ടോപ്പ് യൂണിവേഴ്സിറ്റിയിൽ നിന്ന് മെഡിക്കൽ കോഴ്സ് ചെയ്യാൻ രോഷന് അഡ്മിഷൻ കിട്ടിയപ്പോൾ സന്തോഷമായിരുന്നു. രോഷന്‍റെ മാതാപിതാക്കൾക്ക്. അതിനായി തന്‍റെ സമ്പാദ്യം മുഴുവൻ എടുത്തു. പിന്നെ വിദ്യാഭ്യാസ വായ്പയും എടുത്തു. എന്നാൽ കോഴ്സ് കഴിഞ്ഞ് വായ്പ തിരിച്ചടയ്ക്കാൻ പിതാവ് ബുദ്ധിമുട്ടാൻ തുടങ്ങിയപ്പോൾ വിദ്യാഭ്യാസ വായ്പയുടെ ഇഎംഐ സ്വയം അടയ്ക്കാൻ രോഷനോട് പിതാവ് ആവശ്യപ്പെട്ടു. ഇതിന് രോഷൻ മറുപടി പറഞ്ഞത് എന്നെ പഠിപ്പിക്കേണ്ടത് നിങ്ങളുടെ കടമയാണെന്നാണ്. നിങ്ങൾ മാത്രമല്ല, എല്ലാ മാതാപിതാക്കളും അവരുടെ മക്കൾക്ക് വേണ്ടി ഇത് ചെയ്യുന്നുണ്ട് എന്നും രോഷൻ ഓർമ്മിപ്പിച്ചു.
പഠനത്തിനായി സ്വന്തം സമ്പാദ്യത്തോടൊപ്പം വിദ്യാഭ്യാസ വായ്പയും എടുത്തു കൊടുത്ത് മകനെ പഠിപ്പിച്ചു. ജോലി കിട്ടി ലക്ഷങ്ങൾ സമ്പാദിച്ചിട്ടും വിദ്യാഭ്യാസ വായ്പയുടെ ഇഎംഐ അടയ്ക്കാൻ മകൻ വിസമ്മതിക്കുന്നുവെന്നറിഞ്ഞപ്പോൾ ആ പിതാവ് വളരെ സങ്കടപ്പെട്ടു. എന്തൊരു അവസ്‌ഥ ആണ് ഇത്.
രോഷന്‍റെ അച്‌ഛന്‍റെ കാര്യത്തിൽ മാത്രമല്ല, പല മാതാപിതാക്കൾക്കും ഇത് സംഭവിക്കുന്നു. ചില സാഹചര്യങ്ങളിൽ കുട്ടികൾ മനസ്സിലാക്കുകയും വിദ്യാഭ്യാസ വായ്പ തിരിച്ചയ്ക്കുകയും വേണം, അതിലൂടെ മാതാപിതാക്കളുടെ പിന്തുണയായി മാറാനും അവരുടെ ഭാരം ലഘൂകരിക്കാനും കഴിയും.
ഏത് സാഹചര്യത്തിലാണ് മാതാപിതാക്കൾക്ക് മക്കളോട് വായ്പ അടയ്ക്കാൻ ആവശ്യപ്പെടാൻ കഴിയുക, എന്ന് നോക്കാം.
ജോലി നഷ്ടമായാൽ
നിങ്ങളുടെ വീട്ടിലെ അന്ന ദാതാവ് പിതാവാണ്. എന്തെങ്കിലും കാരണത്താൽ അദ്ദേഹത്തിന് ജോലി നഷ്ടപ്പെടുകയോ അല്ലെങ്കിൽ ഒരു അപകടം മൂലം ജോലി ചെയ്യാൻ കഴിയാതിരിക്കുകയോ ചെയ്താൽ വിദ്യാഭ്യാസ വായ്പയുടെ ഇഎംഐ അടയ്ക്കാൻ കുടുംബത്തിന് നിങ്ങളോട് ആവശ്യപ്പെടാം. ഇത്തരമൊരു സാഹചര്യത്തിൽ മോശമായി പ്രതികരിക്കരുത്, മക്കൾക്ക് പഠിക്കാൻ വേണ്ടി മാത്രമാണ് കടം വാങ്ങിയതെന്ന അച്‌ഛന്‍റെ അവസ്‌ഥ മനസ്സിലാക്കുക. അതിനാൽ ഇപ്പോൾ ഇഎംഐ അടയ്ക്കേണ്ടത് നിങ്ങളുടെ കടമയാണ്.
സഹോദരിയുടെ വിവാഹത്തിൽ
പഠനകാലത്ത് മാതാപിതാക്കൾ നിങ്ങളുടെ സഹോദരിയെക്കാൾ നിങ്ങളുടെ ആഗ്രഹങ്ങൾ നിറവേറ്റുന്നതിൽ ശ്രദ്ധ കേന്ദ്രീകരിച്ചിരിക്കാം. അതിനാൽ സഹോദരിയുടെ വിവാഹത്തിന് ആവശ്യമായത്ര പണം അവർക്ക് ശേഖരിക്കാൻ കഴിഞ്ഞിട്ടുണ്ടാവില്ല എന്നിരിക്കട്ടെ. സഹോദരിയുടെ വിവാഹത്തിന് പണം ആവശ്യമായി വരുമ്പോൾ നിങ്ങൾ എടുത്ത വിദ്യാഭ്യാസ വായ്പയുടെ ഇഎംഐ തിരിച്ചടയ്ക്കാൻ അവർ ആവശ്യപ്പെടുമ്പോൾ, അവരെ നിരസിക്കരുത്. വിദ്യാഭ്യാസ വായ്പ തിരിച്ചടയ്ക്കാൻ പ്രാപ്തനാണ്. കൂടാതെ, സഹോദരിയുടെ വിവാഹത്തിൽ ഞാൻ പൂർണ്ണമായും സഹായിക്കും എന്ന് പറയാനും സാധിക്കുമെങ്കിൽ വളരെ നല്ലത്.
അസുഖത്തിന്‍റെ കാര്യത്തിൽ
കുടുംബത്തിൽ ഒരാൾക്ക് എപ്പോൾ അസുഖം വരുമെന്നും കുടുംബത്തിൽ അടിയന്തിര സാഹചര്യം ഉണ്ടാകുമെന്നും ആർക്കും അറിയില്ല. മരുന്നിന്‍റെ വില വർദ്ധിക്കുന്നത് കാരണം, കുടുംബത്തിന് സാമ്പത്തിക ബാധ്യതയുണ്ട്. വീണ്ടും ഭാരം വർദ്ധിച്ചു കൊണ്ടിരിക്കുന്നു, അത് അവരെ വിഷമിപ്പിക്കുന്നുവെങ്കിൽ വിദ്യാഭ്യാസ വായ്പ സ്വയം തിരിച്ചടയ്ക്കാൻ പിതാവ് നിങ്ങളോട് ആവശ്യപ്പെട്ടിട്ടുണ്ടെങ്കിൽ ദേഷ്യപ്പെടരുത്, പകരം അവസ്‌ഥ മനസ്സിലാക്കാൻ ശ്രമിക്കുക. ഇപ്പോൾ വായ്പ തിരിച്ചടയ്ക്കേണ്ടത് നിങ്ങളുടെ കടമയാണ്. അതിനാൽ അത് ഭാരമായി കണക്കാക്കരുത്. മാതാപിതാക്കൾക്ക് പൂർണ്ണ പിന്തുണ നൽകുക.
സമ്പാദ്യമെല്ലാം എടുത്തു മക്കളെ പഠിപ്പിച്ച രക്ഷിതാക്കൾക്ക് വേണ്ടി ലോണിന്‍റെ ഇഎംഐ അടക്കുക മാത്രമല്ല വീട്ടുചെലവുകൾക്കും അമ്മയുടെ അസുഖങ്ങൾക്കുമായി പണം നൽകാവുന്നതാണ്. അങ്ങനെ അച്‌ഛനും അമ്മയ്ക്കു കുടുംബ ബാധ്യത ഉണ്ടാകാതെ താങ്ങാവാം.
സാമ്പത്തികമായി കഴിവുണ്ടെങ്കിൽ
ജീവിതത്തിലുടനീളം, മാതാപിതാക്കൾ അവരുടെ ഹോബികൾ പോലും ത്യാഗം ചെയ്ത് കുട്ടികളുടെ ആഗ്രഹങ്ങൾ നിറവേറ്റുന്നതിൽ ഏർപ്പെട്ടിരിക്കുന്നു. എന്നാൽ ഇപ്പോൾ നിങ്ങൾ ഒരു നല്ല ജോലിയിൽ പ്രവേശിച്ചു എന്ന് അവർക്ക് ബോധ്യമായാൽ, നിങ്ങൾക്കായി എടുത്ത വിദ്യാഭ്യാസ ലോൺ സ്വയം തിരിച്ചടയ്ക്കാൻ അവർക്ക് ആവശ്യപ്പെടാം.
സുരേഷിന്‍റെ കാര്യത്തിലും അതു തന്നെ സംഭവിച്ചു. സുരേഷിന് ഇഷ്ടപ്പെട്ട കോഴ്സിൽ പ്രവേശനം ലഭിക്കുന്നതിനായി അച്‌ഛൻ ലക്ഷങ്ങൾ കടം വാങ്ങി. ഇതിന്‍റെ ഫലമായാണ് സുരേഷിന് ലക്ഷങ്ങളുടെ ജോലി ലഭിച്ചത്. എന്നാൽ അത് വകവെക്കാതെ ലളിതമായ ജോലി ചെയ്‌തിരുന്ന സുരേഷിന്‍റെ അച്‌ഛൻ ലോണിന്‍റെ ഇഎംഐ അടക്കുകയായിരുന്നു.
സുരേഷ് അപ്പോഴും സ്വന്തം ആഗ്രഹങ്ങൾ നിറവേറ്റുന്നതിൽ മാത്രം ശ്രദ്ധ നൽകുന്നതായി മനസിലാക്കിയ അച്‌ഛൻ, ഭാവിയിൽ ലോൺ ഇഎംഐ അടയ്ക്കാൻ ആവശ്യപ്പെട്ടു. മാതാപിതാക്കളെക്കാൾ കഴിവുള്ളവരായിക്കഴിഞ്ഞാൽ മക്കൾ അവരുടെ കടം സ്വയം തിരിച്ചടയ്ക്കണം എന്നതും സത്യമാണ്.
പഠിച്ചു ജോലി നേടി സ്വന്തം കാലിൽ നിൽക്കുമ്പോൾ മക്കൾക്ക് മാതാപിതാക്കൾ ഭാരമായി തോന്നാൻ തുടങ്ങും. തുടർന്ന് അവരുടെ വാർദ്ധക്യ അവസ്ഥയിൽ അവരെ തനിച്ചാക്കാൻ മക്കൾ മടിക്കില്ല.
ഈ സങ്കടം താങ്ങാനാവാതെ പല രക്ഷിതാക്കളും മനസ്സിൽ വിചാരിക്കുന്നത് നമ്മൾ ആർക്കുവേണ്ടി ഇത്രയേറെ ത്യാഗം സഹിച്ചോ അവർ നമ്മെ കൈവിട്ടുപോയെന്ന് ആയിരിക്കും. ആ വിഷമത്തിൽ, വിദ്യാഭ്യാസ വായ്പയുടെ ഇഎംഐ സ്വയം അടയ്ക്കാൻ അവർ ആവശ്യപ്പെടുന്നതിൽ എന്താണ് തെറ്റ്…
