ചക്കക്കറി

ചിലപ്പോൾ നോൺ- വെജ് ഭക്ഷണം കഴിക്കുന്നതിന് പകരം, കുറച്ച് എരിവുള്ള എന്തെങ്കിലും കഴിക്കാൻ തോന്നാറുണ്ടോ. ഇത്തരമൊരു സാഹചര്യത്തിൽ ചക്കയേക്കാൾ മറ്റെന്താണ് വിഭവം. നാട്ടിൽ ഏറ്റവും സുലഭമായ സീസണൽ ആയ ഒരു ഫലം ആണ് ചക്ക. ഏറ്റവും പോഷക സമ്പന്നവും ആണിത്. ചക്ക വിഭവം ഉണ്ടാക്കണം എന്ന ചിന്ത മനസ്സിൽ വരുമ്പോൾ തന്നെ അമ്മ ഉണ്ടാക്കിയ ചക്ക കറിയും മനസ്സിൽ വരും. ചക്ക കൂടുതൽ വിളമ്പണോ അതോ ചോറിനൊപ്പം ചക്ക മാത്രം കഴിക്കണോ എന്ന ആ മധുര സംഭാഷണവും ഓർമ്മ വരാറുണ്ടോ? ചക്ക കറി ഉണ്ടാക്കുന്നത് എങ്ങനെ എന്ന് നോക്കാം.

ചേരുവകൾ

500 ഗ്രാം ചക്ക സമചതുര കഷ്ണങ്ങൾ ആയി അരിഞ്ഞത്

1/2 ടീസ്പൂൺ മഞ്ഞൾ പൊടി

അരിഞ്ഞ ഉള്ളി 5

1 ടീസ്പൂൺ ഇഞ്ചി വെളുത്തുള്ളി പേസ്റ്റ്

2 തക്കാളിയുടെ പ്യൂരി

1 ടീസ്പൂൺ ഗരം മസാല

ആവശ്യാനുസരണം എണ്ണ

ഉപ്പ് പാകത്തിന്

തയ്യാറാക്കുന്ന വിധം

ഒരു പാനിൽ കുറച്ച് എണ്ണ ചൂടാക്കി ചക്ക ക്യൂബ്സ് ചെറുതായി വറുത്തെടുക്കുക. ഇപ്പോൾ ബാക്കിയുള്ള എണ്ണയിൽ ഉള്ളി വറുത്തെടുക്കുക. ഇഞ്ചി വെളുത്തുള്ളി പേസ്റ്റ് ചേർത്ത് വഴറ്റുക. ഇനി മഞ്ഞളും ഗരം മസാലയും ചേർത്ത് ചെറിയ തീയിൽ എണ്ണ തെളിയുന്നത് വരെ വഴറ്റുക. തക്കാളി പ്യൂരി മിക്‌സ് ചെയ്ത് കുറച്ച് നേരം വഴറ്റുക, എന്നിട്ട് അതിൽ ചക്ക ക്യൂബ്സ് മിക്സ് ചെയ്യുക. നന്നായി ഇളക്കി ഇടത്തരം തീയിൽ വറുക്കുക. ഇനി ആവശ്യത്തിന് ഉപ്പും വെള്ളവും ചേർത്ത് ചക്ക മൃദുവാകുന്നത് വരെ വേവിക്കുക. മല്ലിയില കൊണ്ട് അലങ്കരിച്ച്  വിളമ്പുക.