ലോക്ക്ഡൗൺ സംഭവിച്ചതുമുതൽ, 12കാരിയായ നിയ അവളുടെ ലാപ്‌ടോപ്പും മൊബൈൽ ഫോണുമായി തിരക്കിലാണ്. ലോക്‌ഡോൺ കഴിഞ്ഞിട്ടും ആ ശീലം മാറിയില്ല. അവധി ദിനങ്ങളിൽ പോലും ഇടവേളകളിൽ ചിപ്സ് പാക്കറ്റുകൾ കാലിയാക്കി, അടുക്കളയിൽ പോയി മാഗിയും പാസ്തയും ഉണ്ടാക്കി കൊണ്ടുവന്നു പിന്നെയും ലാപ്ടോപിനു മുന്നിൽ ഇരിപ്പാണ്. സ്കൂൾ വിട്ടു വന്നാൽ ഉടനെ മൊബൈൽ എടുക്കും.
‘അമ്മേ, ഒന്നു രുചിച്ചു നോക്കൂ.’ മാഗിയും പാസ്തയും മകൾ ഉണ്ടാക്കുന്നത് സീമയും അൽപം കഴിച്ച് മകളെ പുകഴ്ത്തും. നിയയുടെ വണ്ണം കൂടുന്നു എന്നതുപോലും അവർ ശ്രദ്ധിച്ചില്ല.
എന്നാൽ തടി ഒരുപാടു കൂടി. ഇപ്പോൾ, നിയയുടെ ഭക്ഷണത്തിനും നിയന്ത്രണങ്ങൾ ഏർപ്പെടുത്താൻ തുടങ്ങി, അവൾ അപ്പോൾ വഴക്കുണ്ടാക്കും,. ഈ പ്രായത്തിൽ ജിമ്മിൽ പോകുന്നത് നിയയുടെ വളർച്ചയെ ബാധിക്കുമെന്നും ഉയരം കൂടില്ലെന്നും അമ്മയ്ക്ക് ഒരു വിശ്വാസം ഉണ്ടായിരുന്നു.
മകളുടെ പൊണ്ണത്തടി കണ്ട് സീമ വിഷമിക്കാറുണ്ടായിരുന്നു. ഒരു ദിവസം സുഹൃത്ത് ഷൈൽജ ഈ പ്രശ്നം പരിഹരിക്കാൻ പുറത്തുള്ള കളികൾക്കൊപ്പം ഭക്ഷണ നിയന്ത്രണവും മകൾക്ക് ഉപദേശിച്ചു. എന്നാൽ ഇത്രയും കഴിഞ്ഞിട്ടും ഒരു പ്രയോജനവും കാണിക്കാത്തതിനാൽ മകളെ ജിമ്മിൽ ചേർക്കാൻ അച്ഛൻ തീരുമാനിച്ചു.
12- 13 വയസ്സിൽ എല്ലുകളും അവയവങ്ങളും ശക്തമാകുന്ന സമയമാണ് ഈ സമയത്ത് സൈക്ലിംഗ്, നീന്തൽ, ഗെയിംസ് എന്നിവയിലൂടെ വീട്ടിലും പുറത്തും വ്യായാമം ചെയ്യുന്നതിലൂടെ ശരീരത്തിന്‍റെ എല്ലുകൾക്ക് കൂടുതൽ ബലം ലഭിക്കുന്നു, എന്നാൽ ഈ സൗകര്യം ലഭ്യമല്ലെങ്കിൽ ഒരു പരിശീലകന്‍റെ മേൽനോട്ടത്തിൽ ജിമ്മിൽ ലഘു വ്യായാമം ചെയ്യണം. ശരീരത്തിന്‍റെ വഴക്കം 14- 15 വയസ്സിൽ അവസാനിക്കും, ഈ പ്രായത്തിൽ ജിമ്മിൽ പോയി തുടങ്ങണം.
എല്ലാവർക്കും തങ്ങളുടെ രൂപത്തിലും ഫിറ്റ്നസിലും വളരെ ശ്രദ്ധയുണ്ട്, എന്നാൽ ഇന്ന് കൗമാരക്കാരിലാണ് ഈ ക്രേസ് കൂടുതൽ കാണുന്നത്. സീറോ ഫിഗറിനും സ്ലിം ലുക്കിനുമായി പെൺകുട്ടികൾ ജിമ്മിൽ പോകണമെന്ന് ആഗ്രഹിക്കുമ്പോൾ ആൺകുട്ടികൾ സിക്‌സ്‌പാക്ക്, ആബ്സ്, പേശികൾ, ശരീരം എന്നിവയെക്കുറിച്ച് ആശങ്കാകുലരാണ്. പല മാതാപിതാക്കളും തങ്ങളുടെ കുട്ടികളെ ചെറുപ്പത്തിൽ തന്നെ ജിമ്മിൽ അയയ്ക്കാൻ തുടങ്ങുന്നു. എന്നാൽ ജിമ്മിൽ പോകാനുള്ള ശരിയായ പ്രായം ഏതാണെന്ന് അറിയേണ്ടത് പ്രധാനമാണ്, എങ്കിൽ മാത്രമേ ജിമ്മിന്‍റെ ശരിയായ നേട്ടങ്ങൾ നമുക്ക് ലഭിക്കൂ.
നമ്മുടെ ശരീരത്തിന്‍റെ വികാസം ജനനം മുതൽ തന്നെ ആരംഭിക്കുന്നു. 2- 4 മാസം പ്രായമുള്ള കുട്ടിയും ചവിട്ടാൻ തുടങ്ങുന്നു, ഇവിടെ നിന്ന് അവന്‍റെ വ്യായാമം ആരംഭിക്കുന്നു. കുട്ടി വളരുന്തോറും നടത്തം, ഓട്ടം, കളിക്കൽ എന്നിവയിലൂടെ അവന്‍റെ എല്ലുകൾക്ക് ബലം കിട്ടാൻ തുടങ്ങും. 5 മുതൽ 8 വയസ്സുവരെയുള്ള കുട്ടികളെ ഗെയിമുകൾ കളിക്കാൻ കളിസ്ഥലത്തേക്ക് അയയ്ക്കണം, അവരുടെ ശരീരത്തിന്‍റെ വികസനം സ്വയമേ ആരംഭിക്കും.
ഇന്നത്തെ കാലത്ത്, മാറിക്കൊണ്ടിരിക്കുന്ന ജീവിതശൈലിയും ഭക്ഷണ ശീലങ്ങളും കാരണം, കുട്ടിക്ക് തുടക്കം മുതൽ തന്നെ ആരോഗ്യ സംബന്ധമായ പല പ്രശ്‌നങ്ങളും ഉണ്ടാകുന്നു, അതിൽ അമിതവണ്ണം ഒരു പ്രധാന പ്രശ്‌നമാണ്. കുട്ടികൾ നിരന്തരം ടിവിയുടെയോ ലാപ്‌ടോപ്പിന്‍റെയോ മുന്നിൽ ഇരിക്കുന്നു, അവർ കളിക്കുന്നതിലും ചാടുന്നതിലും ശ്രദ്ധിക്കുന്നില്ല. ഇക്കാരണത്താൽ, പല രോഗങ്ങളും അവരെ വലയം ചെയ്യാൻ തുടങ്ങുന്നു. ഇന്നത്തെ കാലത്ത് കുട്ടികൾ ജിമ്മും വ്യായാമവും ചെയ്യേണ്ടത് വളരെ പ്രധാനമാണ്.
കുട്ടിയെ ആവശ്യാനുസരണം ജിമ്മിൽ പോകാൻ പ്രേരിപ്പിക്കുക: കൂടുതൽ വർക്ക്ഔട്ടുകൾ കുട്ടിയുടെ ശാരീരിക വളർച്ചയെ തടയും, അതിനാൽ കുട്ടിയുടെ ശരീരത്തിന്‍റെ ആവശ്യങ്ങൾക്കനുസരിച്ച് കുട്ടിയെ ജിമ്മിലേക്ക് അയയ്ക്കുക.
ചില രക്ഷിതാക്കൾ കുട്ടികളെ ജിമ്മിൽ അയക്കുന്നത് ഉയരം കൂട്ടാനോ തടി കുറക്കാനായി ശരീരം കെട്ടിപ്പടുക്കാനോ വേണ്ടിയാണ്. ഈ കാര്യങ്ങൾക്കെല്ലാം വ്യത്യസ്‌തമായ ഒരു വർക്ക്ഔട്ട് പ്രക്രിയയുണ്ട്, അതിനാൽ ഒരു പരിശീലകന്‍റെ മേൽനോട്ടത്തിൽ ഇത് ചെയ്യുക.
ശരിയായ ഭക്ഷണക്രമം നൽകുക: നിങ്ങൾ കുട്ടിയെ ജിമ്മിലേക്ക് അയയ്ക്കുകയാണെങ്കിൽ, അവന്‍റെ ഭക്ഷണക്രമവും ശ്രദ്ധിക്കുക. കുട്ടി നന്നായി വിയർക്കുകയും ശരിയായ ഭക്ഷണക്രമം സ്വീകരിക്കുകയും ചെയ്തില്ലെങ്കിൽ, അവൻ ദുർബലനാകും.
ജിമ്മിൽ പോകാനുള്ള ശരിയായ പ്രായം ഏതാണ് എന്നതിനെക്കുറിച്ച് ആളുകളുടെ മനസ്സിൽ നിരവധി സംശയങ്ങളുള്ള പഴയ വിശ്വാസങ്ങളുണ്ട്. മികച്ച ജിമ്മിന്‍റെയും വിദഗ്ധന്‍റെയും മേൽനോട്ടത്തിൽ ഒമ്പതാം വയസ്സിൽ തന്നെ ജിം തുടങ്ങാമെന്നും എന്നാൽ പരിശീലകൻ പറയുന്നത് പോലെ വ്യായാമം ചെയ്യണമെന്നത് പ്രത്യേകം ശ്രദ്ധിക്കണം. ജിം വിദഗ്ധൻ ശിശിർ കുമാർ പറയുന്നു. 13 വയസ്സ് വരെ, നിങ്ങൾ സാധാരണ അല്ലെങ്കിൽ ലഘുവായ വ്യായാമം മാത്രമേ ചെയ്യാവൂ. വടി, ഡംബെൽ, മെഷീനുകൾ എന്നിവ ഉപയോഗിച്ച് വ്യായാമം ചെയ്യേണ്ടതില്ല.
13 വയസ്സ് കഴിഞ്ഞാൽ എല്ലാ വ്യായാമങ്ങളെക്കുറിച്ചും മനസിലാക്കാം. ഏത് ശരീരഭാഗത്തിനാണ് വ്യായാമം എന്ന് നിങ്ങൾ മനസ്സിലാക്കും. ഏത് വ്യായാമമാണ് ദോഷം ചെയ്യുന്നതും എന്നും അറിയാൻ പറ്റും. ശരീരത്തിന്‍റെ വളർച്ചയ്ക്ക് കാരണമാകുന്നതും മനസിലാക്കാം. എന്നാൽ കുട്ടികൾ എനർജി സപ്ലിമെന്‍റ് എടുക്കേണ്ടതില്ല എന്നത് ഓർമ്മിക്കുക.
ചെറുപ്പത്തിൽ ജിമ്മിൽ പോയാൽ ഉയരം കുറയില്ല, ശരീരത്തിന്‍റെ വളർച്ച മെച്ചപ്പെടും. ശരിയായ ഭക്ഷണക്രമം പാലിക്കാത്തതാണ് വളർച്ച മുരടിക്കാൻ കാരണം ആകുന്നത്. ജിമ്മിൽ പോകുന്നതിനൊപ്പം ഭക്ഷണ കാര്യത്തിലും ശ്രദ്ധിക്കേണ്ടത് വളരെ പ്രധാനമാണ്.
നിങ്ങൾ തെറ്റായ രീതിയിൽ ജിമ്മിൽ വ്യായാമം ചെയ്താൽ, നിങ്ങളുടെ ഉയരം കുറയും. അതുകൊണ്ടാണ് ശരിയായ പരിശീലകൻ ആവശ്യമായി വരുന്നത്.
ഉയരക്കുറവ് ഉണ്ടെന്ന് തോന്നുന്നവർ വ്യായാമത്തിന് പകരം ഭക്ഷണത്തിൽ ശ്രദ്ധ കേന്ദ്രീകരിക്കണം, കാരണം ഒരു മണിക്കൂർ ജിം ചെയ്താൽ ശരീരം വളരുമെന്ന് ആളുകൾ കരുതുന്നു, പക്ഷേ അങ്ങനെയല്ല. നമ്മുടെ ശരീരത്തിന് ആവശ്യമായ പോഷകങ്ങൾ കൂടുതൽ ആവശ്യമാണ്, കാരണം വ്യായാമം ചെയ്യുമ്പോൾ നമ്മുടെ ശരീരത്തിലെ പേശി നാരുകൾ തകരുന്നു അവ നന്നാക്കാൻ പോഷകങ്ങൾ ആവശ്യമാണ്.
ജിമ്മിൽ പോകുന്നതിന്‍റെ പ്രയോജനങ്ങൾ
- പേശികൾ ശക്തമാകും
- ശരീരത്തിന്‍റെ സ്റ്റാമിന വർദ്ധിക്കുന്നു.
- വയറിലെ കൊഴുപ്പ് കുറയുന്നു.
- വ്യക്തിത്വം മെച്ചപ്പെടുന്നു.
- പ്രതിരോധശേഷി വർദ്ധിക്കുന്നു.
- ദഹനവ്യവസ്ഥ ശക്തമാകുന്നു.
- മെറ്റബോളിസം ശരിയായി തുടരുന്നു.
- മുഖത്ത് സ്വാഭാവിക തിളക്കം വരുന്നു.
