സെക്സ് വെറും ഒരു ലൈംഗിക ക്രിയ മാത്രമല്ല. ലൈംഗിക ബന്ധത്തിനു പുറമേ ലൈംഗിക ക്രീഡകളിലൂടെയും പരിപൂർണ്ണമായ സുഖം നേടാം. ഓരോ ദിവസവും ഉണ്ടാകുന്ന കൊച്ചു കൊച്ചു കാര്യങ്ങൾ, കളിതമാശകൾ, സ്പർശം, ആലിംഗനം, ചുംബനം തുടങ്ങിയവ സെക്സിന്‍റെ സുഖം ലഭിക്കാനുള്ള പ്രേരക ഘടകങ്ങളാണ്. ഇത്തരം ക്രീഡകൾ ഭാര്യയേയും ഭർത്താവിനേയും ആജീവനാന്തം കൂട്ടി യോജിപ്പിക്കുന്നു. അവരിൽ പരസ്പരാശ്രയ മനോഭാവവും സ്നേഹവും വളർത്തിയെടുക്കാൻ സഹായിക്കും. തങ്ങളെപ്പറ്റി ചിന്തിക്കാനും സ്നേഹിക്കാനും ഒരാളുണ്ട് എന്ന മനോഭാവം വളരുന്നു.
ശാരീരിക ബന്ധം നിലനിർത്തൂ
നാല്പത് വയസ്സിനോട് അടുക്കുന്നതോടെ ഭൂരിഭാഗം ദമ്പതികൾക്കും ലൈംഗിക കാര്യങ്ങളിൽ താൽപര്യം കുറയുന്നുവെന്നത് ഗുരുതരമായ പ്രശ്നമാണ്. ഇവരിൽ ലൈംഗിക ബന്ധത്തിന്‍റെ ഇടവേള വർദ്ധിക്കുന്നു. പരസ്പരം ആവശ്യമുണ്ടെന്നുള്ള ചിന്ത പാടെ നഷ്ടപ്പെടാൻ ഇതിടയാക്കും. കിടക്കയിൽ പോലും പരസ്പരം ഒന്നും തന്നെ സംസാരിക്കാതെയാകുന്നത് ശൂന്യമായ ഒരു ലോകം അവർക്ക് ഇടയിൽ രൂപം കൊള്ളുവാൻ ഇടയാക്കുന്നു.
നിങ്ങൾ പ്രായത്തിന്‍റെ പടവുകൾ ചവിട്ടി തുടങ്ങിയിട്ടുണ്ടെങ്കിൽ, ലൈംഗിക ജീവിതം വിരസമാണെങ്കിൽ തീർച്ചയായും ആനന്ദപ്രദമാക്കാൻ ശ്രമിക്കുക. സെക്സിനോടുള്ള കാഴ്ചപ്പാട് മാറ്റുക എന്നതാണ് ഇതിനുവേണ്ടി ആദ്യം ചെയ്യേണ്ടത്.
ലൈംഗികത എന്നത് കേവലം കുഞ്ഞുങ്ങളെ സൃഷ്ടിക്കാൻ മാത്രമുള്ള ഒരു പ്രക്രിയയല്ല. ജീവിതത്തോടുള്ള ആസക്തി വർദ്ധിപ്പിക്കാൻ സ്വസ്ഥമായതും സന്തുഷ്ടമായതുമായ ലൈംഗിക ജീവിതം അത്യാന്താപേക്ഷിതമാണ്. അത് ദിവസം മുഴുവനും ചുറുചുറുക്കുള്ളതാക്കുന്നു.
ഒരേ രീതിയിൽ നീങ്ങിക്കൊണ്ടിരിക്കുന്ന ജീവിതം വിരസമായ ഒരന്തരീക്ഷം സൃഷ്ടിക്കുന്നു. അതിന് ചില പുതുമകൾ വരുത്തുന്നതോടെ ജീവിതത്തോടും സെക്സിനോടുമുള്ള നിങ്ങളുടെ കാഴ്ചപ്പാടിൽ വലിയ മാറ്റമുണ്ടാകും. ശാരീരികമായ അകൽച്ച മാനസിക പിരിമുറുക്കം സൃഷ്ടിക്കാൻ ഇടയാക്കുന്നു. നാല്പത് വയസ്സിനോട് അടുക്കുന്ന ഭൂരിഭാഗം സ്ത്രീകളും പിരിമുറുക്കത്തിനും മറ്റ് മാനസിക വൈകല്യത്തിനും ഇരയാകുന്നു. ലൈംഗിക ജീവിതത്തിന്‍റെ ആവശ്യകത മനസ്സിലാക്കി അവ നിറവേറ്റാൻ ശ്രമിക്കണം.
സെക്സിനെ സംബന്ധിച്ച് മനസ്സിൽ മുൻധാരണകൾ വച്ചു പുലർത്താതിരിക്കുക. ദോഷരഹിതമായ പ്രത്യേക രീതിയിലുള്ള ലൈംഗിക ക്രിയ ദമ്പതികൾക്ക് സുഖകരമായ അവസ്‌ഥ സൃഷ്ടിക്കുന്നുവാൻ കഴിയുന്നുവെങ്കിൽ അതൊരിക്കലും തെറ്റല്ല. പുതിയ പുതിയ രീതികളും സെക്സ് മുദ്രകളും പരീക്ഷിക്കാം. ക്രമമായ ലൈംഗിക ജീവിതം നയിക്കുന്ന ദമ്പതികൾ ദൃഢനിശ്ചയമുള്ളവരും ഉത്സാഹികളും ആത്മവിശ്വാസം ഉള്ളവരുമായിട്ടാണ് ഒരു സർവ്വേ കണ്ടെത്തിയത്.
കാമമെന്നത് അന്തർലീനവും ആട്ടോമാറ്റിക്കുമായ ആഗ്രഹമല്ല. അത് നിലനിർത്തിപ്പോരുന്നതിന് പരിശ്രമിക്കണം. ലൈംഗികതയിലുള്ള താൽപര്യം കുറയുന്നതോടെ കാമേച്ഛയും കുറയുന്നു. അതുകൊണ്ട് കാമേച്ഛ നിലനിർത്തുന്നതിന് ക്രമമായ സെക്സ് ആവശ്യമാണ്.
സെക്സിന്‍റെ മായാലോകം
ശാരീരിക സൗന്ദര്യത്തിനും മാനസിക ആരോഗ്യത്തിനും സെക്സ് ഒരു ഔഷധമാണ്. ലൈംഗിക ബന്ധത്തിനിടയിൽ ശരീരത്തിൽ പലതരത്തിലുള്ള ഹോർമോണുകളുണ്ടാകുന്നു. ഈ ഹോർമോണുകൾ ശരീരത്തിന് ആരോഗ്യവും സൗന്ദര്യവും പ്രദാനം ചെയ്യുന്നതിനും സഹായിക്കുന്നു. നവദമ്പതികളുടെ തിളങ്ങുന്ന സൗന്ദര്യവും തുടിക്കുന്ന മുഖവും ഇതിന് ഉദാഹരണമാണ്. പല തരത്തിലുള്ള സ്ത്രീ രോഗങ്ങൾക്കും ഈസ്ട്രജൻ ഹോർമോൺ ഒരു ഔഷധമാണ്. സൗന്ദര്യത്തിനും ആരോഗ്യത്തിനും സെക്സിനുള്ള പ്രാധാന്യം പോലെയാണ് ശരീരത്തിലുള്ള കലോറി എരിച്ചു കളയുന്നത്. അത് അമിതവണ്ണം കുറയ്ക്കാനിട വരുത്തുന്നു. തുടകളുടെ മാംസപേശികൾക്കും വ്യായാമം ലഭിക്കുന്നു. ഹൃദ് രോഗികൾക്ക് ലൈംഗികബന്ധം ഒരു ഔഷധമാണ്. ഇത് ഹൃദയഗതിയിലും രക്തസമ്മർദ്ദത്തിലും വർദ്ധനവ് ഉണ്ടാക്കുന്നുണ്ടെങ്കിലും ക്രമേണ അവ പൂർവ്വസ്‌ഥിതിയിലാകുകയും ചെയ്യുന്നു.
