ്സൈറ്റുകളും ഫേസ്ബുക്കു വഴി കണക്റ്റഡ് ആയിരിക്കും. അവരുടെ പേജ് ലൈക്ക് ചെയ്താൽ പിന്നെ നല്ല ഓഫറുകളുടെയെല്ലാം നോട്ടിഫിക്കേഷൻ ലഭിച്ചു കൊണ്ടിരിക്കും.

ക്രഡിറ്റ് കാർഡ് വഴി: പല സൈറ്റുകളും ക്രെഡിറ്റ് കാർഡ് വഴിയുള്ള പേമെന്‍റിന് ആകർഷകമായ കാശ്ബാക്ക് ഓഫറുകൾ നൽകാറുണ്ട്. അതു ഉപയോഗപ്പെടുത്താം.

ഓൺലൈൻ ട്രാൻസാക്ഷൻ: ഷോപ്പിംഗ് എപ്പോഴും പുതിയ ബ്രൗസിംഗ് വിന്‍ഡോയിൽ മാത്രം ചെയ്യുക. ഇങ്ങനെ ചെയ്താൽ നിങ്ങളുടെ ഓൺലൈൻ ട്രാൻസാക്ഷൻ കൂടുതൽ സുരക്ഷിതമായിരിക്കും. ഓൺലൈൻ ട്രാൻസാക്ഷനു ശേഷം നിങ്ങളുടെ ഓൺലൈൻ ബാങ്കിംഗ് പാസ് വേർഡ് മാറ്റുക. ക്രഡിറ്റ് കാർഡ് പാസ് വേർഡും മാറ്റണം. ഇങ്ങനെ ചെയ്യുന്ന പക്ഷം കബളിപ്പിക്കപ്പെടാനുള്ള സാധ്യത കുറയും.

പുതിയ ഇമെയിൽ വിലാസം: പ്രമുഖ സൈറ്റുകൾ ഡെയിലി ഡീൽ ഓഫർ നൽകാറുണ്ട്. അതിനു വേണ്ടി ഇമെയിൽ വഴി കൺഫർമേഷൻ നൽകേണ്ടതുണ്ട്. പിന്നെ അവൻ നിരന്തരം നിങ്ങളുടെ ഐഡിയിലേക്ക് ഓഫറുകൾ അയച്ചു കൊണ്ടിരിക്കും. അതു കൊണ്ട് ഇതിനു വേണ്ടി മാത്രം പുതിയ ഇമെയിൽ വിലാസം ഉണ്ടാക്കി നൽക്കുന്നതാണ് ബുദ്ധി. ഇല്ലെങ്കിൽ ഇൻബോക്‌സ് നിറഞ്ഞ് കവിയും.

ഡലവറി സമയത്ത് ശ്രദ്ധിക്കുക: ഓൺലൈനിൽ ലാപ്ടോപ്പിന് ഓർഡർ നൽകിയിട്ട് പാക്കറ്റ് കിട്ടിയപ്പോൾ അതിനുള്ളിൽ രണ്ട് കല്ലുകൾ ലഭിച്ച സംഭവം ഉണ്ടായിട്ടുണ്ട്. ഷൂസ് ഓഡർ നൽകിയിട്ട് പാക്കറ്റ് പൊട്ടിച്ചപ്പോൾ ഉപയോഗിച്ച ഷൂസായിരുന്നു ഉണ്ടായിരുന്നത്. ഇങ്ങനെ കബളിപ്പിക്കപ്പെടാം. പാക്കിംഗ് സമയത്തെ ചില പ്രശ്നങ്ങൾ കൊണ്ടാണ് ഇങ്ങനെ സംഭവിക്കുന്നത്. ഡലിവറി ബോയ് സാധനം തരുന്ന സമയത്ത് പാക്കറ്റ് പൊടിച്ച് നോക്കി ഉറപ്പ് വരുത്തണം. സാധനം ഡാമേജ് ആണെങ്കിൽ ഡലിവറി ബോയിയെ സാക്ഷി നിർത്തി സ്നാപ്പ് ഷോട്ട് എടുക്കുക. ക്ലെയിം നൽകുമ്പോൾ കേസിനു ബലം കിട്ടാൻ ഇത് ഉപകരിക്കും.

ഓൺലൈൻ റിവ്യൂ വായിക്കുക: ഓൺലൈൻ ഷോപ്പിംഗ് വെബ്ബ്സൈറ്റിനെ പറ്റിയുള്ള റിവ്യൂ നോക്കിയ ശേഷം മാത്രം ക്രിഡിറ്റ് കാർഡ് വിവരങ്ങൾ നൽകാവൂ. വിശ്വസനീയമായ സൈറ്റുകൾ അല്ലെങ്കിൽ ഡീൽ നടത്താതിരിക്കുക.

കമ്പനി നിയമാവലികൾ ശ്രദ്ധിക്കണം: മിക്ക സൈറ്റുകളും 500 രൂപയിൽ കൂടുതലുള്ള ഷോപ്പിംഗിനു മാത്രമേ ഡലിവറി ചാർജ് ഫ്രീ നൽകാറുള്ളൂ. ചിലപ്പോൾ ഡലിവറി ചാർജ് ഫ്രീ എന്ന് എഴുതിയ ശേഷം നിബന്ധനകൾ ബാധകം എന്നും പറഞ്ഞിട്ടുണ്ടാവും. അത് കസ്‌റ്റമർ വായിച്ചില്ലെങ്കിൽ ഡലിവറി സമയത്ത് കാശ് പോകും.അതുപ്പോലെ കമ്പനി വാറന്‍റി നൽകുന്നുണ്ടോ എന്നും ശ്രദ്ധിക്കണം.