അപ്പേയ്ക്കുള്ള ചേരുവകൾ
റവ - ഒരു കപ്പ്
തൈര് - അര കപ്പ്
കടുക് - 2 ചെറിയ സ്പൂൺ
എണ്ണ - 2 ടീസ്പൂൺ
കറിവേപ്പില - അൽപം
സവാള - ഒന്ന് ചെറുതായി അരിഞ്ഞത്
ഈനോ - ആവശ്യത്തിന്
ഉപ്പ് പാകത്തിന്
മറ്റ് സാമ്രഗികൾ
കാബേജ്, ക്യാരറ്റ്, ഉള്ളിത്തണ്ട്, സവാള, ക്യാപ്സിക്കം എന്നിവ നീളത്തിൽ അരിഞ്ഞത് - ഒന്നര കപ്പ്
സോയാ സോസ് - ഒരു ടീസ്പൂൺ
ഹോട്ട് ചില്ലി ഗാർലിക് സോസ് - ഒരു ടീസ്പൂൺ
എണ്ണ - ഒരു ടീസ്പൂൺ
കറിവേപ്പില - അൽപം
ഉപ്പ് പാകത്തിന്
തയ്യാറാക്കുന്ന വിധം
സ്റ്റെപ്പ് - 1
റവ തൈരിലിട്ട് നന്നായി അടിച്ചെടുക്കാം. ആവശ്യത്തിന് വെള്ളമൊഴിച്ച് ഇഡലി പരുവത്തിൽ മാവ് തയ്യാറാക്കുക. ഇത് കുറച്ച് നേരം മാറ്റിവയ്ക്കാം. റവ നന്നായി പുളിച്ച് പൊന്തിവരുമ്പോൾ ബാക്കിയുള്ള ചേരുവകൾ അതിൽ ചേർക്കാം.
സ്റ്റെപ്പ് - 2
ഉണ്ണിയപ്പ ചട്ടി ഗ്യാസിൽ വച്ച് ചൂടാക്കുക. ഈ സമയം ഒരു ചെറിയ പാനിൽ എണ്ണയൊഴിച്ച് ചൂടാക്കി പകുതി കറിവേപ്പിലയും പകുതി കടുകും പൊട്ടിച്ച് റവ മാവിൽ ഒഴിക്കുക. ചട്ടിയിൽ എണ്ണ തൂവി റവ മാവ് ഒഴിച്ച് ഇരുവശവും മൊരിച്ചെടുക്കാം.
സ്റ്റെപ്പ് – 3
ഒരു ചീനച്ചട്ടിയിൽ എണ്ണ ചൂടാക്കി കറിവേപ്പിലയും കടുകുമിട്ട് പൊട്ടിച്ച് മുഴുവൻ പച്ചക്കറികളും ഗോൾഡൻ നിറമാകും വരെ വഴറ്റുക. ഇനി സോസും ഉപ്പും ചേർക്കാം. തയ്യാറാക്കി വച്ചിരിക്കുന്ന നല്ല ചൂടൻ റവ അപ്പേ ഈ പച്ചക്കറിയിൽ ഇട്ട് നന്നായി മിക്സ് ചെയ്യാം. ഉള്ളിത്തണ്ട് വിതറി ചൂടോടെ സർവ്വ് ചെയ്യാം.
