മിക്സ്ഡ് വെജിറ്റബിൾ കട്ലറ്റ്
ചേരുവകൾ
ഗ്രീൻ പീസ്, കാരറ്റ്, ഉരുളക്കിഴങ്ങ് പുഴുങ്ങിയെടുത്തത് ഒരു കപ്പ്
ബ്രഡ് സ്ലൈസ് രണ്ടുമുന്നെണ്ണം
സവാള നേർത്തതായരിഞ്ഞത് ഒന്ന്
മല്ലിയില ആവശ്യത്തിന്
പച്ചമുളക് അരിഞ്ഞത് രണ്ടെണ്ണം
എണ്ണ വറക്കുന്നതിന്
ഉപ്പ് ആവശ്യത്തിന്
തയ്യാറാക്കുന്ന വിധം
പുഴുങ്ങിയെടുത്ത പച്ചക്കറിയിൽ മല്ലിയില, സവാള, പച്ചമുളക്, ഉപ്പ് എന്നിവ ചേർത്ത് ഉടച്ചെടുക്കുക. ഇതിലേയ്ക്ക് ബ്രഡ് കഷ്ണ‌ങ്ങൾ ഇട്ട് നന്നായി യോജിപ്പിക്കണം. അല്പം മിശ്രിതമെടുത്ത് ഇഷ്ട‌മുള്ള ആകൃതിയിൽ കട്ലറ്റ് തയ്യാറാക്കുക. ഇത് എണ്ണയിൽ വറുത്തെടുക്കാം.
റൈസ് ബോണ്ട
ചേരുവകൾ
ബസ്മതി അരി വേവിച്ചത്/ പുലാവ് ഒരു കപ്പ്
കടലപ്പൊടി അര കപ്പ്
പനീർ 50 ഗ്രാം
പച്ചമുളക് അരിഞ്ഞത് രണ്ടെണ്ണം
മല്ലിയില അരിഞ്ഞത് ആവശ്യത്തിന്
എണ്ണ വറക്കുന്നതിന്
മാങ്ങാപ്പൊടി അര ടീസ്‌പൂൺ
മല്ലിപ്പൊടി അര ടീസ്‌പൂൺ
ഉപ്പും മുളകുപൊടിയും ആവശ്യത്തിന്
തയ്യാറാക്കുന്ന വിധം
കടലപ്പൊടിയിൽ ആവശ്യത്തിന് ഉപ്പു ചേർത്ത് കട്ടിയുള്ള മിശ്രിതം തയ്യാറാക്കുക. വേവിച്ച അരി നന്നായി ഉടച്ചതിലേക്ക് പച്ചമുളക്, മല്ലിയില, മാങ്ങാപ്പൊടി, ഉപ്പ്, മുളകുപൊടി എന്നിവ ചേർത്ത് യോജിപ്പിക്കുക. അല്പം മിശ്രിതത്തിൽ ഒരു കഷണം പനീർ വച്ച് ഉരുള തയ്യാറാക്കി കടലമാവിൽ മുക്കി എണ്ണയിൽ ഇളം ബ്രൗൺ നിറമാകുന്നതു വരെ വറഞ്ഞെടുക്കുക.
ബനാന ബോൾസ്
ചേരുവകൾ
പഴം നാലെണ്ണം
ഗോതമ്പുപൊടി അര കപ്പ്
മൈദ രണ്ടു ടേബിൾ സ്‌പൂൺ
റവ രണ്ടു ടേബിൾ സ്‌പൂൺ
പഞ്ചസാര / ശർക്കര അര കപ്പ്
ഡ്രൈ ഫ്രൂട്ട്സ് ആവശ്യത്തിന്
സ്വീറ്റ് സോഡ ഒരുനുള്ള്
എണ്ണ വറക്കുന്നതിന്
പാൽ അര കപ്പ്
തയ്യാറാക്കുന്ന വിധം
പഴം നന്നായി ഗ്രേറ്റ് ചെയ്തെടുക്കുക. ഇതിലേയ്ക്ക് എല്ലാ ചേരുവകളും ചേർത്ത് കുഴയ്ക്കണം. അല്പം മിശ്രിതമെടുത്ത് എണ്ണയിലിട്ട് ഇളം ബ്രൗൺ നിറമാവുന്നതുവരെ വറക്കുക. ചുടോടെ സർവ്വ് ചെയ്യാം.
പൂരി ലഡ്‌ഡു
ചേരുവകൾ
പുരി/ പൊറോട്ട എട്ടുപത്തെണ്ണം
പഞ്ചസാര പൊടിച്ചത് ഒരു കപ്പ്
ഡ്രൈ ഫ്രൂട്ട്സ് അരിഞ്ഞത് അര കപ്പ്
നെയ്യ്/ എണ്ണ രണ്ടു ടേബിൾ സ്‌പൂൺ
തയ്യാറാക്കുന്ന വിധം
പുരി ചെറിയ കഷണങ്ങളാക്കി മിക്സറിൽ അരച്ചെടുക്കുക. ഈ മിശ്രിതം എണ്ണയിലിട്ട് വഴറ്റണം. പഞ്ചസാരയും ഡ്രൈഫ്രൂട്ട്സും ചേർത്ത് ലഡ്‌ഡു തയ്യാറാക്കുക.
സലാഡ് സൂപ്പ്
ചേരുവകൾ
സലാഡ് (കാരറ്റ്, തക്കാളി, സവാള, വെള്ളരിക്ക, ഇഞ്ചി, മുള്ളങ്കി എന്നിവ കൊണ്ട് തയ്യാറാക്കിയത്) രണ്ടു കപ്പ്
തക്കാളി രണ്ടോ മുന്നോ എണ്ണം
മല്ലിയില ആവശ്യത്തിന്
ക്രീം ഒരു ടേബിൾ സ്‌പൂൺ
എണ്ണ ഒരു ടേബിൾ സ്‌പൂൺ
ജീരകം അര ടീസ്‌പൂൺ
ഉപ്പ്, കുരുമുളകുപൊടി ആവശ്യത്തിന്
തയ്യാറാക്കുന്ന വിധം
സലാഡ്, തക്കാളി, മല്ലിയില എന്നിവ ഒരുമിച്ച് കുക്കറിലിട്ട് ഒരു വിസിൽ വരും വരെ വേവിക്കണം. ഇത് തണുക്കുമ്പോൾ ഒരു മിക്സറിൽ അരച്ചെടുക്കുക. മിശ്രിതം അരിച്ചെടുത്ത് ഉപ്പും കുരുമുളകുപൊടിയും ചേർക്കാം.
ജീരകം എണ്ണയിൽ ചൂടാക്കി പൊടിച്ച് സൂപ്പിൽ ചേർക്കുക. ക്രീം, മല്ലിയില എന്നിവ കൊണ്ട് ഗാർണിഷ് ചെയ്‌ത് ചൂടോടെ സർവ്വ് ചെയ്യാം.
റൊട്ടി റോൾസ്
ചേരുവകൾ
ചപ്പാത്തി നാലെണ്ണം
കടലപ്പൊടി രണ്ടു ടേബിൾ സ്‌പൂൺ
പച്ചമുളക് അരിഞ്ഞത് രണ്ടെണ്ണം
സവാള നേർത്തതായി അരിഞ്ഞത് ഒന്ന്
എണ്ണ ഒരു ടേബിൾ സ്‌പൂൺ
കടുക് ഒരു ടീസ്‌പൂൺ
പച്ചമുളക് മൂന്നുനാലെണ്ണം
ഉപ്പ്, മുളകുപൊടി ആവശ്യത്തിന്
തയ്യാറാക്കുന്ന വിധം
എണ്ണ ചൂടാക്കി കടുക് വറക്കുക. ഇതിലേയ്ക്ക് കടലപ്പൊടി, പച്ചമുളക്, സവാള, ഉപ്പ്, മുളകുപൊടി എന്നിവ ചേർത്ത് കട്ടിയുള്ള മിശ്രിതം തയ്യാറാക്കണം. ഇത് രണ്ടായി പകുത്തെടുക്കുക. ഒരു ചപ്പാത്തിയെടുത്ത് അതിനു മീതെ ഈ മിശ്രിതം പുരട്ടുക. വീണ്ടും ചപ്പാത്തി വച്ച ശേഷം മിശ്രിതം പുരട്ടി നീളമുള്ള റോൾ തയ്യാറാക്കാം. ഒരു നൂൽ കൊണ്ട് റോൾ കെട്ടിവെക്കുക. മൈക്രോവേവ് ഓവനിൽ 3 മിനിറ്റോളം ബേക്ക് ചെയ്യുകയോ, പ്രഷർ കുക്കറിൽ പത്തു പ്രന്ത്രണ്ട് മിനിറ്റോളം വേവിച്ചെടുക്കുകയോ ചെയ്യാം. തണുക്കുമ്പോൾ റോൾസിലെ നൂലെടുത്ത് മാറ്റി റൗണ്ട് കഷണങ്ങളായി മുറിച്ചെടുക്കുക. കടുക് പൊട്ടിച്ച് പച്ചമുളകുമിട്ട് വഴറ്റി റോൾസിൽ പുരട്ടാം. പൊദിനയില ചട്നിക്കൊപ്പം സർവ്വ് ചെയ്യാം.
ബ്രഡ് വെജിറ്റബിൾ ലോഫ്
ചേരുവകൾ
ബ്രഡ് സ്ലൈസ് എട്ടുപത്തെണ്ണം
വെളുത്തുള്ളി ഇഞ്ചി പേസ്റ്റ് ഒരു ടേബിൾ സ്‌പൂൺ
പച്ചമുളക് അരിഞ്ഞത് രണ്ടെണ്ണം
പനീർ 50 ഗ്രാം
വേവിച്ചുടച്ച ഉരുളക്കിഴങ്ങ് ഒരു കപ്പ്
ഗ്രീൻ പീസ് വേവിച്ചത് അര കപ്പ്
കാരറ്റ് ഗ്രേറ്റ് ചെയ്ത‌ത് ഒന്ന്
ടൊമാറ്റോ പേസ്‌റ്റാക്കിയത് ഒന്ന്
എണ്ണ ഒരു ടേബിൾ സ്‌പൂൺ
ഉപ്പ് ആവശ്യത്തിന്
തയ്യാറാക്കുന്ന വിധം
ബ്രഡ് കുതിർത്ത് പിഴിഞ്ഞ് ഉടച്ചെടുക്കുക. ഉപ്പ്, ഉരുളക്കിഴങ്ങ് ഉടച്ചത്, തക്കാളി പേസ്റ്റ്, എണ്ണ, ഇഞ്ചി- വെളുത്തുള്ളി പേസ്റ്റ് എന്നിവ ചേർത്ത് കുഴച്ചെടുക്കുക. ഇത് പരത്തി മുകളിൽ ഗ്രീൻപീസ് ഉടച്ചതും കാരറ്റ് ഗ്രേറ്റ് ചെയ്തതും വെയ്ക്കാം. ഉപ്പുള്ള കുരുമുളകുപൊടി വിതറിയ ശേഷം പനീർ ഗ്രേറ്റ് ചെയ്തതും ചേർക്കാം. ഒരു വലിയ റോൾ തയ്യാറാക്കി അലൂമിനിയം ഫോയിൽ കൊണ്ട് പൊതിയുക. ഇത് ഓവനിൽ വെച്ച് 180 ഡിഗ്രി സെൽഷ്യസിൽ 35-40 മിനിറ്റോളം ബേക്ക് ചെയ്യണം.
ഫ്രൂട്ട് ചാട്ട് വിത്ത് സ്വീറ്റ് പുലാവ്
ചേരുവകൾ
ഫ്രൂട്ട് ചാട്ട് (പഴം, ആപ്പിൾ, ഓറഞ്ച്, ചെറി, മാമ്പഴം) രണ്ടു കപ്പ്
ബസ്മതി അരി രണ്ടു കപ്പ്
പഞ്ചസാര രണ്ടു കപ്പ്
എണ്ണ രണ്ടു ടേബിൾ സ്‌പൂൺ
ജീരകം ഒരു ടേബിൾ സ്‌പൂൺ
വെണ്ണ ഒരു ടേബിൾ സ്‌പൂൺ
ഡ്രൈഫ്രൂട്ട്സ് അരിഞ്ഞത് ആവശ്യത്തിന്
തയ്യാറാക്കുന്ന വിധം
ബസ്മതി അരി കഴുകി 15-20 മിനിറ്റോളം വേവിക്കുക. ഇത് എണ്ണ ചൂടാക്കിയതിലിട്ട് ഇളക്കണം. പത്തു മിനിറ്റ് കഴിഞ്ഞ് പഞ്ചസാര ചേർത്ത് അടച്ചുവെച്ച് 15-20 മിനിറ്റോളം തീ കുറച്ചു വെച്ച് വേവിക്കുക. ഇതിൽ ഫ്രൂട്ട്സ് ഇട്ട് ഇളക്കി 10-15 മിനിറ്റോളം അടച്ചു വെയ്ക്കാം. ഡ്രൈഫ്രൂട്ട്സും വെണ്ണയും കൊണ്ട് ഗാർണിഷ് ചെയ്യാം.
