ഗുലാബ് ജാമുൻ & കസ്റ്റാർഡ് ആപ്പിൾ ഡിലൈറ്റ്

ഗുലാബ് ജാമുൻ

സിറപ്പ് ഉണ്ടാക്കുന്നതിനുള്ള ചേരുവകൾ

1 കപ്പ് പഞ്ചസാര

1 കപ്പ് വെള്ളം

അൽപം ഏലയ്ക്കാപ്പൊടി

1 ടീസ്പൂൺ നാരങ്ങ നീര്

2 ടീസ്പൂൺ റോസ് വാട്ടർ

ഗുലാബ് ജാമുൻ ഉണ്ടാക്കാനുള്ള ചേരുവകൾ

1 കപ്പ് പാൽപ്പൊടി

4 ടീസ്പൂൺ മൈദ മാവ്

1 ടീസ്പൂൺ റവ

ഒരു നുള്ള് ബേക്കിംഗ് സോഡ

1 ടീസ്പൂൺ നെയ്യ്

1 ടീസ്പൂൺ തൈര്

4-5 ടീസ്പൂൺ പാൽ

മറ്റ് ചേരുവകൾ

വറുക്കാൻ നെയ്യോ എണ്ണയോ

അലങ്കരിക്കാനുള്ള ഡ്രൈഫ്രൂട്ടുകൾ

തയ്യാറാക്കുന്ന വിധം

ഒരു പാനിൽ പഞ്ചസാരയും വെള്ളവും കലർത്തി ചെറിയ തീയിൽ തിളപ്പിക്കുക. ഒരു നൂൽ പരുവം ഒട്ടിപ്പിടിക്കുന്നത് വരെ ഇളക്കുക. ശേഷം ഏലയ്ക്കാപ്പൊടി ചേർക്കുക. ഇനി ഇതിൽ ക്രിസ്റ്റൽ ഉണ്ടാകുന്നത് തടയാൻ നാരങ്ങാ നീര് ചേർത്ത് മൂടി മാറ്റി വയ്ക്കുക.

അതിനു ശേഷം ഗുലാബ് ജാമുൻ ഉണ്ടാക്കാൻ മൈദ, പാൽപ്പൊടി, റവ, ബേക്കിംഗ് സോഡ എന്നിവ ഒരു മിക്സിംഗ് ബൗളിൽ ഇട്ട് നന്നായി ഇളക്കുക. ശേഷം അതിൽ നെയ്യും തൈരും യോജിപ്പിച്ച് അതിൽ പാൽ ചേർത്ത് നന്നായി ഇളക്കി മൃദുവായ മാവ് തയ്യാറാക്കുക.

ഈ മാവ് കൊണ്ട് ചെറിയ ഉരുളകൾ ഉണ്ടാക്കി സ്വർണ്ണ നിറമാകുന്നത് വരെ വറുത്ത് ചൂടുള്ള സിറപ്പിൽ ഇട്ട് 40 മിനിറ്റ് മൂടി വെക്കുക. ശേഷം ഡ്രൈ ഫ്രൂട്ട്‌സ് കൊണ്ട് അലങ്കരിച്ച് വിളമ്പാം.

കസ്റ്റാർഡ് ആപ്പിൾ ഡിലൈറ്റ്

ചേരുവകൾ

കസ്റ്റാർഡ് ആപ്പിൾ പൾപ്പ് 1 കപ്പ്

ബ്രെഡ് കഷ്ണങ്ങൾ 2

ഫുൾ ക്രീം പാൽ 1/2 ലിറ്റർ

കണ്ടെൻസ്ഡ് മിൽക്ക് 1/4 ടിൻ

മിൽക്ക് പൗഡർ 1 ടീസ്പൂൺ

ചെറുതായി അരിഞ്ഞ പിസ്ത 1 ടീസ്പൂൺ

കുങ്കുമപ്പൂവ് 6- 7 എണ്ണം

വെണ്ണ 1 ടീസ്പൂൺ

തയ്യാറാക്കുന്ന വിധം

ബ്രെഡ് സ്ലൈസിന്‍റെ അരികുകൾ മുറിച്ച് 8 കഷണങ്ങളായി മുറിക്കുക. ചട്ടിയിൽ വെണ്ണ ഒഴിച്ച് ഈ കഷണങ്ങൾ വളരെ ചെറിയ തീയിൽ വറുത്തെടുക്കുക.

മറ്റൊരു പാനിൽ കുങ്കുമപ്പൂ ചേർത്ത പാൽ ചൂടാക്കി തിള വരുമ്പോൾ കണ്ടൻസ്ഡ് മിൽക്കും മിൽക്ക് പൗഡറും ചേർത്ത് നന്നായി ഇളക്കുക. ഗ്യാസ് ഓഫ് ചെയ്ത് കസ്റ്റാർഡ് ആപ്പിൾ പൾപ്പ് ചേർത്ത് ഇളക്കുക. ബ്രെഡ് കഷ്ണങ്ങൾ, ഡ്രൈ ഫ്രൂട്ട്‌സ് എന്നിവയ്‌ക്കൊപ്പം വിളമ്പുക.

കസ്റ്റാർഡ് ആപ്പിൾ ഹൽവ

ചേരുവകൾ:

പഴുത്ത കസ്റ്റാർഡ് ആപ്പിൾ 4

നല്ല റവ 1 കപ്പ്

ഫ്ലവർ ക്രീം പാൽ 3 കപ്പ്

പൊടിച്ച പഞ്ചസാര 1 ടീസ്പൂൺ

ഏലക്ക പൊടി 1/4 ടീസ്പൂൺ

നെയ്യ് 2 ടീസ്പൂൺ

നന്നായി ചതച്ച പരിപ്പ് 1/4 കപ്പ്

തയ്യാറാക്കുന്ന വിധം:

കസ്റ്റർഡ് ആപ്പിൾ കഴുകി കൈകൊണ്ട് നടുവിൽ നിന്ന് രണ്ട് ഭാഗങ്ങളായി മുറിക്കുക. ഒരു സ്പൂണിന്‍റെ സഹായത്തോടെ, ഒരു പാത്രത്തിലേക്ക് പൾപ്പ് എടുത്തു മാറ്റി വയ്ക്കുക. ഇത് ഒരു ബ്ലെൻഡർ ഉപയോഗിച്ച് ഇളക്കുക, വിത്തുകൾ വേർതിരിച്ച് എടുക്കുക. കുറച്ചു ഡ്രൈ ഫ്രൂട്ട്സ് ഒരു പാനിൽ ചെറിയ തീയിൽ വറുത്ത് ഒരു പ്ലേറ്റിൽ മാറ്റി വയ്ക്കുക. ഒരു പാനിൽ റവ ചെറുതായി വറുത്ത് അതിലേക്ക് പാൽ ചേർത്ത് നന്നായി ഇളക്കി പാചകം ചെയ്യുക. കട്ടിയാകുന്നത് വരെ തുടർച്ചയായി ഇളക്കി വേവിക്കുക. മിശ്രിതം കട്ടിയാകാൻ തുടങ്ങുമ്പോൾ, ഡ്രൈ ഫ്രൂട്ട്‌സ്, പഞ്ചസാര, ഏലയ്ക്കാപ്പൊടി, കസ്റ്റാർഡ് ആപ്പിൾ പൾപ്പ്, നെയ്യ് എന്നിവ ചേർത്ത് ചെറിയ തീയിൽ 2- 3 മിനിറ്റ് ഫ്രൈ ചെയ്ത് ഗ്യാസിൽ നിന്ന് മാറ്റുക. തണുത്ത ശേഷം സെർവ് ചെയ്യാം.