ലൈംഗികതയിലുള്ള അറിവില്ലായ്‌മ പലപ്പോഴും അബദ്ധങ്ങളിലേക്കും അതുവഴി ദാമ്പത്യത്തിന്‍റെ തകർച്ചയിലേക്കുമൊക്കെ പങ്കാളികളെ നയിക്കാറുണ്ട്. അത്തരം ചില പ്രശ്നങ്ങളാണ് ഇവിടെ ചർച്ച ചെയ്യപ്പെടുന്നത്.
1. ആർത്തവ സമയത്ത് ബന്ധപ്പെട്ടാൽ ഗർഭം ധരിയ്‌ക്കുമോ?
പ്രത്യുൽപാദനക്ഷമമായ അണ്ഡവികസനവും അനുബന്ധപ്രക്രിയകളും ഒരു സ്‌ത്രീയിൽ നടന്നുകൊണ്ടിരിക്കുന്നു എന്നതിന്‍റെ തെളിവാണല്ലോ കൃത്യമായ ആർത്തവം. ഗർഭപാത്രത്തിലെ പലതരം ദ്രവങ്ങൾ, ഗർഭാശയ പാളിയുടെ ഭാഗങ്ങൾ, ഇവിടുത്തെ കോശങ്ങളിൽ നിന്നുള്ള രക്‌തം എന്നിവയെല്ലാമാണ് ആർത്തവ സമയത്ത് പുറത്തുപോകുന്നത്. ഈ സമയത്തുണ്ടാകുന്ന മനംപിരട്ടൽ, പുറംവേദന, സ്‌തനങ്ങളുടെ മൃദുത്വം എന്നിവയെല്ലാം സ്‌ത്രീകളെ അസ്വസ്‌ഥരാക്കാറുണ്ട്. യോനീഭാഗത്തെ അസ്വാരസ്യങ്ങളും ഈ സമയത്ത് സാധാരണയാണ്.
വളരെ ചുരുക്കം സ്‌ത്രീകൾക്ക് ആർത്തവ സമയത്ത് ലൈംഗിക തൃഷ്ണ വർദ്ധിക്കാറുണ്ട്. പക്ഷേ ഗർഭധാരണമെന്നത് അണ്ഡവിസർജ്‌ജനത്തിന്‍റെ ദിവസങ്ങളുമായി ബന്ധപ്പെട്ടിട്ടുള്ളതാണ്. 28 ദിവസത്തെ കൃത്യമായ ആർത്തവക്രമമുള്ളവരിൽ 14-ാം ദിവസത്തോട് അനുബന്ധിച്ചാണ് ഇത് സംഭവിയ്‌ക്കുന്നത്, ആർത്തവ ദിനങ്ങളിലല്ല. അതുകൊണ്ട് തന്നെ ആർത്തവ ദിവസങ്ങളിൽ ഗർഭധാരണത്തിന് തീരെ സാധ്യതയില്ല.
2. പ്രസവം നിർത്തുന്നത് ലൈംഗിക ജീവിതത്തെ ബാധിക്കുമോ?
ഗർഭനിരോധന മാർഗ്ഗങ്ങൾ (contraceptive methods) രണ്ടുതരമുണ്ട്. താൽക്കാലികവും സ്‌ഥിരവും. അവയിൽ സ്‌ഥിരമായ മാർഗ്ഗങ്ങൾ അവലംബിക്കുന്നവരിൽ ലൈംഗിക ത്വര കുറവായിരിക്കുമെന്ന തെറ്റിദ്ധാരണയുണ്ട്. യാതൊരു ശാസ്‌ത്രീയ അടിത്തറയുമില്ലാത്ത മിഥ്യാബോധം മാത്രമാണിത്.
അണ്ഡവാഹിനിക്കുഴൽ മുറിച്ചോ അവിടെ ക്ലിപ്പ്‌ പോലെയുള്ള ലഘുവായ ചില ഉപകരണങ്ങൾ നിക്ഷേപിച്ചോ ആണ് സ്‌ഥിരമായ ഗർഭനിരോധനം സാദ്ധ്യമാക്കുന്നത്. ഇവയ്‌ക്ക് വിധേയപ്പെടുന്നവർക്കാകട്ടെ യാതൊരുവിധ ബുദ്ധിമുട്ടുകളും അനുഭവപ്പെടുന്നുമില്ല. ഈ പ്രക്രിയയോട് അനുബന്ധിച്ച് ഹോർമോൺ വ്യതിയാനങ്ങളും തീരെ സംഭവിക്കുന്നില്ല. അതുകൊണ്ട് തന്നെ പ്രസവം നിർത്തൽ ലൈംഗിക ജീവിതത്തെ ഒരുതരത്തിലും ബാധിക്കുന്നില്ല.
3. ശാരീരികബന്ധം പുലർത്താത്തവരുടെ കന്യാചർമ്മം പൊട്ടുമോ?
കന്യക എന്ന വാക്കിനർത്ഥം ശാരീരിക വേഴ്‌ചയിൽ ഏർപ്പെടാത്തവൾ എന്നാണ്. ഇതിന്‍റെ തെളിവായി പരിഗണിയ്‌ക്കപ്പെടുന്നത് ക്ഷതം പറ്റാത്ത കന്യാചർമ്മമാണ്. പക്ഷേ ഇത് എല്ലായ്‌പ്പോഴും ശരിയാകണമെന്നില്ല. സംഭോഗത്തിലേർപ്പെട്ടിട്ടുള്ള ഒരു പെൺകുട്ടിയുടെ കന്യാചർമ്മത്തിന് ചില പ്രത്യേക സാഹചര്യങ്ങളിൽ യാതൊരു ക്ഷതവുമുണ്ടാകാതിരിയ്‌ക്കാം. അതുപോലെ തന്നെ കന്യാചർമ്മം പൊട്ടിയിട്ടുള്ള യുവതി ഒരു തവണപോലും സെക്‌സിൽ ഏർപ്പെട്ടിട്ടുണ്ടാവണമെന്നുമില്ല. വ്യായാമങ്ങളിൽ മുഴുകുമ്പോഴോ, നീന്തൽ തുടങ്ങിയ ശാരീരികചലനങ്ങൾ ഏറെ ആവശ്യമുള്ള എക്‌സർസൈസുകൾ ചെയ്യുമ്പോഴോ കന്യാചർമ്മം പൊട്ടുന്നത് സാധാരണയാണ്. പതിവായി സൈക്കിൾ ചവിട്ടുന്ന പെൺകുട്ടികളിലും ഇത് സംഭവിക്കാറുണ്ട്.
4. ആദ്യത്തെ ശാരീരിക വേഴ്‌ചയിലൂടെ ഗർഭിണിയാവാനുള്ള സാദ്ധ്യതയുണ്ടോ?
ഗർഭം ധരിക്കുക എന്നത് തികച്ചും ശാരീരികമായ ഒരു പ്രവർത്തനമാണ്. ആദ്യത്തെയോ രണ്ടാമത്തെയോ ബന്ധപ്പെടൽ എന്നതിലുപരി സജീവമായ ബീജാണുക്കൾ വേണ്ടതോതിലുള്ള പുരുഷനും കൃത്യമായ അണ്ഡോൽപാദനം നടക്കുന്ന സ്‌ത്രീയും തമ്മിലുള്ള വേഴ്‌ച അനുയോജ്യമായ ദിവസങ്ങളിൽ ആയിരുന്നുവോ എന്നതാണ് പ്രധാനം.
ക്രമമായ ആർത്തവചക്രമുള്ള സ്‌ത്രീകൾക്ക് ആർത്തവത്തിന് തൊട്ടുമുമ്പുള്ള ഒരാഴ്‌ചയും അതിനുശേഷമുള്ള ഒരാഴ്‌ചയും ഗർഭധാരണത്തിനു സാദ്ധ്യത വളരെ കുറവാണ്. ആദ്യത്തെ ബന്ധപ്പെടൽ അണ്ഡവിസർജ്‌ജന (Ovulation) സമയത്തോ അതിനോട് തൊട്ടടുത്ത ദിവസങ്ങളിലോ ആവുമ്പോൾ മാത്രമേ ഗർഭധാരണത്തിന് സാദ്ധ്യതയുള്ളൂ എന്നോർക്കുക.
5. പ്രായം സെക്‌സിനെ ബാധിക്കുമോ?
പ്രായമേറുന്നതോടെ ലൈംഗികശേഷി ഇല്ലാതാകുമെന്ന ഭയം പലർക്കുമുണ്ട്. വേഴ്‌ച ഒഴിവാക്കാൻ ഇതുകൊണ്ടു തന്നെ വാർദ്ധക്യത്തിലെത്തുന്ന ചിലരെങ്കിലും ശ്രമിക്കാറുണ്ട്. ഒന്നോർക്കുക, ഏത് അവയവമായാലും ഉപയോഗിക്കാതിരിക്കുമ്പോഴാണ് ശേഷി കുറയുക, അല്ലാതെ ഉപയോഗിക്കുമ്പോഴല്ല.
പുരുഷന്മാരുടെ വിഷയത്തിൽ ലിംഗം ഉദ്ധരിക്കാൻ ലേശം സമയം വേണ്ടിവരും. സ്‌ത്രീകൾക്കാണെങ്കിൽ യോനിയിൽ സ്‌നിഗ്‌ധതയുണ്ടാവാനുള്ള കാലതാമസം എന്നിവയാണ് വേഴ്‌ചയിൽ അൽപം പ്രശ്നമുണ്ടാക്കാറുള്ളത്. കുറച്ച് ശാരീരിക ഉത്തേജനം നൽകുമ്പോൾ ഈ ബുദ്ധിമുട്ട് സ്വയം പരിഹരിയ്‌ക്കാവുന്നതേയുള്ളൂ. വാർദ്ധക്യമെത്തുന്നതോടെ ശുക്ലത്തിന്‍റെ നിറം വെള്ളയിൽ നിന്നും ഇളം മഞ്ഞയാകും. അളവും സാന്ദ്രതയും അൽപം കുറഞ്ഞെന്നുമിരിക്കും. ഈ വക കാര്യങ്ങളെക്കുറിച്ച് അറിവില്ലാത്തവർ പലപ്പോഴും ഉൽകണ്ഠാകുലരാവുകയും വേഴ്‌ച തന്നെ വേണ്ടെന്നു വയ്‌ക്കുകയും ചെയ്യും. അമിത വണ്ണം ലൈംഗികതയിൽ നിന്ന് പിന്മാറാൻ പ്രേരിപ്പിച്ചെന്നിരിക്കും. കൃത്യമായ ആരോഗ്യപരിപാലനത്തിലൂടെ ഈ ഘട്ടം ഒഴിവാക്കാവുന്നതേയുള്ളൂ.
ഏതു പ്രായത്തിലും ആരോഗ്യകരമായ ദാമ്പത്യബന്ധം സ്വാഭാവികവും പ്രോത്സാഹിപ്പിക്കേണ്ടതുമാണ്. തെറ്റിദ്ധാരണകൾ ഒഴിവാക്കാനും സെക്‌സിനോട് ബന്ധപ്പെട്ട നിഷിദ്ധമായ ചിന്തകൾ ഇല്ലാതാക്കാനും ലൈംഗിക വിദ്യാഭ്യാസം മുതിർന്നവർക്ക് ആവശ്യമെങ്കിൽ നൽകണം. ശാരീരികബുദ്ധിമുട്ടുകൾ അലട്ടുന്നവരിൽ ലൈംഗിക വേഴ്‌ച ഒഴികെയുള്ള കാര്യങ്ങളും വദനസുരതം (Oral sex) പോലുള്ള രീതികളും മറ്റ് ഉത്തേജന ശൈലികളും പരസ്‌പരധാരണയോടെ ആസ്വദിയ്‌ക്കാവുന്നതേയുള്ളൂ. എന്തായാലും പ്രായം ലൈംഗികതയുടെ മേഖലയിൽ ഒരു തടസ്സമായി കാണേണ്ടതില്ല.
6. മാനസിക പിരിമുറുക്കം ഉള്ള സമയത്ത് വേഴ്‌ചയിലേർപ്പെട്ടാൽ പ്രശ്നമുണ്ടോ?
മാനസികപിരിമുറുക്ക (Stress) ത്തിന് ഏറ്റവും ലളിതമായ പ്രായോഗിക അർത്ഥം അടിച്ചമർത്തപ്പെട്ട കോപം എന്നാണ്. തലച്ചോറിലെ ഒക്‌സിപിറ്റൽ ലോബി (occipital lobe) ൽ നോർഎപിനർഫിൻ (norepinephrine) എന്ന മസ്‌തിഷ്‌കരാസവസ്‌തുവിൽ ഈ ഘട്ടത്തിൽ ചില വ്യതിയാനങ്ങൾ സംഭവിയ്‌ക്കാറുണ്ട്. ലൈംഗിക സ്രവങ്ങളുടെ ഘടനയെയും ഇത് പരോക്ഷമായി ബാധിയ്‌ക്കുന്നുണ്ട്. തന്നിമിത്തം ഒരു കുട്ടി വേണം എന്നുള്ള ആഗ്രഹത്തോടെയുള്ള ബന്ധപ്പെടലുകൾ ഇത്തരം കോപാകുലമായ സമയങ്ങളിൽ ഒഴിവാക്കുന്നതാണ് ഉചിതം. നശീകരണപ്രവണതയുള്ള കുട്ടികൾ ജനിക്കുന്നതിനും ഓട്ടിസം (autism) പോലെയുള്ള പ്രശ്നങ്ങളുള്ള കുഞ്ഞുങ്ങളുണ്ടാവുന്നതിനും അടിച്ചമർത്തിയ കോപത്തോടെയുള്ള സംഭോഗം കാരണമാകുന്നുവെന്ന് ആധുനിക മന:ശാസ്‌ത്രഗവേഷണങ്ങൾ വെളിപ്പെടുത്തുന്നു.
ലൈംഗികതയെക്കുറിച്ച് ശാരീരികം എന്നതിനപ്പുറം മന:ശാസ്‌ത്രതലത്തിൽ അപഗ്രഥിക്കുമ്പോൾ മാനസിക പിരിമുറുക്ക വേളകളിൽ ഗർഭധാരണത്തിനായുള്ള ബന്ധപ്പെടലുകൾ ഒഴിവാക്കുന്നതാണ് ഉചിതം. ഗർഭധാരണ സാദ്ധ്യതയില്ലാത്ത ദിവസങ്ങളിൽ ബന്ധപ്പെടുന്നതിൽ വിമുഖത കാട്ടേണ്ടതുമില്ല.
7. ഭക്ഷണരീതിയിലൂടെ ലൈംഗിക ശേഷി കൂട്ടാൻ പറ്റുമോ?
ലൈംഗിക തൃഷ്‌ണയെ ത്വരിതപ്പെടുത്തുകയും ശക്‌തമാക്കുകയും ചെയ്യുന്നതിൽ നാം ഭക്ഷിക്കുന്ന ആഹാരത്തിന് ഒരു വലിയ പങ്കുണ്ട്. പ്രോട്ടീനുകളും വൈറ്റമിനുകളും കൊഴുപ്പുമൊക്കെ അടങ്ങിയ വിവിധ ഭക്ഷണപദാർത്ഥങ്ങൾ നാം കഴിയ്‌ക്കേണ്ടത് ഇക്കാര്യത്തിൽ ആവശ്യമാണ്.
പാലും പാലുൽപ്പന്നങ്ങളും കൂടാതെ മുട്ട, ഇറച്ചി, കരൾ, ചീസ് എന്നിവയും എല്ലാവർക്കും നിയന്ത്രിതമായ രീതിയിൽ ഉപയോഗിക്കാവുന്നവയാണ്.
വൈറ്റമിൻ C കൊണ്ട് സമ്പുഷ്‌ടമായ നാരങ്ങയും നെല്ലിക്കയും പേരയ്‌ക്കയും തക്കാളിയും മുന്തിരിയും ഓറഞ്ചുമൊക്കെ ലൈംഗികശേഷിയെ വളരെയധികം വർദ്ധിപ്പിക്കുന്നുണ്ട്.
സജീവമായ ബീജാണുക്കളുടെ എണ്ണം കുറഞ്ഞവർക്ക് നൽകുന്ന ആയുർവേദ മരുന്നുകളിലെ പ്രധാന ഘടകം ഉയർന്ന നിലയിലുള്ള പ്രോട്ടീനുകൾ അടങ്ങിയ നായ്‌ക്കരുണപ്പരിപ്പാണ്. ഏതാണ്ട് ഇതിനോട് കിടപിടിയ്‌ക്കുന്ന ഒന്നാണ് സോയാബീൻ. മാത്രമല്ല വൈറ്റമിൻ B1, B9, K, തുടങ്ങിയവയൊക്കെ ദഹനത്തിന് അനുയോജ്യമായ രീതിയിൽ ഇവയിൽ സമ്മേളിച്ചിരിയ്‌ക്കുന്നുമുണ്ട്.
എണ്ണയിൽ വറുത്തതും പൊരിച്ചതുമായ ആഹാരപദാർത്ഥങ്ങൾ കഴിവതും ഒഴിവാക്കുന്നത് ആരോഗ്യകരമായ ശാരീരികസ്‌ഥിതിയ്‌ക്കും ലൈംഗികതയുടെ പ്രസരിപ്പിനും വളരെയധികം സഹായകരമായിരിക്കും.
8. ഡിപ്രഷനുണ്ടാകുമ്പോൾ ലൈംഗികശേഷി നഷ്‌ടപ്പെടുമോ?
വിഷാദം ഒരു രോഗാവസ്‌ഥയല്ല. സങ്കടകരമായ ജീവിതാനുഭവങ്ങളിൽ നിന്നുണ്ടാകുന്ന ഒരു മാനസികാവസ്‌ഥ മാത്രമാണ്. മനുഷ്യന്‍റെ ദു:ഖങ്ങളെപ്പോലും രോഗമാക്കി മുദ്രകുത്തി ആന്‍റിഡിപ്രസന്‍റുകൾ (Anti depresent medicine) എന്നപേരിൽ സാധാരണക്കാരെ പാർശ്വഫലങ്ങളുള്ള മരുന്നുകൾ തീറ്റിക്കുന്ന മരുന്നുകമ്പനിക്കാരും ഡോക്‌ടർമാരും സമൂഹത്തോട് ചെയ്യുന്നത് വൻ ചതിയാണ്.
മിക്കപ്പോഴും ഇത്തരം മരുന്നുകൾ കഴിക്കുന്നതിന്‍റെ ഫലമായാണ് ലൈംഗികശേഷി നഷ്‌ടപ്പെടാറുള്ളത് എന്നതാണ് യാഥാർത്ഥ്യം. മരുന്നോ, ഷോക്കോ, ഹിപ്‌നോട്ടിസമോ, കൗൺസിലിംഗോ ഇല്ലാതെ ജീവിതത്തിലെ തിക്‌താനുഭവങ്ങളുടെ സ്വാധീനം (ഓർമ്മയല്ല) ഡികോഡ് (Dcode) ചെയ്‌തുമാറ്റുന്ന എച്ച്.ആർ.ടി പോലെയുള്ള ആധുനിക മന:ശാസ്‌ത്ര ചികിത്സകളിലൂടെ മാറ്റിയെടുക്കാവുന്നതേയുള്ളൂ.
മനോവേദനയുണ്ടാക്കുന്ന അനുഭവങ്ങൾ ഉണ്ടാകുമ്പോൾ ആർക്കും സാധാരണഗതിയിൽ ലൈംഗികതയിൽ താൽപര്യം കുറയാറുണ്ട് എന്നത് യാഥാർത്ഥ്യമാണ്. പക്ഷേ അത് ശേഷിയെ കുറയ്‌ക്കുന്ന തലത്തിലേക്ക് മാറാറില്ല. മരുന്നുപയോഗിക്കാതെയുള്ള അത്യാധുനിക ചികിത്സകളിലൂടെ കൂടുതൽ വിപത്തുകളിലേക്ക് കടക്കാതെ രക്ഷപ്പെടാൻ നമുക്കു കഴിയും.
9. സ്വവർഗ്ഗരതി ഒരു രോഗമാണോ? സുഖപ്പെടുമോ?
സ്വവർഗ്ഗരതി ഒരു രോഗമല്ല, ചെറുപ്പത്തിലെ അനുഭവങ്ങളിൽ നിന്നും അറിഞ്ഞോ അറിയാതെയോ വന്നുപെടുന്ന ഒരു ശീലം/ശീലക്കേട് മാത്രമാണ്.
പതിനാല് പതിനഞ്ചു വയസ്സുവരെ അച്‌ഛനുമായി സ്വാഭാവികമായ രീതിയിൽ അനുകൂല അല്ലെങ്കില്‍ അടുപ്പമില്ലാതെ വളരുന്ന ആൺകുട്ടികളിൽ പിതാവിന്‍റെ രൂപം വളരെ ദുർബലമായിരിക്കും. ഇങ്ങനെയുള്ള കുട്ടികൾക്ക് സ്വവർഗ്ഗരതിയുടേതായ അനുഭവങ്ങൾ മറ്റുള്ളവരിൽ നിന്നും ഉണ്ടാകുമ്പോൾ അവയോട് പ്രതികരിച്ചു നിൽക്കാനാവാതെ മെല്ലെ കീഴ്‌പ്പെട്ടുപോവുകയാണ് ചെയ്യുന്നത്. മിക്കപ്പോഴും അമ്മയുമായിട്ടാകും ഇവർക്ക് കൂടുതൽ അടുപ്പം.
തൽഫലമായി അമ്മയുടെ ഇമേജ് സ്വാഭാവികമായും ഉപബോധതലത്തിൽ ഇക്കൂട്ടരിൽ വളരെയേറെ ശക്‌തിപ്പെട്ടുപോകാറുണ്ട്. മാതൃഭാവാധിഷ്‌ഠിതമായ വിധേയ സ്വഭാവമാകും ഇവരിൽ മുന്നിട്ടു നിൽക്കുന്നത്. അച്‌ഛന്‍റെ രൂപം ദുർബലമാവാൻ ഇടയാക്കിയിട്ടുള്ള അനുഭവങ്ങളും തുടർന്ന് സ്വവർഗ്ഗരതിയുടെ ആഭിമുഖ്യമുള്ളവരിൽ നിന്നും ഉണ്ടായിട്ടുള്ള സംഭവങ്ങളും ഉളവാക്കിയ സ്വാധീനം ഉപബോധമനസ്സിൽ നിന്നും ഡികോഡ് ചെയ്‌തുമാറ്റുമ്പോൾ സ്വവർഗ്ഗ സംഭോഗ ശീലം പൂർണ്ണമായും മാറ്റുന്നതാണ്.
10. സ്‌ത്രീകളിലെ ലൈംഗിക മരവിപ്പിന് മരുന്നില്ലാതെ ചികിത്സയുണ്ടോ?
ഭൂരിഭാഗം സ്‌ത്രീകളിലേയും ലൈംഗിക മരവിപ്പ് തികച്ചും മാനസികതലത്തിൽ ഉള്ളതാണ്. ഭൂതകാലജീവിതത്തിലെ അനുഭവങ്ങളുമായാണ് അവയ്‌ക്ക് ബന്ധം. പക്ഷേ നിർഭാഗ്യകരമെന്നു പറയട്ടെ, ആ വസ്‌തുത മറച്ചുവച്ചുകൊണ്ട് അനാവശ്യമായ സ്‌കാനിംഗുകളും തീവ്രമായ പാർശ്വഫലങ്ങളുള്ള മരുന്നുകളും നൽകി രോഗിയുടെ ശാരീരിക ആകൃതി തന്നെ വികൃതമാക്കുന്ന ഹോർമോൺ ചികിത്സയിലാണ് മിക്ക ഡോക്‌ടർമാർക്കും താൽപര്യം. അതിനു പിന്നിലെ സാമ്പത്തിക ലക്ഷ്യങ്ങൾ പലപ്പോഴും നമ്മൾ തിരിച്ചറിയാതെ പോകുന്നുണ്ട്.
വളരെ ചെറുപ്പത്തിൽ സംഭവിച്ചുപോകുന്ന ലൈംഗിക ഉത്തേജക അനുഭവങ്ങൾ മനപ്പൂർവ്വമല്ലാത്ത അവസ്‌ഥയിൽ ചിലരിലെങ്കിലും രതിമൂർച്‌ഛ (Orgasm) ഉളവാക്കാറുണ്ട്. അസ്വീകാര്യമായ ഇത്തരം രതിമൂർച്‌ഛകൾ പക്വതയെത്താത്ത ഇളംപ്രായക്കാരുടെ ഉപബോധമനസ്സിൽ ലൈംഗികതയോടു തന്നെ വല്ലാത്ത ഒരുതരം വിരക്‌തി സൃഷ്‌ടിക്കും. പിന്നീട് പ്രായപൂർത്തിയെത്തുമ്പോൾ ഈ വിഭാഗത്തിൽപ്പെട്ട സ്‌ത്രീകളിൽ അത് ലൈംഗിക മരവിപ്പായി മാറും.
