ഇടയ്ക്കെപ്പോഴെങ്കിലും ജീവിതത്തിൽ മടുപ്പ് തോന്നുകയാണെങ്കിൽ രോമാഞ്ച ജനകവും സാഹസികവുമായ ഈ വിനോദങ്ങൾ ജീവിതത്തെ റീചാർജ് ചെയ്യും. യാത്ര ചെയ്യാൻ ഇഷ്ടപ്പെടാത്തവരായി ഈ ഭൂമിയിൽ ആരുമുണ്ടാവില്ല. അങ്ങനെയാണെങ്കിൽ നമ്മുടെ ഇന്ത്യയിൽ തന്നെ മനോഹരവും അതൊടൊപ്പം വിവിധതരം സാഹസിക കായിക വിനോദങ്ങളും ഉള്ള ധാരാളം ഇടങ്ങളുണ്ട്.
ഋഷികേശ് റാഫ്റ്റിംഗ് ഫോർ സ്പോർട്സ് ലവേഴ്സ്
ജലകോളികൾ ആഗ്രഹിക്കുന്നവരാണോ, എങ്കിൽ മികച്ച റിവർ റാഫ്റ്റിംഗ് ഡെസ്റ്റിനേഷനാണ് ഋഷികേശ്. ഉത്തരാഖണ്ഡിലെ ഗഡ്വാളിലാണ് ഇത് സ്‌ഥിതി ചെയ്യുന്നത്. ധാരാളം വിദേശ സഞ്ചാരികളും ഇവിടെ ജലകായികമേളകൾ ആസ്വദിക്കാനെത്താറുണ്ട്. റബ്ബർ തോണിയിൽ കയറി വെള്ളിച്ചില്ല് പോലെ ഒഴുകുന്ന വെള്ളത്തിലൂടെ വട്ടം കറങ്ങിയുള്ള ജലയാത്രയുടെ ആവേശവും രസവും പറഞ്ഞറിയിക്കാവുന്നതിനപ്പുറമാണ്.
നീന്താനറിയാത്തവർക്ക് ഗൈഡിന്‍റെ പൂർണ്ണമായ മേൽനോട്ടത്തിൽ ഈ വാട്ടർ അഡ്വഞ്ചറിന്‍റെ സുഖം നുകരാമെന്ന വലിയൊരു പ്രത്യേകത കൂടിയുണ്ട്.
ഈ 4 ഇടങ്ങളിൽ റാഫ്റ്റിംഗ് ലഭ്യമാണ്
ബ്രഹ്മപുരിയിൽ നിന്ന് ഋഷികേശ് 9 കി.മീ.
ശിവപുരിയിൽ നിന്ന് ഋഷികേശ് – 16 കി.മീ
മറൈൻഡ്രൈവിൽ നിന്ന് ഋഷികേശ്- 25 കി.മീ
കൗഡിയാലയിൽ നിന്ന് ഋഷികേശ് – 35 കി.മീ
മികച്ച കാലാവസ്ഥ: റാഫ്റ്റിംഗ് ചെയ്യാനായി ഋഷികേശിൽ വരാനുള്ള പ്ലാനിലാണെങ്കിൽ മാർച്ച് തുടങ്ങി മെയ് പകുതി വരെ അനുയോജ്യ സമയമാണ്.
ബുക്കിംഗ് ടിപ്സ്: റാഫ്റ്റിംഗ് നടത്താനുള്ള ബുക്കിംഗ് ഋഷികേശിൽ എത്തിയശേഷവും നടത്താവുന്നതാണ്. നിരക്കുകൾ താരതമ്യം ചെയ്ത് നല്ല ഡിസ്ക്കൗണ്ട് ലഭിക്കുന്നത് തെരഞ്ഞെടുക്കാം. അല്ലാത്തപക്ഷം കീശയിൽ നിന്ന് നല്ലൊരു തുക നഷ്ടമാകും. 1000 രൂപ തുടങ്ങി 1500 നുള്ളിൽ റാഫ്റ്റിംഗിന്‍റെ രസമാസ്വദിക്കാം. ഇനി ഗ്രൂപ്പ് റാഫ്റ്റിംഗ് ചെയ്യാനാണ് താൽപര്യമെങ്കിൽ അതിനുള്ള ഡിസ്ക്കൗണ്ടും നേടാം.
മറ്റൊരു കാര്യം കൂടി ശ്രദ്ധിക്കണം. റാഫ്റ്റിംഗ് വീഡിയോ ചെയ്യുന്നതിന് ഗൈഡ് പ്രത്യേക ചാർജ് ഈടാക്കും. അതിനാൽ അത് അത്യാവശ്യമാണെങ്കിൽ മാത്രം വീഡിയോ എടുക്കാം.
പാരാഗ്ലൈഡിംഗ് കുളു- മനാലി
ആകാശ നീലിമയുടെ ഉയരങ്ങളെ അടുത്തറിയാൻ ആരാണ് കൊതിക്കാത്തത്. ആകാശത്ത് കൂടി പക്ഷികളെ പോലെ പറന്നു നടക്കുന്നത് ഒന്ന് ആലോചിച്ച് നോക്കിക്കേ. എന്ത് രസമാണല്ലേ. അത്തരം അനിർവചനീയമായ ആകാശയാത്രയ്ക്കായുള്ള പാരാഗ്ലൈഡിംഗ് നടത്താൻ ആഗ്രഹിക്കുന്നുണ്ടോ. ഇന്ത്യയിൽ ഇപ്പോൾ എവിടെയും പാരാഗ്ലൈഡിംഗ് അഡ്വഞ്ചറിനുള്ള സൗകര്യം ലഭ്യമാണ്.
പാരാഗ്ലൈഡിംഗിന് ഏറെ പ്രശസ്തമായ ഒരിടമാണ് മനാലി. ഹിമാചൽ പ്രദേശിന്‍റെ കുളു ജില്ലയിൽ സ്‌ഥിതി ചെയ്യുന്ന സ്‌ഥലമാണിത്. അവിടുത്തെ ഹരിതാഭയും പ്രകൃതി സൗന്ദര്യവും ആസ്വദിക്കാൻ എല്ലാ വർഷവും ആയിരക്കണക്കിനാളുകളാണ് വരുന്നത്.
പ്രകൃതി സൗന്ദര്യത്തിന്‍റെ പേരിൽ മാത്രമല്ല സാഹസികതയ്ക്കും പേര് കേട്ടതാണ് ഈ സ്‌ഥലം. അതിനാൽ പാരാഗ്ലൈഡിംഗ് ഇഷ്ടപ്പെടുന്നവർ ഒരിക്കലും ഈ ഇടം സഞ്ചരിക്കാൻ മറക്കരുത്. ഷോർട്ട് പാരാഗ്ലൈഡിംഗ് റൈഡ് തുടങ്ങി ലോംഗ് പാരാഗ്ലൈഡിംഗ് റൈഡിന്‍റെ ത്രില്ലും ആസ്വദിക്കാം.
പാരാഗ്ലൈഡിംഗ് ഇടങ്ങൾ
സൊലാംഗ് വാലി- 15 കി.മി (മനാലിയിൽ നിന്ന് പാരാഗ്ലൈഡിംഗ് ഡ്യുറേഷൻ – 20 മിനിറ്റ്)
ഫട്രു- ലോംഗർ ഫ്ളൈറ്റ് ടൈം, (പാരാഗ്ലൈഡിംഗ് ഡ്യൂറേഷൻ- 30 മുതൽ 35 മിനിറ്റ്)
ബിജ്ലി മഹാദേവ്- ലോംഗർ ഫ്ളൈറ്റ് ടൈം (പാരാഗ്ലൈഡിംഗ് ഡ്യൂറേഷൻ – 35 മുതൽ 40 മിനിറ്റ്)
കാംഗ്ഡാ വാലി – (പാരാഗ്ലൈഡിംഗ് ഡ്യൂറേഷൻ- 15 മുതൽ 25 മിനിറ്റ്)
മർഹി- ഇവിടെ 3000 മീറ്റർ ഉയരത്തിലാണ് പാരാഗ്ലൈഡിംഗ് നടത്തുക. പാരാഗ്ലൈഡിംഗ് ഡ്യൂറേഷൻ 30-40 മിനിറ്റ്)
അനുയോജ്യമായ കാലാവസ്ഥ: മെയ് തുടങ്ങി ഒക്ടോബർ വരെ. പ്രതികൂല കാലാവസ്‌ഥയിൽ പാരാഗ്ലൈഡിംഗ് നടത്തുകയില്ല. എക്സ്പെർട്ടിന്‍റെ മേൽനോട്ടത്തിലാണ് ഈ കായിക വിനോദം നടത്തപ്പെടുക. അതിനാൽ ആദ്യമായി പാരാഗ്ലൈഡിംഗ് നടത്താൻ പോകുന്നവർ ഭയപ്പെടേണ്ടതില്ല.
ബുക്കിംഗ് ടിപ്സ്: ഇവിടെ താമസിക്കാനായി തെരഞ്ഞെടുക്കുന്ന സ്ഥലത്ത് നിന്ന് വിവരം ആരാഞ്ഞ് നിരക്കുകൾ താരതമ്യം ചെയ്ത് വേണ്ട ഇളവുകൾ വാങ്ങി ബുക്കിംഗ് ചെയ്യാവുന്നതാണ്. ഷോർട്ട്, ലോംഗ് ഫ്ളൈയ്ക്ക് 1000- 2500 രൂപ നിരക്കിൽ ഈ കായിക വിനോദമാസ്വദിക്കാം. തിരക്കുപിടിച്ച് ബുക്കിംഗ് ചെയ്ത് പണം നഷ്ടപ്പെടുത്താതിരിക്കുക.
സ്കൂബ ഡൈവിംഗ് ആൻഡമാൻ
ആൻഡമാനിലെ പഞ്ചാര മണൽ വിരിച്ച നീണ്ട ബീച്ചും, നീല ജലം നിറഞ്ഞ പ്രശാന്ത സുന്ദരമായ കടലും ചുറ്റിലും വ്യാപിച്ചു കിടക്കുന്ന പച്ചപ്പിന്‍റെ സൗന്ദര്യം കാഴ്ചകളും ആസ്വദിക്കുകയെന്നത് ഏതൊരാളും ഇഷ്ടപ്പെടുന്ന കാര്യമാണ്. ഒപ്പം അവിടുത്തെ അണ്ടർ വാട്ടർ സാഹസികതകളെക്കുറിച്ച് പറയാതെയും വയ്യ. സമുദ്രാന്തർഭാഗത്ത് ഊളിയിട്ട് സ്വർഗ്ഗീയ കാഴ്ചകളായ പവിഴപുറ്റുകളെയും നീരാളികളെയും വിവിധതരം മത്സ്യങ്ങളെയും അടുത്ത് നിന്ന് കണ്ടാസ്വദിക്കാൻ ആരാണ് ആഗ്രഹിക്കാത്തത്. സ്കൂബാ ഡൈവിംഗ് ചെയ്യാൻ ഇഷ്ടപ്പെടുന്നവരാണെങ്കിൽ ഒരിക്കലും ഈ സ്ഥലത്തെ മറന്നു കൂടാ. ഒരിക്കലെങ്കിലും ഇത് അനുഭവിച്ചറിയാൻ കഴിയുകയെന്നത് എക്കാലവും ഓർത്ത് വയ്ക്കാവുന്ന അനുഭവമാകും.
സ്കൂബാ ഡൈവിംഗ് കേന്ദ്രങ്ങൾ
ഹാവ് ലോക്ക് ഐലന്‍റ്: ക്ലിയർ വാട്ടർ ആന്‍റ് വ്യൂ ഓഫ് വൈബ്രന്‍റ് ഫിഷസ് സേഫ് ആന്‍റ് സ്ട്രസ് ഫ്രീ അഡ്വഞ്ചർ. 30 മിനിറ്റ് റൈഡ് 2000 രൂപ തുടങ്ങി 2500 രൂപ.
നോർത്ത് ബേ ഐലന്‍റ്: ബ്ലൂ വാട്ടർ വിത്ത് ഫുൾ ഓഫ് കോറൽസ് നീൽ ഐലന്‍റ് മീഡിയം വാട്ടർ ഡെപ്ത്ത് ചാർജ് അൽപം കൂടുതലാണെങ്കിലും സ്കൂബാ ഡൈവിംഗിന് മികച്ചൊരു സ്പോട്ടാണിത്.
ബാർനെ ഐലന്‍റ്: സ്കൂബയ്ക്ക് മികച്ച കേന്ദ്രം. പക്ഷെ ചാർജ് കൂടുതലാണ്.
അനുയോജ്യമായ കാലാവസ്ഥ: ഒക്ടോബർ തുടങ്ങി മെയ് പകുതി വരെ. മൺസൂൺ കാലത്ത് ഇത്തരം സാഹസികതകൾ നിർത്തി വയ്ക്കും.
ബുക്കിംഗ് ടിപ്സ്: പിഎഡിഐ സർട്ടിഫൈഡ് ഡൈവേഴ്സിനെ സമീപിച്ച് സ്കൂബാ ഡൈവിംഗ് പ്ലാൻ ചെയ്യാം. കാരണം സുരക്ഷിതത്വം ഉറപ്പ് വരുത്തുന്നതിനൊപ്പം റൈഡ് മികച്ച രീതിയിൽ ആസ്വദിക്കാൻ ഇത് സഹായിക്കും. ടൂർ പാക്കേജിനൊപ്പം ഇതും ഉൾപ്പെടുത്തി ബുക്ക് ചെയ്യാം. മിക്ക ട്രാവൽ പാക്കേജുകളിലും സ്കൂബാ കോംപ്ലിമെന്‍ററിയായി ഉൾപ്പെടുത്താറുണ്ട്. ബുക്കിംഗ് സമയത്ത് നല്ല ഡിസ്ക്കൗണ്ട് ലഭിക്കുന്നതിനായി ശ്രമിക്കുക.
സ്കീയിംഗ് ഗുൽമാർഗ്
സ്കീയിംഗിൽ താൽപര്യമുള്ളവർക്ക് അതിനും അനുയോജ്യമായ ഇടങ്ങളുണ്ട്. കാശ്മീരിലെ ഗുൽമാർഗിൽ നിന്നും 56 കി.മീ അകലെ മനോഹരമായ ഒരു ഹിൽസ്റ്റേഷനിൽ സ്കീയിംഗ് നടത്താം. ഇവിടുത്തെ മഞ്ഞു പുതച്ച പർവ്വതങ്ങളിലൂടെ സ്വപ്നസദൃശ്യമായ സ്കീയിംഗ് നടത്തി മഞ്ഞു മലകളുടെ മനോഹാരിത ആസ്വദിക്കാം.
ഇവിടെ സ്കീയിംഗ് നടത്താം: ഗുൽമാർഗ്, ബാരാമുള.
ഫസ്റ്റ് സ്റ്റേജ്: സ്കീയിംഗിന് 1476 അടി ഉയരത്തിൽ സ്‌ഥിതി ചെയ്യുന്ന രോമാഞ്ചജനകമായ സ്കീയിംഗ് അനുഭവമാണിത് സമ്മാനിക്കുന്നത്.
സെക്കന്‍റ് സ്റ്റേജ്: അപ്പർ വാട്ട് പീക്ക്(2624 അടി അകലെയുള്ള ഈ ഇടം സ്കീയിംഗ് പ്രേമികളുടെ ഇഷ്ട യിടമാണ്.)
അനുയോജ്യമായ കാലാവസ്ഥ: ഡിസംബർ മുതൽ ഫെബ്രുവരി പകുതി വരെ. എന്നിരുന്നാലും മാർച്ച് തുടങ്ങി മെയ് മാസം വരെയും അനുകൂല കാലാവസ്‌ഥയാണ്.
ബുക്കിംഗ് ടിപ്സ്: ഓൺലൈൻ ബുക്കിംഗ് ഡോട്ട് കോമിലൂടെ ബുക്ക് ചെയ്യുന്നതിനൊപ്പം അവിടെ സന്ദർശിക്കുന്ന സമയത്തും ബുക്ക് ചെയ്യാം. ഇക്വിപ്മെന്‍റ് ചാർജ് 700 രൂപ തുടങ്ങി1000 രൂപയ്ക്കിടയിലാണ് വരുന്നത്. ഇൻസ്ട്രക്ടറുടെ സേവനം സ്വീകരിക്കുകയാണെങ്കിൽ അതിന് പ്രത്യേകമായി 1200 രൂപ തുടങ്ങി 2000 രൂപ വരെ നൽകേണ്ടി വരും. റേറ്റിൽ വ്യത്യാസമുണ്ടാവും.
സ്കൈ ഡൈവിംഗ് മൈസൂർ
കർണ്ണാടകയിലെ മൈസൂർ ജില്ലയിലുള്ള നഗരം സ്കൈ ഡൈവിംഗിന് ഏറെ പ്രശസ്തമാണ്. മൈസൂറിലെ ചാമുണ്ഡി ഹിൽസ് സ്കൈ ഡൈവിംഗിന് പ്രശസ്തിയാർജ്‌ജിച്ചതാണ്. എന്നാൽ ഇവിടെ സ്കൈ ഡൈവിംഗ് ആസ്വദിക്കണമെങ്കിൽ ഒരു ദിവസം മുമ്പായി പരിശീലനം നേടണ്ടതുണ്ട്.
ടാൻഡം സ്റ്റാറ്റിക്, ആക്സലറേറ്റഡ് ഫ്രീഫാൾസ് ജംപ്സ് എന്നിവയിലെതെങ്കിലും തെരഞ്ഞെടുക്കാം. രണ്ടും ഏറെ കൗതുകം ജനിപ്പിക്കുന്നവയാണ്. പുതിയ ആളുകൾക്ക് അനുയോജ്യമാണ് ടാൻഡം സ്റ്റാറ്റിക്. കാരണം ഇതിൽ പരിശീലനമാർജ്‌ജിച്ച സ്കൈ ഡൈവർ സഞ്ചാരിക്കൊപ്പം ഒരേ റോപ്പിൽ ബന്ധിക്കപ്പെട്ടിരിക്കും. മുഴുവൻ കൺട്രോളും അയാളുടെ കയ്യിലായിരിക്കും. എന്നാൽ ആക്സലറേറ്റഡ് ഫ്രീ ഫാൾസ് ജംപ് ഏറെ ശ്രമകരമായതാണ്. ഇതിൽ യാത്രികനൊപ്പം ഇൻസ്ട്രക്റ്റർ ഉണ്ടായിരിക്കുകയില്ല.
അനുയോജ്യമായ കാലാവസ്ഥ: ഏത് നല്ല കാലാവസ്‌ഥയിലും ഇവ ആസ്വദിക്കാം. രാവിലെ 7 നും 9 നുമിടയിലുള്ള സമയമാണ് അനുയോജ്യം.
ബുക്കിംഗ് ടിപ്സ്: മൈസൂറിലെ സ്കൈ റൈഡിംഗുമായി ബന്ധപ്പെട്ട വെബ്സൈറ്റിന്‍റെ സഹായത്തോടെ ബുക്ക് ചെയ്യുകയോ അല്ലെങ്കിൽ നേരിട്ട് അവിടെയെത്തി ഓഫ്ലൈൻ ബുക്കിംഗോ ചെയ്യാം. 30,000 മുതൽ 35,000 രൂപ വരെയാണ് ഇതിന് ചെലവ് വരുന്നത്. രോമാഞ്ചമുണർത്തുന്നതും സാഹസിക വിനോദങ്ങൾ നടത്താൻ ആഗ്രഹിക്കുന്നവർക്ക് ഇത്തരമിടങ്ങൾ സന്ദർശിച്ച് ആവോളം ആസ്വദിക്കാം.
