ആരോഗ്യത്തിന്‍റെ അടുത്ത കൂട്ടുകാർ

ചുവന്നമുളക്

വിറ്റാമിൻ എ,സി,ബി 6 എന്നിവയാൽ സമ്പന്നമാണ് ഈ മുളക്. കൂടാതെ ആന്‍റി ഓക്സിഡന്‍റുമാണ്. മസ്തിഷ്ക്കത്തെ ഉത്തേജിപ്പിക്കുന്നതിനൊപ്പം ആക്ടീവുമാക്കുന്നു. ചർമ്മം, നേത്രങ്ങൾ, മാംസപേശികൾ എന്നിവയ്ക്ക് ആരോഗ്യം പകരുന്നതിനും സഹായിക്കുന്നു. മുളകിന്‍റെ നാരുകൾ പൊട്ടാസ്യം, മാംഗനീസ് എന്നീ പോഷകങ്ങൾ പകരുന്നതിനും ഉത്തമമാണ്. ശരീരഭാരം നിയന്ത്രിക്കുന്നു. ഒപ്പം കൊളസ്ട്രോൾ നില കുറയ്ക്കുന്നു.

മധുര മുള്ളങ്കി (ടർണിപ്പ്)

 ക്രൂസി ഫേരി ഇനത്തിൽ പെട്ടതാണ് മധുര മുള്ളങ്കി. ഇതിന്‍റെ മറ്റിനമാണ് മുള്ളങ്കി, കാരറ്റ് എന്നിവയൊക്കെ. ഇത് പോഷക സമ്പന്നമാണ്. പൊട്ടാസ്യം, ഫോസ്ഫറസ്, കാത്സ്യം, വിറ്റാമിനുകൾ എന്നിവയാൽ സമ്പന്നമായ ഇവ അനേകം രോഗങ്ങളെ ചെറുക്കും. ഇതിൽ അടങ്ങിയിരിക്കുന്ന ഗ്ലൂക്കോസൈനോലറ്റ്സ് മൂലമാണ് ഇതിന് എരിവ് രുചിയുള്ളത്. അച്ചാർ, കറി, സാലഡ് എന്നിങ്ങനെ ഇവ ഉപയോഗിക്കാം.

തണ്ണിമത്തൻ 

നല്ല ചുവപ്പൻ ഫലമായ തണ്ണിമത്തനിൽ 80 ശതമാനം വെള്ളമാണ്. അയൺ, കാത്സ്യം, ഫോസ്ഫറസ്, വിറ്റാമിൻ എ, തയമിൻ, റിബോഫ്ളേവിൻ, അസ്കോർബിക് ആസിഡ് എന്നിവയുടെ മികച്ച സ്രോതസ്സാണിത്. തണ്ണിമത്തന്‍റെ ചുവന്ന ഭാഗം വിറ്റാമിന്‍റെ സ്രോതസ്സാസാണ്. ബീറ്റാ കരോട്ടിനെ അപേക്ഷിച്ച് രണ്ടിരട്ടി ശക്‌തിയുണ്ട്. ഇത് വിറ്റാമിൻ ഇയുടെ ഗുണത്തെ 10 ഇരട്ടി വർദ്ധിപ്പിക്കുന്നു. അതുവഴി ചർമ്മത്തിനുണ്ടാകുന്ന ഫ്രീ റാഡിക്കൽസിനെ നിഷ്ക്രിയമാക്കുന്നു.

ബീറ്റ്റൂട്ട്

ഇതിലുള്ള നാരുകൾ ദഹനത്തെ സഹായിക്കുന്നു. ബീറ്റ്റൂട്ടിലുള്ള പോഷകങ്ങളിൽ പ്രോട്ടീൻ, കാർബോഹൈഡ്രേറ്റ്, കാത്സ്യം, ഫോസ്ഫറസ്, അയൺ, കൊഴുപ്പ്, വിറ്റാമിൻ എ, ബി-1 ബി-2,സി,ഡി സോഡിയം ക്ലോറൈഡ്, ഫോളിക് ആസിഡ്, അയഡിൻ, ജലാംശം എന്നിവ അമൂല്യമാണ്. ഗവേഷകരുടെ അഭിപ്രായത്തിൽ ബീറ്റാസയനിൻ (ബീറ്റ്റൂട്ടിന് നിറം പകരുന്ന മൂലിക) ട്യൂമർ എന്നിവയെ ഇല്ലാതാക്കാൻ മികച്ചതാണ്. സമസ്ത പോഷകങ്ങളുടെ കലവറയായ ഇതിന്‍റെ ജ്യൂസ് ലഭിക്കുന്നതിന് ഫ്രഷ് ബീറ്റ്റൂട്ട് തന്നെ ഉപയോഗിക്കുക. ഇതിന്‍റെ തൊലിയടക്കം കഴിക്കുക.

തക്കാളി

നല്ല പഴുത്ത തക്കാളി രക്‌തം രൂപപ്പെടുന്നതിന് മികച്ചതാണ്. രോഗത്തെ തടയുന്നതിനും മികച്ചതാണ്. ധാരാളം വിറ്റാമിനുകൾ അടങ്ങിയിട്ടുണ്ട് തക്കാളിയിൽ. ഇതിൽ കണ്ടുവരുന്ന വിറ്റാമിന്‍റെ സവിശേഷത സാധാരണ ചൂടിൽ ഇല്ലാതാവുന്നില്ല. എന്നാൽ മറ്റുള്ളവയിലുള്ള വിറ്റാമിനുകൾ ചൂടിൽ നിശേഷം ഇല്ലാതാകുന്നു. പാലിൽ ഉള്ളതിനേക്കാൾ രണ്ടിരട്ടിയും മുട്ടയിലുള്ളതിനേക്കാൾ 5 ഇരട്ടിയും അയൺ തക്കാളിയിലുണ്ട്.

സ്ട്രോബറി 

ചുവന്ന നിറം കൊണ്ട് സമ്പന്നമായ സ്ട്രോബറിയ്ക്ക് പുളി നിറഞ്ഞ സ്വാദാണ് അധികം. ആപ്പിളും സ്ട്രോബറിയും ഒരേ ഫാമിലിയിൽ പെട്ടവയാണ്. സ്ട്രോബറിയിൽ മാംഗനീസും പൊട്ടാസ്യവും അടങ്ങിയിരിക്കുന്നു. ഇതിൽ പെക്റ്റിൻ അഥവാ പഴത്തിലുള്ള നാരുകൾ ഉണ്ട്. ബ്ലഡ്പ്രഷർ, കൊളസ്ട്രോൾ എന്നിവയെ നിയന്ത്രിക്കുന്നു ഈ ഫൈബർ.

ആപ്പിൾ

 വളരെ രുചികരമായ എല്ലാവരുടെയും പ്രിയപ്പെട്ട ഫലമാണിത്. ഇതിൽ പെക്റ്റിൻ എന്ന് പേരുള്ള അലിഞ്ഞുചേരുന്ന നാരുകൾ ഉണ്ട്. അതിനാൽ ഭക്ഷണം ദഹിക്കുന്നതിനും മറ്റ് പോഷകങ്ങളെ സ്വാംശീകരിക്കുന്നതിനും കുടലിനെ സഹായിക്കുന്നു. എല്ലുകളുടെ ബലത്തിന് ഇത് ഉത്തമമാണ്. ഒരു ആപ്പിളിൽ ഏകദേശം 8 എംഎൽ വിറ്റാമിൻ സിയും സമ്പന്നമായ വിറ്റാമിൻ എ യും ഉണ്ടാകും. അതുകൊണ്ട് തൊലിയടക്കം ആപ്പിൾ കഴിക്കുക.