ജിം മര്യാദകൾ

• അമിതമായി ഇറുക്കമുള്ളതോ അയഞ്ഞതോ ആയ വസ്ത്രങ്ങൾ ധരിക്കരുത്. വസ്ത്രങ്ങൾ കംഫർട്ടിബിൾ ആയിരിക്കണം. കീറിയ വസ്ത്രങ്ങൾ ധരിക്കരുത്. മെഷീനുകളിൽ ഉടക്കാൻ ഇത് കാരണമാകും.
നിങ്ങൾ ജിമ്മിലാണെങ്കിൽ ഒരു കാര്യം ഉറപ്പാണ് ശരീരം വിയർക്കുമെന്നത്. എക്സർസൈസിനു ശേഷം ശരീരം നന്നായി തുടച്ച് വൃത്തിയാക്കുക.
ജിം സെന്‍ററുകളിൽ ആന്‍റി ബാക്ടീരിയൽ സ്പ്രേയും ടവ്വലും മറ്റും നൽകാറുണ്ട്. നിങ്ങളുടെ ജിമ്മിൽ ഇതിനുള്ള സൗകര്യമില്ലെങ്കിൽ ഇത്തരം വസ്തുക്കൾ കയ്യിൽ കരുതുക.
കൊളോൺ ഉപയോഗിക്കാത്തയാളാണെങ്കിൽ നിങ്ങളുമായി അടുത്തിടപഴകുന്നയാളിന് നിങ്ങളുടെ വിയർപ്പ് ഗന്ധം അനുഭവപ്പെടാം. എന്നാൽ കൊളോൺ ഉപയോഗിക്കുകയാണെങ്കിൽ സ്വയം ഹൃദ്യമായ അനുഭവവുമുണ്ടാകും. ഒപ്പം ട്രെയിനർക്ക് സുഖകരമായ രീതിയിൽ വർക്കൗട്ട് പറഞ്ഞ് തരാനുമാകും.
വർക്കൗട്ട് ചെയ്‌ത് കഴിയുമ്പോൾ മുഴുവൻ സാമഗ്രികളും യഥാസ്ഥാനത്ത് വയ്ക്കാം. അങ്ങനെ ചെയ്യുന്നതു കൊണ്ട് ആർക്കും സമയ നഷ്ടമുണ്ടാവുകയില്ല. മാന്യമായ പെരുമാറ്റത്തിന്‍റെ അടയാളവുമാണത്.
വർക്കൗട്ട് ചെയ്‌ത ശേഷം ജിമ്മിൽ അവിടെയും ഇവിടെയും കറങ്ങി നടക്കരുത്. അതുപോലെ അവിടെ അനാവശ്യ വർത്തമാനങ്ങളിൽ ഏർപ്പെടരുത്. അത് മറ്റുള്ളവർക്ക് ശല്യമുണ്ടാക്കും.
ജിമ്മിലെ പീക്ക് അവേഴ്സിൽ 60 കെജി ലിഫ്റ്റേഴ്സിനും കണ്ണാടിക്കുമിടയിൽ വരരുത്. ഉചിതമായ ഫോമിനും ടെക്നിക്കിനുമായി ലിഫ്റ്റേഴ്സിന് ഈ കണ്ണാടി ആവശ്യമാണ്.
ഏതെങ്കിലും പ്രത്യേക എക്സർസൈസിനായി ഒരു സെറ്റിലധികമായി വ്യായാമം ചെയ്യുകയാണെങ്കിൽ ഇടയ്ക്കിടയ്ക്ക് മെഷീൻ അല്ലെങ്കിൽ ബെഞ്ചിൽ നിന്നും മാറി നിൽക്കാം. ഇത് മറ്റുള്ളവർക്കും കൂടി അതേ വർക്കൗട്ട് ചെയ്യാൻ അവസരം നൽകും. അല്ലെങ്കിൽ അവർക്ക് ദീർഘനേരം കാത്തിരിക്കേണ്ടി വരും. അതുകൊണ്ട് വർക്കൗട്ട് ചെയ്യാൻ എത്തുന്നവരുമായി ഒരു കോർഡിനേഷൻ ഉണ്ടാക്കാം. ഒരു സെറ്റ് ചെയ്‌ത ശേഷം മറ്റുള്ളവർക്ക് ചെയ്യാനുള്ള അവസരം നൽകാം. ഈ ക്രമത്തിൽ മാറി മാറി ചെയ്യാം.