വേനൽക്കാലത്ത് എല്ലാവരേയും അലട്ടുന്ന പ്രശ്നമാണ് അമിത ചൂടും വിയർപ്പും. സ്ത്രീകൾക്കാണ് ഈ പ്രശ്നത്തെ കൂടുതലായും നേരിടേണ്ടി വരിക. അതിനുള്ള പ്രധാന കാരണം അടിവസ്ത്രങ്ങളാണ്. എന്നാൽ വേനൽക്കാലത്ത് ഇന്നർ വിയറിന്‍റെ ഇറുക്കം ചർമ്മസംബന്ധമായ പ്രശ്നങ്ങൾ സൃഷ്ടിക്കുക സാധാരണമാണ്. വിയർപ്പ് കുരുക്കൾ, ചൊറിഞ്ഞ് തടിക്കൽ തുടങ്ങിയ പ്രശ്നങ്ങൾക്ക് അത് കാരണമാകുന്നു. വേനൽ കൂളായി കടന്നു പോകാൻ അനുയോജ്യമായ അടിവസ്ത്രങ്ങൾ തെരഞ്ഞെടുക്കുകയാണ് വേണ്ടത്. വേനൽക്കാലത്ത് ഏതുതരം അടിവസ്ത്രങ്ങൾ അണിയാമെന്ന് നോക്കാം.
ശരിയായ ഫാബ്രിക്ക് തെരഞ്ഞെടുക്കാം
വേനൽക്കാലത്ത് ശരിയായ ഫാബ്രിക്കിലുള്ള അടിവസ്ത്രങ്ങൾ തെരഞ്ഞെടുക്കുകയാണ് ഏറ്റവും പ്രധാനം. പലരും തണുപ്പുകാലത്ത് അണിയുന്ന അതേ ഇന്നർവിയറുകളാണ് വേനൽക്കാലത്തും അണിയുക. രണ്ട് കാലാവസ്ഥയിലും പ്രത്യേകം ഫാബ്രിക്കിലുള്ള ഇന്നർവിയറുകൾ അണിയുന്നതാണ് അഭികാമ്യം. കണുപ്പുകാലത്ത് അണിയുന്ന നൈലോൺ, സിന്തറ്റിക് ഫാബ്രിക്കിലുള്ള ഇന്നർവിയറുകൾ വേനൽക്കാലത്ത് അണിയുകയാണെങ്കിൽ ശരീരം അമിതമായി വിയർക്കും. അതോടെ ചൂട് പ്രത്യക്ഷപ്പെടും. കോട്ടൺ, ലിക്ര അല്ലെങ്കിൽ നെറ്റ് തുടങ്ങിയ ഫാബ്രിക്കിലുള്ള ഇന്നർവിയറുകളാണ് വേനൽക്കാലത്ത് അനുയോജ്യം. ചർമ്മത്തിൽ നിറയെ ഓക്സിജനും കിട്ടും.
പാഡഡ് ഇന്നർവിയറുകൾ ഒഴിവാക്കുക
പാഡഡ് ഇന്നർവിയർ അണിയുന്നത് സ്ത്രീകൾക്കിടയിൽ ഇപ്പോൾ ഒരു ഫാഷനാണ്. എന്നാൽ ഇത് വേനൽക്കാലത്ത് അണിയുന്നത് ചർമ്മാരോഗ്യത്തിന് നല്ലതല്ല. പാഡഡ് ഇന്നർവിയർ അണിയണമെന്നുണ്ടെങ്കിൽ തന്നെ കോട്ടൺ ഫാബ്രിക്കിലുള്ളത് തെരഞ്ഞെടുക്കാം.
ലെയേഡ് ഇന്നർവിയറുകൾ വേണ്ട
ഭൂരിഭാഗം സ്ത്രീകളും ആവശ്യമില്ലെങ്കിൽ കൂടിയും ഒന്നിന് മുകളിൽ ഒന്നായി മറ്റൊരു ഇന്നർവിയർ കൂടി അണിഞ്ഞു കാണാറുണ്ട്. ഉദാ: ബ്രായ്ക്ക് മുകളൽ സെപ്ഗറ്റി അണിയുന്നത്. എന്നാൽ ചിലരാകട്ടെ പാന്‍റിയ്ക്ക് മുകളിലായി ഷേപ്പ് വിയർ അണിഞ്ഞു കാണാറുണ്ട്. അതിന്‍റെയൊന്നും ആവശ്യമില്ല. ഇതുകൊണ്ട് രണ്ട് ദോഷങ്ങൾ ഉണ്ടാകാം. ഒന്നാമത്തേത് ലെയേഡ് ഇന്നർവിയറുകൾ വേനൽക്കാലത്ത് ശരീരത്തെ ഒന്നുകൂടി ചൂടുള്ളതാക്കും. മാത്രമല്ല ഇതിന്‍റെ ഇറുക്കം ശരീരത്തിന് അസ്വസ്ഥയുളവാക്കുകയും ചെയ്യും.
സ്ട്രാപി ആൻറ് സീംലസ് പാറ്റേൺ
ഇപ്പോൾ ധാരാളം തരം സ്ട്രാപ്പി, സീംലസ് ഇന്നർവിയർ ഡിസൈനുകളുണ്ട്. ഇത്തരം ഇന്നർവിയറുകൾ വേനൽക്കാലത്ത് വളരെ ഉപയോഗപ്രദമാണ്. ഇതിന്‍റെ കംഫർട്ടിബിൾ ഫിറ്റിംഗ് ശരീരത്തിന് ശരിയായ ഷേപ്പ് പകരും. ഇതിന്‍റെ സ്ട്രാപ്പി ഡിസൈൻ ശരീരത്തിൽ കാറ്റേൽക്കാൻ സഹായിക്കും.
ബ്രാ തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ
- വേനൽക്കാലത്ത് വയർ ഇല്ലാത്ത ബ്രാ ധരിക്കുക. ടീഷർട്ട് ബ്രാ വേനൽക്കാലത്ത് ഏറ്റവും അനുയോജ്യമാണ്. ശരിയായ ഫിറ്റിംഗുള്ളതും കംഫർട്ടിബിളുമാണിത്. ഏത് തരം ടോപ്പിനൊപ്പവും ഇത് അണിയാം.
- വേനൽക്കാലത്ത് ഡീപ് ബാക്ക് കട്ട് ഡ്രസ്സിനൊപ്പം ബാക്ക്‍ലെസ് ബ്രാ ധരിക്കാം. ബാക്ക്‍ലെസ് ബ്രാ ഒരിക്കൽ മാത്രമേ അണിയാൻ പറ്റുകയുള്ളൂവെന്ന തെറ്റായ ധാരണയുള്ള സ്ത്രീകളുണ്ട്. ഒരു ബാക്ക്‍ലെസ് ബ്രാ ഏകദേശം 50 തവണ ഉപയോഗിക്കാം.
- ചെറിയ സ്തനങ്ങളുള്ള സ്ത്രീകൾക്ക് പുഷ് അപ് ബ്രാ ധരിക്കാം. ആവശ്യമുള്ളപ്പോൾ പാഡ്ഡ് ഫിറ്റ് ചെയ്യാനാവുമെന്നതാണ് ബ്രായുടെ പ്രത്യേകത. ആവശ്യമില്ലാത്തപ്പോൾ ഒഴിവാക്കുകയും ചെയ്യാം.
