Sensitive Skin അടയാളങ്ങൾ ഏതാണ്?

അലർജി കാരണം ചർമ്മത്തിൽ എന്തെങ്കിലും മാറ്റങ്ങൾ നിങ്ങൾ എപ്പോഴെങ്കിലും അനുഭവിച്ചിട്ടുണ്ടോ? ചർമ്മത്തിൽ ചുവപ്പ് കലർന്ന തിണർപ്പ്, ചൊറിച്ചിൽ തുടങ്ങിയവ. ഇതെല്ലാം ചർമ്മത്തിന്‍റെ സംവേദനക്ഷമതയുടെ ലക്ഷണങ്ങളാണ്.

എന്നിരുന്നാലും, തങ്ങളുടെ ചർമ്മത്തിന്‍റെ സ്വഭാവം എന്താണെന്ന് അറിയാത്ത ധാരാളം ആളുകൾ ഉണ്ട്. സെൻസിറ്റീവ് അല്ലെങ്കിൽ സാധാരണചർമ്മം ആണോ എന്നാണ് മനസിലാക്കേണ്ടത്. അതുകൊണ്ട് നമ്മുടെ ചർമ്മത്തിന്‍റെ സെൻസിറ്റിവിറ്റി അനുഭവപ്പെടുന്ന ലക്ഷണങ്ങൾ എന്തൊക്കെയാണെന്ന് ആദ്യം നമുക്ക് മനസ്സിലാക്കാം.

സെൻസിറ്റീവ് ചർമ്മത്തിന്‍റെ ആദ്യ ലക്ഷണങ്ങൾ:

1. ത്രെഡിംഗ് അല്ലെങ്കിൽ വാക്സിംഗ് ശേഷം ചർമ്മത്തിൽ വരൾച്ച അല്ലെങ്കിൽ ചൊറിച്ചിൽ.
2. മുഖം കഴുകിയ ശേഷം നീറ്റൽ അനുഭവപ്പെടുക.
3. ചർമ്മം പെട്ടെന്ന് കൂടുതൽ ചുവപ്പായി മാറുകയും മിക്കപ്പോഴും മുഖക്കുരു പുറത്തുവരുകയും ചെയ്യുന്നു.
4. കാലാവസ്ഥാ വ്യതിയാനത്തിന്‍റെ ഫലം ഉടൻ ചർമ്മത്തിൽ കാണും.
5. ബാഹ്യകാരണങ്ങൾ ഒന്നുമില്ലാതെ പോലും ചർമ്മത്തിൽ പൊള്ളലോ ചൊറിച്ചിലോ.
6. ചില ബാത്ത്, തുണി സോപ്പു ഉപയോഗം ചർമ്മത്തെ പ്രകോപിപ്പിക്കും.
7. അകാല ചുളിവുകൾ.

ഇനിപ്പറയുന്ന കാരണങ്ങളാൽ ചർമ്മം സെൻസിറ്റീവ് ആകാൻ സാധ്യതയുണ്ട്.

1. അഴുക്കും മലിനീകരണവും
2. ഹാർഡ് വാട്ടർ
3. അപര്യാപ്തമായ ശുചിത്വം
4. മോശം ജീവിതശൈലി
5. ഹോർമോണുകൾ
6. സമ്മർദ്ദം
7. ഭക്ഷണക്രമവും ചർമ്മത്തിലെ ഈർപ്പവും
8. ദോഷകരമായ ചർമ്മ സംരക്ഷണ ഉൽപ്പന്നങ്ങൾ
9. വസ്ത്രങ്ങളും ആഭരണങ്ങളും
10. വീട് വൃത്തിയാക്കൽ

സെൻസിറ്റീവ് ചർമ്മമാണെങ്കിൽ, നിങ്ങളുടെ ചർമ്മത്തെ ഇതുപോലെ പരിപാലിക്കേണ്ടതുണ്ട്.

1. സൗന്ദര്യവർദ്ധക വസ്തുക്കൾ നിങ്ങളുടെ ചർമ്മത്തിൽ, കൈകളിലോ മറ്റോ പരീക്ഷിച്ചതിന് ശേഷം മാത്രം ഉപയോഗിക്കുക.
2. പൊടി, മണ്ണ്, രാസവസ്തുക്കൾ എന്നിവയിൽ നിന്ന് ചർമ്മത്തെ സംരക്ഷിക്കുക.
3. തണുപ്പിൽ എപ്പോഴും മൃദുവായ കമ്പിളി സ്വെറ്ററുകൾ ധരിക്കുക. സിന്തറ്റിക് കമ്പിളി ചർമ്മത്തിന് അലർജി ഉണ്ടാക്കും.
4. സൗന്ദര്യവർദ്ധക വസ്തുക്കൾ വാങ്ങുമ്പോൾ അത് സെൻസിറ്റീവ് ചർമ്മത്തിന് വേണ്ടിയുള്ളതാണെന്ന ലേബൽ പരിശോധിച്ച ശോഷം മാത്രം വാങ്ങുക.
5. ഹെർബൽ, പ്രകൃതി സൗന്ദര്യവർദ്ധക വസ്തുക്കൾ ഉപയോഗിക്കാൻ ശ്രദ്ധിക്കുക.
6. വെയിലത്ത് പോകുന്നതിന് മുമ്പ് സൺസ്‌ക്രീൻ ക്രീമോ ലോഷനോ മുഖത്ത് പുരട്ടുക.
7. മുടി ചീകാൻ ഹാർഡ് ഹെയർ ബ്രഷ് ഉപയോഗിക്കരുത്.
8. പെർഫ്യൂഡ് സോപ്പോ ഡിറ്റർജന്‍റോ ഉപയോഗിക്കുന്നത് ഒഴിവാക്കുക.
9. പെർഫ്യൂം വാങ്ങുമ്പോഴോ ആഫ്റ്റർ ഷേവ് ലോഷൻ നിങ്ങളുടെ ചർമ്മത്തിൽ സ്പ്രേ ചെയ്തുകൊണ്ട് പരിശോധിക്കുക. ചർമ്മം സെൻസിറ്റീവ് ആണെങ്കിൽ അത് ചർമ്മത്തിൽ ചൊറിച്ചിൽ ഉണ്ടാക്കാം.