നഖങ്ങൾ അലങ്കരിക്കാനും സൗന്ദര്യം, വർദ്ധിപ്പിക്കാനുമുള്ള, ഒരു എളുപ്പ മാർഗമാണ് നെയിൽ ആർട്ട്. ഇത് സാധാരണയായി മാനിക്യൂർ, പെഡിക്യൂർ കഴിഞ്ഞ് കൈ കാലുകളിലെ നഖങ്ങളിൽ ചെയ്യാൻ കഴിയുന്ന കലാസൃഷ്ടിയാണ്. വളർന്ന നഖങ്ങൾ വെട്ടി രൂപപ്പെടുത്തുന്നതും പോളിഷ് ചെയ്യുന്നതുമായ സൗന്ദര്യ ചികിത്സകളാണ് മാനിക്യൂറും, പെഡിക്യൂറും. അമേരിക്കൻ മോഡലും ബ്യൂട്ടി ക്വീനുമായ കൈലി ജെന്നർ മാനിക്യൂർ രാജ്ഞിയാണ്, അവരുടെ ഇൻസ്റ്റാഗ്രാം ഫീഡ് ഇതിന് തെളിവാണ്.
നെയിൽ ആർട്ടിന്‍റെ വ്യത്യസ്തവും മനോഹരവുമായ ഡിസൈനുകൾ സോഷ്യൽ മീഡിയ ഫീഡുകളിൽ പോസ്റ്റ് ചെയ്തുകൊണ്ട് കൈലി ആരാധകരെ ആകർഷിക്കുന്നു. വൈബ്രന്‍റ് ഹ്യൂസ്, മൾട്ടികളർ മുതൽ പോൾക്ക ഡോട്ടുകൾ വരെയുള്ള അവരുടെ നെയിൽ ആർട്ട് ടിപ്‌സ് നിരവധി പെൺകുട്ടികൾക്കും പ്രചോദനമാണ്. നിങ്ങൾ‌ക്കും അവരെപ്പോലുള്ള മനോഹരമായ നെയിൽ ആർട്ട് ഇഷ്ടമാണെങ്കിൽ, ശ്രമിച്ചു നോക്കു. എന്തായാലും കൈകൾ സുന്ദരമാക്കാൻ ഏതാനും നെയിൽ ആർട്ട് ഡിസൈനുകൾ ഇതാ.
ബന്ദനി പ്രിന്‍റ്
വസ്ത്രങ്ങളിൽ മാത്രമല്ല, മാനിക്യൂറിലും ബന്ദനി പ്രിന്‍റ ട്രെൻഡി ആണ്. നിങ്ങൾക്ക് അത്തരം നെയിൽ ആർട്ട് ഡിസൈനുകൾ സ്വയം നിർമ്മിക്കാം. ബന്ദനി പ്രിന്‍റ് വളരെ പഴയ രൂപകൽപ്പനയാണ്, എന്നാൽ അത് എക്കാലവും ട്രെൻഡി ആണ്. പ്രിന്‍റിൽ ഡോട്ടുകൾ, സിഗ് സാഗ് എന്നിവ പോലുള്ള ഏത് രൂപകൽപ്പനയും ചെയ്യാൻ കഴിയും, അതുവഴി ബന്ദനി പ്രിന്‍റിന് കൂടുതൽ മികച്ച രൂപം നൽകാൻ കഴിയും.
പോൾക്ക ഡോട്ടുകൾ
പോൾക്ക ഡോട്ടുകൾ ട്രെൻഡി ആയ മറ്റൊരു നെയിൽ ആർട്ട് ആണ്. ഇത് ചെയ്യാൻ വളരെ എളുപ്പമാണ്, മാത്രമല്ല ഇത് എല്ലാത്തരം വസ്ത്രങ്ങൾക്കും അനുയോജ്യവുമാണ്. പോൾക്ക ഡോട്ടുകൾ ഒരിക്കലും ഫാഷനിൽ നിന്ന് പുറത്തുപോകില്ല. ഈ ആർട്ട് നിങ്ങളുടെ നഖങ്ങളുടെ ഭംഗി വർദ്ധിപ്പിക്കുക മാത്രമല്ല, മൊത്തം സ്റ്റൈലിഷ് ആക്കുകയും ചെയ്യുന്നു. ഇതിനായി, ആദ്യം നഖങ്ങളിൽ ഒരു നെയിൽ കളർ ബേസ് ഷേഡ് പ്രയോഗിക്കുക. പിങ്ക്, ഓറഞ്ച് അല്ലെങ്കിൽ കറുത്ത നിറമുള്ള നെയിൽ പെയിന്‍റുകൾ കൂടുതല്‍ അനുയോജ്യമായിരിക്കും.
ഇതിനുശേഷം, ഒരു ടൂത്ത്പിക്ക് ഉപയോഗിച്ച് അതിൽ ഡോട്ടുകൾ ഉണ്ടാക്കുക. വസ്ത്രത്തിൽ പോൾക്ക ഡോട്ട്സ് പ്രിന്‍റ് ഇഷ്ടപ്പെടുന്നവർ നിരവധി ആണ്. നെയിൽ ആർട്ടിലെ പോൾക്ക ഡോട്ടും പലരും ഇഷ്ടപ്പെടുന്നു.
ടൈ-ഡൈ
ഇതൊരു സമ്മർ സ്റ്റൈൽ നെയിൽ ആർട്ട് ആണ്. ടൈ-ഡൈയ്ക്കായി ബേസ് കളർ ആയി വെള്ള അല്ലെങ്കിൽ ന്യൂട്രൽ ഷേഡുകൾ ഉപയോഗിക്കാം. മനോഹരമായ ടൈ-ഡൈ ഇഫക്റ്റിനായി, യോജിക്കുന്ന അല്ലെങ്കില്‍ കണ്ട്രാസ്റ്റ് പേസ്റ്റൽ നിറമുള്ള ഡിസൈൻ ഒരുക്കാം. വേണമെങ്കിൽ, വ്യത്യസ്ത നിറങ്ങൾ ഉപയോഗിച്ച് പാറ്റേണുകൾ നിർമ്മിക്കാനും കഴിയും.
കൈകളുടെ സൗന്ദര്യത്തിന്, വ്യത്യസ്ത നെയിൽ ആർട്ട് ഒരു മികച്ച ഓപ്ഷനാണ്. ഇത് കൈകളുടെ ലുക്ക് മാറ്റുകയും കൂടുതൽ മനോഹരമായി എടുത്തു കാണിക്കുകയും ചെയ്യുന്നു. ഉടനെ പരീക്ഷിച്ചു നോക്കു, ഒരു കിടിലൻ നെയിൽ ആർട്ട്.
