ലഘുവായതും പോഷകപ്രദവും എളുപ്പത്തിൽ ദഹിക്കുന്നതുമായ ഭക്ഷണം കഴിക്കാൻ ആഗ്രഹിക്കുന്നു എങ്കിൽ ഓട്സ് നല്ല ഓപ്ഷൻ ആണ്. എന്നാൽ അതിന്‍റെ സ്വാദ് ചിലർക്ക് ഇഷ്ടമല്ല. മറ്റു ചിലർക്കാകട്ടെ എന്നും ഒരേ സ്വാദ് കഴിച്ചു മടുത്ത ഫീലാണ്. എങ്കിലും ഗ്ലൂട്ടൻ ഫ്രീ ആയതിനാൽ ഓട്സ് വളരെ ആരോഗ്യകരമായ ഒരു ധാന്യമായി കണക്കാക്കപ്പെടുന്നു. വിറ്റാമിനുകൾ, ധാതുക്കൾ, നാരുകൾ, ആന്‍റിഓക്‌സിഡന്‍റുകൾ, മറ്റ് പോഷക ഘടകങ്ങൾ എന്നിവയാൽ സമ്പന്നമായ ഓട്സ് ഇന്ന് വിപണിയിൽ പല രുചികളിലും ലഭ്യമാണ്. ഫ്ലേവർഡ് ഓട്‌സിനേക്കാൾ പ്ലെയിൻ ഓട്സ് വാങ്ങുന്നതിന്‍റെ പ്രയോജനം, നിങ്ങളുടെ ഇഷ്ടത്തിനനുസരിച്ച് മധുരമോ ഉപ്പിട്ടോ ഉണ്ടാക്കാം എന്നതാണ്. ഓട്‌സിൽ നിന്ന് എങ്ങനെ വേഗത്തിൽ ആരോഗ്യകരമായ പാചകക്കുറിപ്പുകൾ ഉണ്ടാക്കാമെന്ന് നോക്കാം. അത് എളുപ്പത്തിൽ തയ്യാറാക്കാനും ഭക്ഷണത്തിൽ ഉൾപ്പെടുത്താനും കഴിയും.
ഓട്സ് സ്ലൈസ്
4 പേർക്ക്
ഉണ്ടാക്കാൻ എടുത്ത സമയം 30 മിനിറ്റ്
ചേരുവകൾ
പ്ലെയിൻ ഓട്സ് 1 ബൗൾ
ചെറുപയർ പരിപ്പ് 1 ബൗൾ കഴുകിഎടുത്തത്
മഞ്ഞൾ പൊടി 1/4 ടീസ്പൂൺ
തൈര് 1 കപ്പ്
മാങ്ങാ അച്ചാർ മസാല 1 ടീസ്പൂൺ
ഇഞ്ചി പച്ചമുളക് പേസ്റ്റ് 1 ടീസ്പൂൺ
ചെറുതായി അരിഞ്ഞ കാപ്സിക്കം 1/4 കപ്പ്
പച്ച മല്ലിയില അരിഞ്ഞത് 1 ടീസ്പൂൺ
ചില്ലി ഫ്ലേക്സ് 1/4 ടീസ്പൂൺ
ഈനോ 1 പായ്ക്കറ്റ്
ഉപ്പ് 1/2 ടീസ്പൂൺ
ചാട്ട് മസാല 1/4 ടീസ്പൂൺ
സീസണിംഗ് ചേരുവകൾ
എണ്ണ 1 ടീസ്പൂൺ
കടുക് 1/2 ടീസ്പൂൺ
കറിവേപ്പില 8-10
പച്ചമുളക് നീളത്തിൽ അരിഞ്ഞത് 3
ചെറുതായി അരിഞ്ഞ മല്ലിയില 1 ടീസ്പൂൺ
അവൽ 1/4 ടീസ്പൂൺ
തയ്യാറാക്കുന്ന വിധം
ചെറുപയർ പരിപ്പ് 4-5 മണിക്കൂർ കുതിർക്കുക. ഓട്സ് മിക്സിയിൽ പൊടിക്കുക. പരിപ്പ് വെള്ളം ഊറ്റി, തൈര്, ഇഞ്ചി പച്ചമുളക് പേസ്റ്റ്, ഓട്സ് എന്നിവ ചേർത്ത് പൊടിക്കുക. ഇനി അരിഞ്ഞ കാപ്സിക്കം, ചില്ലി ഫ്ലേക്സ്,, അച്ചാർ മസാല, ഉപ്പ്, മഞ്ഞൾ, പച്ച മല്ലിയില എന്നിവ ചേർക്കുക.
ഇനോ ഫ്രൂട്ട് സാൾട്ട് ചേർത്ത് 1 മിനിറ്റ് അടിക്കുക. 4 സ്റ്റീൽ ബൗളുകളിൽ എണ്ണ പുരട്ടി തയ്യാറാക്കിയ മിശ്രിതം ഒഴിക്കുക. ഇനി അവ 20 മിനിറ്റ് ആവിയിൽ വേവിക്കുക. വൃത്തിയുള്ള കത്തിയോ സ്റ്റീൽ സ്പൂണോ ഉപയോഗിച്ച് കുത്തി നോക്കുക, ഒട്ടിപിടിച്ചു നിൽക്കുന്നില്ലെങ്കിൽ തയ്യാറാണെന്ന് മനസ്സിലാക്കുക. തണുക്കുമ്പോൾ, കത്തി ഉപയോഗിച്ച് കഷ്ണങ്ങളാക്കി ഒരു പ്ലേറ്റിൽ വയ്ക്കുക. ഒരു പാനിൽ എണ്ണ ഒഴിച്ച് കടുക് പൊട്ടിച്ച് എല്ലാ സീസണിംഗ് ചേരുവകളും ചേർക്കുക. ഇത് തയ്യാറാക്കിയ ഓട്സ് കഷ്ണങ്ങളിൽ ഒഴിച്ച് മല്ലിയില കൊണ്ട് അലങ്കരിച്ച് വിളമ്പുക.
ഓട്സ് ഭേൽ
4 പേർക്ക്
മിനിറ്റ് ഉണ്ടാക്കാൻ എടുത്ത സമയം 20 മിനിറ്റ്
ചേരുവകൾ
പ്ലെയിൻ ഓട്സ് 1 കപ്പ്
മുളപ്പിച്ച ചെറുപയർ 1/2 കപ്പ്
വറുത്ത നിലക്കടല 1 ടീസ്പൂൺ
ചെറുതായി അരിഞ്ഞ വെള്ളരിക്ക 1
ചെറുതായി അരിഞ്ഞ ഉള്ളി 1
തക്കാളി ചെറുതായി അരിഞ്ഞത് 1
പച്ചമുളക് ചെറുതായി അരിഞ്ഞത് 3
നാരങ്ങ നീര് 1 ടീസ്പൂൺ
ചാട്ട് മസാല 1/2 ടീസ്പൂൺ
സേവ് 1 ടീസ്പൂൺ
പുളി ചട്ണി 1 ടീസ്പൂൺ
ഗ്രീൻ ചട്ണി 1 ടീസ്പൂൺ
മാതളനാരങ്ങ 1 ടീസ്പൂൺ
ചെറുതായി അരിഞ്ഞ മല്ലിയില 1 ടീസ്പൂൺ
കുരുമുളക് പൊടി 1/4 ടീസ്പൂൺ
തയ്യാറാക്കുന്ന വിധം
ഓട്സ് നെയോ എണ്ണയോ ചേർക്കാതെ ചെറിയ തീയിൽ 5 മിനിറ്റ് വറുത്ത് ഒരു പ്ലേറ്റിൽ എടുക്കുക. ഇനി ഒരു ബൗളിൽ പച്ച മല്ലിയിലയും മാതളനാരങ്ങയും ഒഴികെയുള്ള എല്ലാ ചേരുവകളും ഒന്നിച്ച് ഇളക്കുക. ഇത് വിളമ്പുന്ന പാത്രത്തിൽ ഇട്ട് പച്ച മല്ലിയിലയും മാതളനാരങ്ങയും ഇട്ട് അലങ്കരിച്ച് സെർവ് ചെയ്യാം.
ഓട്സ് ബദാം ഷേക്ക്
2 പേർക്ക്
തയ്യാറാക്കാൻ എടുത്ത സമയം 15 മിനിറ്റ്
ചേരുവകൾ
പ്ലെയിൻ ഓട്സ് 1 ടീസ്പൂൺ
ബേസിൽ സീഡ്സ് 1 ടീസ്പൂൺ
പാട കളഞ്ഞ പാൽ 1 ഗ്ലാസ്
കുതിർത്ത ബദാം 8
പൊടിച്ച പഞ്ചസാര 1 ടീസ്പൂൺ
ചെറുതായി അരിഞ്ഞ ബദാം 1/2 ടീസ്പൂൺ
ഏലക്ക പൊടി 1/4 ടീസ്പൂൺ
തയ്യാറാക്കുന്ന വിധം
ബേസിൽ സീഡ്സ് ഒരു ടേബിൾസ്പൂൺ വെള്ളത്തിൽ 15 മിനിറ്റ് കുതിർക്കാൻ വയ്ക്കുക. ബദാം തൊലികൾ നീക്കം ചെയ്യുക. ഇനി അരിഞ്ഞ ബദാം ഒഴികെയുള്ള എല്ലാ ചേരുവകളും മിക്സി ജാറിൽ ഇട്ട് നന്നായി യോജിപ്പിക്കുക. ഇത് ഒരു സെർവിംഗ് ഗ്ലാസിലേക്ക് ഒഴിച്ച് അരിഞ്ഞ ബദാം കൊണ്ട് അലങ്കരിച്ച് വിളമ്പുക.
