ഗ്ലോബൽ താരം പ്രിയങ്ക ചോപ്ര സോഷ്യൽ മീഡിയയിൽ സജീവമാണ്. പ്രിയങ്ക ചോപ്ര പലപ്പോഴും സോഷ്യൽ മീഡിയയിൽ ചിത്രങ്ങൾ പങ്കുവെക്കാറുണ്ട്. പ്രിയങ്കയുടെ ഫോട്ടോ സോഷ്യൽ മീഡിയയിൽ എപ്പോഴും വൈറലാണ്. എന്നാൽ സോഷ്യൽ മീഡിയയിൽ പ്രിയങ്കയുടെ വൈറലായ പുതിയ ചിത്രം മകൾ മാൾട്ടി മേരിക്കൊപ്പമുള്ളതാണ്.
ബോളിവുഡിൽ നിന്ന് ഹോളിവുഡിലേക്ക് തന്‍റേതായ വ്യക്തിമുദ്ര പതിപ്പിച്ച പ്രിയങ്ക ചോപ്രയുടെ സിറ്റാഡൽ എന്ന വെബ് സീരീസ് ഈ ദിവസങ്ങളിൽ വലിയ ചർച്ചയിലാണ്. അതേസമയം പ്രിയങ്ക ചോപ്രയുടെ പുതിയ ചിത്രം സോഷ്യൽ മീഡിയയിൽ വൈറലായിരിക്കുകയാണ്. വൈറലായ ചിത്രത്തിൽ പ്രിയങ്ക ചോപ്ര മകൾക്കൊപ്പമാണ്. പ്രിയങ്ക ചോപ്രയുടെയും മകൾ മാൾട്ടി മേരിയുടെയും ഈ ചിത്രത്തിന് വലിയ സ്വീകരണം ആണ് ലഭിച്ചത്. ഈ ചിത്രത്തിൽ പ്രിയങ്ക മകൾ മാൾട്ടി മേരിയെ തോളിൽ ഇരുത്തിയിരിക്കുകയാണ്.
ഇൻസ്റ്റാഗ്രാമിൽ ഈ പോസ്റ്റ് കാണുക.
View this post on Instagram
നടി പ്രിയങ്ക ചോപ്രയുടെയും മാൾതി മേരിയുടെയും ഈ മനോഹരമായ ചിത്രം നിരവധി ആരാധകർ ഷെയർ ചെയ്തു.
നിക്ക് ജോനാസും പ്രിയങ്കയും 2018-ൽ വിവാഹിതരായി, 2022 ജനുവരി 15-ന് അവർക്ക് മകൾ പിറന്നു. പ്രിയങ്കയുടെ അമ്മയുടെ പേരായ മാൽതി (മാൾട്ടി )ജോനാസിന്‍റെ അമ്മയുടെ പേര് മേരി എന്നിവ കൂട്ടിച്ചേർത്താണ് പ്രിയങ്ക തന്‍റെ മകൾക്ക് നാമകരണം നടത്തിയത്.
2017ഫെബ്രുവരി 26 ന് ഒരു ഓസ്കാർ ആഫ്റ്റർ പാർട്ടിയിൽ വെച്ചാണ് ജോനാസും പ്രിയങ്കയും കണ്ടുമുട്ടിയത്. അവിടെ വെച്ച് നിക്ക് ജോനാസ് ‘ഒരു കൂട്ടം ആളുകളുടെ മുന്നിൽ’ മുട്ടുകുത്തി ചോപ്രയോട് “നിങ്ങൾ ഇത്രനാൾ എവിടെയായിരുന്നു?” എന്ന് ചോദിച്ചു കൊണ്ട് തന്‍റെ പ്രണയം വെളിപ്പെടുത്തുകയായിരുന്നു
2015-ൽ എബിസി സ്റ്റുഡിയോസ് അമേരിക്കൻ നാടക പരമ്പരയായ ക്വാണ്ടിക്കോയിൽ പങ്ക് ചേർന്നാണ് ഹോളിവുഡിൽ പ്രിയങ്ക വലിയ സ്വാധീനം നേടിയത്. ഇത് ആഗോള അംഗീകാരം നേടാൻ അവരെ സഹായിച്ചു.
ബോളിവുഡ് സെലിബ്രിറ്റികളിൽ ഏറ്റവും കൂടുതൽ ഫോളോവേഴ്‌സ് ഉള്ള നടിമാരുടെ പട്ടികയിൽ പ്രിയങ്ക ചോപ്രയാണ് ഒന്നാമത്.
ഇന്ത്യയിൽ ഏറ്റവും വലിയ സിനിമ താരങ്ങളിൽ ഒരാളായി മാറിയ ശേഷം ഹോളിവുഡിൽ തന്‍റേതായ ഇടം സൃഷ്ടിച്ച പ്രിയങ്കയെ പോലെ മറ്റൊരു താരവും ഇല്ല. അഭിനയരംഗത്ത് മാത്രമല്ല നിർമ്മാണ രംഗത്തും ബിസിനസ് സംരഭങ്ങളിലും താരം സജീവമാണ്. കൂടാതെ എഴുത്തിലും പരീക്ഷണം നടത്തി, കഴിഞ്ഞ വർഷം പ്രിയങ്ക തന്‍റെ ഓർമ്മക്കുറിപ്പ് അൺഫിനിഷ്ഡ് (ന്യൂയോർക്ക് ടൈംസിന്‍റെ ബെസ്റ്റ് സെല്ലർ) പ്രസിദ്ധീകരിച്ചു.
അനോമലയ് എന്ന കേശസംരക്ഷണ സ്‌ഥാപനം തുടങ്ങി. കോവിഡ് സമയത്ത് ഇന്ത്യയെ സഹായിക്കാനായി ദശലക്ഷകണക്കിന് ഡോളറാണ് സമാഹരിച്ചത്. ന്യൂയോർക്കിൽ ഒരു ഇന്ത്യൻ റസ്റ്റോറന്‍റ് തുറന്നു. മാട്രിക്സ് സീരിസിൽ അഭിനയിച്ചു… അങ്ങനെ പ്രിയങ്ക കരിയറിലും വ്യക്‌തി ജീവിതത്തിലും പുതിയ പുതിയ ദൗത്യങ്ങൾ ഏറ്റെടുക്കുകയാണ്. ആമസോണിന്‍റെ റെസ്പ് സീരിസ് സിറ്റാഡിലും പ്രിയങ്ക പ്രധാന വേഷം ചെയ്യുന്നുണ്ട്. ഹോളിവുഡിന്‍റെ ചുവരുകൾക്കുള്ളിൽ നിന്ന് വേലിക്കെട്ടുകൾ തകർത്തെറിഞ്ഞ് തനിക്കായി ഒരിടം തീർത്ത ഈ ഇന്ത്യൻ നടി ഒരു വിസ്മയം തന്നെയാണ്.
അവരുടെ മാതാപിതാക്കൾ ആർമി ഡോക്ടർമാരായിരുന്നു. കൗമാരപ്രായമെത്തിയതോടെ അമ്മായിയോടൊപ്പം താമസിക്കാൻ പ്രിയങ്ക യുഎസിലേക്ക് പോയി. മൂന്ന് വർഷത്തിനുശേഷം മടങ്ങിയെത്തിയ പ്രിയങ്ക ബറേലിയിലെ ആർമി പബ്ലിക് ഹൈസ്ക്കൂളിൽ സ്ക്കൂൾ വിദ്യാഭ്യാസം പൂർത്തിയാക്കി. പിന്നീട് അവരുടെ ജീവിതത്തിൽ നേട്ടങ്ങളുടെ പെരുമഴയായിരുന്നു. 2000ൽ മിസ് വേൾഡ് പട്ടം. സിനിമയിൽ കരിയർ ആരംഭിച്ച് 10 വർഷത്തിനുള്ളിൽ അവർ ബോളിവുഡിലെ ഹിറ്റ് സിനിമകളിലെ മിന്നും താരമായി മാറി.
