ദാമ്പത്യത്തിൽ സെക്സിന്‍റെ സ്ഥാനമെന്താണ്? ഭാര്യയുടെയും ഭർത്താവിന്‍റെയും ശാരീരിക സുഖം മാത്രം ലക്ഷ്യമിട്ടുള്ള ഒരു അപ്രധാനകാര്യം മാത്രമാണോ? ആനന്ദ നിമിഷങ്ങൾ നിറച്ച് ദാമ്പത്യത്തെ കെട്ടുറപ്പുള്ളതാക്കുകയാണ് പ്രധാനമായും സെക്സ് ചെയ്യുന്നത്. സുദൃഢമായ ദാമ്പത്യജീവിതത്തിന് സംതൃപ്തമായ ലൈംഗികത അടിത്തറ പാകുന്നുവെന്ന് പറയപ്പെടുന്നത് അതുകൊണ്ടാണ്. അസംതൃപ്തമായ ലൈംഗികജീവിതം കുടുംബത്തെയാകെ താളപ്പിഴകളിലേക്ക് വലിച്ചിഴച്ചേക്കും. ലഹരി വസ്തുക്കളുടെ ഉപയോഗം നിങ്ങളുടെ സന്തുഷ്ടമായിരുന്ന ലൈംഗിക ജീവിതത്തെ എങ്ങനെയെല്ലാം സ്വാധീനിക്കുമെന്ന് നോക്കുക.
ലഹരി പദാർത്ഥങ്ങൾ പലതരത്തിലുണ്ട്. മദ്യം പോലുള്ള ലഹരിപദാർത്ഥങ്ങളെക്കുറിച്ചാണ് ഇവിടെ ചർച്ച ചെയ്യുന്നത്. സ്വന്തം ഇഷ്ടപ്രകാരമല്ല പലരും മദ്യം കഴിച്ചു തുടങ്ങുന്നത്. കൂട്ടുകാരുടെ നിർബന്ധത്തിന് വഴങ്ങി ഒരു രസത്തിന്‍റെ പേരിലാണ് പലരും ഈ ശീലം തുടങ്ങുന്നതെങ്കിലും പിന്നീടത് നിയന്ത്രണാതീതാമാകുന്നു.
- ലഹരി പാനീയങ്ങളുടെ ഉപയോഗം ശാരീരികാരോഗ്യത്തെ ക്രമേണ നശിപ്പിക്കുകയാണ് ചെയ്യുന്നത്.
- ഭാര്യയെ പരിപൂർണ്ണമായും സന്തുഷടയും സംതൃപ്തയുമാക്കേണ്ടത് ഭർത്താവിന്‍റെ കടമയാണ്. എന്നാൽ ഭർത്താവിൽ നിന്നുയരുന്ന ലഹരി പദാർത്ഥങ്ങളുടെ ദുർഗന്ധം ദാമ്പത്യത്തിൽ ഇത്തരം പ്രശ്നങ്ങളുണ്ടാക്കിയേക്കാം. ഭാര്യാഭർത്തൃബന്ധത്തിൽ വിള്ളൽ സൃഷ്ടിക്കാൻ ഇത്തരം കാരണങ്ങൾ ധാരാളമാണ്.
- സെക്സിലേർപ്പെടുന്ന വേളയിൽ ഭാര്യ മാനസികമായി ഭർത്താവിനെ സ്വീകരിക്കാൻ തയ്യാറല്ലെങ്കിൽ സെക്സ് ഒരിക്കലും സന്തോഷപ്രദമാകണമെന്നില്ല. ഭർത്താവിന് മദ്യാപനം കൊണ്ടുള്ള ദുർഗന്ധം തിരിച്ചറിയാൻ കഴിയാതെ വരാമെങ്കിലും ഭാര്യയ്ക്കത് സഹിക്കാൻ കഴിഞ്ഞെന്ന് വരില്ല. അതോടെ സെക്സിലേർപ്പെടും മുമ്പേ തന്നെ ഭാര്യയിൽ ലൈംഗിക താൽപര്യം ഇല്ലാതെയാകും.
- ഭർത്താവ് ലഹരി പദാർത്ഥങ്ങൾ ഉപയോഗിക്കുന്നത് ഭാര്യയ്ക്ക് ഫോർപ്ലേയിലൂടെ കിട്ടുന്ന ആനന്ദം കണ്ടെത്താനോ ആഫ്റ്റർ പ്ലേയ്ക്ക് തയ്യാറാകാനോ തടസ്സമായേക്കാം. സെക്സിനെ വറും ബാധ്യതയായി കണ്ട് എത്രയും പെട്ടെന്ന് ഭർത്താവിൽ നിന്ന് അകന്ന് മാറാനായിരിക്കും ഭാര്യ ആഗ്രഹിക്കുക.
- മദ്യം, പുകവലി മറ്റ് ലഹരി വസ്തുക്കളുടെ ഉപയോഗം എന്നിവയൊക്കെ ലൈംഗിക ജീവിതത്തിന് പങ്കാളികൾ ധീരമായ നിലപാടുകൾ സ്വീകരിക്കുകയാണ് ആദ്യം വേണ്ടത്.
ഉത്തേജനം കുറയുക
സെക്സിലേർപ്പെടുന്ന വേളയിൽ രക്തത്തിൽ ഗ്ലൂക്കോസ് നില ഉയരുന്നതോടെ നൈട്രിക് ഓക്സൈഡ് രൂപം കൊള്ളുന്നത് നിലയ്ക്കുന്നു. പുരുഷലൈംഗികാവയവത്തിൽ ഉത്തേജനമുണ്ടാകുന്നതിൽ സുപ്രധാന പങ്കുവഹിക്കുന്ന രാസവസ്തുവാണ് നൈട്രിക് ഓക്സൈഡ്. മദ്യം, പുകവലി എന്നിവ ശീലമാക്കിയവരിൽ ഈ രാസപ്രവർത്തനം അസന്തുലിതമാക്കും. ഉത്തേജനമില്ലായ്മ ലൈംഗികസുഖത്തിന് തടസ്സമാകുകയും ലൈംഗികജീവിതം താറുമാറാകുകയും ചെയ്യുന്നു. ഇത് ദമ്പതികളിൽ മാനസിക പിരിമുറുക്കത്തിന് ഇടയാക്കുന്നു. ഇത്തരം അവസ്ഥയിൽ തുടർന്നും ലഹരിവസ്തുക്കൾ ഉപയോഗിക്കുന്നത് പുരുഷന്മാരിൽ ലൈംഗിക ബലഹീനതയുളവാക്കും.
പുകയില
അമിതമായ പുകയില ഉപയോഗം സന്തുഷ്ട ലൈംഗിക ജീവിതത്തെ നശിപ്പിക്കുന്നു. ഇവയുടെ അമിതമായ ഉപയോഗം രക്തക്കുഴലുകളെ തകരാറിലാക്കുന്നു. അതോടെ ലൈംഗിക പ്രക്രിയയ്ക്ക് തടസ്സം നേരിടുകയും സെക്സിനോടുള്ള താൽപര്യം നഷ്ടപ്പെടുകയും ചെയ്യും. അതുകൊണ്ട് പുകവലിയും മറ്റു തരത്തിലുള്ള പുകയില ഉപയോഗവും നിശ്ശേഷം അവസാനിപ്പിക്കേണ്ടതാണ്.
- പുകയിലയുടെ ഉപയോഗം കാൻസറിന് കാരണമാകുന്നതോടൊപ്പം ലൈംഗികശേഷി ഇല്ലാതാക്കുകയും ചെയ്യും.
- പ്രത്യുൽപാദന ശേഷിക്കുറവിന് ചികിത്സാവിധേയരാകുന്നവർ പുകവലി ശീലമുള്ളവരാണെങ്കിൽ ചികിത്സയ്ക്ക് ഫലം കാണാനുള്ള സാധ്യത കുറവായിരിക്കും.
- പുകവലിക്കുന്ന പുരുഷന്മാരിൽ ലൈംഗികശേഷി കുറയാനും പ്രത്യുൽപാദനശേഷി ക്രമേണ നശിച്ചുപോകാനുള്ള സാധ്യത വിരളമല്ല.
- ലഹരി പദാർത്ഥങ്ങൾ സ്ഥിരമായി ഉപയോഗിക്കുന്നവരിൽ ഷണ്ഡത്വം ഉണ്ടാകാൻ സാധ്യതയുണ്ട്.
- പുകയിലയിൽ അടങ്ങിയിരിക്കുന്ന നിക്കോട്ടിൻ തലച്ചോറിന്‍റെ പ്രവർത്തനങ്ങളെ തകരാറിലാക്കും. ഹൃദയ മിടിപ്പും നിയന്ത്രണാതീതമാകും. ഇതുമൂലം രക്തസഞ്ചാരത്തിലുണ്ടാകുന്ന മന്ദഗതി ലൈംഗികശേഷിക്കുറവിന് കാരണമാകും.
- സിഗററ്റ് വലിക്കുമ്പോൾ ഉള്ളിലെത്തുന്ന ഹൈഡ്രജൻ സൈനൈഡ് പോലുള്ള രാസപദാർത്ഥങ്ങൾ ഹൃദയാഘാതത്തെ ക്ഷണിച്ചുവരുത്തും.
മദ്യം- ദോഷവശങ്ങൾ
പതിവായി മദ്യപിക്കുന്നവർക്ക് ദേഷ്യം, തളർച്ച, ആലസ്യം എന്നിങ്ങനെയുള്ള അസ്വസ്ഥതകൾ നേരിടേണ്ടി വരും. ഇത്തരക്കാരെ സംബന്ധിച്ച് സെക്സ് എന്നത് ആനന്ദത്തിലുപരിയായി കേവലം ആവശ്യകതയായി മാറും. സ്വാഭാവികമായ ഉറക്കം പോലും മദ്യത്തിൽ അലിഞ്ഞില്ലാതാകും. മദ്യം കഴിക്കാത്ത ദിവസങ്ങളിൽ ഇത്തരക്കാർക്ക് ഉറങ്ങാൻ ഉറക്കഗുളികകളെ ആശ്രയിക്കേണ്ടി വരും. മദ്യത്തിന്‍റെ ഗന്ധം സുഖകരമായ ലൈംഗിക ജീവിതത്തിൽ വില്ലനായി മാറും. ഈ സമയത്ത് ഭാര്യയുടെ പെരുമാറ്റം യാന്ത്രികമായിരിക്കും.
അമിതമായ മദ്യാപാനശീലമുള്ളവരിൽ കരൾ, ഉദരം, പിത്താശയം, മൂത്രനാളി, പാൻക്രിയാസ്, വൻകുടൽ എന്നീ പ്രധാനപ്പെട്ട അവയവങ്ങൾ അസ്വാഭാവികമായ രീതിയിൽ സങ്കോചിക്കുകയും വികസിക്കുകയും ചെയ്യും. ഇത്തരത്തിലുള്ള വ്യതിയാനങ്ങൾ ലൈംഗികസുഖത്തെ പ്രതികൂലമായി ബാധിക്കുക തന്നെ ചെയ്യും.
മതവും സെക്സും
ലഹരി പദാർത്ഥങ്ങൾക്ക് അടിമയായ വ്യക്തി മതപരമായ പ്രവർത്തികളിൽ ഏർപ്പെട്ടതുകൊണ്ട് രക്ഷപ്പെടുകയില്ല. മറിച്ച്, മദ്യത്തിന്‍റെ ദൂഷ്യവശങ്ങൾ അയാളെ നരകത്തിലേക്കേ നയിക്കുവെന്നാണ് ഭക്ത കവിയായ കബീർ പറഞ്ഞിട്ടുള്ളത്. പ്രത്യുൽപാദനപരമായ ആവശ്യങ്ങൾ നിർവ്വഹിക്കപ്പെടാനുള്ള ഒരുപാധിയായിട്ടാണ് സെക്സിനെ മതങ്ങൾ വിലയിരുത്തുന്നത്.
ലൈംഗിക അരാജകത്വത്തിനും അവിഹിത ബന്ധങ്ങൾക്കും പലപ്പോഴും കാരണമാകുന്നത് ലൈംഗിക ജീവിതത്തിലെ താളപ്പിഴകളും അസ്വസ്ഥതകളുമാണ്. സന്തുലിതമായ ലൈംഗിക ജീവിതം നയിക്കാൻ പങ്കാളികൾ ബോധപൂർവ്വമായ ശ്രമം നടത്തുകയാണ് വേണ്ടത്. ദാമ്പത്യത്തിൽ സെക്സിന് സുപ്രധാനമായ സ്ഥാനമാണുള്ളതെന്ന കാര്യം വിസ്മരിച്ചുകൂടാ.
