പണ്ടും ഇപ്പോഴും ആൺകുട്ടികളും പെൺകുട്ടികളും സ്കൂളുകളിലും കോളേജുകളിലും ഒരുമിച്ചു പഠിക്കുന്നു. എന്നാൽ ഇന്നത്തെ തലമുറ ജൻഡർ ന്യുട്രൽ ആണെന്ന് വേണമെങ്കിൽ പറയാം. അവർക്കിടയിൽ ആൺ പെൺ വ്യത്യാസങ്ങൾ വളരെ കുറവാണ്. സ്‌കൂളുകളിൽ നിന്ന് കോളേജുകളിലേക്കും ജോലികളിലേക്കും അവർ ഇതേ യാത്ര തുടരുന്നു. ഒരാൺകുട്ടിയും പെൺകുട്ടിയും അല്ലെങ്കിൽ സ്ത്രീയോ പുരുഷനോ ഒരുമിച്ച് ഇരുന്നാലോ യാത്ര ചെയ്താലോ പ്രണയം ആണെന്ന് ലേബൽ ചെയ്യുന്ന കാലമൊക്കെ പോയി, എന്നാൽ ഇത്തരമൊരു സാഹചര്യത്തിൽ നിത്യജീവിതത്തിൽ സൗഹൃദങ്ങളും തെറ്റിദ്ധാരണകളും വർദ്ധിക്കുന്നത് സ്വാഭാവികമാണ്. നിങ്ങൾ ഇഷ്ടപ്പെട്ടാലും ഇല്ലെങ്കിലും, അതുപോലൊരു സാഹചര്യം എപ്പോഴെങ്കിലും നിങ്ങളുടെ മുന്നിൽ വന്നിട്ടുണ്ടാകും, മിക്ക പെൺകുട്ടികളും ആ അവസ്ഥ നേരിട്ടിട്ടുണ്ടാകും, കാരണം അവരുടെ കളിയും ചിരിയും സൗഹൃദവും കരുതലുള്ള സ്വഭാവവും അവരെ പലപ്പോഴും ഇത്തരം അവസ്ഥകളിൽ എത്തിക്കുന്നു. പ്രണയം ആണെന്ന് തെറ്റിദ്ധരിപ്പിക്കുന്നു.
സ്‌കൂളിലും കോളേജിലും ജോലിസ്ഥലത്തും ആൺകുട്ടികളും പെൺകുട്ടികളും നല്ല സുഹൃത്തുക്കളായി മാറുകയും എതിർലിംഗത്തിൽ പെട്ടവരിലേക്ക് എളുപ്പത്തിൽ ആകർഷിക്കപ്പെടുകയും ചെയ്യുന്നത് സ്വാഭാവികമാണ്. പലപ്പോഴും അവരുടെ പെരുമാറ്റം സഹോദരങ്ങളെപ്പോലെയാണ്, പരസ്പരം തമാശ പറയുകയും തല്ലുകയും ചെയ്യുക. മറ്റുള്ളവരുടെ പ്രണയകാര്യങ്ങൾ ഓപ്പൺ ആയി പറയുക തുടങ്ങിയ സാഹചര്യങ്ങളിൽ, ആളുകൾ പലപ്പോഴും തെറ്റിദ്ധാരണകൾക്ക് ഇരയാകുന്നു.
സൗഹൃദത്തിന്‍റെ അതിരുകൾ അവർ അംഗീകരിക്കുന്നില്ല, പരസ്പരം ബഹുമാനവും മനസ്സിൽ സൂക്ഷിക്കുന്നില്ല, എന്നാൽ അതിന്‍റെ പ്രതികൂല ഫലങ്ങൾ എപ്പോഴെങ്കിലും അവർ നേരിടേണ്ടി വരികയും ചെയ്യുന്നു, അടുപ്പം പലപ്പോഴും ബന്ധങ്ങളിൽ തെറ്റിദ്ധാരണകളും വിള്ളലുകളും സൃഷ്ടിക്കുന്ന ഒരു സമയം വരുന്നു.
പലപ്പോഴും ഈ തെറ്റിദ്ധാരണകൾ വളർന്നാൽ പരസ്പരം സാന്നിദ്ധ്യം പോലും അസഹനീയമായിത്തീരും. ഈ സാഹചര്യം ഒഴിവാക്കാൻ, കൃത്യസമയത്ത് തിരിച്ചറിയേണ്ടത് പ്രധാനമാണ്. പ്രണയത്തിന്‍റെ പേരിൽ ബന്ധം വേർപെടുത്താൻ നിങ്ങൾ ആഗ്രഹിക്കുന്നില്ലെങ്കിൽ, സുഹൃദ് ബന്ധം തകരുന്നത് തടയാതെ നോക്കാനെങ്കിലും കഴിയും.
ഒരു സുഹൃത്ത് നിങ്ങളുടെ സൗഹൃദത്തിന് അനാവശ്യമായ വഴിത്തിരിവ് നൽകാൻ ശ്രമിക്കുകയാണെന്ന് നിങ്ങൾക്ക് തോന്നുന്നുവെങ്കിൽ നിങ്ങൾക്കത് താല്പര്യം ഇല്ലെങ്കിൽ, ചില കാര്യങ്ങൾ ശ്രദ്ധിച്ചാൽ മുന്നോട്ട് ഉണ്ടാകാൻ ഇടയുള്ള പ്രശ്നങ്ങൾ സംഭവിക്കുന്നത് തടയാം.
ട്രിഗർ പോയിന്‍റ്
സുഹൃത്തുക്കളിൽ ഒരാൾ നിങ്ങളെ വളരെയധികം ശ്രദ്ധിക്കുകയും കാര്യങ്ങൾ ചോദ്യം ചെയ്യുന്നത് ഒരു ശീലമായി മാറുകയും ചെയ്യുന്നുവെങ്കിൽ, അധിക പോസിസീവ് ഒരു ശീലമായി മാറുകയാണെങ്കിൽ, ഒരു വാണിംഗ് ബെൽ മുഴങ്ങുന്നത് മനസിലാക്കണം, കൂടാതെ സുഹൃത്ത് നിങ്ങൾക്ക് വിലകൂടിയ സമ്മാനങ്ങൾ നൽകുന്നു, ഒന്നും പറയാതെ ഒത്തുചേരലുകളിൽ നിങ്ങളുടെ പങ്ക് നൽകുന്നു. നിങ്ങളോട് അടുത്ത് വരാനും സംസാരിക്കാനും ഒഴികഴിവുകൾ കണ്ടെത്തുന്നത് അദ്ദേഹത്തിന് ഒരു ശീലമായി മാറുകയാണ്.
അവൻ മറ്റ് സുഹൃത്തുക്കളെ അവഗണിക്കുകയും നിങ്ങൾക്ക് മാത്രം പ്രാധാന്യം നൽകുകയും ചെയ്യുന്നുവെങ്കിൽ, ചെറിയ തെറ്റിന് പോലും ക്ഷമാപണം നടത്തി അയാൾ നിങ്ങളെ സ്വാധീനിക്കാൻ ശ്രമിക്കുന്നു എങ്കിൽ, അത് നിങ്ങളോട് ഒരു റൊമാന്‍റിക് സമീപനം വളർത്തിയെടുക്കുന്നതിന്‍റെ സൂചനയായിരിക്കാം. അതിനാൽ, അവരെ കൃത്യസമയത്ത് തിരിച്ചറിയുക, നിങ്ങൾ അതിന് തയ്യാറായില്ലെങ്കിൽ ശ്രദ്ധിക്കുക.
എന്തുചെയ്യണം, എന്തുചെയ്യരുത്
നിങ്ങൾ അവനെ/ അവളെ ഒരു സുഹൃത്തായോ സഹപ്രവർത്തകനായോ മാത്രം പരിഗണിക്കുന്നു, എന്നാൽ നിങ്ങളുടെ സുഹൃത്ത് നിങ്ങളിലേക്ക് ആകർഷിക്കപ്പെടുന്നുവെങ്കിൽ, അത് വളരെ മോശമായ ഒരു സാഹചര്യമായി മാറുന്നു. നിങ്ങൾക്ക് അത് അവഗണിക്കുകയോ ആഗ്രഹിക്കാതിരിക്കുകയോ ചെയ്യാം. പക്ഷേ സൗഹൃദം അവസാനിപ്പിക്കാൻ നിങ്ങൾ ആഗ്രഹിക്കുന്നില്ല, എന്നാൽ ഈ പുതിയ സാഹചര്യം ഒഴിവാക്കാൻ നിങ്ങൾ തീർച്ചയായും ആഗ്രഹിക്കുന്നു. ഇത് ഉത്കണ്ഠയും വിഷാദവും സൃഷ്ടിച്ചേക്കാം. അപ്പോൾ, ഒരു വലിയ പരിധി വരെ, ആ ബന്ധത്തിന് എന്ത് സംഭവിക്കും എന്നത് സാഹചര്യത്തെ എങ്ങനെ കൈകാര്യം ചെയ്യുന്നു എന്നതിനെ ആശ്രയിച്ചിരിക്കുന്നു. തിടുക്കത്തിലോ ദേഷ്യത്തിലോ എന്തെങ്കിലും നടപടിയെടുക്കുകയാണെങ്കിൽ, ആ വ്യക്തിയെ നഷ്ടപ്പെടാം.
ചില കാര്യങ്ങൾ ശ്രദ്ധിച്ചാൽ ഇത് സംഭവിക്കുന്നത് തടയാം. എങ്ങനെയെന്ന് നോക്കാം-
ചില അതിരുകൾ
ചില അതിരുകൾ നിശ്ചയിക്കേണ്ടത് പ്രധാനമാണ്. ചിലപ്പോൾ നമ്മൾ മറ്റുള്ളവർക്ക് തെറ്റായ സിഗ്നലുകൾ അയച്ചേക്കാവുന്ന കാര്യങ്ങൾ ചെയ്യുന്നു. ഉദാഹരണത്തിന്, നിങ്ങൾ അവനെ ഒരു കാമുകനെപ്പോലെ എവിടെ ആണെന്ന് ഇടയ്ക്കിടെ അന്വേഷിക്കുക. കപ്പിൾ പോകുന്ന പ്രണയ സ്ഥലങ്ങളിൽ അവനൊരുമിച്ചു പോവുക, അടുത്തിടപഴകുക, സംസാരിക്കുമ്പോൾ കൈകോർക്കുക, ഒരു കാരണവുമില്ലാതെ അവനെ പുകഴ്ത്തുന്നത് തുടരുക.
ഇത് പോലുള്ള ശീലങ്ങളും തെറ്റായ സൂചനകൾ നൽകും. പലപ്പോഴും തുറന്ന മനസ്സുള്ള പെൺകുട്ടികളാണ് ഇത് ചെയ്യുന്നത്. അക്കാര്യം അറിയാത്തവർ ഇതെങ്ങനെ എടുക്കും. കളിയും അമിത സൗഹൃദവും കരുതലുള്ള സ്വഭാവവും എളുപ്പത്തിൽ തെറ്റിദ്ധരിക്കപ്പെടുന്നവർക്ക് പ്രശ്‌നമുണ്ടാക്കുന്നു.
അതുപോലെ ഒരുമിച്ച് ഏതെങ്കിലും ആരാധനാലയത്തിൽ പോകരുത് എന്നതും പ്രധാനമാണ്. അത്തരമൊരു സ്ഥലത്തേക്ക് പോകുന്നത് സുഹൃത്തിനോട് നിങ്ങൾക്കും താല്പര്യം ഉണ്ടെന്നു തെറ്റിദ്ധരിച്ചേക്കാം. ഇതിനർത്ഥം നിങ്ങൾ ഈ ബന്ധം മുന്നോട്ട് കൊണ്ടുപോകാൻ ആഗ്രഹിക്കുന്നു, കാരണം ഒരുമിച്ച് ക്ഷേത്രത്തിൽ പോകുന്ന ആളുകൾ പലപ്പോഴും അവരുടെ ബന്ധത്തിന് ദൈവത്തിന്‍റെ അംഗീകാരം തേടാൻ പോകുന്നതാണ്, നിങ്ങളുടെ സുഹൃത്ത് അങ്ങനെ ചിന്തിച്ചേക്കാം.
സത്യസന്ധത പുലർത്തുക
സുഹൃത്തിനോട് സത്യസന്ധത പുലർത്തേണ്ടത് പ്രധാനമാണ്. നിങ്ങൾക്ക് അവനോട് സമാനമായ വികാരങ്ങൾ ഇല്ലെന്നോ അവനോട് പ്രണയം തോന്നുന്നില്ലെന്നോ തുറന്നു പറയുക. നിങ്ങളുടെ സൗഹൃദത്തെ നിങ്ങൾ വിലമതിക്കുന്നുവെന്നും ബന്ധം തകരാൻ ആഗ്രഹിക്കുന്നില്ലെന്നും പറയുക. സംസാരിക്കുമ്പോൾ, ദേഷ്യം കാണിക്കുന്നില്ലെന്ന് ഉറപ്പാക്കുക.
മറ്റൊരു സുഹൃത്തിനോട് സംസാരിക്കുക
നിങ്ങളുടെ സുഹൃത്ത് സമ്മതം മൂളുന്നില്ലെങ്കിൽ, ഇടനിലക്കാരനായി പ്രവർത്തിക്കാൻ കഴിയുന്ന ഒരു പൊതു സുഹൃത്തിനോട് സംസാരിക്കുക. ഒരുപക്ഷേ ഈ മൂന്നാമത്തെ സുഹൃത്തിന് ഇത് നന്നായി വിശദീകരിക്കാനോ നിങ്ങളെ നയിക്കാനോ കഴിയും.
ഗോസിപ്പു പ്രശ്നമാക്കരുത്
എല്ലാ കാര്യങ്ങളും മറ്റു സുഹൃത്തുക്കളുമായി പങ്കുവയ്ക്കുന്ന ശീലം ചിലർക്കുണ്ട്. ഇത്തരം സെൻസിറ്റീവ് വിഷയങ്ങൾ സ്വകാര്യമായി സൂക്ഷിക്കുന്നതാണ് നല്ലത്. ഒരു നല്ല സുഹൃത്ത് അല്ലെങ്കിൽ സഹപ്രവർത്തകൻ എന്ന നിലയിൽ, അവന്‍റെ/അവളുടെ വികാരങ്ങളെ മാനിക്കേണ്ടത് കടമയാണ്, മറ്റുള്ളവരുമായി അതിനെക്കുറിച്ച് ഗോസിപ്പ് ചെയ്യരുത്. ഗോസിപ്പ് അവന്‍റെ/ അവളുടെ ചെവിയിൽ എത്തിയാൽ, സാഹചര്യം കൂടുതൽ വഷളാക്കുകയും ബന്ധത്തിൽ കൂടുതൽ പ്രശ്നങ്ങൾ സൃഷ്ടിക്കുകയും ചെയ്യും.
ഇന്ത്യൻ പാരമ്പര്യം അല്ലെങ്കിൽ പുരുഷ സഹജാവബോധം ആൺകുട്ടികളെ എളുപ്പത്തിൽ ഇത്തരം തെറ്റിദ്ധാരണയുടെ ഇരകളാക്കുന്നു, മാത്രമല്ല അവരുടെ മുന്നിലുള്ള പെൺകുട്ടി അവരെ ഇഷ്ടപ്പെട്ടു തുടങ്ങിയെന്ന് അവർ സ്വയം ബോധ്യപ്പെടുത്തുകയും ചെയ്യുന്നു.
സിനിമകളിലും മറ്റും വ്യാപകമായി ഉപയോഗിക്കപ്പെടുന്ന ‘കണ്ടോ അവൾ ചിരിച്ചെടാ…. എന്നൊക്കെ ഉള്ള വാചകങ്ങൾ സുഹൃത്തുക്കൾ പറയുന്നത് പലപ്പോഴും കേട്ടിട്ടുണ്ടാകും. ചില സിനിമകൾ പെൺകുട്ടിയുടെ തിരിഞ്ഞു നോട്ടത്തെ പ്രണയത്തിന്‍റെ പ്രകടനവുമായി ബന്ധിപ്പിച്ചിരുന്നു. ഫിലിമിലെ പല ഡയലോഗുകളും പെൺകുട്ടിയുടെ പ്രണയത്തെ അവളുടെ പെരുമാറ്റത്തിലൂടെ മനസ്സിലാക്കാനാണ് പറയാതെ പറയുന്നത്. ഒരു പെൺകുട്ടിക്ക് ആൺകുട്ടിയോടുള്ള ഇഷ്ടത്തിന്‍റെ സൂചകമായി ആൺകുട്ടിയുടെ കൈയിൽ പിടിക്കുന്നത് പോലുള്ള രംഗങ്ങൾ പുരുഷ മാനസികാവസ്ഥയെ ആശയക്കുഴപ്പത്തിലാക്കുന്നു. ഇത്തരം ചെറിയ സംഭവങ്ങളെപ്പോലും പ്രണയവുമായി ബന്ധപ്പെടുത്തി പുരുഷ മാനസികാവസ്ഥയെ മാറ്റിമറിച്ചിരിക്കുകയാണ് ഇന്ത്യൻ ചലച്ചിത്ര സമൂഹം.
ഒരു പെൺകുട്ടിയായതിനാൽ, എത്രയോ തവണ ഈ കാര്യങ്ങൾ നിങ്ങൾ അനുഭവിക്കുകയും പുരുഷ സുഹൃത്തുക്കളിൽ നിന്നും സഹപ്രവർത്തകരിൽ നിന്നും അകലം പാലിക്കുകയും ചെയ്യേണ്ടിവന്നിട്ടുണ്ടെങ്കിൽ, ഇത് നിങ്ങളുടെ സ്വന്തം സുരക്ഷയ്ക്കും ആവശ്യമാണ്.
നന്നായി സംസാരിക്കുന്ന, ചിരിക്കുന്ന, ഒരുമിച്ചു ഭക്ഷണം കഴിക്കുന്ന, നിങ്ങളെ കെയർ ചെയ്യുന്ന ഓരോ പെൺകുട്ടിയും സ്ത്രീയും പ്രണയത്തിലല്ല എന്ന് ആൺകുട്ടികൾ മനസ്സിലാക്കേണ്ടത് പ്രധാനമാണ്. മറിച്ച് തനിക്ക് അങ്ങനെ ഒരു വ്യക്തിയാകാൻ നല്ല സുഹൃത്തും സഹപ്രവർത്തകനും, ആകാൻ കഴിയുമെന്ന വിശ്വാസം വളർത്തിയെടുക്കേണ്ടത് ആണിന്‍റെ ഉത്തരവാദിത്തം കൂടിയാണ്. സൗഹൃദവും സുഹൃത്തുക്കളും നല്ല ബന്ധങ്ങളും നഷ്ടപ്പെടുന്നതിനേക്കാൾ സാഹചര്യം സമയബന്ധിതമായി കൈകാര്യം ചെയ്യുന്നതാണ് നല്ലത്. യഥാർത്ഥ സുഹൃത്തുക്കളെയും വിശ്വസ്തരായ ആളുകളെയും കണ്ടെത്തുന്നത് വൈക്കോൽ കൂനയിൽ ഒരു സൂചി കണ്ടെത്തുന്നത് പോലെ ബുദ്ധിമുട്ടാണ്. അതുകൊണ്ട് എല്ലാ ബന്ധങ്ങൾക്ക് ആവശ്യമായ പ്രാധാന്യം മാത്രം കൊടുക്കുന്നത് നന്നായിരിക്കും.
