ചർമ്മത്തിന്‍റെ സ്വഭാവം മനസിലാക്കി 30 വയസ്സിനു ശേഷം മാസത്തിലൊരിക്കൽ ഫേഷ്യൽ ചെയ്യാം. ഇതുമൂലം ചർമ്മത്തിനു വ്യായാമം ലഭിക്കുകയും ചർമ്മം ചെറുപ്പമായി തുടരുകയും ചെയ്യുന്നു, അതിനായി ചില ഫേഷ്യലുകൾ ഇതാ.
വൈറ്റെനിംഗ് ഫേഷ്യൽ
മുഖത്തെ അഴുക്കും മേക്കപ്പും നീക്കം ചെയ്യാൻ, വൈറ്റ്നിംഗ് ക്ലെൻസർ ഉപയോഗിച്ച് മുഖം നന്നായി വൃത്തിയാക്കുക. സ്‌ക്രബിൽ കുറച്ച് തുള്ളി ടോണർ ഉപയോഗിക്കുക. 10 മിനിറ്റ് സ്‌ക്രബ്ബ് ചെയ്ത ശേഷം 15 മിനിറ്റ് മസാജ് ക്രീം ഉപയോഗിച്ച് മസാജ് ചെയ്യുക. അതിനുശേഷം ഫേസ് പായ്ക്ക് പുരട്ടി 15 മിനിറ്റിനു ശേഷം മുഖം കഴുകുക.
മുഖത്തിന്‍റെ തിളക്കം നിലനിർത്താൻ പതിവായി പരിപാലിക്കേണ്ടതും ആവശ്യമാണ്. മോയിസ്ചറൈസർ വൈറ്റനിംഗ് ക്ലെൻസർ ഉപയോഗിച്ച് ദിവസവും മുഖം വൃത്തിയാക്കുക, ബോഡി ലോഷൻ ഉപയോഗിക്കുക.
സ്‌ക്രബ് ചെയ്യുമ്പോൾ ഫേഷ്യൽ ചെയുമ്പോൾ ചെയ്യുന്ന പോലെ മസ്സാജ് ആവശ്യം ഇല്ല. വൃത്താകൃതിയിൽ മുഖം തടവുക (സോപ്പ് പുരട്ടുന്നത് പോലെ). ഫേഷ്യലിൽ, ഉൽപ്പന്നം ചർമത്തിനകത്തേയ്ക്ക് വലിയണം, അതുകൊണ്ടാണ് മസാജ് ചെയ്യുന്നത്. എന്നാൽ സ്‌ക്രബിൽ മൃത ചർമ്മം മാത്രമേ നീക്കം ചെയ്യപ്പെടുകയുള്ളൂ.
സ്‌ക്രബിൽ വെള്ളം ചേർക്കുന്നതിനു പകരം വിറ്റാമിൻ ഇ അടങ്ങിയ ടോണർ ഉപയോഗിക്കുക. ഓർക്കുക, സംവേദനക്ഷമതയുള്ള ടോണർ മാത്രം ഉപയോഗിക്കുക. അമിതമായ മസാജ് ചർമ്മത്തിന് അനുയോജ്യമല്ല. എണ്ണമയമുള്ള ചർമ്മം 10-12 മിനിറ്റ് മസാജ് ചെയ്യണം.
വൈറ്റെനിംഗ് ഫേഷ്യൽ ടെക്നിക് മുഖത്തിന്‍റെ നിറം വർദ്ധിപ്പിക്കുകയും അൾട്രാവയലറ്റ് രശ്മികൾ, പിഗ്മെന്‍റേഷൻ, ടാനിംഗ് എന്നിവയുടെ പ്രശ്നം തടയുകയും ചെയ്യുന്നു. മലിനീകരണം മൂലം നമ്മുടെ ചർമ്മം നിർജീവമാകുന്നു. ഇത്തരമൊരു സാഹചര്യത്തിൽ വൈറ്റ്നിംഗ് ഫേഷ്യൽ ഉപയോഗിച്ച് വീണ്ടും ഫ്രഷ് ആക്കാം.
ആന്‍റി-ഏജിംഗ് ഫേഷ്യൽ
ക്ലെൻസർ ഉപയോഗിച്ച് മുഖം വൃത്തിയാക്കിയ ശേഷം, ആന്‍റി-ഏജിംഗ് സ്‌ക്രബ് ചെയ്യുക, തുടർന്ന് 15 മിനിറ്റ് മസാജ് ചെയ്യുക. ഇതിനുശേഷം ഫേസ് പായ്ക്ക് പുരട്ടി 15 മിനിറ്റിനു ശേഷം കഴുകുക.
പോഷകസമൃദ്ധവും സമീകൃതവുമായ ഭക്ഷണത്തിലൂടെ ചർമ്മം ആരോഗ്യത്തോടെയും തിളക്കത്തോടെയും നിലനിൽക്കും.
ചർമ്മത്തിൽ മസാജ് ചെയ്തതിനുശേഷവും പായ്ക്ക് പ്രയോഗിക്കുന്നതിന് മുമ്പും ആന്‍റി- ഇൻഫ്ലമേഷൻ സിറം ഉപയോഗിക്കണം. ഇത് ചർമ്മത്തെ ചുവന്നു തടിക്കാതെ സംരക്ഷിക്കുന്നു.
ടൈടെനിംഗ് ഫേഷ്യലിന്‍റെ ഗുണങ്ങൾ
40 വയസ്സിനു ശേഷം ഈ ഫേഷ്യൽ ചെയ്യുന്നതാണ് കൂടുതൽ ഉചിതം. ഇത് മുഖത്തെ ചുളിവുകളിൽ നിന്ന് സംരക്ഷിക്കുകയും ചർമ്മത്തെ ആരോഗ്യമുള്ളതാക്കുകയും ചെയ്യുന്നു. ചുളിവുകളുള്ള ചർമ്മത്തിന് യുവത്വം നൽകാൻ ആന്‍റി ഏജിംഗ് ഫേഷ്യൽ ഗുണം ചെയ്യും.
ഇത് ചെയ്യുവാൻ ടർമെറിക് ക്ലെൻസർ ഉപയോഗിച്ച് കണ്ണുകൾക്ക് ചുറ്റും വൃത്തിയാക്കുക. തുടർന്ന് 6-7 മിനിറ്റ് മാത്രം സ്‌ക്രബ്ബിംഗ് ചെയ്യുക, കാരണം ഇവിടെ ചർമ്മം കൂടുതൽ സെൻസിറ്റീവ് ആണ്. പിന്നീട് കൈകൾ കൊണ്ട് മസാജ് ചെയ്യുക. ഇതിന് ശേഷം ഫേസ് പായ്ക്ക് പുരട്ടി കുറച്ച് സമയത്തിന് ശേഷം കഴുകി കളയുക.
ഐ ഫേഷ്യൽ
കണ്ണിനു താഴെ കറുപ്പ് ഉള്ള വളരെ സെൻസിറ്റീവ് ചർമ്മമുള്ളവർ മുഖത്ത് ഐ ഫേഷ്യൽ ചെയ്യുക, കാരണം ഇത് വളരെ സൗമ്യമാണ്, ചുളിവുകളുള്ള മുഖത്ത് ഉപയോഗിക്കാം. വളരെ സെൻസിറ്റീവ് ചർമ്മത്തിന് സാധാരണ ഫേഷ്യൽ അനുയോജ്യമല്ല.
പലപ്പോഴും, മികച്ച ഉൽപ്പന്നങ്ങൾ ഉപയോഗിച്ചിട്ടും , ഫേഷ്യൽ ടെക്നിക്കുകൾ സ്വീകരിച്ചിട്ടും , ചിട്ടയായ പരിചരണം നടത്തിയിട്ടും മുഖത്തെ പ്രശ്നങ്ങൾ അതേപടി നിലനിൽക്കുകയും ചർമ്മം ആരോഗ്യത്തോടെ നിലനിൽക്കുകയും ചെയ്യുന്നില്ല എങ്കിൽ ഇതിന്‍റെ കാരണം ചർമ്മവുമായി ബന്ധപ്പെട്ടതല്ല, ശരീരവുമായി ബന്ധപ്പെട്ടതാണ്. അതിനാൽ ഈ സാഹചര്യത്തിൽ ഡോക്ടറെ സമീപിക്കുക. കണ്ണിനു താഴെ ഉള്ള കറുത്ത വൃത്തങ്ങളുടെ പ്രശ്നം ഒരു പരിധി വരെ കുറയ്ക്കാൻ കഴിയും .
കണ്ണുകളുടെ ആരോഗ്യം നിലനിർത്താൻ, ടിവിയുടെയോ കമ്പ്യൂട്ടറിന്‍റെയോ മുന്നിൽ അധികം ഇരിക്കരുത്, ആവശ്യത്തിന് ഉറക്കവും പോഷകസമൃദ്ധമായ ഭക്ഷണവും നേടുക.
ഐ ഫേഷ്യൽ എല്ലാവർക്കും ആവശ്യമാണ്: ഐ ഫേഷ്യൽ പ്രായമാകുന്നത് തടയുന്നു, കണ്ണുകളിലെ വീക്കവും കറുപ്പും കുറയ്ക്കുന്നു, ക്ഷീണിച്ച കണ്ണുകൾക്ക് ആകർഷകവും പുതുമയുള്ളതുമായ രൂപം നൽകുന്നു.
