നിങ്ങൾ ഉറങ്ങാൻ ആഗ്രഹിക്കുന്നു, പക്ഷേ മനസ്സ് ഒരു പട്ടം പോലെ എവിടെയൊക്കെയോ പാറി നടക്കുകയാണ്. ഉറക്കം വരാത്ത സ്‌ഥിതിയ്ക്ക് നിങ്ങൾ കൂട്ടുകാരനുമായോ, കൂട്ടുകാരിയുമായോ ചാറ്റിംഗ് ചെയ്യുകയോ അതുമല്ലെങ്കിൽ ഒരാവശ്യവുമില്ലാതെ ഫേസ്ബുക്കിലോ യൂട്യൂബിലോ അലഞ്ഞു തിരിയുകയോ ചെയ്യാം. ഉറങ്ങാൻ ശ്രമിക്കുന്നതിന് പകരം സോഷ്യൽ മീഡിയയുമായി അടുപ്പത്തിലാവുകയാണ് ചെയ്യുന്നത്. മിക്കവരിലും ഉണ്ടാകുന്ന ഒരവസ്‌ഥയാണിത്. ഉറക്കം വരാത്ത ഈയവസ്‌ഥ ഒരു ജീവിതശൈലി രോഗമാണ്. സ്ലീപ്പിംഗ് ഡിസ്ഓഡർ സാധാരണയായി തീർന്നിട്ടുണ്ട്. ജീവിതശൈലിയുമായി ബന്ധപ്പെട്ട രോഗങ്ങൾ ഇന്ന് മിക്കവരും കണ്ടുവരാറുണ്ട്. ഹൈപ്പർ ടെൻഷൻ, മാനസികപിരിമുറുക്കം, ഡിപ്രഷൻ, ഉറക്കമില്ലായ്മ എന്നിവയാണ് അതിൽ ഉൾപ്പെടുക.
ഉറക്കം വരാത്ത അവസ്ഥ
ആവശ്യത്തിലധികം ജോലി ചെയ്യുന്നതു കൊണ്ട് മനസ്സിനും ശരീരത്തിനും ഒരുപോലെ തളർച്ചയുണ്ടാകാം. തിടുക്കപ്പെട്ട് ഭക്ഷണം കഴിക്കുക ജങ്ക് ഫുഡ്ഡിനെ അമിതമായി ആശ്രയിക്കുക തുടങ്ങിയവ ഇത്തരം താളപ്പിഴകൾ ഉണ്ടാകാം. ഉറക്കമില്ലായ്മ പല കാരണങ്ങൾ കൊണ്ട് സംഭവിക്കാം. ഇത് വ്യക്‌തിയുടെ ശാരീരികവും മാനസികവുമായ ആരോഗ്യത്തെ ബാധിക്കും.
ഒരു പഠനമനുസരിച്ച് അമേരിക്കയിൽ 30 മുതൽ 40 ശതമാനം ആളുകൾ ഉറക്കമില്ലായ്മ അനുഭവിക്കുന്നവരാണ്. എന്നാൽ 10 മുതൽ 15 ശതമാനം മുതിർന്നവർക്ക് ഈ പ്രശ്നം പാരമ്പര്യമായി കിട്ടുന്നതാണ്.
ഇന്ത്യയിൽ ഒരു കോടിയിലധികമാളുകൾ ഉറക്കമില്ലായ്മ നേരിടുന്നവരാണത്രെ. ഇതിനുള്ള പ്രധാന കാരണം ഓരോ വ്യക്തിയും കൂടുതൽ പണം സമ്പാദിക്കാൻ ആഗ്രഹിക്കുന്നുവെന്നതാണ്. അതുകൊണ്ട് അവർ രാത്രി ഏറെക്കഴിഞ്ഞും ഓഫീസിൽ ജോലി തുടരുന്നു. അതിനിടയിൽ അവർക്ക് പാർട്ടികളിലും പങ്കെടുക്കണം. അതുകൊണ്ട് ഓഫീസ് കഴിഞ്ഞ് അവർ പാർട്ടിയിൽ പങ്കെടുക്കാൻ പോകും. അവരുടെ ജീവിതത്തിൽ എല്ലാവിധ സുഖസൗകര്യങ്ങളും ഉണ്ടാകും. എന്നാൽ നല്ല ഉറക്കം മാത്രമുണ്ടാവില്ല.
ജീവിതത്തെ ആഴത്തിൽ ബാധിക്കുക
നമ്മുടെ മസ്തിഷ്കത്തിൽ ഉറങ്ങാനും ഉണരാനുമുള്ള ഒരു സൈക്കിൾ ഉണ്ടെന്നുള്ള കാര്യം ബഹുഭൂരിഭാഗം വിസ്മരിക്കുകയാണ് ചെയ്യുന്നത്. സ്ലീപ്പ് സൈക്കിൾ വർക്കിംഗ് മോഡിലാണെങ്കിൽ വേക്ക് അപ്പ് സൈക്കിൾ ഓഫിൽ ആയിരിക്കും. കാരണം സ്ലീപ് സൈക്കിൾ ജോലി ചെയ്യുന്നത് നിർത്തുമ്പോഴാണ് ഇത് സംഭവിക്കുക. അതുകൊണ്ട് ആരെങ്കിലും ഉറക്കമില്ലായ്മ അനുഭവിക്കുന്നുണ്ടെങ്കിൽ ആ വ്യക്‌തിയുടെ ബയോളജിക്കൽ സിസ്റ്റത്തിൽ ഈ രണ്ട് സൈക്കിളും ഒരേ വശത്തേക്കാണ് ജോലി ചെയ്യുന്നതെന്ന് പറയാം. ആരോഗ്യത്തിന് ദോഷകരമാവുന്ന ഈ ഉറക്കരാഹിത്യം ജീവിതത്തെ ആഴത്തിൽ ബാധിക്കുന്നു. അതുകൊണ്ട് ഏത് വ്യക്തിയും ഉറങ്ങാൻ വളരെയധികം പ്രയാസം നേരിടേണ്ടി വരും. അതോടെ അവരുടെ ഊർജ്ജവും കുറയും. മനസ്സിന്‍റെ ഏകാഗ്രതയും നഷ്ടപ്പെടും. മൂഡ് തുടർച്ചയായി മാറി കൊണ്ടിരിക്കും. അതോടൊപ്പം അവരുടെ പെർഫോമൻസിനെയും അത് ബാധിക്കും.
ഉറക്കം എത്ര ആവശ്യമാണ്
ഉറക്കമില്ലായ്മ കൊണ്ട് പ്രയാസം നേരിടുന്ന ഭൂരിഭാഗംപ്പേരും ദൈനംദിന ജീവിതത്തിൽ പലതരം പ്രശ്നങ്ങളെയും നേരിടുന്നവരാണ്. ഉറക്കമില്ലായ്മ കൊണ്ട് വിഷാദം ഉണ്ടാകും. ഉറക്കമില്ലായ്മ നേരിടുന്നവർക്ക് പെട്ടെന്ന് ദേഷ്യം വരും. അവരുടെ മസ്‌തിഷ്കം ശരിയായ രീതിയിൽ പ്രവർത്തിക്കണമെന്നില്ല. ചിലർ രാത്രി ഏറെ വൈകിയും ഓഫീസിൽ ഇരിക്കാറുണ്ട്. ഒരേ ചെയറിലിരുന്ന് ദീർഘസമയം തുടരുന്ന ജോലി നട്ടെല്ലിൽ വേദനയുളവാക്കും ഒപ്പം നടുവേദനയ്ക്കും ഇരയാവും.
ഉറക്കമില്ലായ്മ 3-4 ആഴ്ചയിലധികം തുടരുകയാണെങ്കിൽ ആ വ്യക്‌തി ഉടനടി ഡോക്ടറെ കണ്ട് വേണ്ട മാർഗ്ഗ നിർദ്ദേശങ്ങൾ തേടണം. ഉറക്കമില്ലായ്മയ്ക്ക് ചികിത്സ തേടാനും ചിലർക്ക് ഭയമാണ്. ഈ പ്രശ്നത്തിന് മരുന്ന് കഴിച്ചാൽ പാർശ്വഫലങ്ങളുണ്ടാകുമെന്നാണ് പലരും കരുതുന്നത്. എന്നാൽ പ്രകൃതിദത്തമായ ചികിത്സ കൊണ്ട് ഉറക്കമില്ലായ്മയെ പരിഹരിക്കാവുന്നതേയുള്ളൂ. എട്ട് മണിക്കൂർ സുഖനിദ്രയാണ് ഒരു വ്യക്‌തിക്കാവശ്യം. നമ്മുടെ ആരോഗ്യത്തിന് ഏറ്റവും അനിവാര്യമായ ഒന്നാണ് നല്ല ഉറക്കം.
പരിഹാരം ഉണ്ട്
ഉറക്കമില്ലായ്മ നേരിടുന്നവർക്ക് വീട്ടിൽ ചെയ്യാവുന്ന ചില ഉപായങ്ങളുണ്ട്. കിടക്കുന്നതിന് മുമ്പായി ഇളം ചൂട് വെള്ളത്തിൽ കുളിക്കുക. ഇതൊരു വ്യായാമം പോലെയായിരിക്കും. ചൂട് വെള്ളത്തിലുള്ള കുളിക്ക് ശേഷം കിടന്നയുടനെ ഉറക്കം കിട്ടും.
പകൽ മുഴുവനുമുള്ള അദ്ധ്വാനത്തിനു ശേഷം മാംസപേശികൾക്ക് വിശ്രമം നൽകാനും നല്ല ഉറക്കം കിട്ടാനും സ്വന്തം ശരീരത്തെ കൂൾ ഡൗൺ ചെയ്യേണ്ടതാവശ്യമാണ്. അതിനായി ഒരു ടബ്ബിലോ, ബക്കറ്റിലോ നിറച്ച ഇളം ചൂട് വെള്ളത്തിൽ പാദങ്ങൾ മുക്കി വയ്ക്കുക.
ശരീരത്തിനും മാംസപേശികൾക്കും തന്തുക്കൾക്കും വിശ്രമം നൽകുന്നതിനായി ഒരു സ്പൂൺ എഡ്സം സോൾട്ട് അല്ലെങ്കിൽ ഡെഡ് സീസാൾട്ട് വെള്ളത്തിലിട്ട ശേഷം ഫുട്ട്ബാത്ത് ചെയ്യുക. ഇത് ചർമ്മത്തെ ബാക്ടീരിയകളിൽ നിന്നും സംരക്ഷിക്കും. പകൽ മുഴുവനുമുള്ള തളർച്ച മൂലം കാലുകൾക്കുണ്ടായിരിക്കുന്ന വേദന കുറയും. ഈ ചൂട് വെള്ളത്തിൽ എസ്സൻഷ്യൽ ഓയിൽ ചേർക്കുന്നതും നല്ലതാണ്. ശരീരത്തെയാകെ റിലാക്സ്ഡാക്കാൻ ഇത് സഹായിക്കും.
ഉറക്കമില്ലായ്മ പരിഹരിക്കാൻ പലതരം എണ്ണകൾക്കും കഴിയും. തുളസിയെണ്ണ, ദേവദാരു എണ്ണ, ലാവൻഡർ എണ്ണ, റോസ്മെറി എണ്ണ, വിന്‍റർ ഗ്രീൻ എണ്ണ മുതലായവ ഉപയോഗപ്പെടുത്താം. ഇതിൽ ഏതെങ്കിലും ഒരു എണ്ണയുടെ 1-2 തുള്ളി വെള്ളത്തിൽ ചേർത്ത് കുളിക്കാം.
വീട്ടുവൈദ്യം
ലാവൻഡർ ഓയിൽ ഉപയോഗിച്ച് മസാജ് ചെയ്‌ത് 5 മിനിറ്റിനുള്ളിൽ തന്നെ അത് ശരീരത്തിലെ കോശങ്ങളിൽ എത്തിച്ചേരുമെന്നാണ് ശാസ്ത്രജ്ഞർ പറയുന്നത്. ഈ എണ്ണയുടെ ശാന്ത പ്രകൃതത്തിന് ഉറക്കമില്ലായ്മയെ പരിഹരിക്കാനാവും. ഇതിന്‍റെ സുഗന്ധം നേരിട്ട് മസ്തിഷ്കത്തിലെത്തും. എണ്ണയിലെ ബാഷ്പീകൃത മൂലിക നേരിട്ട് ശ്വാസത്തിൽ പ്രവേശിക്കും.
കിടക്കുന്നതിന് മുമ്പായി ചൂട് വെള്ളത്തിൽ കുളിക്കാനുള്ള സമയമില്ലെങ്കിൽ ഇളം ചൂട് വെള്ളത്തിൽ പാദങ്ങൾ മുക്കി വച്ചിരിക്കാം. പകൽ മുഴുവനുമുള്ള കഠിനാദ്ധ്വാനത്തിനു ശേഷം റിലാക്സാകാനുള്ള ഒരു മികച്ച രീതിയാണിത്. ഈ ഉപായത്തിലൂടെ ചർമ്മം ഹൈഡ്രേറ്റാകും. മാംസപേശികൾ അയയും. അതുവഴി റിലാക്സ്കാൻ സാധിക്കും. കിടക്കയിൽ കിടന്നയുടൻ നല്ല ഉറക്കവും കിട്ടും.
ഡോ. നരേഷ് അറോറ
ചേസ് അരോമതെറാപ്പി & കോസ്മെറ്റിക്സ്
