കണ്ണിന് വശ്യമായ സൗന്ദര്യം ലഭിക്കാൻ ഐ മേക്കപ്പ് പ്രധാന പങ്കു വഹിക്കുന്നുണ്ട്. മുഖം മേക്കപ്പ് ചെയ്യുന്നതിനൊപ്പം അഴകാർന്ന കണ്ണുകളും കൂടി ചേരുമ്പോഴാണ് മുഖ സൗന്ദര്യം പൂർണ്ണമാകുക. ഐ മേക്കപ്പിൽ നിരവധി പുതിയ ടെൻഡുകളാണ് ഇപ്പോൾ വന്നുകൊണ്ടിരിക്കുന്നത്. ഇഷ്ടവും സാഹചര്യവും അനുസരിച്ച് യോജിച്ച മേക്കപ്പ് തെരഞ്ഞെടുക്കാം. ഗ്ലാമറസ് ലുക്കോ അല്ലെങ്കിൽ നാച്ചുറൽ ലുക്കോ ഏതുമാകട്ടെ ഇഷ്ടപ്പെട്ട മേക്കപ്പ് തെരഞ്ഞെടുത്ത് വിശേഷ ദിവസത്തെ സവിശേഷമാക്കാം.
മോണോടോൺ ഐ മേക്കപ്പ്
എപ്പോഴും ട്രെൻഡിലുള്ള ഒന്നാണ് മോണോടോൺ ഐ മേക്കപ്പ്. കണ്ണുകളിൽ ഒരു നിറം മാത്രമേ ഉപയോഗിക്കുന്നുള്ളു എന്നതാണ് ഇതിന്‍റെ പ്രത്യേകത. പക്ഷേ വ്യത്യസ്ത ഷേഡു കൾ ഉപയോഗിച്ച് ഇത് ഡിഫൈൻ ചെയ്യാം. പിങ്ക്, റെഡ്, ന്യൂഡ് തുടങ്ങിയ ഷേഡുകൾ ഈ മേക്കപ്പിൽ ഏറെ ജനപ്രിയമായവയാണ്. ലളിതവും മനോഹരവുമാണ് ഈ ലുക്ക്. കൂടാതെ എല്ലാ സ്കിൻ ടോണിനും ഇത് നന്നായി യോജിക്കും.
ഗ്ലിറ്ററിംഗ് ഐഷാഡോ
അൽപം തിളക്കമില്ലാത്ത മേക്കപ്പ് ചില സാഹചര്യത്തിൽ അപൂർണ്ണമായി തോന്നാം. പ്രത്യേകിച്ച് വിവാഹാ വസരങ്ങളിൽ ഗ്ലിറ്റർ ഐഷാഡോ പോയവർഷം ഏറ്റവും ട്രെൻഡിയായ ഒന്നായിരുന്നു. തിളക്കമാർന്ന ലുക്കിന് ഈ മേക്കപ്പ് അനുയോജ്യമാണ്. പ്രത്യേകിച്ച് ഗോൾഡ്, സിൽവർ, റോസ് ഗോൾഡ് ഗ്ലിറ്റർ ഷേഡുകൾ വധുവിന്‍റെ വസ്ത്രങ്ങളുമായി നന്നായി യോജിക്കുന്നവായാണ്. കൺപോളകളുടെ മധ്യഭാഗത്ത് ഗ്ലിറ്ററിംഗ് ഐഷാഡോ ടച്ച് ചെയ്യുന്നതോടെ കണ്ണുകൾക്ക് അതിശയകരമായ ലുക്ക് ലഭിക്കും.
സ്മോക്കി ഐ മേക്കപ്പ്
സ്മോക്കി ഐസ് കാലാതീതമായ ഒരു ക്ലാസിക്ക് ഐ മേക്കപ്പ് ട്രെൻഡാണ്. എക്കാലവും നിലനിൽക്കുന്ന സറ്റൈലിംഗ് ആണിത്. കറുപ്പും ചാരനിറവും കൂടാതെ, ബ്രൗൺ, ബർഗണ്ടി എന്നീ ഷേഡുകൾ ഇപ്പോൾ ഉപയോഗിക്കുന്നുണ്ട്. കണ്ണുകളെ കൂടുതൽ സൗമ്യവും ആകർഷകവുമാക്കുന്ന ഒരു ട്രെൻഡി മേക്കപ്പാണ് സ്മോക്കി. നൈറ്റ് പാർട്ടിക്കോ നൈറ്റ് വെഡ്‌ഡിംഗ് റിസപ്ഷനോ സ്മോക്കി ഐ മേക്കപ്പ് ലുക്ക് മികച്ചതാണ്.
കളർഫുൾ ഐലൈനർ
ഇപ്പോൾ ഐലൈനറിലും കളർഫുൾ ട്രെൻഡ് ഉണ്ട്. പോയവർഷം ബ്രൈഡൽ മേക്കപ്പിൽ കറുപ്പിന് പകരം നീല, പച്ച, പർപ്പിൾ, ഗോൾഡ് തുടങ്ങിയ വർണ്ണങ്ങളിലുള്ള ഐലൈനറുകൾക്കായിരുന്നു മുൻതൂക്കം. ഈ നിറങ്ങൾ കണ്ണുകൾക്ക് ആകർഷണീയത പകരുന്നതിനൊപ്പം മോഡേൺ ടച്ച് നൽകുകയും ചെയ്യും.
ഗ്രാഫിക് ഐ മേക്കപ്പ്
ഗ്രാഫിക് ഐ മേക്കപ്പാണ് പോയ വർഷത്തെ ഏറ്റവും ബോൾഡും അതുല്യവുമായ ട്രെൻഡ്. വ്യത്യസ്ത ആകൃതികളും ലൈനിംഗ് ശൈലികളും ഉപയോഗിച്ചുള്ള മേക്കപ്പ് ട്രെൻഡ് ആണിത്. മേക്കപ്പിൽ വ്യത്യസ്‌തവും ക്രിയാത്മകവുമായ എന്തെങ്കിലും വേണമെന്ന് ആഗ്രഹിക്കുന്നവർക്ക് ഈ മേക്കപ്പ് മികച്ചൊരു ചോയ്സാണ്. വിംഗ്ഡ്, ഡബിൾ ഐലൈനർ എന്നിവയാണ് ഇതിന്‍റെ പ്രധാന ഫീച്ചറുകൾ.
കട്ട് ക്രീസ് ഐ മേക്കപ്പ്
കട്ട് ക്രീസ് മേക്കപ്പ് ടെക്നിക്കിൽ കണ്ണുകളുടെ ക്രീസ് വ്യത്യസ്ത ഷേഡുകൾ ഉപയോഗിച്ച് നിർവചിക്കുന്നു. അതിനാൽ കണ്ണുകൾ വലുതായി കാണപ്പെടും. കണ്ണുകൾക്ക് ഡ്രമാറ്റിക്കും ആകർഷണീയവുമായ ലുക്ക് ലഭിക്കും. കൂടാതെ ഗ്ലിറ്ററിംഗ് അല്ലെങ്കിൽ മെറ്റാലിക് ഷേഡുകൾ ഉപയോഗിച്ച് ഇത് കൂടുതൽ മെച്ചപ്പെടുത്താം.
മെറ്റാലിക് ഐഷാഡോ
മുമ്പ് തൊട്ടേ ഏറെ ട്രെൻഡിയായുള്ള ഒന്നാണ് മെറ്റാലിക് ഐഷാ ഡോ, ഗോൾഡ്, സിൽവർ, ബ്രാസ് തുടങ്ങിയ മെറ്റാലിക് ഷേഡുകൾ കണ്ണുകൾക്ക് തിളക്കവും എടുപ്പും നൽകും. ഡേ ആൻഡ് നൈറ്റ് ആഘോഷങ്ങൾക്കും എല്ലാത്തരം വിവാഹ വസ്ത്രങ്ങൾക്കും അനുയോജ്യമാണ് ഈ മേക്കപ്പ്.
നാച്ചുറൽ ഐ മേക്കപ്പ്
സൂക്ഷ്‌മവും മനോഹരവുമായ രൂപം ആഗ്രഹിക്കുന്നവർക്ക് നാച്ചുറൽ ഐ മേക്കപ്പ് അനുയോജ്യമാണ്. ന്യൂഡ്, സോഫ്റ്റ് പിങ്ക് തുടങ്ങിയ ഷേഡുകൾ ഇതിൽ ഉപയോഗിക്കാം. ഇത് കണ്ണുകൾക്ക് സ്വാഭാവിക തിളക്കം പകരും. കൂടാതെ ഇതിനൊപ്പം ലൈറ്റ് മസ്ക്കാരയും ലൈറ്റ് കാജലും ഉപയോഗിച്ച് മേക്കപ്പിന് ചെറുതായി പൊലിമയും പകരാം.
ഫെതർ ലാഷസ്
കണ്ണുകൾ വിശാലവും ആകർഷകവുമാക്കാൻ ഫെതർ ലാഷസ് ട്രെൻഡും ഇപ്പോൾ പ്രചാരത്തിലുണ്ട്. ഫെതർ ലാഷസ് കൺപീലികളെ കട്ടിയുള്ളതും നീളമുള്ളതുമാക്കും. കൂടാതെ സോഫ്റ്റ് ഫെമിനിൻ പരിവേഷവും ലഭിക്കും. നാച്ചുറൽ ഐഷാഡോ, ലൈറ്റ് ഐലൈനർ എന്നിവയുപയോഗിച്ച് ഇത് പെയർ ചെയ്യാം.
ഐ മേക്കപ്പിൽ സ്‌റ്റോണുകളും മുത്തുകളും
ഐ മേക്കപ്പിൽ സ്‌റ്റോണുകളും മുത്തുകളും ഉപയോഗിക്കുന്നത് പുതിയൊരു ട്രെൻഡ് ആണിപ്പോൾ. പെൺകുട്ടികൾക്കിടയിൽ ഏറെ പോപ്പുലറായ ട്രെൻഡാണിത്. ഈ മേക്കപ്പ് കണ്ണുകൾക്ക് രാജകീയവും അതുല്യവുമായ പ്രൗ ഢി പകരും. കൺപോളകളുടെയോ അല്ലെങ്കിൽ ഐലൈനിന്‍റെ സമീപത്തായോ ചെറിയ സ്‌റ്റോണുകളോ മുത്തുകളോ അറ്റാച്ച് ചെയ്‌താണ് ഈ മേക്കപ്പിന് അഴക് പകരുക.
