ഇപ്പോൾ ഡിഷ്‍വാഷറിനുള്ള ഡിമാന്‍റ് വർദ്ധിച്ചിരിക്കുകയാണ്. കാരണം സിങ്കിൽ നിറഞ്ഞ കവിയുന്ന പാത്രങ്ങൾ കഴുകുകയെന്നത് മിക്കവരേയും സംബന്ധിച്ച് വലിയൊരു തലവേദനയാണ്.
എത്രതരം
രണ്ട് തരം ഡിഷ്‍വാഷറുകളാണ് പ്രധാനമായും ഉള്ളത്. ആദ്യത്തേത് ഫ്രീ സ്റ്റാന്‍റിംഗ്. പ്രത്യേകമായി അറ്റാച്ച് ചെയ്യാൻ കഴിയുന്നതാണിത്. മറ്റൊന്ന് ബിൽറ്റ് ഇൻ രീതിയിലുള്ളതാണ്. കിച്ചൻ കൗണ്ടറിനടിയിൽ സ്ഥിരമായി അറ്റാച്ച് ചെയ്യാൻ കഴിയുന്നതാണിത്. ബിൽറ്റ് ഇൻ ഡിഷ്‍വാഷർ ഘടിപ്പിക്കാൻ എളുപ്പമാണ്. ബിൽറ്റ് ഇൻ ഡിഷ്‍വാഷർ ഘടിപ്പിക്കുന്നത് ഏറെ സൗകര്യപ്രദവുമാണ്.
സാധാരണഗതിയിൽ ഡിഷ്‍വാഷർ 12 മുതൽ 16 പ്ലേസ് സെറ്റിംഗ് ഉള്ളതായിരിക്കും. ഇന്ത്യയിൽ കൂടുതലും 12 പ്ലേസ് സെറ്റിംഗുള്ള മെഷീനുകളാണ് കിട്ടുന്നത്. ഒരു പ്ലേസ് സെറ്റിംഗ് എന്നാൽ 1 വലിയ ഡിന്നർ പ്ലേറ്റ്, പ്രാതൽ പ്ലേറ്റ്, ബൗൾ, ഗ്ലാസ്, ചായ, കോഫി കപ്പ്, കത്തി, ഫോർക്ക്, സ്പൂൺ, സലാദ് ഫോർക്ക് എന്നിവ ലോഡ് ചെയ്യാനുള്ള സ്ഥലം. ഇതിനുപുറമേ കുറച്ച് ഒഴിഞ്ഞയിടവും ഉണ്ടാകും. അതിൽ കുക്കിംഗ് പോട്ടുകളും വയ്ക്കാം.
ഡിഷ്‍വാഷർ ഘടിപ്പിക്കും മുമ്പ്
ഡിഷ്‍വാഷറിന് 4 കാര്യങ്ങളാണ് വേണ്ടത്. ഒന്ന് അത് വയ്ക്കാനുള്ള ഇടം, ഇലക്‌ട്രിസിറ്റിയുടെ ആവശ്യം, വാട്ടർ സപ്ലൈ, വെള്ളം പുറത്തുകളയാനുള്ള സൗകര്യം എന്നിങ്ങനെ. സാധാരണഗതിയിൽ ഡിഷ്‍വാഷർ 24 ഇഞ്ച് വലിപ്പമുള്ളതായിരിക്കും. ഉയരം 35 ഇഞ്ചും. അതുപോലെ ഇതിൽ അഡ്ജസ്റ്റബിൾ ലെഗ്സും ഉണ്ടാകും.
മൊഡ്യുളാർ കിച്ചൻ ട്രെന്‍റിന്‍റെ കാലമാണിപ്പോൾ. ഇതിൽ ബിൽറ്റ് ഇൻ ഡിഷ്‍വാഷർ അനായാസം ഘടിപ്പിക്കാനാവും. പുതുതായി വീട് നിർമ്മിക്കുന്നവർക്ക് ഈ മോഡൽ അനുയോജ്യമാണ്. വീട് മാറേണ്ടി വരുന്ന സാഹചര്യത്തിൽ ഫ്രീ സ്റ്റാന്‍റിംഗ് ഡിഷ്‍വാഷർ അനായാസം കൊണ്ടുപോകാനാവും. ഘടിപ്പിക്കാനോ നീക്കം ചെയ്യാനോ വേണ്ടി തല്ലിപ്പൊളിക്കേണ്ട ആവശ്യം വേണ്ടി വരികയില്ല. പഴയ അടുക്കളയിൽ ഡിഷ്‍വാഷർ ഘടിപ്പിക്കാൻ അൽപസ്വൽപം തല്ലിപ്പൊളിക്കേണ്ടിവരും. കൗണ്ടറിനടിയിൽ ആവശ്യമായ സ്പേസ് ഒരുക്കി വാട്ടർ സപ്ലൈയും വെള്ളം പുറത്തേക്ക് ഒഴുക്കി കളയാനുമുള്ള സൗകര്യവും ഒരുക്കാനാവും.
ഡിഷ്‍വാഷറിനെപ്പറ്റിയുള്ള തെറ്റിദ്ധാരണകൾ
ഡിഷ്‍വാഷറിനെപ്പറ്റി ആളുകൾക്ക് വളരെ കുറച്ച് അറിവുകളെ ഉള്ളൂ. അതുപോലെ ചില തെറ്റിദ്ധാരണകളും ഉണ്ട്. വെള്ളത്തിന്‍റെ ഉപയോഗം കൂടുമെന്നാണത്. എന്നാൽ അങ്ങനെയല്ല. ആദ്യം വെള്ളം കൂടുതലായി വേണ്ടി വരും. മറ്റൊന്ന് ഇതിനായി സവിശേഷ രീതിയിൽ കിച്ചൻ പ്ലാൻ ചെയ്യേണ്ടി വരുമെന്നാണ്. എന്നാൽ ഇന്ന് അപ്പാർട്ടുമെന്‍റുകളിൽ തയ്യാറാക്കുന്ന മൊഡ്യുളാർ കിച്ചനുകളിൽ അതിനുള്ള സൗകര്യം ഉണ്ടാകും. അതിൽ ഡിഷ്‍വാഷർ സൗകര്യപ്രദമായി ഒതുങ്ങിയിരിക്കുകയും ചെയ്യും. അതിൽ ഡിഷ് മാത്രമല്ല കഴുകുക മറിച്ച് വ്യത്യസ്ത തരത്തിലുള്ള കുക്കിംഗ് പോട്ടുകളും ക്ലീൻ ചെയ്യപ്പെടും.
സെറ്റിംഗ്സ്
ഓട്ടോമാറ്റിക് ഡിഷ്‍വാഷർ ആണെങ്കിൽ ഡിഷ്‍വാഷറിൽ അതാതിടത്ത് പാത്രങ്ങൾ വച്ചശേഷം സൈക്കിൾ തെരഞ്ഞെടുത്ത് ഓൺ ചെയ്താൽ പാത്രങ്ങൾ കഴുകിക്കഴിഞ്ഞശേഷം അത് താനെ ഓഫാകും. സാധാരണ 4 വാഷ് പ്രോഗ്രാം ആണ് ഉള്ളത്. ഇതിൽ ഡിലേയ്ഡ് സ്റ്റാർട്ട് സംവിധാനവും ഉണ്ട്. അതായത് സൗകര്യമനുസരിച്ച് 2, 4 മണിക്കൂർ അല്ലെങ്കിൽ അതിലും കൂടുതൽ സമയത്തിനുശേഷം ഓൺ ചെയ്യാനുള്ള സംവിധാനം തെരഞ്ഞെടുക്കാം. കൂടാതെ ചൈൽഡ് സേഫ്റ്റി ലോക്കും ഉണ്ട്.
ചില മോഡലുകളിൽ അക്വാ, ലോഡ് സെൻസറുകളുമുണ്ടാവും. വെള്ളവും ഇലക്ട്രിസിറ്റിയും ഈ സംവിധാനം വഴി ലഭ്യമാക്കാനാവും. അക്വാ സെൻസർ പാത്രങ്ങളിലുള്ള അഴുക്കിനനുസരിച്ച് വെള്ളം ഉപയോഗിക്കും. ലോഡ് സെൻസർ മെഷീനിലെ ലോഡിനനുസരിച്ച് ഊഷ്മാവും വാഷിംഗ് ടൈമും സെറ്റാക്കാം.
ഡിഷ്‍വാഷർ കൊണ്ടുള്ള ലാഭം
വളരെ സൗകര്യപ്രദമാണെന്നതാണ് ഡിഷ്‍വാഷറിനുള്ള ഏറ്റവും വലിയ പ്ലസ് പോയിന്‍റ്. പാത്രങ്ങൾ വെടിപ്പാക്കാൻ കൂടുതൽ സമയം സിങ്കിൽ ചെലവഴിക്കേണ്ടി വരില്ല. കിച്ചന് എലഗന്‍റ് ലുക്ക് ലഭിക്കും. കൂടുതൽ സമയലാഭവും.
വൈദ്യുതിയും വെള്ളവും
വെള്ളവും വൈദ്യുതിയും ഉപയോഗിക്കുന്ന രീതി നിയന്ത്രിച്ചുകൊണ്ടുള്ള എക്ണോമിക്കൽ ആയിട്ടുള്ള ഡിഷ്‍വാഷറും ഉണ്ട്. പൊതുവേ എക്ണോമിക് വാഷ് സൈക്കിളിൽ ഏകദേശം ഒരു യൂണിറ്റ് വൈദ്യുതിയുടെ ഉപയോഗം വേണ്ടിവരും. പാത്രങ്ങൾ വേഗം ഉണക്കേണ്ടതിന് ഹീറ്റർ പ്രവർത്തിപ്പിക്കണമെന്നുണ്ടെങ്കിൽ 2 യൂണിറ്റ് ഓരോ വാഷിലും വേണ്ടിവരും. അതായത് വെള്ളത്തിന്‍റെ ആവശ്യം 8-10 ലിറ്റർ ഓരോ വാഷ് സൈക്കിളിലും വേണ്ടിവരും. എന്നാൽ ഹാന്‍റ് വാഷിൽ ഇതിലും കൂടുതൽ വെള്ളമാണ് നമ്മൾ ഉപയോഗിക്കുന്നതെന്ന് ഓർക്കണം.
ഡിഷ്വാഷ് മാത്രമല്ല ചെയ്യുക
ഡിഷ്‍വാഷർ വാഷ് മാത്രമല്ല ചെയ്യുന്നത്. അടുക്കളയിൽ ആവശ്യമായി വരുന്ന ഏറെക്കുറെ എല്ലാ പാത്രങ്ങളും കഴുകാൻ പറ്റും. പ്ലാസ്റ്റിക്, ചില്ല്, ചൈനീസ് ക്ലേ പാത്രങ്ങൾ ഡിഷ്‍വാഷറിൽ സുരക്ഷിതമാണെന്ന് ഉറപ്പ് വരുത്തണം. ഇത്തരം പാത്രങ്ങൾ നിർമ്മിക്കുന്ന കമ്പനികൾ ഉൽപ്പന്നങ്ങളിൽ അത് എഴുതി വയ്ക്കാറുണ്ട്.
ഡിഷ്‍വാഷർ ലോഡിംഗ്
ഡിഷ്‍വാഷർ നിർമ്മാതാക്കൾ ഡിഷ്‍വാഷറിനൊപ്പം നൽകുന്ന ബുക്ക്‍ലെറ്റിൽ പാത്രങ്ങൾ ലോഡ് ചെയ്യുന്ന ശരിയായ രീതി ചിത്രമടക്കം വിവരണം നൽകാറുണ്ട്. കമ്പനിയുടെ നിർദ്ദേശമനുസരിച്ച് പാത്രങ്ങൾ ഡിഷ്‍വാഷറിൽ ലോഡ് ചെയ്താൽ സമയലാഭം ഉണ്ടാകും. ലോഡിംഗും അൺലോഡിഗും സൗകര്യപ്രദവുമാകും. ഡിഷ്, മറ്റ് പാത്രങ്ങൾ മറിച്ച് വച്ചാൽ വെള്ളത്തിന്‍റെ ശക്‌തമായ ഒഴുക്കിൽ പ്രതലത്തിൽ നിന്നും അഴുക്കിനെ നീക്കം ചെയ്യും. പാത്രങ്ങൾ വൃത്തിയായി കിട്ടുകയും ചെയ്യും.
ചൂട് വെള്ളത്തിന്‍റെ ഉപയോഗം
ചൂട് വെള്ളം ലഭ്യമാണെങ്കിൽ ഹോട്ട്‍വാട്ടർ ഓപ്ഷനും ഇതിൽ ഉണ്ട്. വാഷർ പ്രവർത്തിപ്പിക്കും മുമ്പ് സ്വന്തം കിച്ചൻ സിങ്കിൽ ചൂട് വെള്ളത്തിനുള്ള പൈപ്പ് ഓൺ ചെയ്യാം. ചൂട് വെള്ളം വന്ന് തുടങ്ങുമ്പോൾ ഓഫാക്കാം. പിന്നീട് വാഷറിൽ ചൂട് വെള്ളം കണക്റ്റ് ചെയ്യാം. ഇങ്ങനെ ചെയ്താൽ വാഷർ തണുത്ത വെള്ളം കൊണ്ട് കഴുകുന്നതിന് പകരം ചൂട് വെള്ളം കൊണ്ട് കഴുകി തുടങ്ങും.
പ്രീവാഷ് ആവശ്യമില്ല
പ്രീവാഷ് ചെയ്യാനുള്ള നിർദ്ദേശം മിക്ക കമ്പനികളും നൽകാറുണ്ട്. ഇങ്ങനെ ചെയ്യേണ്ട ആവശ്യമില്ല. ഇതിൽ സമയം വൈദ്യുതി, വെള്ളം എന്നിവ പാഴായി പോകും. വാഷറിന്‍റെ ലോഡിൽ റിൻസ് ഓൺലി സൈക്കിൾ തെരഞ്ഞെടുക്കാം.
വൃത്തിയാക്കാം ഡിഷ്‍വാഷർ
ഡിഷ്‍വാഷർ ഇടയ്ക്ക് വൃത്തിയാക്കണം. മുകളിലെ റാക്കിന്‍റെ മദ്ധ്യഭാഗത്ത് ഒരു കപ്പിൽ പകുതി വിനേഗർ ഒഴിച്ച് മെഷിൻ പ്രവർത്തിപ്പിച്ച് വൃത്തിയാക്കാം. ദുർഗന്ധവും അകന്നുകിട്ടും. ഇതിന് പുറമേ വാഷറിന്‍റെ ഫിൽറ്റർ വൃത്തിയാക്കുകയും വേണം. ഒഴുക്കിനുള്ള തടസ്സം നീക്കാനാണിത്.
ചില പാത്രങ്ങൾ കൈകൊണ്ട് കഴുകുക
ഡിഷ്‍വാഷറിൽ സുരക്ഷിതമായി കഴുകാൻ പറ്റാത്ത പാത്രങ്ങൾ കൈകൊണ്ട് കഴുകുക. കൂടാതെ അലുമിനിയം പാത്രങ്ങളുടെ നിറത്തിനും മാറ്റം സംഭവിക്കാം. വുഡൻ ഡിഷുകളും ഒടിഞ്ഞുപോകാനുള്ള സാദ്ധ്യതയുണ്ട്.
ഫുള്ളി ഇന്‍റഗ്രേറ്റഡ് ഡിഷ്‍വാഷർ ഘടിപ്പിക്കാം
നിങ്ങളുടെ ഡിഷ്‍വാഷർ സ്റ്റാന്‍റ് എലോണുമാകാം. എന്നാൽ ഇന്‍റഗ്രേറ്റഡ് വാഷർ ആണ് മികച്ചത്. ഇത് കിച്ചൻ സ്ലാബിന് അടിയിൽ ഒരേ ലെവലിൽ ആയിരിക്കും. ഓപ്പറേറ്റിംഗ് പാനൽ നിങ്ങൾക്ക് അഭിമുഖമായിട്ടായിരിക്കാം. വാഷറിന്‍റെ ഡ്രെയിൻ കിച്ചൻ ഡ്രെയിനുമായി കണക്റ്റഡായിരിക്കും. എന്നാൽ ഡിഷ്‍വാഷർ വീട്ടിൽ സെറ്റ് ചെയ്തോളൂ.
