സ്ത്രീകൾക്ക് യോനിയിൽ ഡിസ്ചാർജ് ഉണ്ടാകുന്നത് സാധാരണമാണ്, മാത്രമല്ല ഇത് ആരോഗ്യകരമാണെന്ന് കണക്കാക്കപ്പെടുന്നു. ഇത് സ്വകാര്യഭാഗത്തെ ചൊറിച്ചിൽ, അണുബാധ, വരൾച്ച എന്നിവയിൽ നിന്ന് സംരക്ഷിക്കുന്നു എന്നാൽ ഈ ഡിസ്ചാർജിൽ അസാധാരണമായ മാറ്റം ഉണ്ടായാൽ ശ്രദ്ധിക്കേണ്ടതുണ്ട്. ഡോക്ടറെ കാണേണ്ടത് എപ്പോൾ എന്ന് മിക്ക സ്ത്രീകളും ഡിസ്ചാർജിനെക്കുറിച്ച് ആശയക്കുഴപ്പത്തിലാകുന്നു. ഗൈനക്കോളജി സ്പെഷ്യലിസ്റ്റായ ഡോ. സുഷമ ചൗധരി ഡിസ്ചാർജിനെക്കുറിച്ച് പറയുന്നത് കേൾക്കാം:
എന്താണ് യോനി ഡിസ്ചാർജ്
സ്ത്രീകളിൽ സംഭവിക്കുന്ന ഒരു സ്വാഭാവിക പ്രക്രിയയാണ് യോനി സ്രവം. യോനിയിലും സെർവിക്സിലും സ്ഥിതി ചെയ്യുന്ന ഗ്രന്ഥികളിൽ നിന്ന് ഇത് ദ്രാവക രൂപത്തിൽ പുറത്തു വിടുന്നു. യോനിയിൽ നിന്നുള്ള ഡിസ്ചാർജ് സ്ത്രീകൾക്ക് വളരെ ആരോഗ്യകരമായി കണക്കാക്കപ്പെടുന്നു, കാരണം ഇത് ശരീരത്തിൽ നിന്ന് മൃതകോശങ്ങളെയും ബാക്ടീരിയകളെയും പുറന്തള്ളാനും സ്വകാര്യഭാഗങ്ങളെ അണുബാധകളിൽ നിന്നും അകറ്റി നിർത്താനും സഹായിക്കുന്നു. സാധാരണയായി യോനിയിൽ നിന്നുള്ള ഡിസ്ചാർജിന്‍റെ നിറം വെള്ളയാണ്. എന്നാൽ ചിലപ്പോൾ അതിന്‍റെ നിറത്തിലും മാറ്റം കാണാറുണ്ട്. അതിനാൽ, ജാഗ്രത പാലിക്കേണ്ടത് ആവശ്യമാണ്.
എന്തുകൊണ്ടാണ് നിറം മാറുന്നത്
സ്വകാര്യ ഭാഗത്ത് ഏതെങ്കിലും തരത്തിലുള്ള അണുബാധ ഉണ്ടാകുമ്പോൾ ഡിസ്ചാർജിന്‍റെ നിറം മാറുന്നു. ഡോ. സുഷമയുടെ അഭിപ്രായത്തിൽ, പ്രധാനമായും 5 തരം യോനി ഡിസ്ചാർജ് ഉണ്ട്:
കട്ടിയുള്ളതും വെളുത്തതുമായ സ്രവങ്ങൾ
ഒരു സ്ത്രീയുടെ സ്വകാര്യ ഭാഗത്ത് നിന്ന് കട്ടിയുള്ളതും വെളുത്തതുമായ ഡിസ്ചാർജ് ഉണ്ടെങ്കിൽ, അത് സാധാരണവും ആരോഗ്യകരവുമായ ഡിസ്ചാർജ് ആയി കണക്കാക്കപ്പെടുന്നു. എന്നാൽ വെളുത്ത ഡിസ്ചാർജിനൊപ്പം ചൊറിച്ചിൽ, എരിച്ചിൽ എന്നിവ ഉണ്ടെങ്കിൽ അത് ഒരു യീസ്റ്റ് ആണ്. അണുബാധയാണ്. ഈ സാഹചര്യത്തിൽ ഒരു ഡോക്ടറെ സമീപിക്കേണ്ടത് ആവശ്യമാണ്.
മഞ്ഞകലർന്ന ഡിസ്ചാർജ്
യോനിയിൽ നിന്നുള്ള ഡിസ്ചാർജിന്‍റെ നിറം മഞ്ഞയാണെങ്കിൽ അത് ആശങ്കാജനകമാണ്. കാരണം സ്ത്രീകളിൽ ബാക്ടീരിയ അല്ലെങ്കിൽ ലൈംഗികമായി പകരുന്ന അണുബാധകൾ ഉണ്ടാകുമ്പോൾ മഞ്ഞ ഡിസ്ചാർജ് ഉണ്ടാകുന്നു. മഞ്ഞ ഡിസ്ചാർജ് ഉണ്ടെങ്കിൽ എത്രയും വേഗം ഡോക്ടറെ സമീപിക്കുക.
തവിട്ട് നിറമുള്ള ഡിസ്ചാർജ്
ക്രമരഹിതമായ ആർത്തവ കാലഘട്ടങ്ങളിലാണ് ഇത്തരത്തിലുള്ള ഡിസ്ചാർജ് കൂടുതലായി സംഭവിക്കുന്നത്. എന്നാൽ സാധാരണ ദിവസങ്ങളിൽ പോലും ബ്രൗൺ നിറത്തിലുള്ള വജൈനൽ ഡിസ്ചാർജ് ഉണ്ടെങ്കിൽ അത് ഗർഭാശയത്തിന്‍റെയോ സെർവിക്കൽ ക്യാൻസറിന്‍റെയോ ലക്ഷണമാകാം. അതിനാൽ, സാധാരണ ദിവസങ്ങളിൽ പോലും ബ്രൗൺ ഡിസ്ചാർജ് സംഭവിക്കുകയാണെങ്കിൽ, ഉടൻ തന്നെ ഡോക്ടറെ കണ്ട് പരിശോധനകൾ നടത്തുക.
പച്ച ഡിസ്ചാർജ്
ഈ ഡിസ്ചാർജ് ബാക്ടീരിയ അണുബാധയുടെ അല്ലെങ്കിൽ മഞ്ഞ ഡിസ്ചാർജ് പോലെയുള്ള ലൈംഗികമായി പകരുന്ന അണുബാധയുടെ അടയാളമാണ്.
യീസ്റ്റ് അണുബാധ
യീസ്റ്റ് അണുബാധയിൽ, ഡിസ്ചാർജ് പൂർണ്ണമായും കട്ടിയുള്ള വെളുത്ത നിറത്തിലും പുറത്തുവരുന്നു. ഇതോടൊപ്പം യോനി ഭാഗത്ത് ചുവപ്പും പൊള്ളലും ചൊറിച്ചിലും ഉണ്ടായാൽ യീസ്റ്റ് അണുബാധയാകാൻ സാധ്യതയുണ്ട്. അത്തരമൊരു സാഹചര്യത്തിൽ ഇടയ്ക്കിടെ സ്വകാര്യ ഭാഗം വൃത്തിയാക്കുന്നത് വളരെ പ്രധാനമാണ്.
ഈ കാര്യങ്ങൾ മനസ്സിൽ വയ്ക്കുക
അടിവസ്ത്രം
എപ്പോഴും കോട്ടൺ കൊണ്ട് നിർമ്മിച്ച അടിവസ്ത്രങ്ങൾ ഉപയോഗിക്കുക. പല സ്ത്രീകളും സിന്തറ്റിക് തുണികൊണ്ടുള്ള അടിവസ്ത്രങ്ങൾ ഉപയോഗിക്കുന്നു ഇത് സ്വകാര്യ ഭാഗത്തിന് ഹാനികരമാണെന്ന് തെളിയിക്കുന്നു. സിന്തറ്റിക് തുണികൊണ്ട് നിർമ്മിച്ച പാന്‍റീസ് ചർമ്മത്തിലൂടെ വായു കടക്കാൻ അനുവദിക്കുന്നില്ല ഇത് കാരണം സ്വകാര്യ ഭാഗത്ത് കൂടുതൽ വിയർപ്പ് ഉണ്ടാകുകയും പിന്നീട് വിയർപ്പ് കാരണം ബാക്ടീരിയകൾ വളരുകയും അത് ചൊറിച്ചിൽ ഉണ്ടാക്കുകയും ചെയ്യുന്നു. കോട്ടൺ പാന്‍റി ഉപയോഗിച്ചാൽ ഇതുണ്ടാകില്ല.
ആർത്തവം
ആർത്തവ സമയത്ത് അണുബാധ പടരാനുള്ള സാധ്യത വളരെ കൂടുതലാണ്. രക്തസ്രാവം മൂലം പിഎച്ച് നില മാറുന്നു. അത്തരമൊരു സാഹചര്യത്തിൽ സ്ത്രീകൾ പ്രത്യേകം ശ്രദ്ധിക്കേണ്ടതുണ്ട്. ആർത്തവ സമയത്ത് ഓരോ 4 മണിക്കൂറിലും സാനിറ്ററി പാഡുകൾ മാറ്റണം. നിങ്ങൾ ഒരേ പാഡ് ദീർഘനേരം ഉപയോഗിക്കുകയാണെങ്കിൽ സ്വകാര്യ ഭാഗത്ത് എരിച്ചിൽ ചൊറിച്ചിൽ, ദുർഗന്ധം തുടങ്ങിയ പ്രശ്നങ്ങൾ ഉണ്ടാകാം.
ഗുഹ്യഭാഗത്തെ രോമം
സ്വകാര്യഭാഗം എപ്പോഴും മൂടിയിരിക്കും, പലപ്പോഴും അവിടെ വിയർക്കുന്നു. ഈ വിയർപ്പും നനവും കാരണം അണുബാധയ്ക്ക് സാധ്യതയുണ്ട്. സ്ത്രീകളുടെ ആർത്തവ സമയത്ത് അമിത രോമവും ശുചിത്വത്തെ ബാധിക്കുന്നു. ശുചിത്വം പാലിക്കാൻ ഗുഹ്യഭാഗത്തെ രോമങ്ങൾ നീക്കം ചെയ്യേണ്ടത് ആവശ്യമാണ്.
ശുചിത്വം പാലിക്കുക
സ്വകാര്യഭാഗം വൃത്തിയാക്കുമ്പോഴെല്ലാം അത് മുന്നിൽ നിന്ന് പിന്നിലേക്ക് ചെയ്യണം. മലദ്വാരവും യോനിയും അടുത്തയതിനാൽ മലദ്വാരത്തിലെ ബാക്ടീരിയകൾ യോനിയുമായി സമ്പർക്കം വന്നാൽ യോനിയിൽ അണുബാധയ്ക്ക് കാരണമാകും.
പലപ്പോഴും സ്ത്രീകൾ സ്വകാര്യ ഭാഗം വൃത്തിയാക്കാൻ രാസവസ്തുക്കൾ അടങ്ങിയ ഉൽപ്പന്നങ്ങൾ ഉപയോഗിക്കുന്നു അത് ചെയ്യാൻ പാടില്ല. സോപ്പ് അല്ലെങ്കിൽ ഏതെങ്കിലും രാസവസ്തുക്കൾ ഉപയോഗിക്കുന്നത് യോനിയിലെ പിഎച്ച് അളവ് കുറയ്ക്കുകയും അണുബാധയ്ക്ക് കാരണമാവുകയും ചെയ്യുന്നു. സ്വകാര്യഭാഗം വൃത്തിയാക്കാൻ ചൂടുവെള്ളം ഉപയോഗിക്കുക.
