ഇന്ത്യയുടെ ടെന്നീസ് താരം സാനിയ മിർസ ജനലക്ഷങ്ങളുടെ ഹൃദയത്തിൽ ഇടം പിടിച്ചത് തന്‍റെ കിടിലൻ പെർഫോമൻസ് കൊണ്ടാണ്. എന്നാൽ ടെന്നീസ് എന്തെന്നുപോലും അറിയാത്ത അതിലേറെപ്പേരുടെ ഇഷ്‌ട സ്പോർട്സ് താരമായി അവർ മാറിയത് ആ ഗ്ലാമർ കൊണ്ടും കൂടിയാണ്.
ടിവിയിലും ഇന്‍റർനെറ്റിലുമായി വ്യാപിച്ചു കിടക്കുന്ന ഗ്ലാമർലോകത്ത് സാനിയയും ഹിറ്റാണ്. കായികരംഗത്തെ സൂപ്പർ താരപരിവേഷം കൈവരാൻ സൗന്ദര്യവും സെക്‌സ് അപ്പീലും സഹായിക്കും. ഇക്കാര്യം സ്ത്രീകൾക്കു മാത്രമല്ല, പുരുഷന്മാർക്കും ബാധകമാണ്. ലോകമെങ്ങും ശ്രദ്ധിക്കപ്പെടുന്ന താരമാകാൻ എങ്ങനെയൊക്കെ ഹൈലൈറ്റ് ചെയ്യണമെന്ന് അവർക്കും അറിയാം. സെക്‌സ് അപ്പീലുള്ള താരങ്ങൾക്കുള്ള ഫോളോവേഴ്സിന്‍റെ എണ്ണം മാത്രം ശ്രദ്ധിച്ചാൽ ഇക്കാര്യം വ്യക്തമാണ്.
സാനിയ മിർസയും സൈന നെഹ്‍വാളും പുറത്തിറങ്ങുമ്പോൾ ഷോർട്സ്, ഷോർട്ട്സ്കർട്ട് ഇവ ധരിച്ചു കാണാറില്ല. എന്നാൽ കളിക്കളത്തിലിറങ്ങുമ്പോൾ ഇവരെ അത്തരം വേഷത്തിലേ കാണൂ. ആ ഷോർട്സും സ്കർട്ടും ഇട്ടുള്ള കളി യുവാക്കളുടെ ഹൃദയത്തിലേക്കുള്ള ഒരു എൻട്രിക്കൂടിയാണ്.
ഈ രണ്ടു താരങ്ങളും ഗ്ലാമർ വേൾഡിൽ പെടുത്താവുന്നവരല്ലാതിരുന്നിട്ടും ഇവരുടെ ഫാൻ ഫേളോവിംഗ് ഏതൊരു ബോളിവുഡ് താരത്തെയും പോലെ ശക്‌തമാണ്. കളിയിൽ സാമർത്ഥ്യം ഉള്ള മികവു തെളിയിച്ച നിരവധി വനിതാ കായിക താരങ്ങൾ വേറെയുമുണ്ട്. എന്നാൽ അവരാരും ഇവരെപ്പോലെ ഹിറ്റാവാത്തത് ഇവർക്കൊപ്പം സെക്‌സ് അപ്പീൽ ഇല്ല എന്നതു കൊണ്ടു തന്നെയാണ്. മാധ്യമങ്ങളിലും, സോഷ്യൽ മീഡിയയിലും ഇങ്ങനെ സെക്‌സ് അപ്പീൽ ഉള്ള വ്യക്‌തികൾക്ക് കൂടുതൽ കാഴ്ചക്കാരുണ്ടാകുന്നതു കൊണ്ട് അവർ കൂടുതൽ ഹിറ്റാവുന്നു. അതിനാൽ കളിക്കാർക്ക് ഫിറ്റ്നസിനും കളിയിലെ മികവിനും ഒപ്പം മേക്ക് ഓവറിലും ശ്രദ്ധിക്കേണ്ടി വരുന്നു. ഗ്ലാമർ കൊണ്ടും കൂടി ഹിറ്റായ ചില വനിതാ കായികതാരങ്ങളെ പരിചയപ്പെടാം.
നമ്പർ വൺ ഗ്ലാമറസ്
സ്റ്റെഫി ഗ്രാഫ്, മാർട്ടീന, സെറീന തുടങ്ങിയ വിദേശ കായികതാരങ്ങളുടെ ഗ്ലാമറസ് സ്റ്റൈൽ ലോകം ആരാധനയോടെ കണ്ടിരിക്കുന്ന കാലത്ത് ഒരു ഇന്ത്യൻ കായികതാരം ആ തലത്തിൽ ചൂണ്ടിക്കാട്ടാൻ ഉണ്ടായിരുന്നില്ല. സാനിയ മിർസയാണ് ആ കുറവ് നികത്തിയ ഇന്ത്യൻ താരം. കളിക്കളത്തിലെ അവരുടെ ഇറക്കം കുറഞ്ഞ സ്കർട്ട് വലിയ വിവാദമാണ് ഉയർത്തിയത്. ടീ ഷർട്ടിൽ എഴുതിയ സന്ദേശങ്ങൾ പോലും ആരാധകരെ ഇളക്കി മറിച്ചു. ഇപ്പോഴും സാനിയയുടെ പേര് ഹൈലൈറ്റ് ചെയ്യപ്പെടുന്നത് അവരുടെ ഗ്ലാമറിന്‍റെ പേരിൽ തന്നെ.
കഴിവിന്‍റെ കരുത്തിൽ
സൈന നെഹ്‍‍വാളിന് സ്കർട്ടിനെക്കാളും ഇഷ്‌ടം ഷോർട്സ് ധരിച്ച് കളിക്കളത്തിലിറങ്ങാനാണ്. സാനിയക്കൊപ്പം തന്നെ സെക്‌സ് അപ്പീൽ ഉള്ള താരം എന്ന നിലയിൽ സൈനയും ഹിറ്റായി. കളിക്കളത്തിൽ ഇടയ്‌ക്ക് സ്കർട്ടും ഷോർട്സും ധരിച്ചെത്തുന്ന സൈനയ്ക്കും തകർപ്പൻ സ്റ്റൈലിനും അവരുടെ സ്മാഷികൾക്കൊപ്പം റേറ്റിംഗ് കിട്ടി.
സെക്‌സി ലുക്ക്
ബാറ്റ്മിന്‍റൺ കോർട്ടിൽ കുഞ്ഞുപാവാട ഇട്ട് മനോഹരമായ നീണ്ട കാലുകൾ പ്രദർശിപ്പിച്ച് കളിച്ച തേജത്രാർ ജ്വാല കാണികൾക്ക് പ്രിയങ്കരിയായിരുന്നു. ബോളിവുഡ് ചിത്രത്തിൽ ഐറ്റം നമ്പർ കൂടി ചെയ്യാൻ അവരെ വിളിച്ചത് ആ സെക്‌സി ലുക്കിന്‍റെ പേരിൽ തന്നെ.
