ചോദ്യം
25 വയസ്സുള്ള പെൺകുട്ടിയാണ്. ചെറുപ്പത്തിൽ തന്നെ എനിക്ക് പ്രമേഹം പിടിപെട്ടു. രോഗം നിയന്ത്രണ വിധേയമാക്കാൻ ഞാൻ എന്താണ് ചെയ്യേണ്ടത്?
ഉത്തരം
പ്രമേഹം 2 തരത്തിലുണ്ട്. ടൈപ്പ് 1 ഉം ടൈപ്പ് 2 ഉം. ടൈപ്പ് 1 പ്രമേഹത്തെ വളരെ വേഗത്തിൽ തിരിച്ചറിയാൻ സാധിക്കും. ഇത് ഒരു ഓട്ടോ ഇമ്മ്യൂൺ ജനിതക അവസ്‌ഥയാണ്. അതേസമയം ടൈപ്പ് 2 പ്രമേഹത്തെ ഇൻസുലിൻ പ്രതിരോധവും അസാധാരണമായ ഇൻസുലിൻ സ്രവവുമാണ് നിർവചിക്കുന്നത്. രക്തത്തിൽ ഉയർന്ന അളവിലുള്ള പഞ്ചസാരയുടെ സാന്നിധ്യം ശ്വേത രക്താണുക്കളുടെ അണുബാധയെ ചെറുക്കാനുള്ള കഴിവിനെ തടസ്സപ്പെടുത്തുന്നതിനാൽ പ്രമേഹമുള്ളവർക്ക് ചില രോഗങ്ങൾ കൂടുതൽ അപകടകരമാകാം. അതിനാൽ പ്രമേഹമുള്ളവർ ഇൻഫ്ളുവൻസ, ന്യൂമോകോക്കൽ രോഗങ്ങൾ, ടെറ്റനസ്, ഡിഫ്ത്‌തീരിയ, ഷിംഗിൾസ്, ഹെപ്പറ്റൈറ്റിസ് ബി, എന്നിവയ്ക്കെതിരായ വാക്സിനുകൾക്കായി ഡോക്‌ടറെ സമീപിക്കേണ്ടത് പ്രധാനമാണ്.
ബ്ലഡ് ഷുഗർ നിയന്ത്രണത്തിലാക്കാൻ ശരിയായ പോഷകാഹാരവും വ്യായാമവും അത്യാവശ്യമാണ്. കൃത്യമായ ഷെഡ്യൂളിൽ ഭക്ഷണം കഴിക്കുക. ഭക്ഷണ ക്രമം, പോഷകാഹാര ആവശ്യങ്ങൾ, ലക്ഷ്യങ്ങൾ, മരുന്നുകൾ എന്നിവയുമായി പൊരുത്തപ്പെടുന്നുണ്ടെന്ന് ഉറപ്പാക്കാൻ ഒരു പോഷകാഹാര വിദഗ്ദ്ധനെയും എൻഡോക്രൈനോളജിസ്‌റ്റിനെയും സമീപിക്കുക. പോഷകാഹാരത്തോടൊപ്പം തന്നെ ശാരീരിക പ്രവർത്തനങ്ങളും പ്രമേഹ നിയന്ത്രണത്തിന്‍റെ പ്രധാന ഭാഗമാണ്. ആഴ്‌ചയിൽ 150 മിനിറ്റ് മിതമായി വ്യായാമം ചെയ്യുന്നത് പ്രമേഹത്തെ നിയന്ത്രണ വിധേയമാക്കാൻ സഹായിക്കും. സാവധാനം ആരംഭിച്ച് 150 മിനിറ്റായി വർദ്ധിപ്പിക്കുക. നടത്തം, സൈക്ലിംഗ്, നീന്തൽ, എയറോബിക് വ്യായാമങ്ങൾ ചെയ്യുക. സൗകര്യപ്രദമായ വ്യായാമങ്ങൾ തെരഞ്ഞെടുത്തു ചെയ്യുക. ദിനചര്യയിൽ സ്ട്രങ്ത് ട്രെയിനിംഗും ഉൾപ്പെടുത്താം.
ചോദ്യം
അടുത്തിടെ പുതിയ ഒരു നഗരത്തിൽ എനിക്ക് ജോലി ലഭിച്ചിരിക്കുകയാണ്. എനിക്ക് ഇവിടെ വലിയ പരിചയമൊന്നുമില്ല. അതുകൊണ്ട് വല്ലാത്ത ഏകാന്തത അനുഭവപ്പെടുകയാണ്. ഈ പ്രശ്‌നത്തെ എങ്ങനെയാണ് നേരിടുക?
ഉത്തരം
പുതിയ നഗരം പുതിയ അനുഭവങ്ങൾ ആളുകൾ തുടങ്ങിയ കാര്യങ്ങളുമായി പൊരുത്തപ്പെടാൻ തുടക്കത്തിൽ അൽപം വിഷമം തോന്നാം. അതിനാൽ സ്വന്തം മാനസികാരോഗ്യ കാര്യത്തിൽ ശ്രദ്ധ നൽകേണ്ടത് പ്രധാനമാണ് സാമൂഹിക ജീവിതത്തിൽ നിന്നും മാറി നിൽക്കുന്നതും ഏകാന്തതയും മറ്റും നിങ്ങളെ വിഷാദത്തിലേക്ക് തള്ളി വിടാം. മാത്രവുമല്ല ജോലിയിലുള്ള താൽപര്യം കുറയാനും ഇത് കാരണവുമാകാം. പലവിധ ശാരീരിക അസുഖങ്ങൾ ഉണ്ടാകുകയും ചെയ്യും. സാമൂഹിക ജീവിതവുമായി ഇഴുകി ചേർന്നുള്ള പ്രവർത്തനങ്ങൾ ഒറ്റപ്പെടലിനെ നേരിടാൻ സഹായിക്കും. ബുക്ക് ക്ലബ്ബുകൾ, ഫിലിം ക്ലബ്ബുകൾ തുടങ്ങിയ നിങ്ങൾക്ക് താൽപര്യമുള്ള മേഖലകളിലെ പ്രാദേശിക ക്ലബ്ബുകളോ കമ്മ്യൂണിറ്റികളോ അന്വേഷിച്ച് കണ്ടുപിടിക്കുക. അതുവഴി സമാനമേഖലയിൽ താൽപ്പര്യമുള്ള ആളുകളെ കണ്ടുമുട്ടാൻ കഴിയും. എന്നിരുന്നാലും തുടർച്ചയായി 2 ആഴ്‌ചയിൽ കൂടുതലായി സങ്കടമോ വിഷാദമോ അനുഭവപ്പെടുന്നത് തുടരുകയാണെങ്കിൽ സഹായത്തിനായി നിങ്ങളുടെ അടുത്ത സുഹൃത്തുക്കളേയോ കുടുംബാംഗങ്ങളേയോ ബന്ധപ്പെടുക. മാനസികാരോഗ്യം മെച്ചപ്പെടുത്തുന്നതിനും ഈ വെല്ലുവിളികളെ മറികടക്കുന്നതിനുമുള്ള വഴികൾ കണ്ടത്താൻ അവർക്ക് സഹായിക്കാനാകും. അവരുടെ സഹായത്തോടെ ഒരു തെറാപ്പിസ്റ്റ‌ിനെയോ കൗൺസിലറെയോ ബന്ധപ്പെടുന്നത് പരിഗണിക്കുക.
ചോദ്യം
ഞാൻ 20 വയസ്സുള്ള ഒരു പെൺകുട്ടിയാണ്. ഇപ്പോൾ കോളേജ് വിദ്യാർത്ഥിനിയാണ്. പലപ്പോഴും രാവിലത്തെ തിരക്കു കാരണം എനിക്ക് പ്രഭാതഭക്ഷണം കഴിക്കാൻ സാധിക്കാറില്ല. ഇത് ഭാവിയിൽ എന്തെങ്കിലും ദോഷം വരുത്തുമോ?
ഉത്തരം
ദീർഘകാലമായി പ്രഭാതഭക്ഷണം ഒഴിവാക്കുന്നത് ആരോഗ്യത്തെ പ്രതികൂലമായി ബാധിക്കും. പ്രഭാതഭക്ഷണം ഒഴിവാക്കുന്നത് വിഷാദം, സന്തോഷം കുറയൽ, പോസ്റ്റ് ട്രോമാറ്റിക്സ് ഡിസോർഡർ, ഏകാന്തത, ഉറക്ക പ്രശ്‌നങ്ങൾ, ഹൃദയ സംബന്ധമായ അപകടസാധ്യത എന്നിവയുമായി ബന്ധപ്പെട്ടിരിക്കുന്നുവെന്ന് ഗവേഷണങ്ങൾ തെളിയിച്ചിട്ടുണ്ട്. വെറും 10 മിനിറ്റ് മാത്രമാണെങ്കിൽ പോലും പ്രഭാതഭക്ഷണത്തിനായി സമയം കണ്ടെത്താൻ ശ്രമിക്കുക. കുറച്ച് പഴങ്ങളോ ഒരു ബൗൾ ധാന്യമോ കഴിക്കുക. തലേന്ന് രാത്രി പ്രഭാതഭക്ഷണം തയ്യാറാക്കി വയ്ക്കുന്നതും നല്ലതാണ്. ഇഷ്‌ടപ്പെട്ട ടോപ്പിംഗുകൾ ചേർത്ത് ഓട്‌സ് ഉണ്ടാക്കി കഴിക്കാം.
മികച്ചതും ആരോഗ്യകരവുമായ പ്രഭാതഭക്ഷണ ഓപ്ഷനുകൾ കണ്ടെത്തുന്നതിനായി ഒരു ന്യൂട്രിഷനിസ്റ്റിന്‍റെ സഹായം തേടാം.
