പുൽത്തകിടി ഒരുപക്ഷെ ചെറുതായിരിക്കാം, പക്ഷേ അത് നല്ല പച്ചയായിരിക്കണം, കണ്ണിന് കുളിർമ്മ നൽകുന്ന ഒന്ന്, ചവിട്ടിയാൽ വെൽവെറ്റ് പോലെ മൃദുലം ആകുകയും വേണം അത്തരമൊരു പുൽത്തകിടി വേണമെങ്കിൽ ഈ പ്രധാന കാര്യങ്ങൾ മനസ്സിൽ സൂക്ഷിക്കണം:
ഭൂമി തിരഞ്ഞെടുക്കൽ
ആദ്യം, നിങ്ങളുടെ വീടിന്‍റെ വലുപ്പം, ഏത് ഭാഗത്തേക്കാണ് വീടിന്‍റെ ദർശനം, പ്ലോട്ടിന്‍റെ വലുപ്പം ഇവ ശ്രദ്ധിക്കണം. തുടർന്ന് പൂന്തോട്ടത്തിൽ എവിടെയാണ് പുൽത്തകിടി ഉണ്ടാക്കേണ്ടത് എന്ന് നോക്കുക. 500 വാരമുള്ള പ്ലോട്ടിലാണ് വീട്ടുമുറ്റത്തെ പുൽത്തകിടി ഒരുക്കുന്നതെങ്കിൽ, പുല്ല് കേടാകാതിരിക്കാൻ പുൽത്തകിടിക്ക് ചുറ്റും നടക്കാൻ ഒരു ട്രാക്ക് ഉണ്ടാക്കുക, അതിൽ സുഖമായി നടക്കാം. ഗോൾഗോൾ കല്ലുകൾ ഉപയോഗിച്ച് കുറച്ച് അകലം പാലിച്ച് ആകർഷകമായ പാത ഉണ്ടാക്കാൻ കഴിയും. കല്ല് വിരിക്കുന്ന പാത ചതുരാകൃതിയിലോ അതല്ലെങ്കിൽ ഇഷ്ടമുള്ള ഏതെങ്കിലും ആകൃതിയിലോ ആവാം. അത് എല്ലാ വശങ്ങളിൽ നിന്നും തുറന്നിരിക്കണം, പുൽത്തകിടി ഉള്ള ഭാഗം മരങ്ങളാൽ മൂടപ്പെടരുത്, വെള്ളം അവിടെ കെട്ടി നിൽക്കരുത് എന്നീ കാര്യങ്ങളും ശ്രദ്ധിക്കണം.
ഗ്രൗണ്ട് ടെസ്റ്റ്
ഒരു പുൽത്തകിടി എവിടെയാണ് നിർമ്മിക്കേണ്ടതെന്ന് തീരുമാനിക്കുമ്പോൾ, ആദ്യം നിങ്ങളുടെ ഭൂമി പരിശോധിക്കുക. സോയിൽ ടെസ്റ്റ് ലാബിൽ നിന്നോ ഏതെങ്കിലും നല്ല നഴ്സറിയിൽ നിന്നോ മണ്ണ് പരിശോധനാ സേവനങ്ങൾ ലഭിക്കും. ഈ മണ്ണ് സ്പെഷ്യലിസ്റ്റിനു മാത്രമേ നിങ്ങളുടെ ഭൂമിയെക്കുറിച്ചുള്ള പൂർണ്ണമായ വിവരങ്ങൾ നൽകാൻ കഴിയു. ഏത് തരം ഭൂമിയാണ്, അതിന്‍റെ പി എച്‌ എത്രയാണ് മണൽ എത്രത്തോളം ഉണ്ട്, മണ്ണിൽ എത്ര പോഷകങ്ങൾ ഉണ്ട്, മിനുസമാർന്നതാണോ ഇതൊക്കെ പരിശോധന വഴി കണ്ടെത്താം.
പി എച്‌ ബാലൻസ് പൊതുവെ 6 നും 7 നും ഇടയിലുള്ള മണ്ണ് മികച്ച ഗുണമേന്മയുള്ള പുൽത്തകിടിക്ക് യോഗ്യമാണ്. ഭൂമിയിൽ എന്തെങ്കിലും പോരായ്മകൾ ഉണ്ടെങ്കിൽ ഭൂമി പരിശോധനയ്ക്ക് ശേഷം എന്തുചെയ്യണമെന്നും ശ്രദ്ധിക്കേണ്ട കാര്യങ്ങളെക്കുറിച്ചും പരിശോധകൻ വിശദീകരിക്കും.
പുൽത്തകിടി സപ്ലിമെന്‍റുകൾ
പച്ച പുൽത്തകിടിക്ക് എപ്പോൾ, എത്ര, ഏത്, എങ്ങനെ വളം പ്രയോഗിക്കണം എന്നത് വളരെ പ്രധാനമാണ്. യുഎസിലെ മിസിസിപ്പി സ്റ്റേറ്റ് യൂണിവേഴ്‌സിറ്റിയിലെ ലാൻഡ്‌സ്‌കേപ്പിംഗ് അസിസ്റ്റന്‍റ് പ്രൊഫസർ ബോബ് ബ്രജാക്ക് പറയുന്നതനുസരിച്ച്, സിന്തറ്റിക് വളങ്ങളേക്കാൾ മികച്ച ഫലം നൽകുന്നത് കടൽപ്പായൽ അല്ലെങ്കിൽ എല്ലുപൊടി പോലുള്ള പ്രകൃതിദത്തമായ ജൈവവളങ്ങളാണ്.
നല്ല പുല്ലിന്, കമ്പോസറ്റുമായി മണ്ണ് നന്നായി കലർത്തേണ്ടത് ആവശ്യമാണ്, മണ്ണിന്‍റെ മുകളിലെ പാളി ഒരു കോരികയോ ട്രാക്ടറോ ഉപയോഗിച്ച് നീക്കി പി എച്‌ ബാലൻസ് ശരി ആകുന്ന വിധത്തിൽ തയ്യാറാക്കി എടുക്കുക. വളപ്രയോഗം വസന്തകാലത്തും ഇലകൾ വീഴുമ്പോഴും വർഷത്തിൽ രണ്ടുതവണയെങ്കിലും ആവർത്തിക്കണം. വളം ചേർക്കുന്നതിലൂടെ, അതിൽ അടങ്ങിയിരിക്കുന്ന പോഷകങ്ങളും ഈർപ്പവും പുല്ലിൽ പ്രവർത്തിക്കുന്നു. മണ്ണ് 3- 4 തവണ മുകളിലേക്കും താഴേക്കും ഇളക്കിയ ശേഷം അത് നിരപ്പാക്കുക. കല്ലുകൾ നീക്കം ചെയ്യുക, കളകൾ നീക്കം ചെയ്യുക. ഇനി ഇതിൽ ചാണകവളം നൽകാം. അംഗീകൃത സ്റ്റോറിൽ നിന്ന് മാത്രം വളങ്ങൾ വാങ്ങുക. ഇക്കാലത്ത്, വിവിധ തരം റെഡിമെയ്ഡ് വളങ്ങൾ പാക്കറ്റുകളിൽ ലഭ്യമാണ് കൂടാതെ ഓഫ് ലൈനായി ഓർഡർ ചെയ്യാവുന്നതാണ്.
പുല്ല്
പുൽത്തകിടിയിലെ പുല്ലിന്‍റെ ഇനം വളരെ പ്രധാനമാണ്. പുൽത്തകിടിയുടെ കാലാവസ്ഥ, സ്ഥലം, വിസ്തൃതി, വലിപ്പം എന്നിവ കണക്കിലെടുത്ത് പുല്ല് നടുക. ഇക്കാലത്ത്, നഴ്സറികളിൽ പലതരം പുല്ലുകൾ ലഭ്യമാണ്, നനഞ്ഞതും തണലുള്ളതുമായ സ്ഥലങ്ങളിൽ പുല്ല് നടുകയാണെങ്കിൽ, അക്സെനോപസ് അഫിനസ് ഇനത്തിൽപ്പെട്ടവ നടാം. നല്ല പുൽത്തകിടി ആണെകിൽ മൃദുവാണ്, നടക്കുമ്പോൾ ചതയുകയുമില്ല കേടുപാടുകൾ സംഭവിക്കാനും സാധ്യതയില്ല.
ജെയ്സിസ് ഇനം
വേണ്ടത്ര സമയമുണ്ട്, ഒപ്പം പൂന്തോട്ടപരിപാലനം ഇഷ്ടമാണെങ്കിൽ, നിങ്ങൾക്ക് തെക്ക് കിഴക്കൻ ഏഷ്യയിൽ പ്രചാരമുള്ള ജെയ്സസ് ഇനം നടാം. ഇതിന്‍റെ ഇലകൾ ഷാർപ്പും നിറം കടും പച്ചയുമാണ്.
ഇന്ത്യയിലെ സൈനോഡൺ
ഈ പുല്ലാണ് പലരുടെയും ആദ്യ ചോയ്സ്. പുല്ല് നടുന്നതിന് ഏറ്റവും നല്ല കാലമായി കണക്കാക്കുന്നത് മഴക്കാലമാണ്. പുല്ല് കട്ടിയായി വളരുന്നു, അതിൽ നടക്കാൻ നല്ല സുഖമാണ്.
ജലസേചനം
അമേരിക്കയിലെ ‘അമേരിക്ക സൊസൈറ്റി ഓഫ് ലാൻഡ്‌സ്‌കേപ്പിംഗ് അസ്‌ല’ വിദഗ്‌ദ്ധനായ ജാനറ്റ് മെഷ്ത വിശ്വസിക്കുന്നത് പുൽത്തകിടി ദിവസവും നനയ്ക്കേണ്ട ആവശ്യമില്ല എന്നാണ്. കാലാവസ്ഥയും ദൈനംദിന താപനിലയും കണക്കിലെടുത്ത് പുൽത്തകിടി നനയ്ക്കുക.
പുൽത്തകിടിയുടെ മധ്യത്തിൽ, അരികുകളിൽ കുറച്ച് ചെറിയ ടിൻ ക്യാനുകളോ ശൂന്യമായ പ്ലാസ്റ്റിക് ക്യാനുകളോ ഇടുക. നിങ്ങൾക്ക് 15-20 മിനിറ്റ് വെള്ളം തളിച്ച്, പുൽത്തകിടിയിൽ സൂക്ഷിച്ചിരിക്കുന്ന പെട്ടികളിൽ 1/2-1 ഇഞ്ച് വെള്ളം അടിഞ്ഞുകൂടിയിട്ടുണ്ടോ എന്ന് നോക്കാം. അങ്ങനെയെങ്കിൽ, നല്ല പച്ചപ്പുല്ലിന് ഒരാഴ്ചത്തേക്ക് ഇത്രയും വെള്ളം മതി.
കണ്ടിംഗ് ആൻഡ് റോളർ ഇൻസ്റ്റലേഷൻ
തയ്യാറാക്കിയ മണ്ണിൽ വേരുകളുള്ള പുല്ല് 1-2 ഇഞ്ച് വിടവോടെ അമർത്തിനടുക. ഇടതൂർന്ന പുൽത്തകിടി വേഗത്തിൽ വളരുകയും ചെയ്യും.
വിവിധ തരം പുൽത്തകിടികൾ വിപണിയിൽ ലഭ്യമാണ്. വിദേശരാജ്യങ്ങളിൽ ഏക്കർ കണക്കിന് വീടുകളിൽ പുൽത്തകിടി സൂക്ഷിക്കുന്ന പതിവ് ഉള്ളതിനാൽ കൈകൊണ്ട് പ്രവർത്തിപ്പിക്കുന്ന, മോട്ടോർ ഉപയോഗിച്ച് പ്രവർത്തിക്കുന്ന പുല്ലുവെട്ടുന്ന യന്ത്രങ്ങൾ സാധാരണക്കാരുടെ പക്കലാണ് കൂടുതലും സൂക്ഷിക്കുന്നത്. തോട്ടക്കാർ പുല്ല് മുറിക്കുന്ന യന്ത്രം ഉപയോഗിച്ചാണ് കട്ടിംഗ് നടത്തുന്നത്, പക്ഷേ പുല്ല് ശരിയായി മുറിയാനും വേരുകൾക്കൊപ്പം പുറത്തുവരാനും മെഷീന്‍റെ ബ്ലേഡുകൾ മൂർച്ചയുള്ളതായിരിക്കണമെന്ന് ഓർമ്മിക്കുക.
അതിനാൽ, ഇടയ്ക്കിടെ ചെറിയ തോതിൽ വെട്ടിയാൽ നല്ല പുൽത്തകിടി കിട്ടില്ല. മുറിക്കുമ്പോൾ, ഏതുതരം പുല്ലാണ് നട്ടുപിടിപ്പിച്ചതെന്ന് ഓർമ്മിക്കുക. ഓരോ പുല്ലും മുറിക്കുന്നതിന് അതിന്‍റേതായ പ്രത്യേക രീതി ഉണ്ട്.
എന്ത് വേണം
നിങ്ങളുടെ പുൽത്തകിടിയിൽ മുഴുവൻ പച്ച പുല്ല് ഉണ്ടായിരിക്കണമെന്നില്ല. ഷെഡുകളിലും തണലുള്ള സ്ഥലങ്ങളിലും മരങ്ങൾക്കടിയിൽ വെള്ളം കെട്ടിനിൽക്കുന്നിടത്തും പുല്ല് ഒരേപോലെ വളരില്ല. അതുകൊണ്ടാണ് അത്തരം സ്ഥലങ്ങളിൽ അനുയോജ്യമായ കുറ്റിച്ചെടികൾ നട്ടുപിടിപ്പിച്ച് ഈ കുറവ് നികത്തുക. ഇത് പുൽത്തകിടിയെ കൂടുതൽ പച്ചപ്പുള്ളതാക്കും.
