രമ്യ അമ്പരന്നുപോയി. വാട്സാപ്പിൽ വന്ന മെസേജ് കണ്ടപ്പോൾ അവളുടെ ബോധം പോകുന്ന പോലെ അവൾക്ക് തോന്നി. തന്‍റെ സ്വകാര്യ നിമിഷങ്ങൾ വീഡിയോ ആയി ആരോ അയച്ചിരിക്കുന്നു. ഇതുപോലെയുള്ള വീഡിയോ സോഷ്യൽ മീഡിയയിൽ അപ്‍ലോഡ് ചെയ്യുമെന്ന സന്ദേശമാണ് കൂടെ വന്നിരിക്കുന്നത് സോഷ്യല്‍ മീഡിയിയിൽ അപ്‍ലോഡ് ചെയ്യാതിരിക്കണമെങ്കിൽ താൻ പറയുന്നത് കേൾക്കണമെന്നാണ് പറയുന്നത്. രമ്യ വിയർത്തുപോയി.
അവൾ വീട്ടിൽ തനിച്ചാണ്. പ്രകാശ് ഓഫീസിൽ പോയിരിക്കുന്നു. അദ്ദേഹം 7 മണിക്കേ മടങ്ങിയെത്തൂ. എന്തു ചെയ്യണമെന്നതിനെക്കുറിച്ച് ഒരു രൂപവും കിട്ടുന്നില്ല.
“പ്രകാശിനേ ഫോണിൽ വിളിച്ചാലോ” അവൾ ആലോചിച്ചു.
“വേണ്ട” ആദ്യം സംഭവമെന്തെന്ന് സ്വയം മനസ്സിലാക്കട്ടെ. അവളുടെ മനസ്സ് സ്വയം മന്ത്രിച്ചു. അവൾ വീഡിയോ ക്ലിപ് ശ്രദ്ധാപൂർവ്വം വീക്ഷിച്ചു. ഏതോ പോൺസൈറ്റിലെ വീഡിയോസിൽ തന്‍റെ മുഖം ചേർത്തുവച്ച് അയച്ചതാവണം. ഇങ്ങനെ മാനിക്കുലേറ്റ് ചെയ്തത് ആരാവും? വിഡിയോയിൽ നോക്കിയാൽ അത് താൻ തന്നെയാണ്. തന്‍റെ സ്വന്തം ബെഡ്റൂം. തനിക്കൊപ്പമുള്ള പുരുഷൻ പ്രകാശും. ബെഡ്ഷീറ്റ് പോലും തന്‍റെ മുറിയിലേതാണ്. ഇത്രയും മിടുക്കോടെ ആരാണ് ഈ പോൺവീഡിയോ ക്രിയേറ്റ് ചെയ്തത്.
പ്രകാശിന് ഓറൽ സെക്സ് വലിയ ഇഷ്ടമാണ്. ആദ്യമൊക്കെ തനിക്ക് മടിയായിരുന്നു. പിന്നെ അതൊക്കെ മാറി. ഇപ്പോൾ താനും അത് ആസ്വദിക്കാറുണ്ട്. മാത്രമല്ല പ്രകാശിന് ഇതൊക്കെ പകൽ ചെയ്യുന്നതും വലിയ ഇഷ്ടമാണ്. ഫ്ളാറ്റിൽ ആരുമില്ലാത്ത പകൽ സമയത്ത് പ്രകാശും താനും നിരവധി തവണ ആ നിമിഷങ്ങൾ ആസ്വദിച്ചിട്ടുണ്ട്.
വീഡിയോയിൽ താനും പ്രകാശും ബെഡ്റൂമിലെ സ്വിച്ച്ബോർഡിനോട് ചേർന്നാണ് നിൽക്കുന്നത്. എന്നാൽ ഇതെങ്ങനെ വീഡിയോ എടുക്കാൻ സാധിക്കും. ആരോ മുറിയിൽ തൊട്ടടുത്ത് നിന്ന് ക്യാമറയിൽ പകർത്തിയതു പോലെ തോന്നും. രമ്യയ്ക്ക് തല കറങ്ങുന്നതുപോലെ തോന്നി. ഇതെന്തൊരു ചതിയാണ്.
അപ്പോൾ അവളുടെ മനസ്സിൽ ആ ചിന്ത ഓടിയെത്തി. വാട്സാപ്പ് വീഡിയോ വന്ന നമ്പർ ട്രൂകോളറിൽ തെരഞ്ഞുനോക്കാം. ഖാദർ കേരളം എന്നാണ് അതിൽ കാണിക്കുന്നത്. ഇതാരായിരിക്കും ഈ നമ്പറിൽ ഒന്നു വിളിച്ചു നോക്കിയാലോ?? അതിനുമുമ്പേ പ്രകാശിനോട് പറയണോ? അവൾ ഒരു തീരുമാനം എടുക്കും മുമ്പേ അവളുടെ ഫോൺ റിംഗ് ചെയ്യാൻ തുടങ്ങി.
“ഹലോ”
“ചേച്ചി നമസ്ക്കാരം” അങ്ങേത്തലയ്ക്കൽ പരിചിതമല്ലാത്ത ഒരാൺ ശബ്ദത്തിന്‍റെ നീണ്ട നമസ്ക്കാരം കേട്ടു.
“ആ വീഡിയോ കണ്ടുകാണുമല്ലോ. നല്ല ഇഷ്ടമായിട്ടുണ്ടാവും. ഇത്തരം നിരവധി വീഡിയോ ഉണ്ട് എന്‍റെ കൈവശം. ചുരുങ്ങിയത് 25 എണ്ണം. എല്ലാത്തിലേയും നായിക ചേച്ചിയാ. ഇത് സോഷ്യൽ മീഡിയയിൽ അപ്‍ലോഡ് ചെയ്യട്ടെ!” അയാൾ ഒളിച്ചുവച്ച ചിരിയോടെ ചോദിക്കുന്നു!
“നിങ്ങൾ ആരാണ്? നിങ്ങൾക്ക് എന്താണ് വേണ്ടത്?”
“നിങ്ങളുടെ ചോദ്യം വളരെ കൃത്യമാണ്. ഞാൻ ആരാണെന്ന് അറിയണം. എന്താണ് ആവശ്യം എന്നും അറിയണം. വളരെ ന്യായമായ ചോദ്യം. ഞാൻ ആരാണെന്ന് പിന്നീട് പറയാം. അതിനുമുമ്പ് എന്തിനാണ് ഈ വീഡിയോ അയച്ചതെന്ന് ഞാൻ മെസേജിൽ പറഞ്ഞിട്ടുമുണ്ട്. അയാൾ ഒന്നു നിർത്തിയിട്ട് വളരെ സ്വരം താഴ്ത്തി അടുത്ത ഡയലോഗിലേക്ക് കടന്നു.
“ചേച്ചി, സത്യം പറയാല്ലോ! ഈ വീഡിയോ കണ്ടിട്ട് എനിക്ക് സഹിക്കാൻ പറ്റുന്നില്ലാ. ഞാനിപ്പോ ഒരു പോൺസൈറ്റും കാണാറില്ല ചേച്ചി. സൂപ്പറാണ്. ഇത്രയും ലഹരി വേറൊരു വീഡിയോ കണ്ടാലും കിട്ടാറില്ല!”
രമ്യയ്ക്ക് മറുപടി പറയാൻ വാക്കുകളില്ലാതായി. അവൾ ദേഷ്യവും സങ്കടവും കൊണ്ട് അടിമുടി വിറച്ചു പോയി. ഒപ്പം ഭയവും നിഴലിച്ചു നിന്നു. ഈ ദുഷ്ടൻ ഇനി സോഷ്യൽ മീഡിയയിൽ അപ്‍ലോഡ് ചെയ്താൽ എന്തുചെയ്യും? അവൾ ഒരു നിമിഷം ആലോചിച്ചിട്ട് ഇങ്ങനെ മറുപടി പറഞ്ഞു.
“ശരി, നിങ്ങൾ പറഞ്ഞതുപോലെ ചെയ്യാം. പക്ഷേ സുരക്ഷിതമായ ഇടം ആയിരിക്കണം”
“നിങ്ങളുടെ വീടിനേക്കാൾ സുരക്ഷിതമായ മറ്റൊരിടം വേറെ ഏതാണ് ചേച്ചി? പ്രകാശ് രാത്രിയിലല്ലേ വരിക?”
രമ്യ ഞെട്ടിപ്പോയി. വീഡിയോ അയച്ചവന് പ്രകാശിന്‍റെ പേരും അറിയാം. ആൾ എപ്പോൾ വരുന്നു, പോകുന്നു അതെല്ലാം അറിയാം.
“വരുമ്പോൾ 7 മണിയാകും. പക്ഷേ ഓഫീസ് ഈ സിറ്റിയിൽ തന്നെയാണ്. ഇടയ്ക്ക് അദ്ദേഹം വന്നാലെന്തുചെയ്യും. രണ്ടുദിവസം കഴിയുമ്പോൾ പ്രകാശ് അഹമ്മദാബാദ് പോകും. ഒരാഴ്ച അവിടെ ആയിരിക്കും. ആ സമയത്ത് വന്നാൽ മതി”
“സൂപ്പർ, ചേച്ചിക്ക് നല്ല മനസ്സുണ്ട്. ഞാൻ കരുതി ചേച്ചി കരഞ്ഞുവിളിക്കുമെന്ന്?”
“പക്ഷേ ഈ വീഡിയോ ആരെയും കാണിക്കരുത്. എന്‍റെ മൊബൈലിലേക്കും വരരുത്. ഞാൻ എന്‍റെ ഫോണിലെ വീഡിയോ ഡിലീറ്റ് ചെയ്യാൻ പോകുകയാണ്.” രമ്യ മനസ്സിൽ ഒരു കാര്യം ഉറപ്പിച്ചുകൊണ്ട് പറഞ്ഞു.
“ഒരെണ്ണം ഡിലീറ്റ് ചെയ്യുന്നതുപോലെ അഞ്ചും ഡിലീറ്റ് ചെയ്യാമല്ലോ. ഞാൻ കുറച്ചുകൂടി അയക്കാം. കണ്ടിട്ട് ഡിലീറ്റ് ചെയ്യൂ. എത്ര ഭംഗിയായിട്ടാണ് ആ കർമ്മം ചേച്ചി ചെയ്യുന്നത് എന്ന് കണ്ടു നോക്കൂ. ഈ വീഡിയോ എന്‍റെ ഉറക്കം കെടുത്തിയിരിക്കുന്നു. രണ്ടുദിവസം ഒന്നു കഴിഞ്ഞുകിട്ടിയാൽ മതി. ചേച്ചിയുടെ ഈ കലാപ്രകടനം ഞാൻ അറിഞ്ഞാൽ മതി. ലോകം കാണണ്ട അല്ലേ!” അയാൾ ഫോൺ വച്ചു.
ഫോൺ വച്ച് അഞ്ച് മിനിറ്റിനകം രമ്യയുടെ ഫോണിലേക്ക് ഒന്നു പിന്നാലെ ഒന്നായി കുറേ ക്ലിപ് വന്നു. ഓരോന്നും അവൾ സസൂക്ഷ്മം നിരീക്ഷിച്ചു. ആരോ ഒളിച്ചിരുന്ന് വീഡിയോ എടുത്തതുപോലെ.
വൈകിട്ട് പ്രകാശ് വീട്ടിലെത്തി. രമ്യയുടെ വിളറിയ മുഖം കണ്ട് അയാൾ സംശയിച്ചു.
“എന്തുപറ്റി നിനക്ക് സുഖമില്ലേ?”
“ഒട്ടും സുഖകരമല്ല കാര്യങ്ങൾ. വലിയൊരു പ്രശ്നമുണ്ട്. പകൽ മുഴുവൻ അതേക്കുറിച്ചാലോചിച്ച് എന്‍റെ തലയ്ക്ക് ഭാരമായി” രമ്യ അയാൾക്ക് മാറാൻ ഡ്രസ് എടുത്തുകൊടുത്തിട്ട് അടുത്തുവന്നു നിന്നു.
“നിന്നോട് ഞാൻ എത്രവട്ടം പറഞ്ഞതാണ്. നമ്മുടെ ചെറിയ തലയിൽ ഒരുപാട് ആലോചിച്ചു കൂട്ടണ്ട” വസ്ത്രം മാറിക്കൊണ്ട് പ്രകാശ് പറഞ്ഞു.
“ആദ്യം ഫ്രഷ് ആയി വരൂ, എന്നിട്ട് സംസാരിക്കാം.” രമ്യ പറഞ്ഞു.
പ്രകാശ് കളിച്ചു ഫ്രഷ് ആയി ചായയും സ്നാക്സും കഴിച്ചു. രമ്യ ചായക്കപ്പ് കയ്യിലെടുത്ത് ദു:ഖിതയായി ഇരുന്നു.
“ശരി, ഇനി പറ! എന്താണ് പ്രശ്നം. നിന്നെ ഇത്രയും വിഷമത്തിലാക്കുന്ന എന്തുകാര്യമാണ് ഉണ്ടായത്” പ്രകാശ് ഒട്ടും സീരിയസില്ലാതെ ആണ് ആ സാഹചര്യത്തെ കണ്ടത്. കാരണം രമ്യയുടെ രീതികൾ അയാൾക്ക് അറിയാമല്ലോ. ഉത്തരം പറയുന്നതിനു പകരമായി അവൾ മൊബൈൽ എടുത്ത് സ്ക്രീൻ അൺലോക്ക് ചെയ്ത് ആ വീഡിയോ ക്ലിപ്പ് അയാളെ കാണിച്ചു. ആ ക്ലിപ്പ് കണ്ട് അയാൾ സ്തംഭിച്ചുപോയി.
“ഇതെ…ന്താണ്?”
ഏതോ ഒരു ഖാദർ, അയാൾ എനിക്ക് ഇത് അയച്ചു തന്നിട്ട് വിളിച്ചിരിക്കുന്നു. സോഷ്യൽ മീഡിയയിൽ അപ്‍ലോഡ് ചെയ്യും എന്നാണ് ഭീഷണി. ഞാൻ വീഡിയോയിൽ നിങ്ങൾക്കൊപ്പം ചെയ്ത കാര്യങ്ങൾ അയാൾക്കും ചെയ്തുകൊടുത്താൽ വീഡിയോ അപ്‍ലോഡ് ചെയ്യില്ലാത്രേ. ഞാൻ അയാളോട് രണ്ടുദിവസം സാവകാശം ചോദിച്ചിട്ടുണ്ട്. രണ്ടുദിവസം കഴിയുമ്പോൾ നിങ്ങൾ അഹമ്മദാബാദ് പോകുമെന്നും ആ സമയം വരാനും ഞാൻ അയാളോട് പറഞ്ഞു.
പ്രകാശ് ആ വീഡിയോ ക്ലിപ്പുകൾ ശ്രദ്ധിച്ചു കാണാൻ തുടങ്ങി. ആരായിരിക്കും ഇത്രയും കൃത്യമായി ഈ വീഡിയോ പിടിച്ചത്. ആരെങ്കിലും മുറിയിൽ ഒളിച്ചിരുന്നിട്ടുണ്ടാകുമോ? ഇനി ഒളിക്യാമറ വച്ചു പിടിച്ചതായിരിക്കുമോ? അതിനും സാഹചര്യമില്ല. പുറത്തു നിന്നൊരാൾ ഫ്ളാറ്റിനകത്ത് വന്നതായി ഓർക്കുന്നില്ല. അപ്പാർട്ടുമെന്‍റിലെ സെക്യൂരിറ്റിയുടെ അനവാദമില്ലാതെ ഒരാൾക്കും അകത്തേക്ക് പ്രവേശനമില്ലാത്തതാണ്. ഫ്ളാറ്റിലെ ആളുകളല്ലാതെ മറ്റാരും ഇങ്ങോട്ട് വരാൻ ഇടയില്ല.
“നമുക്ക് പോലീസിൽ വിവരമറിയിക്കണം” പ്രകാശ് ആലോചനയോടെ ചുറ്റുംനോക്കി.
“അതിനുമുന്നേ കാര്യങ്ങളുടെ കിടപ്പ് സ്വയം മനസ്സിലാക്കാൻ പറ്റുമോ എന്നറിയണം”
രണ്ടുപേരും മാനസികമായി സമ്മർദ്ദത്തിലായിരുന്നു. ഭക്ഷണം കഴിച്ച് ടിവി കണ്ടുകൊണ്ടിരിക്കുമ്പോഴും മനം എങ്ങും ഉറയ്ക്കുന്നില്ല. രാത്രി 11 മണിക്ക് ഉറങ്ങാൻ കിടന്നുവെങ്കിലും ഉറക്കം അവരെ വിട്ടകന്നു. രണ്ടുപേർക്കും സെക്സിനോട് ഇന്ന് താൽപര്യം തോന്നിയതേയില്ല. പ്രകാശിന്‍റെ കരവലയത്തിനുള്ളിൽ കിടക്കവെ രമ്യയും ആലോചനയിൽ മുഴുകി. പ്രകാശിന്‍റെ കണ്ണുകൾ മേൽക്കൂരയിൽ പരതി നടന്നു. അപ്പോഴാണ് ജനാലക്ക് മുകളിൽ ഒരു വസ്തു ഉള്ള പോലെ തോന്നിയത്. അയാൾ പെട്ടെന്ന് എഴുന്നേറ്റ് ജനാലയ്ക്കരികേിലേക്ക് ഓടിച്ചെന്നു. സെൽഫി സ്റ്റിക് ഉപയോഗിച്ച് അടുത്ത ഫ്ളാറ്റിലെ ജനാലയിലൂടെ ആരോ മൊബൈലിൽ വീഡിയോ എടുക്കുന്നു.
പ്രകാശ് പെട്ടെന്ന് വാതിൽ തുറന്ന് ആ ഫ്ളാറ്റിലേക്ക് ചെന്ന് ഡോർബെൽ അടിച്ചു. പക്ഷേ മൊബൈലിൽ ചിത്രമെടുക്കുന്നയാൾ അത് കണ്ടിട്ടുണ്ടാവണം. കുറേനരേം ഡോർബെൽ അടിച്ചിട്ടും വാതിൽ തുറന്നില്ല. പ്രകാശ് തിരികെ വന്നു.
ഹൗസിംഗ് സൊസൈറ്റിയുടെ ഇന്‍റർകോമിൽ വിളിച്ച് ഭാരവാഹിയോട് ആ ഫ്ളാറ്റിൽ ആരാണ് താമസിക്കുന്നതെന്ന് അന്വേഷിച്ചു. ഖാദർ എന്ന ആരോ ആണ്. അയാൾ ഏതോ പ്രൈവറ്റ് കമ്പനിയിലാണ് ജോലി ചെയ്യുന്നത് എന്നും അറിയാൻ കഴിഞ്ഞു.
ഹൗസിംഗ് സൊസൈറ്റിയുടെ സെക്രട്ടറിയോട് പ്രകാശ് കാര്യങ്ങൾ തുറന്നുപറഞ്ഞു. ഖാദറിനെ വിളിക്കാൻ അയാളും ശ്രമിച്ചുവെങ്കിലും വാതിൽ തുറക്കുകയോ ഫോൺ എടുക്കുകയോ ചെയ്തില്ല. ആ വ്യക്‌തിയെ പുറത്തേക്ക് വിടരുതെന്ന് സെക്രട്ടറി സെക്യൂരിറ്റിയെ വിളിച്ച് ആവശ്യപ്പെട്ടു.
പിറ്റേന്ന് രാവിലെ പ്രകാശ് പോലീസ് സ്റ്റേഷനിൽ പരാതി കൊടുത്തു. പോലീസ് എത്തി അയാളെ അറസ്റ്റ് ചെയ്തു.
“വിഡിയോയെക്കുറിച്ച് നീ എന്നോട് പറഞ്ഞത് നന്നായി. ആ ബ്ലാക്ക് മെയിലിൽ പെട്ടുപോയിരുന്നുവെങ്കിൽ പ്രയാസപ്പെട്ടേനെ. അവനെത്ര പേരെ ഇങ്ങനെ പെടുത്തിക്കാണും. പ്രകാശ് രമ്യയെ കെട്ടിപ്പിടിച്ചുകൊണ്ട് കിടക്കയിലേക്ക് മറിയാൻ ഒരുങ്ങി.
രമ്യ അയാളുടെ കൈ ബലമായി വിടുവിച്ചു എന്നിട്ട് ജനാലയ്ക്ക് നേരെ കൈചൂണ്ടി.
“ആദ്യം ജനാല കുറ്റിയിടു. പിന്നെ വിളക്ക് കെടുത്തു. എന്നിട്ട് എന്‍റെ അടുത്ത് വാ… പ്രകാശ് ചിരിയോടെ എഴുന്നേറ്റ് ജനാലവിരി നേരയാക്കി. അവർ രണ്ടാളും ടെൻഷനില്ലാതെ അവരുടെ സ്വകാര്യ നിമിഷത്തിലേക്ക് പോയ്മറഞ്ഞു…
