കുട്ടികൾക്കും മുതിർന്നവർക്കുമായി ഈവനിംഗ് സ്‌നാക്കായി ഒരു സ്പെഷ്യൽ വിഭവം നൽകാൻ നിങ്ങൾ ആഗ്രഹിക്കുന്നു എങ്കിൽ ചൈനീസ് ഭേൽ അതിനുള്ള ഏറ്റവും മികച്ച ഒരു ഓപ്ഷനാണ്. വൈകുന്നേരത്തെ ലഘുഭക്ഷണത്തിനായി നിങ്ങൾക്ക് വിളമ്പാവുന്ന, വളരെ കുറഞ്ഞ സമയത്തിനുള്ളിൽ തയ്യാറാക്കാവുന്ന ഒരു എളുപ്പ റെസിപ്പിയാണ് ഇത്.
ചേരുവകൾ
1 പാക്കറ്റ് ഹക്ക നൂഡിൽസ്
2 ടീസ്പൂൺ കാരറ്റ് സ്ട്രിപ്പുകളായി മുറിച്ചത്
2 ടീസ്പൂൺ നന്നായി അരിഞ്ഞ കാബേജ്
2 ടേബിൾ സ്പൂൺ കാപ്സിക്കം ചെറു കഷണങ്ങളാക്കിയത്
2 ടേബിൾ സ്പൂൺ ഉള്ളി സ്ട്രിപ്പുകളായി മുറിച്ചത്
1 ടീസ്പൂൺ ഷെസ്‌വാൻ സോസ്
1 ടേബിൾ സ്പൂൺ റെഡ് ചില്ലി സോസ്
1 ടീസ്പൂൺ പച്ചമുളക് സോസ്
1 ടീസ്പൂൺ വിനാഗിരി
1/2 ടീസ്പൂൺ പഞ്ചസാര
ഉപ്പ് ആവശ്യത്തിന്
തയ്യാറാക്കുന്ന രീതി
ഒരു പാനിൽ നൂഡിൽസ് തിളപ്പിക്കുക. നൂഡിൽസിലെ വെള്ളം ഊറ്റിയശേഷം വേവിച്ച നൂഡിൽസ് തണുത്ത വെള്ളത്തിൽ കഴുകുക. ഒരു പാനിൽ എണ്ണ ചൂടാക്കുക. ചൂടായ എണ്ണയിൽ വേവിച്ച നൂഡിൽസ് സ്വർണ്ണ നിറമാകുന്നതുവരെ ഫ്രൈ ചെയ്യാം.
എല്ലാ പച്ചക്കറികളും, സോസ്, ഉപ്പ്, പഞ്ചസാര എന്നിവ മറ്റൊരു പാനിൽ ഇളക്കി യോജിപ്പിക്കുക. ഇതിലേക്ക് വറുത്ത നൂഡിൽസ് ചേർത്ത് നന്നായി ഇളക്കി മുകളിൽ മല്ലിയില വിതറി ഉടൻ വിളമ്പുക.
ചില്ലി ഗാർലിക് പൊറോട്ട
നമ്മുടെ ഭക്ഷണത്തിന്‍റെ അവിഭാജ്യ ഘടകമാണ് പൊറോട്ട. യഥാർത്ഥത്തിൽ, പൊറോട്ട പൂരിക്കും ചപ്പാത്തിക്കും ഇടയിലുള്ള ഒരു ഭക്ഷണമാണ് എന്ന് പറയാം. കാരണം ഇത് പൂരി പോലെ എണ്ണയിൽ വറുത്തല്ല എടുക്കുക അതുപോലെ ചപ്പാത്തി പോലെ നെയ്യും എണ്ണയും ഇല്ലാതെയുമല്ല തയ്യാറാക്കുക. ഇത് ചട്ടിയിൽ ഇട്ട് അൽപം എണ്ണയോ നെയ്യോ ഉപയോഗിച്ചാണ് ഉണ്ടാക്കുക.
പ്ലെയിൻ ആയിട്ടുള്ള പൊറോട്ടകൾക്ക് പകരമായി വിവിധതരം പച്ചക്കറികൾ ചേർത്തും മസാലകൾ നിറഞ്ഞ പൊറോട്ട വ്യത്യസ്തമായി തയ്യാറാക്കാം. മാവിൽ പച്ചക്കറികൾ കുഴച്ചും പൊറോട്ട ഉണ്ടാക്കാറുണ്ട്. ഇന്ന് നാം ഇവിടെ പരിചയപെടുത്തുന്നത് അത്തരത്തിൽ മാവ് കുഴയ്ക്കാതെ ഉണ്ടാക്കാവുന്ന ചില്ലി ഗാർലിക് പൊറോട്ടയാണ്. ഇത് കുട്ടികൾക്കും മുതിർന്നവർക്കും ഒരുപോലെ ഇഷ്ടമാകും. ഇത് ഉണ്ടാക്കാൻ വളരെ എളുപ്പമാണ് കൂടാതെ, കേടുകൂടാതെ എളുപ്പത്തിൽ സൂക്ഷിക്കാനും കഴിയും. ഇത് എങ്ങനെ തയ്യാറാക്കാമെന്ന് നോക്കാം.
എത്ര പേർക്ക്: 4
തയ്യാറാക്കാൻ എടുക്കുന്ന സമയം: 10 മിനിറ്റ്
ചേരുവകൾ
വെണ്ണ 1 ടീസ്പൂൺ
ചുവന്ന മുളക് ചതച്ചത് 1 ടീസ്പൂൺ
വെളുത്തുള്ളി പേസ്റ്റ് 2 ടീസ്പൂൺ
മല്ലിയില അരിഞ്ഞത് 2 ടീസ്പൂൺ
മഞ്ഞൾ പൊടി 1/4 ടീസ്പൂൺ
മൈദ 1 കപ്പ്
ഗോതമ്പ് മാവ് 1 കപ്പ്
വെള്ളം 2 കപ്പ്
പഞ്ചസാര 1 ടീസ്പൂൺ
ഉപ്പ് 1 ടീസ്പൂൺ
തയ്യാറാക്കുന്ന രീതി
ചുവന്ന മുളക്, വെളുത്തുള്ളി, പച്ച മല്ലി എന്നിവ വെണ്ണയിൽ ചേർത്ത് നന്നായി ഇളക്കുക. ഒരു പാത്രത്തിൽ മൈദ, ഗോതമ്പു മാവ്, ഉപ്പ് എന്നിവ ഇളക്കി യോജിപ്പിക്കുക. മാവ് കട്ട പിടിക്കാതിരിക്കാൻ വെള്ളം പതുക്കെ ചേർത്ത് ഇളക്കുക.
തയ്യാറാക്കിയ വെണ്ണ മിശ്രിതം മാവിൽ ചേർക്കുക. പൊറോട്ടയ്ക്കുള്ള മാവ് ദോശ മാവുപോലെ ആകണം. ഒരു നോൺസ്റ്റിക്ക് പാൻ ചൂടാക്കി നെയ്യ് പുരട്ടി ഒരു ടേബിൾ സ്പൂൺ മാവ് ഒഴിച്ച് ഇടത്തരം കട്ടിയിൽ പരത്തുക. ഇടത്തരം തീയിൽ വെണ്ണ പുരട്ടി ഇരുവശവും നന്നായി മൊരിയുന്നതു വരെ വേവിച്ച്‌ എടുക്കുക. എല്ലാ പൊറോട്ടയും ഒരേ രീതിയിൽ തയ്യാറാക്കുക.
