പീസ് ബട്ടർ മസാല

ചേരുവകൾ

2 കപ്പ് ഗ്രീൻ പീസ്

1 വലിയ  തക്കാളി  അരിഞ്ഞത്

1 വലിയ ഉള്ളി അരിഞ്ഞത്

1 ടീസ്പൂൺ വെളുത്തുള്ളി-ഇഞ്ചി പേസ്റ്റ്

1/2 ടീസ്പൂൺ ജീരകം

1 ടീസ്പൂൺ മഞ്ഞൾ പൊടി

ചുവന്ന മുളകുപൊടി – എരിവ് അനുനുസരിച്ച്

2-3 പച്ചമുളക്

1 ടീസ്പൂൺ മല്ലിപ്പൊടി

1/2 ടീസ്പൂൺ ഗരം മസാല

1/2 ടീസ്പൂൺ ജീരകപ്പൊടി

എണ്ണ, വെണ്ണ, മല്ലിയില – ആവശ്യത്തിന്

തയ്യാറാക്കുന്ന വിധം

പീസ് ബട്ടർ മസാല ഉണ്ടാക്കാൻ, പീസ് ഏകദേശം 4 മണിക്കൂർ കുതിർക്കുക. ഇതിനു ശേഷം ഉപ്പ് ചേർത്ത് തിളപ്പിച്ച് വെള്ളം പിഴിഞ്ഞ് മാറ്റി വയ്ക്കുക.

ഇനി കുക്കറിൽ എണ്ണ ഒഴിച്ച് ചൂടാകുമ്പോൾ അതിലേക്ക് ജീരകം ചേർക്കുക. ശേഷം ചെറുതായി അരിഞ്ഞ ഉള്ളിയും പച്ചമുളകും അരിഞ്ഞത് ചേർക്കുക. ഉള്ളിയും മുളകും വഴന്നു വരുമ്പോൾ ഇഞ്ചി-വെളുത്തുള്ളി പേസ്റ്റ് ചേർക്കുക.

ലൈറ്റ് ആയി ഇളക്കി കൊണ്ടിരിക്കുക. ഇതിന് ശേഷം മല്ലിയില, മഞ്ഞൾ, മുളകുപൊടി, എല്ലാ ഉണങ്ങിയ മസാലകളുടെയും പൊടി എന്നിവ ചേർക്കുക. ഇനി ചെറിയ തീയിൽ ഇവ ഇളക്കി കൊണ്ടിരിക്കുക.

സുഗന്ധവ്യഞ്ജനങ്ങൾ വറുത്തതായിരിക്കണമെന്ന് ഓർമ്മിക്കുക, അവയെ അടിയിൽ പിടിക്കാൻ അനുവദിക്കരുത്. വറുത്തു വരുമ്പോൾ തക്കാളി അരച്ചത് ചേർക്കുക. എണ്ണ അതിന്‍റെ അരികുകൾ വിട്ടു തുടങ്ങുമ്പോൾ, പീസ് ചേർത്ത് നന്നായി ഇളക്കുക. ഇനി ഗ്രേവിയുടെ ആവശ്യത്തിനനുസരിച്ച് വെള്ളം ചേർത്ത് കുക്കർ അടയ്ക്കുക. കുക്കറിന്‍റെ 2-3 വിസിൽ എടുക്കുക.

കറി അടുപ്പിൽ നിന്ന് മാറ്റി വെണ്ണയും മല്ലിയിലയും ചേർത്ത് വിളമ്പുക. കറിക്ക് പുളി വേണമെങ്കിൽ കുക്കർ തുറന്ന ശേഷം ഒന്നര ടീസ്പൂൺ മാങ്ങാ പൊടി ചേർക്കാം. അല്ലെങ്കിൽ വിളമ്പുമ്പോൾ മുകളിൽ നാരങ്ങ പിഴിഞ്ഞ് നന്നായി ഇളക്കി വിളമ്പാം.